កិច្ចការ ៩:១០

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

កិច្ចការ ៩:១០–៣១

« អ្នកនោះជាប្រដាប់រើសតាំងដល់ខ្ញុំ សម្រាប់នឹងប្រកាសឈ្មោះខ្ញុំ »

ព្រះគ្រីស្ទបញ្ជាអាន៉្នានាសឲ្យស្វែងរកសុល ហើយធ្វើឲ្យគាត់មើលឃើញ ដើម្បី ឲ្យគាត់អាចផ្សាយអំពីព្រះគ្រីស្ទ ។

នៅពេលព្រះអម្ចាស់នៅក្នុងការនិមិត្តមួយបានសុំអាន៉្នានាសឲ្យស្វែងរក ហើយប្រទានពរដល់សុល នោះអាន៉្នានាសស្ទាក់ស្ទើរពីដំបូង ដោយសារគាត់បានឮ « និយាយពីការអាក្រក់ទាំងប៉ុន្មានដែល [ សុល ] បានប្រព្រឹត្ត » ( កិច្ចការ ៩:១៣ ) ។ ព្រះយេស៊ូវគ្រីស្ទបានជួយអាន៉្នានាសឲ្យយល់មើលពីសុលដូចដែលទ្រង់បានទតឃើញគាត់ ។ មេរៀននេះមានគោលបំណងជួយអ្នកឲ្យមើលឃើញពីសក្តានុពលដែលព្រះអម្ចាស់ទតឃើញនៅក្នុងអ្នកដទៃ ទោះបីជាមានភាពទន់ខ្សោយ និងកំហុសកន្លងមកក៏ដោយ ។

អ្នកទោស និងខ្លារខិន

ឆ្មាំគុកសញ្ជាតិអាមេរិកម្នាក់ដែលបានខិតខំជួយអ្នកទោសនៅពន្ធនាគារបស់គាត់ឲ្យមានសុខភាពល្អបានប្រាប់ថា « អ្នកត្រូវដឹងថា ខ្លារខិនមិនអាចផ្លាស់ប្ដូរស្នាមអុជៗលើខ្លួនវាបាននោះទេ ! » ( សូមមើល ថូម៉ាស អេសម៉នសុន « See Others as They May Become » Liahona ខែ វិចិ្ឆកា ឆ្នាំ ២០១២ ទំព័រ ៦៩ ) ។

តើអ្នកគិតថាឆ្មាំគុករូបនេះកំពុងព្យាយាមនិយាយពីអ្វីក្នុងសេចក្តីថ្លែងនេះ ?
តើអ្នកធ្លាប់ធ្វើជាសាក្សី ឬជួបប្រទះអាកប្បកិរិយាមួយស្រដៀងគ្នានេះដែរឬទេ ?

ឆ្មាំគុកបានឆ្លើយថា « អ្នកត្រូវដឹងថា ខ្ញុំមិនធ្វើការហ្នឹងជាមួយហ្វូងខ្លារខិនទេ ។ ខ្ញុំធ្វើការជាមួយនឹងមនុស្ស ហើយមនុស្សផ្លាស់ប្តូរជារៀងរាល់ថ្ងៃ » ( « See Others as They May Become » ទំព័រ ៦៩ ) ។

ហេតុអ្វីបានជាវាសំខាន់ក្នុងការជឿជាក់ថាមនុស្សអាចផ្លាស់ប្តូរ ? តើអ្វីដែលធ្វើឲ្យលំបាកក្នុងការជឿថាមនុស្សអាចផ្លាស់ប្ដូរ ?

