កិច្ចការ ២

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កិច្ចការ ២

« បានពេញដោយព្រះវិញ្ញាណបរិសុទ្ធ »

មនុស្សមួយក្រុមធំកំពុងទទួលបុណ្យជ្រមុជទឹកក្នុងទន្លេនៅថ្ងៃបុណ្យទីហាសិប ។

មុនពេលទ្រង់សុគត ព្រះយេស៊ូវបានមានព្រះបន្ទូលប្រាប់ពួកសាវកទ្រង់ថា បន្ទាប់ពីទ្រង់យាងទៅហើយ នោះព្រះវរបិតានឹងចាត់ « ព្រះដ៏ជាជំនួយ ដែលជាព្រះវិញ្ញាណបរិសុទ្ធ » មក ( យ៉ូហាន ១៤:២៦ ) ។ ដូចដែលបានសន្យា ព្រះវិញ្ញាណបរិសុទ្ធបានយាងមកឯពួកសាវកដប់ពីរនាក់ដោយអព្ភូតហេតុនៅថ្ងៃបុណ្យថ្ងៃទីហាសិប ។ មេរៀននេះមានគោលបំណងជួយអ្នកឲ្យយល់កាន់តែស៊ីជម្រៅអំពីរបៀបដែលព្រះវិញ្ញាណបរិសុទ្ធអាចប្រទានពរដល់អ្នក និងជួយអ្នកឲ្យរៀនពីរបៀបអញ្ជើញពរជ័យទាំងនោះទៅក្នុងជីវិតរបស់អ្នក ។

ការពង្រីកសមត្ថភាពរបស់យើង

សូមកំណត់ថាតើអ្នកយល់ស្របនឹងសេចក្តីថ្លែងការណ៍ខាងក្រោមនេះប៉ុនណាតាមរង្វាស់ពីមួយទៅប្រាំពីរ ហើយកត់ត្រាចម្លើយរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ៖ ខ្ញុំជឿជាក់ថាខ្ញុំអាចដឹងបាន នៅពេលខ្ញុំមានអារម្មណ៍ថាមានព្រះវិញ្ញាណបរិសុទ្ធគង់នៅក្នុងជីវិតរបស់ខ្ញុំ ។

ដ្យាក្រាមដែលមានពាក្យ មិនយល់ស្របយ៉ាងខ្លាំង និងយល់ស្របយ៉ាងខ្លាំង ។

តើអ្នកមានសំណួរអ្វីខ្លះអំពីព្រះវិញ្ញាណបរិសុទ្ធ ?

នៅក្នុងសៀវភៅកំណត់ហេតុការសិក្សារបស់អ្នក សូមសរសេរចំណងជើង « វិធីដែលព្រះវិញ្ញាណបរិសុទ្ធអាចជួយខ្ញុំ » ។ សូមត្រៀមខ្លួនដើម្បីបន្ថែមចំណុចផ្សេងៗទៅក្នុងបញ្ជីពេញមួយមេរៀន ។

នៅពេលអ្នកសិក្សាថ្ងៃនេះ អ្នកនឹងឃើញឧទាហរណ៍អំពីរបៀបដែលព្រះវិញ្ញាណបរិសុទ្ធដំណើរការក្នុងជីវិតរបស់មនុស្ស ។ សូមគិតអំពីអ្វីដែលអ្នកអាចរៀនពីគំរូទាំងនេះអំពីរបៀបដែលព្រះវិញ្ញាណបរិសុទ្ធអាចដំណើរការក្នុងជីវិតរបស់អ្នក ។ សេចក្តីពិតមួយដែលឧទាហរណ៍ទាំងនេះសង្កត់ធ្ងន់គឺថា តាមរយៈព្រះវិញ្ញាណបរិសុទ្ធ ព្រះវរបិតាសួគ៌ជួយយើងឲ្យមករកព្រះយេស៊ូវគ្រីស្ទ ។

