កិច្ចការ ៤

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កិច្ចការ ៤–៥

ការស្តាប់បង្គាប់ព្រះជាងស្តាប់បង្គាប់មនុស្ស

ពេត្រុស និងយ៉ូហានត្រូវបានគេចាប់ខ្លួន ហើយត្រូវជាប់ឃុំឃាំងដោយព្រោះការប្រោសឲ្យជា និងការធ្វើទីបន្ទាល់នៅក្នុងព្រះនាមនៃព្រះយេស៊ូវគ្រីស្ទ ។ ក្រោយមកគេបានដោះលែងពួកលោក ហើយបានណែនាំកុំឲ្យនិយាយ ឬបង្រៀនក្នុងព្រះនាមទ្រង់ទៀត ។ ប៉ុន្តែពេត្រុស និងយ៉ូហានបានបន្តថ្លែងទីបន្ទាល់អំពីព្រះយេស៊ូវគ្រីស្ទ ហើយពួកលោកត្រូវបានគេចាប់ដាក់គុកម្តងទៀត ។ ទេវតាមួយអង្គបានរំដោះពួកលោកពីគុក ហើយប្រាប់ពួកលោកឲ្យត្រឡប់មកវិញ ហើយបន្តការបង្រៀនអំពីព្រះគ្រីស្ទ ដូចដែលពួកលោកធ្លាប់បានធ្វើ ។ មេដឹកនាំសាសន៍យូដាបានចាប់ពួកលោកម្ដងទៀត ហើយវាយដំពួកលោក ។ មេដឹកនាំទាំងនោះបានបញ្ជាពួកគេឲ្យឈប់ផ្សព្វផ្សាយអំពីព្រះគ្រីស្ទ ប៉ុន្តែពេត្រុស និងយ៉ូហានបានឆ្លើយថា ពួកគេគួរតែស្តាប់បង្គាប់ព្រះ ជាជាងស្តាប់បង្គាប់មនុស្ស ។ ពេត្រុស និងយ៉ូហានបានអរសប្បាយ ដែលពួកលោកអាចរងការបៀតបៀនដោយសារព្រះយេស៊ូវគ្រីស្ទ ។ ពេលអ្នកសិក្សាថ្ងៃនេះ សូមគិតអំពីរបៀបដែលអ្នកអាចបង្កើនបំណងប្រាថ្នាក្នុងការស្តាប់បង្គាប់ព្រះជាជាងអ្នកផ្សេងទៀត ។

ឈរការពារអ្វីដែលត្រឹមត្រូវ

តើមានស្ថានភាពអ្វីខ្លះ ដែលវាអាចជាបញ្ហាប្រឈមសម្រាប់អ្នក ឬអ្នកដទៃទៀតក្នុងការស្តាប់បង្គាប់ព្រះដោយសារតែសម្ពាធពីអ្នកដទៃនោះ ?
តើអ្វីដែលធ្វើឲ្យស្ថានភាពទាំងនេះពិបាក ?

ប្រធាន ថូម៉ាស អេស ម៉នសុន ( ឆ្នាំ ១៩២៧–ឆ្នាំ ២០១៨ ) បានថ្លែង ៖

ក្នុងជីវិតរស់នៅប្រចាំថ្ងៃរបស់យើង យើងជៀសមិនផុតពីការជួបនឹងឧបសគ្គចំពោះសេចក្តីជំនឿរបស់យើងទេ ។ ពេលខ្លះយើងឃើញថាខ្លួនឯងត្រូវហ៊ុមព័ទ្ធដោយមនុស្សជាច្រើន ប៉ុន្តែត្រូវឈរនៅក្នុងចំណោមមនុស្សមួយចំនួនតូច ឬឈរម្នាក់ឯងដោយបារម្ភពីអ្វីដែលអាចទទួលយកបាន និងអ្វីដែលមិនអាចទទួលបាន ។ តើយើងមានក្រមសីលធម៌គ្រប់គ្រាន់ដើម្បីឈរយ៉ាងរឹងមាំចំពោះសេចក្តីជំនឿរបស់យើង ទោះជាយើងត្រូវឈរតែឯងពេលធ្វើដូច្នោះដែរឬទេ ?