នៅក្នុងមេរៀនថ្ងៃនេះ យើងនឹងប្រៀបធៀបពីរបៀបដែលមនុស្សបានយល់ឃើញពីសុល ជាមួយនឹងរបៀបដែលព្រះអង្គសង្គ្រោះបានទតឃើញគាត់ ។ សុល បានបៀតបៀនយ៉ាងសាហាវចំពោះបុរស និងស្រ្តីដែលដើរតាមព្រះយេស៊ូវគ្រីស្ទ ។ សូមស្វែងរកអ្វីដែលអ្នកអាចរៀនពីព្រះអង្គសង្គ្រោះអំពីរបៀបដែលអ្នកមើលឃើញខ្លួនឯង និងអ្នកដទៃ ។

ព្រះយេស៊ូវគ្រីស្ទបានឆ្លើយតបនឹងការអធិស្ឋានរបស់សុល ។

ព្រះអង្គសង្គ្រោះបានបង្ហាញព្រះកាយចំពោះសុល ពេលគាត់កំពុងធ្វើដំណើរទៅទីក្រុងដាម៉ាស ដើម្បីចាប់សមាជិកសាសនាចក្ររបស់ព្រះគ្រីស្ទ ។ បទពិសោធន៍នេះបានធ្វើឲ្យសុលងងឹតភ្នែក ។ គាត់មិនបានបរិភោគ ឬផឹកអស់រយៈពេលបីថ្ងៃ ហើយគាត់បានអធិស្ឋានទៅព្រះដើម្បីទូលសូមជំនួយ ( សូមមើល កិច្ចការ ៩:១–៩,១១ ) ។

សូមអាន កិច្ចការ ៩:១០–១២ ដោយរកមើលរបៀបដែលព្រះបានជ្រើសរើសឆ្លើយតបការអធិស្ឋានរបស់សុល ។

តើអ្នកបានកត់សម្គាល់ឃើញអ្វីខ្លះនៅក្នុងខគម្ពីរទាំងនេះដែលហាក់ដូចជាសំខាន់ចំពោះអ្នក ?
ហេតុអ្វីបានជាអ្នកគិតថា ព្រះបានចាត់នរណាម្នាក់ឲ្យជួយសុល ជាជាងធ្វើឲ្យភ្នែករបស់សុលមើលឃើញ ដោយអង្គទ្រង់ ?

សូមអាន កិច្ចការ ៩:១៣–១៥ ដើម្បីរកមើលថាតើអាន៉្នានាស និងព្រះអម្ចាស់មានទស្សនៈខុសគ្នាអំពីសុលយ៉ាងដូចម្ដេច ។ ( វាជាការសំខាន់ក្នុងការដឹងថាអ្វីដែលអាន៉្នានាសបានឮអំពីសុលគឺត្រឹមត្រូវ [ សូមមើល កិច្ចការ ៨:៣; ៩:១–២ ] ) ។

នៅក្នុងសៀវភៅកំណត់ហេតុការសិក្សារបស់អ្នក សូមគូររូបភាពសាមញ្ញមួយដើម្បីតំណាងឲ្យសុល ។ នៅមួយចំហៀងគំនូររបស់អ្នក សូមសរសេរឃ្លាមួយសង្ខេបពីរបៀបដែលអាន៉្នានាស និងអ្នកដទៃនៅសម័យរបស់សុលបានយល់ឃើញអំពីគាត់ ។ នៅម្ខាងទៀត សូមសរសេរឃ្លាមួយដែលសង្ខេបអំពីរបៀបដែលព្រះអម្ចាស់បានឆ្វេងយល់អំពីគាត់ ។

អាន៉្នានាសបានទុកចិត្តលើការឆ្វេងយល់របស់ព្រះអម្ចាស់ចំពោះសុល ។ សូមអាន កិច្ចការ ៩:១៧–២០ ដើម្បីមើលថាមានអ្វីកើតឡើងបន្ទាប់ទៀត ។

អ្នកអាចចង់មើលវីដេអូ « The Road to Damascus » ដែលមាននៅលើគេហទំព័រ ChurchofJesusChrist.org ចាប់ពីនាទីទី ១:៥៥ ដល់នាទីទី ៥:២១ ។