ព្រះវិញ្ញាណបរិសុទ្ធត្រូវបានចាក់ស្រោចនៅក្នុងថ្ងៃបុណ្យទីហាសិប

មុនពេលទ្រង់សុគត ព្រះយេស៊ូវបានបង្រៀនសិស្សទ្រង់ថា ព្រះវរបិតាសួគ៌នឹងបញ្ជូនព្រះវិញ្ញាណបរិសុទ្ធមកពួកគេ បន្ទាប់ពីព្រះយេស៊ូវបានយាងចេញពីផែនដីទៅ ។ លោកបានថ្លែងទីបន្ទាល់ថា ព្រះវិញ្ញាណបរិសុទ្ធនឹងផ្ដល់ការសម្រាលទុក្ខ ផ្ដល់ការដឹកនាំ និងថ្លែងទីបន្ទាល់អំពីទ្រង់ ( សូមមើល យ៉ូហាន ១៤:១៦, ២៦; ១៥:២៦ ) ។

ថ្ងៃបុណ្យទីហាសិប គឺជាថ្ងៃឈប់សម្រាករបស់សាសន៍យូដាដែលកើតឡើង ៥០ ថ្ងៃបន្ទាប់ពីបុណ្យរំលង ។ សាសន៍យូដាមកពីប្រទេសដែលព័ទ្ធជុំវិញ នឹងធ្វើដំណើរទៅក្រុងយេរូសាឡិមសម្រាប់ថ្ងៃបុណ្យឈប់សម្រាកនេះ ដែលបានប្រារព្ធពិធីប្រមូលផលដំបូងនៃរដូវកាលនោះ ( សូមមើល សេចក្ដីណែនាំដល់បទគម្ពីរទាំងឡាយ « ថ្ងៃបុណ្យទី ៥០ » ដែលមាននៅលើគេហំទព័រ scriptures.ChurchofJesusChrist.org ) ។ សូមអាន កិច្ចការ ២:១–៨ ដោយរកមើលរបៀបដែលការសន្យារបស់ព្រះអង្គសង្គ្រោះអំពីពួកសាវកដែលទទួលព្រះវិញ្ញាណបរិសុទ្ធត្រូវបានសម្រេចនៅថ្ងៃនេះ ។ ( សូមកំណត់ចំណាំថា « ក៏មានអណ្តាត ដូចជាអណ្តាតភ្លើង » នៅក្នុង ខទី ៣ សំដៅទៅលើការបើកសម្ដែងដែលមើលឃើញវត្តមានរបស់ព្រះវិញ្ញាណ ) ។

នៅក្នុង ខទី ៤–៨ ពួកសាវកកំពុងដកពិសោធន៍អំណោយទាននៃភាសា « ជាអំណោយទាននៃព្រះវិញ្ញាណបរិសុទ្ធ ដែលអនុញ្ញាតឲ្យបុគ្គលដែលបំផុសគំនិតឲ្យនិយាយ យល់ ឬបកប្រែភាសាដែលមិនចេះ » ( សេចក្តីណែនាំដល់បទគម្ពីរទាំងឡាយ « អំណាយទានខាងភាសា » ដែលមាននៅលើគេហទំព័រ scriptures.ChurchofJesusChrist.org ) ។

តើព្រះវិញ្ញាណបរិសុទ្ធបានប្រទានពរដល់សិស្ស និងអ្នកដែលស្តាប់ពួកគេដោយរបៀបណា ?
តើអ្នកគិតថា អំណោយទានខាងភាសាបានពង្រឹងសមត្ថភាពរបស់សាវកក្នុងការជួយអ្នកដទៃឲ្យមករកព្រះគ្រីស្ទយ៉ាងដូចម្ដេច ?
តើនៅសព្វថ្ងៃនេះយើងអាចដកពិសោធន៍អំណោយនេះដោយរបៀបណា ?

សូមពិចារណាបន្ថែមការយល់ដឹងពីខគម្ពីរដែលអ្នកបានសិក្សារហូតមកដល់ពេលនេះទៅក្នុងបញ្ជីដែលអ្នកបានបង្កើតក្នុងសៀវភៅកំណត់ហេតុការសិក្សារបស់អ្នក ។

ពេត្រុសធ្វើទីបន្ទាល់អំពីព្រះយេស៊ូវគ្រីស្ទ

យើងអាចឃើញវិធីមួយទៀតដែលព្រះវិញ្ញាណបរិសុទ្ធអាចជួយយើងដោយមើលទៅភាពក្លាហានដែលពេត្រុសបានបង្រៀន និងថ្លែងទីបន្ទាល់ ។