( ថូម៉ាស អេស ម៉នសុន « Dare to Stand Alone » Liahona ខែ វិច្ឆិកា ឆ្នាំ ២០១១ ទំព័រ ៦០ )

សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

តើអ្នកនឹងវាយតម្លៃពីឆន្ទៈរបស់អ្នកក្នុងការស្តាប់បង្គាប់ព្រះ ជាជាងចុះចាញ់នឹងសម្ពាធពីអ្នកដទៃយ៉ាងដូចម្ដេច ?
តើមានស្ថានភាពអ្វីខ្លះនាពេលអនាគត ដែលអ្នកត្រូវជ្រើសរើសស្តាប់បង្គាប់ព្រះ ជាជាងស្តាប់បង្គាប់អ្នកដទៃ ?

នៅពេលអ្នកសិក្សាមេរៀននេះ សូមរកមើលសេចក្តីពិត និងគំរូដែលអាចជួយអ្នកឲ្យមានអារម្មណ៍ចង់ស្តាប់បង្គាប់ព្រះខ្លាំងជាងមនុស្សដទៃ ។

ពេត្រុស និងយ៉ូហានត្រូវបានគេចាប់ខ្លួន ដោយព្រោះការបង្រៀន និងការព្យាបាលនៅក្នុងព្រះនាមនៃព្រះយេស៊ូវគ្រីស្ទ

ពេត្រុស និងយ៉ូហានបានប្រឈមមុខនឹងស្ថានភាពដែលពួកលោកត្រូវជ្រើសរើសរវាងការស្តាប់បង្គាប់ព្រះ ឬចុះចាញ់តាមសម្ពាធពីអ្នកដទៃ ។ បន្ទាប់ពីព្យាបាលបុរសខ្វិនម្នាក់នៅព្រះវិហារបរិសុទ្ធ ហើយបន្ទាប់ពីបានផ្សព្វផ្សាយក្នុងព្រះនាមរបស់ព្រះយេស៊ូវគ្រីស្ទ នោះពេត្រុស និងយ៉ូហានត្រូវបានគេចាប់ខ្លួន យកទៅដាក់គុក និងសួរចម្លើយដោយមេដឹកនាំសាសន៍យូដា ( សូមមើល កិច្ចការ ៣:១–១១; ៤:១–៧ ) ។

សូមអាន កិច្ចការ ៤:៨–២១ ដោយរកមើលពីរបៀបដែលពេត្រុស និងយ៉ូហានបានឆ្លើយតបក្នុងស្ថានភាពនេះ ។ សូមពិចារណាពីការគូសសម្គាល់ពាក្យ ឬឃ្លានៅក្នុងខគម្ពីរទាំងនេះ ដែលអ្នកមានអារម្មណ៍ថាសំខាន់ ឬដែលបំផុសគំនិតអ្នកឲ្យជ្រើសរើសស្ដាប់បង្គាប់ព្រះជាជាងរឿងទាំងអស់ផ្សេងទៀត ។ អ្នកអាចមើលវីដេអូ « Peter and John Are Judged » ( ២:៥១ ) ដែលមាននៅលើគេហទំព័រ ChurchofJesusChrist.orgខណៈដែលអ្នកអានតាមនៅលើព្រះគម្ពីររបស់អ្នក ។

Peter and John Are Judged
Peter and John preach in the name of Jesus Christ and are brought before the leaders of the Jews for questioning. Acts 4:5–21

តើពាក្យ ឬឃ្លាអ្វីដែលអ្នកចាប់អារម្មណ៍ពីខគម្ពីរទាំងនេះ ? ហេតុអ្វីទៅ ?

សូមអាន កិច្ចការ ៥:១២–៣២ ហើយបន្តការសិក្សារបស់អ្នកអំពីដំណើររឿងនេះ ។ អ្នកប្រហែលជាគួរតែពិចារណាគូសសម្គាល់គោលលទ្ធិ គោលការណ៍ ឬឃ្លាណាដែលមានអារម្មណ៍ថាសំខាន់ចំពោះអ្នក ។ ឬអ្នកអាចមើល « Peter and John Continue Preaching the Gospel » រហូតដល់នាទីទី ៣:៥១ ។

Peter and John Continue Preaching the Gospel
Peter and John continue preaching and healing in the name of Jesus Christ, despite the attempts of the authorities to stop them. Acts 5:12–42

តើអ្នកបានរកឃើញអ្វីខ្លះ ?
តើសេចក្តីពិតអ្វីដែលអ្នករៀនចេញពីដំណើររឿងនេះ ?