The Road to Damascus
Saul takes his journey to Damascus. While on the road, Jesus appears to Saul. He is blinded by the event. Ananias restores Saul’s sight. Saul is baptized. Acts 22

តើអ្នកគិតថាមានអ្វីដែលសំខាន់ចំពោះរបៀបដែលព្រះយេស៊ូវទតឃើញពីសុល ? ហេតុអ្វី ?
តើគោលការណ៍អ្វីខ្លះដែលយើងអាចរៀនអំពីព្រះយេស៊ូវគ្រីស្ទចេញពីដំណើររឿងនេះ ?

ព្រះយេស៊ូវគ្រីស្ទអាចជួយយើងឲ្យយល់ឃើញអ្នកដទៃដូចដែលទ្រង់ទតឃើញពួកគេ

សូមចំណាយពេលមួយនាទីដើម្បីគិតអំពីរបៀបដែលអ្នកហាក់យល់ឃើញពីអ្នកដទៃដែលអ្នកប្រាស្រ័យទាក់ទងជាមួយជាប្រចាំ ។ សូមរកមើលតាមរយៈបញ្ជីមនុស្សដែលមានដូចខាងក្រោម ហើយប្រើពាក្យពីរម៉ាត់ដើម្បីពិពណ៌នាអំពីរបៀបដែលអ្នកយល់ឃើញលើបុគ្គលម្នាក់ៗ ។

ឪពុកម្តាយ
បងប្អូនបង្កើត
គ្រូបង្រៀន
មិត្តភក្ដិ
ខ្លួនឯង

ព្រះគម្ពីរ និងពាក្យសម្ដីផ្សេងទៀតរបស់ព្យាការី អាចជួយយើងឲ្យយល់កាន់តែច្បាស់អំពីរបៀបដែលព្រះវរបិតាសួគ៌ និងព្រះអង្គសង្គ្រោះទតឃើញចំពោះបុគ្គលម្នាក់ៗ ។ សូមអាន សាំយូអែល ទី១ ១៦:៧, គោលលទ្ធិ និង សេចក្តីសញ្ញា ១៨:១០–១៣ និង សេចក្តីថ្លែងការណ៍ខាងក្រោមដោយអែលឌើរ ជែហ្វ្រី អ័រ.ហូឡិន ក្នុងកូរ៉ុមនៃពួកសាវកដប់ពីរនាក់ ។

ព្រះវរបិតាជាទីស្រឡាញ់មានព្រះបន្ទូលមកកាន់យើងម្នាក់ៗថា « ចូរមកដោយខ្លួនអ្នក » ហើយទ្រង់បន្ថែមទៀតថា « ចូរកុំគិតថា អ្នកមិនផ្លាស់ប្ដូរនោះឡើយ » ។ យើងញញឹម ហើយចងចាំថា ព្រះតាំងព្រះទ័យដើម្បីធ្វើឲ្យយើងប្រែក្លាយជាមនុស្សប្រសើរជាងយើងគិតថា យើងអាចប្រែក្លាយ ។

( ជែហ្វ្រី អ័រ ហូឡិន « Songs Sung and Unsung » Liahona ខែ ឧសភា ឆ្នាំ ២០១៧ ទំព័រ ៥១ )

ដោយផ្អែកលើអ្វីដែលអ្នកបានរៀន សូមត្រឡប់ទៅមើលបញ្ជីនៃមនុស្សទាំងនោះ ហើយឥឡូវនេះ សូមប្រើពាក្យពីរម៉ាត់ដើម្បីពិពណ៌នាអំពីមនុស្សម្នាក់ៗទៅតាមអ្វីដែលព្រះវរបិតាសួគ៌ និងព្រះយេស៊ូវគ្រីស្ទអាចទតឃើញពួកគេ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

