ការរំឭកចំណេះចំណានខាងគោលលទ្ធិ ទី ១៣
ទន្ទេញសេចក្ដីយោង និងឃ្លាបទគម្ពីរគន្លឹះ
ការចងចាំកន្លែងដែលត្រូវស្វែងរកវគ្គបទគម្ពីរ និងអ្វីដែលវគ្គបទគម្ពីរទាំងនោះបង្រៀនអាចជួយអ្នក នៅពេលអ្នកកំពុងចែកចាយសេចក្តីពិតនៃដំណឹងល្អជាមួយមនុស្សដទៃ ។ ការសិក្សារបស់អ្នកថ្ងៃនេះគួរតែជួយអ្នកឲ្យទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះសម្រាប់វគ្គបទគម្ពីរចំណេះចំណានខាងគោលលទ្ធិនៃព្រះគម្ពីរសញ្ញាថ្មីមួយចំនួន ។
សូមទន្ទេញចាំឃ្លាបទគម្ពីរគន្លឹះដោយប្រើរូបភាព
មេរៀននេះអាចជួយអ្នកឲ្យពិនិត្យឡើងវិញនូវវគ្គបទគម្ពីរចំណេះចំណានខាងគោលលទ្ធិខាងក្រោម ហើយសញ្ជឹងគិតពីរបៀបដែលសេចក្តីពិតដែលបានបង្រៀននៅក្នុងវាអាចជួយអ្នកក្នុងស្ថានភាពជាច្រើន ។ ប្រសិនបើអ្នកមិនទាន់បានគូសចំណាំវគ្គបទគម្ពីរទាំងនេះ និងឃ្លាគន្លឹះនៅក្នុងបទគម្ពីររបស់អ្នកនៅឡើយទេ សូមពិចារណាគូសចំណាំ ។
|
សេចក្ដីយោងបទគម្ពីរ |
ឃ្លាបទគម្ពីរគន្លឹះ |
|---|---|
សេចក្ដីយោងបទគម្ពីរ | ឃ្លាបទគម្ពីរគន្លឹះ « រូបកាយអ្នករាល់គ្នាជាវិហារនៃព្រះវិញ្ញាណបរិសុទ្ធ » ។ |
សេចក្ដីយោងបទគម្ពីរ | ឃ្លាបទគម្ពីរគន្លឹះ « ក្នុងព្រះអម្ចាស់ នោះបុរសមិនមែនជាឥតពឹងអាស្រ័យដល់ស្ត្រីឡើយ ហើយស្ត្រីក៏មិនមែនជាឥតពឹងអាស្រ័យដល់បុរសដែរ » ។ |
សេចក្ដីយោងបទគម្ពីរ | ឃ្លាបទគម្ពីរគន្លឹះ « ព្រោះដូចជាគ្រប់មនុស្សទាំងអស់បានត្រូវស្លាប់ក្នុងលោកអ័ដាមជាយ៉ាងណា នោះគ្រប់គ្នាក៏នឹងបានប្រោសឲ្យរស់ក្នុងព្រះគ្រីស្ទយ៉ាងនោះដែរ » ។ |
សេចក្ដីយោងបទគម្ពីរ | ឃ្លាបទគម្ពីរគន្លឹះ នៅក្នុងដំណើររស់ឡើងវិញ មាននគរនៃសិរីល្អចំនួនបី ។ |
សូមបង្ហាញឃ្លាគន្លឹះ
រូបភាព និងសញ្ញាដែលមើលឃើញផ្សេងទៀតអាចជួយយើងឲ្យចងចាំព័ត៌មានសំខាន់ៗ ។ សូមគិតអំពីរបៀបដែលការប្រើរូបភាពអាចជួយអ្នកឲ្យចងចាំសេចក្ដីយោងបទគម្ពីរ និងឃ្លាគន្លឹះ ។
-
តើនិមិត្តសញ្ញាខាងក្រោមតំណាងឲ្យអ្វី ?