សេចក្តីពិតមួយដែលយើងអាចរៀនពីដំណើររឿងនេះគឺថា ប្រសិនបើយើងជ្រើសរើសស្តាប់តាមបង្គាប់ព្រះ ជាជាងកោតខ្លាចអ្នកដទៃ នោះទ្រង់នឹងគង់នៅជាមួយយើង ។

សូមគិតអំពីស្ថានភាពដែលអ្នកបានរកឃើញនៅដើមមេរៀន ដែលវាអាចនឹងពិបាកក្នុងការស្តាប់បង្គាប់ព្រះ ដោយសារតែមានសម្ពាធពីអ្នកដទៃ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

គំរូសម័យទំនើប

អែលឌើរ ធារីឃេ មូតូមបូ នៃពួកចិតសិបនាក់ បានចែកចាយគំរូអំពីគ្រួសារមួយដែលបានជ្រើសរើសគោរពតាមព្រះជាជាងគោរពតាមមនុស្ស ។ ដើម្បីស្តាប់ដំណើររឿងនេះ សូមមើល « Ye Shall Be Free » ដែលមាននៅលើគេហទំព័រ ChurchofJesusChrist.orgចាប់ពីនាទីទី ៦:៤៣ ដល់នាទីទី ៨:៥១ ។

Ye Shall Be Free
Elder Mutombo teaches that Jesus Christ is the Light of the World and that He can guide us in dark and troubling times.

តើអ្វីដែលធ្វើឲ្យអ្នកចាប់អារម្មណ៍បំផុតអំពីរបៀបដែលគ្រួសារនេះបានឆ្លើយតបនឹងបញ្ហាប្រឈមរបស់ពួកគេ ?
ហេតុអ្វីបានជាអ្នកគិតថា សេចក្តីជំនឿរបស់គ្រួសារនេះទៅលើព្រះយេស៊ូវគ្រីស្ទមានសារៈសំខាន់យ៉ាងខ្លាំងនៅក្នុងស្ថានភាពនេះ ?

ពេត្រុស និងយ៉ូហានត្រូវបានគេដោះលែង

មេដឹកនាំសាសន៍យូដាបានពិភាក្សាអំពីអ្វីដែលត្រូវធ្វើចំពោះពេត្រុស និងយ៉ូហាន ។ មេដឹកនាំសាសន៍យូដាដ៏គួរឲ្យគោរពម្នាក់ឈ្មោះកាម៉ាលាស បានលើកទឹកចិត្តពួកគេឲ្យអនុញ្ញាតឲ្យដោះលែងពេត្រុស និងយ៉ូហានទៅ ពីព្រោះគាត់បានទទួលស្គាល់ថា ប្រសិនបើពេត្រុស និងយ៉ូហានពិតជាកំពុងធ្វើកិច្ចការរបស់ព្រះមែននោះមេដឹកនាំសាសន៍យូដានឹងមិនអាចបញ្ឈប់កិច្ចការនេះបានទេ ( សូមមើល កិច្ចការ ៥:២៩–៣៩ ) ។

សូមអាន កិច្ចការ ៥:៤០–៤២ ហើយសូមពិចារណាគូសសម្គាល់ពាក្យ ឬឃ្លាដែលពិពណ៌នាអំពីអារម្មណ៍របស់ពេត្រុស និងយ៉ូហាន បន្ទាប់ពីបានដកពិសោធន៍នូវអ្វីដែលពួកគេបានធ្វើ ។

ជម្រើស ៖ ចង់រៀនបន្ថែមទៀតទេ ?

ចុះបើខ្ញុំមិនចុះសម្រុងនឹងគេ ដោយសារខ្ញុំជ្រើសរើសស្តាប់បង្គាប់ព្រះវរបិតាសួគ៌វិញនោះ ?