ដោយចងចាំថា ព្រឹត្តិការណ៍ដែលបានពិពណ៌នានៅក្នុង កិច្ចការ ២ បានកើតឡើងមិនយូរប៉ុន្មានបន្ទាប់ពីគេឆ្កាងព្រះយេស៊ូវ សូមអាន កិច្ចការ ២:២២–២៤, ៣២–៣៣, ៣៦ ហើយរកមើលរបៀបដែលព្រះវិញ្ញាណបរិសុទ្ធបានជួយពេត្រុសក្នុងកាលៈទេសៈនេះដើម្បីផ្សព្វផ្សាយដោយភាពក្លាហាន និងមោះមុតអំពីព្រះយេស៊ូគ្រីស្ទ ។ ( សូមមើល កិច្ចការ ៣:១២–២០ ផងដែរ ) ។

តើអ្នកបានឃើញអ្វីខ្លះ ?
តើអ្នករៀនបានអ្វីខ្លះមកពីដំណើររឿងនេះអំពីរបៀបដែលព្រះវិញ្ញាណបរិសុទ្ធអាចជួយអ្នក ? ( សូមមើលផងដែរ កិច្ចការ ១:៨; ៤:៣១ ) ។

សូមបន្ថែមគំនិតរបស់អ្នកទៅក្នុងបញ្ជីរបស់អ្នកនៅក្នុងសៀវភៅកំណត់ហេតុការសិក្សារបស់អ្នក ។

ឥទ្ធិពលនៃការបង្រៀនរបស់ពេត្រុសទៅលើអ្នកដទៃ

ព្រះវិញ្ញាណបរិសុទ្ធមានឥទ្ធិពលលើអ្នកដែលបានឮការបង្រៀនរបស់ពេត្រុសអំពីព្រះយេស៊ូវគ្រីស្ទ ។ សូមអាន កិច្ចការ ២:៣៧–៣៨, ៤១ ដោយរកមើលពីរបៀបដែលព្រះវិញ្ញាណបរិសុទ្ធបានជួយមនុស្សទាំងនេះ ។ ពាក្យ សេចក្ដីចាក់ចុច ចេញពី ខទី ៣៧ មានន័យថាធ្វើឲ្យកើតទុក្ខ ឬមានវិប្បដិសារី ហើយផ្ដល់យោបល់ថាមនុស្សគួរតែមានចិត្តចង់ផ្លាស់ប្ដូរ ។

តើអ្វីដែលអ្នកចាប់អារម្មណ៍នៅក្នុងខគម្ពីរទាំងនេះ ?
តើ « សេចក្ដីចាក់ចុចក្នុងចិត្ត » ជួយមនុស្សទាំងនេះឲ្យចូលមកកាន់តែជិតព្រះយេស៊ូវគ្រីស្ទយ៉ាងដូចម្ដេច ? ( ខទី ៣៧ ) ។

សូមប្រៀបធៀបអ្វីដែលបានកើតឡើងចំពោះមនុស្សដែលពេត្រុសបានបង្រៀន ជាមួយនឹងការសន្យាដែលព្រះបានធ្វើចំពោះអ្នកបម្រើរបស់ទ្រង់នៅក្នុង គោលលទ្ធិ និង សេចក្ដីសញ្ញា ១០០:៥–៨ ។

តើមានគំរូអ្វីខ្លះនៃការផ្លាស់ប្ដូរដែលព្រះវិញ្ញាណបរិសុទ្ធអាចបំផុសគំនិតយើងឲ្យធ្វើ ដែលនឹងជួយយើងឲ្យចូលទៅកាន់តែជិតព្រះយេស៊ូវគ្រីស្ទ ?

សូមពិចារណាបន្ថែមការយល់ឃើញរបស់អ្នកមកពី កិច្ចការ ២:៣៧–៣៨, ៤១ ទៅក្នុងបញ្ជីនៅក្នុងសៀវភៅកំណត់ហេតុការសិក្សារបស់អ្នក ។

ការពិចារណាពីអ្វីដែលអ្នកបានសិក្សា

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ជម្រើស ៖ តើចង់រៀនសូត្របន្ថែមទៀតដែរឬទេ ?