សូម្បីតែនៅពេលដែលមនុស្សម្នាក់បានផ្លាស់ប្តូរដោយជ្រើសរើសដើរតាមព្រះយេស៊ូវគ្រីស្ទក្តី ជួនកាលវាពិបាកក្នុងការជឿថាពួកគេពិតជាបានផ្លាស់ប្តូរនោះ ។ មនុស្សមួយចំនួនពិបាកនឹងជឿ នៅពេលដែលសុលប្រែពីការបៀតបៀនពួកគ្រីស្ទាន ទៅជាសិស្សរបស់ព្រះយេស៊ូវគ្រីស្ទខ្លួនគាត់ ។

សូមអាន កិច្ចការ ៩:២០–២២, ២៦–២៧ ដោយរកមើលប្រតិកម្មរបស់មនុស្សចំពោះសុលដែលឥឡូវនេះ គាត់កំពុងផ្សាយដំណឹងល្អរបស់ព្រះយេស៊ូវគ្រីស្ទ ។

តើអ្នកបានកត់សម្គាល់ឃើញអ្វីខ្លះអំពីប្រតិកម្មរបស់មនុស្ស ?
តើអ្នកអាចរៀនអ្វីខ្លះពីបាណាបាស ក្នុងឧទាហរណ៍នេះ ?

ជម្រើស ៖ តើចង់រៀនសូត្របន្ថែមទៀតដែរឬទេ ?

កិច្ចការ ៩:១៥–១៧ ។ តើការយល់ឃើញពីខ្លួនយើង និងអ្នកដទៃតាមរបៀបដែលព្រះវរបិតាសួគ៌ទតឃើញយើង បង្កើនភាពរាបសារបស់យើងដោយរបៀបណា ?

អែលឌើរ ឌែល ជី រេនឡាន់ ក្នុងកូរ៉ុមនៃពួកសាវកដប់ពីរនាក់បានចែកចាយរឿងដូចតទៅ ដើម្បីជួយឆ្លើយសំណួរនេះ ៖

ពួកបរិសុទ្ធថ្ងៃចុងក្រោយបន្តការព្យាយាមជានិច្ច
អែលឌើរ ដេល ជី រ៉ែនឡាន់ បង្រៀនថា ការធ្វើជាពួកបរិសុទ្ធម្នាក់ មានន័យថា បន្ដព្យាយាម និងលើកទឹកចិត្តយើងឲ្យធ្វើដូច្នោះ ខណៈដែលយើងអនុញ្ញាតឲ្យអ្នកដទៃមានឱកាសដូចគ្នា ។

ប៉ុន្មានឆ្នាំកន្លងទៅ យុវជនដ៏ឆ្នើមម្នាក់ឈ្មោះ ឃើធីស ត្រូវបានហៅឲ្យបម្រើបេសកកម្ម ។ គាត់ជាប្រភេទអ្នកផ្សព្វផ្សាយសាសនា ដែលប្រធានបេសកកម្មគ្រប់រូបអធិស្ឋានសុំ ។ គាត់ជាមនុស្សយកចិត្តទុកដាក់ ហើយខិតខំធ្វើការ ។ គ្រាមួយ គាត់ត្រូវបានចាត់តាំងឲ្យបម្រើជាមួយដៃគូផ្សព្វផ្សាយសាសនាដែលមានគំនិតក្មេងខ្ចីមិនចុះចំណោមគេ និងពុំមានចិត្តក្លៀវក្លាក្នុងការធ្វើការងារ ។