ខាងក្រោមនេះជាឧទាហរណ៍នៃវគ្គចំណេះចំណានខាងគោលលទ្ធិដែលបានបង្ហាញដោយប្រើនិមិត្តសញ្ញា ឬរូបភាព ។ សូមក្រឡេកមើលរូបភាពទាំងនោះ ហើយមើលថាតើអ្នកអាចកំណត់អត្តសញ្ញាណវគ្គចំណេះចំណានខាងគោលលទ្ធិ និងឃ្លាបទគម្ពីរគន្លឹះរបស់វាដែរឬទេ ។
១. សូមបំពេញសកម្មភាពខាងក្រោម ហើយបញ្ចូលវានៅក្នុងសៀវភៅកំណត់ហេតុការសិក្សារបស់អ្នក ៖
នៅលើកាតកំណត់ចំណាំចំនួនបួនផ្សេងគ្នា ឬក្រដាសតូចមួយ សូមសរសេរឡើងវិញនូវវគ្គចំណេះចំណានខាងគោលលទ្ធិដែលបានរាយបញ្ជីពីមុននីមួយៗ ។ នៅជ្រុងម្ខាងនៃកាតនីមួយៗ សូមបង្កើតរូបភាពមួយដើម្បីជួយអ្នកឲ្យចងចាំឃ្លាគន្លឹះៗ ។ អ្នកអាចគូររូបភាពផ្ទាល់ខ្លួនរបស់អ្នក ឬប្រើរូបភាពដូចជារូបគំនូរ អ៊ីម៉ូជី ឬរូបថត ។ សកម្មភាពនេះមិនតម្រូវឲ្យអ្នកធ្វើជាអ្នកសិល្បៈដែលមានជំនាញនោះទេ ។ រូបភាពរបស់អ្នកគួរតែមិនអាចបំភ្លេចបាន ប៉ុន្តែមិនគួរមិនគោរព ឬចាត់ទុកប្រធានបទពិសិដ្ឋលំៗនោះទេ ។
ពេលអ្នកបញ្ចប់ សូមប្រើរូបភាពរបស់អ្នកដើម្បីពិនិត្យមើលឃ្លាបទគម្ពីរគន្លឹះ ។ បើអាចទៅរួច សូមពន្យល់រូបភាពរបស់អ្នកទៅកាន់មិត្តភក្តិ ឬសមាជិកគ្រួសារ ។ សូមព្យាយាមចងចាំឃ្លាគន្លឹះឲ្យបានច្រើនតាមដែលអាចធ្វើទៅបាន ។
ការអនុវត្តឃ្លាបទគម្ពីរគន្លឹះក្នុងជីវិត
ដើម្បីពិនិត្យមើលវគ្គបទគម្ពីរដែលអ្នកទើបតែបានអនុវត្តការទន្ទេញចាំ សូមធ្វើលំហាត់ដោយកំណត់ថាតើវគ្គចំណេះចំណានខាងគោលលទ្ធិមួយណាដែលមានប្រយោជន៍បំផុតក្នុងស្ថានភាពនីមួយៗខាងក្រោម ៖
-
យុវនារីម្នាក់និយាយថា « ខ្ញុំបានឮថា ដោយសារព្រះយេស៊ូវគ្រីស្ទ មនុស្សគ្រប់គ្នានឹងត្រូវបានរស់ឡើងវិញ ។ តើរឿងនោះពិតដែរឬទេ ? »
-
មិត្តម្នាក់ឆ្ងល់ថា ហេតុអ្វីបានជាយើងត្រូវថែរក្សារូបកាយរបស់យើង បើយើងគង់តែរស់ឡើងវិញដដែលនោះ ។
-
មិត្តម្នាក់គិតថាការរៀបការមិនចាំបាច់មាននោះទេ ។
-
ជីតារបស់យុវជនម្នាក់ទើបតែទទួលមរណភាព ហើយយុវជននោះមានសំណួរអំពីជីវិតបន្ទាប់ពីសេចក្ដីស្លាប់ ។