តើព្រះវិញ្ញាណបរិសុទ្ធបានជួយយើងឲ្យខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទដោយរបៀបណា ?

ប្រធាន ដាល្លិន អេក អូក ក្នុងគណៈប្រធានទីមួយបានបង្រៀន ៖

បេសកកម្មរបស់ព្រះវិញ្ញាណបរិសុទ្ធគឺដើម្បីថ្លែងទីបន្ទាល់អំពីព្រះវរបិតា និងព្រះរាជបុត្រា ( សូមមើល យ៉ូហាន ១៥:២៦; នីហ្វៃទី២ ៣១:១៨; នីហ្វៃទី៣ ២៨:១១ ) ដើម្បីដឹកនាំយើងទៅកាន់សេចក្ដីពិត ( សូមមើល យ៉ូហាន ១៤:២៦; ១៦:១៣ ) និងដើម្បីបង្ហាញយើងនូវអ្វីៗដែលយើងគួរតែធ្វើ ( សូមមើល នីហ្វៃទី២ ៣២:៥ ) ។ ទំនាក់ទំនងផ្ទាល់ខ្លួនជាមួយព្រះវរបិតាសួគ៌របស់យើងតាមរយៈព្រះវិញ្ញាណបរិសុទ្ធរបស់ទ្រង់នេះ គឺជាប្រភពនៃទីបន្ទាល់អំពីសេចក្តីពិត ចំណេះដឹងរបស់យើង និងជាប្រភពនៃការណែនាំផ្ទាល់ខ្លួនរបស់យើងពីព្រះវរបិតាសួគ៌ជាទីស្រឡាញ់ ។ វាជាលក្ខណៈសំខាន់មួយនៃផែនការនៃដំណឹងល្អដ៏អស្ចារ្យរបស់ទ្រង់ ដែលអនុញ្ញាតឲ្យបុត្រាបុត្រីរបស់ទ្រង់ម្នាក់ៗទទួលបានសាក្សីផ្ទាល់ខ្លួនអំពីសេចក្ដីពិតរបស់ទ្រង់ ។

( ដាល្លិន អេក អូក « Two Lines of Communication » Liahona ខែ វិច្ឆិកា ឆ្នាំ ២០១០ ទំព័រ ៨៣ )

ប្រធាន អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់បានថ្លែងទីបន្ទាល់ ៖

នៅពេលបុគ្គលម្នាក់ៗ … ទទួលអារម្មណ៍ពីព្រះវិញ្ញាណថាកំពុងធ្វើការជាមួយពួកគេ ឬនៅពេលពួកគេមើលឃើញភស្ដុតាងនៃក្ដីស្រឡាញ់ និងក្ដីមេត្តារបស់ព្រះអម្ចាស់នៅក្នុងជីវិតរបស់ពួកគេ នោះពួកគេបានស្អាង និងពង្រឹងខាងវិញ្ញាណ ហើយសេចក្ដីជំនឿរបស់ពួកគេទៅលើទ្រង់នឹងចម្រើនឡើង ។

( អិម រ័សុល បាឡឺដ « Now Is the Time » Ensign ខែ វិច្ឆិកា ឆ្នាំ ២០០០ ទំព័រ ៧៥ )

តើព្រះវិញ្ញាណបរិសុទ្ធនាំឲ្យយើងទទួលអារម្មណ៍យ៉ាងណា ហើយតើអ្នកអាចយាងអញ្ជើញព្រះវិញ្ញាណបរិសុទ្ធដោយរបៀបណា ?

វីដេអូ « Feeling the Holy Ghost » ( ៣:១៧ ) ផ្ដល់ឧទាហរណ៍អំពីវិធីដែលមនុស្សទទួលអារម្មណ៍ពីព្រះវិញ្ញាណបរិសុទ្ធ ។ វីដេអូនេះមាននៅ ChurchofJesusChrist.org

Feeling the Holy Ghost
Feelings of the Holy Spirit can be likened to hope, joy and peace in your heart and mind.

វីដេអូ « Having the Holy Ghost » ( ២:៥៦ ) ដែលមាននៅលើគេហទំព័រ ChurchofJesusChrist.org ផ្ដល់ឧទាហរណ៍ពីរបៀបយាងអញ្ជើញព្រះវិញ្ញាណបរិសុទ្ធ ។