អែលឌើរ រីឆាដ ជី ស្កត ( ឆ្នាំ ១៩២៨–ឆ្នាំ ២០១៥ ) ក្នុងកូរ៉ុមនៃពួកសាវកដប់ពីរនាក់បានបង្រៀន ៖

ពេលខ្លះអ្នកប្រហែលជាមានអារម្មណ៍ឯកោ និងមានការយល់ច្រឡំ—ខ្ញុំធ្លាប់—ដោយសារតែអ្នកមិនចុះសម្រុងនឹងពួកគេ ។ សូមមានអំណរដែលជីវិតដ៏សុចរិតរបស់អ្នកមិនចុះសម្រុងនឹងកន្លែងដែលមិនស័ក្តិសមនឹងអ្នក ។ នេះគឺជាពេលវេលាបណ្តោះអាសន្នមួយនៃការសាកល្បង និងការរីកចម្រើនផ្ទាល់ខ្លួន ។ វានឹងត្រូវបានជំនួសដោយមិត្តភក្តិពិត និងសុភមង្គលទាន់ពេលវេលា និងកាន់តែប្រសើរជាងមុន ។

( រីឆាដ ជី ស្កត « The Power of Righteousness » Ensign ខែ វិច្ឆិកា ឆ្នាំ ១៩៩៨ ទំព័រ ៦៨ )

តើខ្ញុំគួរតែការពារជំនឿរបស់ខ្ញុំបែបណា ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ ៖

ចូររឹងមាំ ។ ចូររស់នៅតាមដំណឹងល្អដោយស្មោះត្រង់ ទោះជាមនុស្សដទៃនៅជុំវិញខ្លួនអ្នកពុំរស់នៅតាមទាល់តែសោះក៏ដោយ ។ ចូរការពារជំនឿទាំងឡាយរបស់អ្នកដោយគួរសម និងក្ដីមេត្តាករុណា ប៉ុន្តែចូរការពារជំនឿទាំងនោះ ។

( ជែហ្វ្រី អ័រ ហូឡិន « The Cost—and Blessings—of Discipleship » Liahona ខែ ឧសភា ឆ្នាំ ២០១៤ ទំព័រ ៩ )

តើព្រះអង្គសង្គ្រោះបានបង្ហាញថា ទ្រង់បានស្ដាប់បង្គាប់ព្រះវរបិតាសួគ៌ជាជាងស្តាប់បង្គាប់មនុស្សយ៉ាងដូចម្ដេច ?

វីដេអូព្រះគម្ពីរប៊ីបខាងក្រោមនេះបង្ហាញពីបំណងប្រាថ្នារបស់ព្រះអង្គសង្គ្រោះក្នុងការបម្រើព្រះ ជាជាងធ្វើតាមគំនិតរបស់មនុស្ស ។

សូមមើល « Jesus Forgives Sins and Heals a Man Stricken with Palsy » ( ២:៥៧ ) ដើម្បីមើលពីរបៀបដែលព្រះអង្គសង្គ្រោះបានបង្ហាញព្រះចេស្ដា និងព្រះទ័យរបស់ទ្រង់ក្នុងការអត់ទោសឲ្យអំពើបាប ពេលអ្នកដទៃចោទសួរអំពីវា ។

ព្រះយេស៊ូវអត់ទោសបាប និង ព្យាបាលបុរសម្នាក់ដែលពិការអវៈយវៈ
ព្រះយេស៊ូវបង្ហាញថាទ្រង់មានអំណាច ទាំងអភ័យទោសដល់បាប និងព្យាបាលជំងឺខាងសាច់ឈាម ។ ម៉ាកុស ២:១-១២

សូមមើល « Jesus Heals A Lame Man on the Sabbath » ( ២:២៣ ) ដើម្បីមើលពីរបៀបដែលព្រះអង្គសង្គ្រោះបានព្យាបាលបុរសម្នាក់ សូម្បីតែពេលដែលមេដឹកនាំសាសន៍យូដាបានគិតថា វាជាការប្រព្រឹត្តមិនសមរម្យសម្រាប់ថ្ងៃឈប់សម្រាកក្តី ។

ព្រះយេស៊ូវប្រោសមនុស្សពិការម្នាក់នៅថ្ងៃឈប់សម្រាក
ព្រះយេស៊ូវធ្វើអព្ភូតហេតុដោយការប្រោសមនុស្សពិការនៅថ្ងៃបរិសុទ្ធ ។ យ៉ូហាន ៥:២-១២

សូមមើល « Go and Sin No More » ( ៣:២១ ) ដើម្បីមើលពីរបៀបដែលព្រះអង្គសង្គ្រោះមិនបានថ្កោលទោសអ្នកដទៃ សូម្បីតែពេលដែលគេបានដាក់សម្ពាធលើទ្រង់ឲ្យធ្វើដូច្នោះក៏ដោយ ។