ថ្ងៃមួយ កាលពួកគេកំពុងជិះកង់ ឃើធីស បានក្រឡេកក្រោយ ហើយឃើញដៃគូខ្លួនចុះពីលើកង់ ហើយដើរវិញ ។ ឃើធីស បានត្អូញត្អែរដោយស្ងាត់ៗពីការស្មុគស្មាញរបស់គាត់ទៅកាន់ព្រះថា វាគួរឲ្យធុញទ្រាន់ណាស់ដែលគាត់ត្រូវបម្រើជាមួយដៃគូដែលគាត់ត្រូវអូសទាញដើម្បីសម្រេចបានកិច្ចការអ្វីមួយនោះ ។ បន្តិចក្រោយមក ឃើរធីស បានមានចំណាប់អារម្មណ៍ដ៏ជ្រាលជ្រៅមួយថា « ឯងដឹងទេ ឃើធីស បើប្រៀបមកយើង ឯងទាំងពីរនាក់ពុំមានអ្វីខុសគ្នានោះទេ » ។

( ឌែល ជី រេនឡាន់ « Latter-day Saints Keep on Trying » Liahona ខែ ឧសភា ឆ្នាំ ២០១៥ ទំព័រ ៥៨ ។

កិច្ចការ ៩:២៦–២៧ ។ តើខ្ញុំអាចជួយអ្នកណាម្នាក់ដែលចង់ផ្លាស់ប្តូរដោយរបៀបណា ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ ៖

ចូរឲ្យមនុស្សប្រែចិត្ត ។ ចូរឲ្យមនុស្សរីកចម្រើនឡើង ។ ចូរជឿថាមនុស្សអាចផ្លាស់ប្តូរ ហើយកែខ្លួនឲ្យប្រសើរឡើងបាន ។ តើនោះគឺជាសេចក្តីជំនឿឬ ? មែនហើយ ! តើនោះគឺជាសេចក្តីសង្ឃឹមឬ ? មែនហើយ ! តើនោះគឺជាសេចក្តីសប្បុរសឬ ? មែនហើយ ! លើសពីនេះទៅទៀត វាគឺជាសេចក្ដីសប្បុរស ជាសេចក្ដីស្រឡាញ់ដ៏បរិសុទ្ធរបស់ព្រះគ្រីស្ទ ។ បើមានអ្វីមួយកប់ក្នុងអតីតកាល ចូរទុកវាចោលចុះ ។ សូមកុំត្រឡប់ក្រោយ ជាមួយកូនធុងខ្សាច់ និងកូនប៉ែលរបស់អ្នកហើយជីកវា គ្រវីជុំវិញ រួចបោះវាទៅឲ្យអ្នកណាម្នាក់ដោយនិយាយថា « អ្ហេ៎ ! តើអ្នកនៅចាំរឿង នេះទេ ? » ផ្លាប់ !

ដឹងថាយ៉ាងម៉េចអត់ ? នោះប្រហែលជាមកពីមានរបស់អាក្រក់ៗមួយចំនួនដែលបានជីកពីដី របស់អ្នក ដោយមានការឆ្លើយតបថា « បាទ ខ្ញុំចាំវាបាន ។ តើ អ្នក នៅចាំរឿង នេះ ទេ ? » ផ្លាប់ ។

ហើយមិនយូរប៉ុន្មាន គ្រប់ៗគ្នាចាកចេញពីការផ្លាស់ប្តូរកខ្វក់ ពីភក់ជ្រាំ ការមិនសប្បាយចិត្ត និងការឈឺចាប់នោះ នៅពេលដែលអ្វីដែលព្រះវរបិតាសួគ៌ របស់យើងអង្វរសុំពីយើងគឺភាពស្អាតស្អំ សេចក្តីសប្បុរស សុភមង្គល និងការព្យាបាល ។

ការរស់នៅក្នុងជីវិតអតីតកាល រួមទាំងកំហុសពីអតីតកាល គឺមិនមែនជារឿងត្រឹមត្រូវនោះទេ ! វាមិនមែនជាដំណឹងល្អនៃព្រះយេស៊ូវគ្រីស្ទនោះទេ ។

( ជែហ្វ្រី អ័រ ហូឡិន « The Best Is Yet to Be » Ensign ខែ មករា ឆ្នាំ ២០១០ ទំព័រ ២៦–២៧ )