ចំណេះចំណានខាងគោលលទ្ធិ

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ចំណេះចំណានខាងគោលលទ្ធិ—យ៉ូហាន ១៧:៣

ការមកស្គាល់ព្រះវរបិតាសួគ៌ និងព្រះយេស៊ូវគ្រីស្ទ

នៅក្នុងមេរៀនមុន « យ៉ូហាន ១៧ » អ្នកបានរៀនថា យើងអាចឆ្ពោះទៅរកជីវិតដ៏នៅអស់កល្បជានិច្ច ដោយការមកស្គាល់ព្រះវរបិតាសួគ៌ និងព្រះយេស៊ូវគ្រីស្ទ ។ មេរៀននេះអាចជួយអ្នកឲ្យទន្ទេញសេចក្ដីយោងចំណេះចំណានខាងគោលលទ្ធិនេះ និងឃ្លាបទគម្ពីរគន្លឹះសម្រាប់ យ៉ូហាន ១៧:៣ ពន្យល់ពីគោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្ដែង ។

ទន្ទេញ និងពន្យល់

សូមសូត្រសេចក្ដីយោងនៃចំណេះចំណានខាងគោលលទ្ធិឮៗឲ្យច្រើនដង យ៉ូហាន ១៧:៣ និងឃ្លាបទគម្ពីរគន្លឹះរបស់វា ៖ « នេះជាជីវិតដ៏អស់កល្បជានិច្ច គឺឲ្យគេបានស្គាល់ដល់ទ្រង់ដ៏ជាព្រះពិតតែមួយ នឹងព្រះយេស៊ូវគ្រីស្ទ ដែលទ្រង់បានចាត់ឲ្យមកផង » ។ នៅលើសន្លឹកក្រដាសដាច់ដោយឡែកមួយ សូមសរសេរគម្ពីរយោង យ៉ូហាន ១៧:៣ និងអក្សរទីមួយនៃពាក្យនីមួយៗនៅក្នុងខ ៖ ន ជ ជ ដ អ ជ គ ឲ គ ប ស ដ ទ ដ ជ ព ព ត ១ ន ព យ ដ ទ ប ច ឲ ម ផ ។ ដោយប្រើតែអក្សរទីមួយនៃខនោះ សូមព្យាយាមសូត្រខគម្ពីរយោង និងឃ្លាគន្លឹះរបស់បទគម្ពីរ ។ នៅពេលអ្នកកាន់តែមានទំនុកចិត្ត សូមព្យាយាមសូត្រសេចក្ដីយោង និងឃ្លាចេញពីការចងចាំ ។

រៀនអនុវត្ត

សូមរំឭក កថាខណ្ឌទី ៥–១២ នៃផ្នែក « ការទទួលបានចំណេះដឹងខាងវិញ្ញាណ » ឡើងវិញនៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។ សូមគិតអំពីរបៀបដែលអ្នកអាចពន្យល់ពីគោលការណ៍នីមួយៗទាំងនេះទៅកាន់នរណាម្នាក់ដែលមិនធ្លាប់បានឮអំពីគោលការណ៍ទាំងនោះពីមុនមក ។

សូមអានសាច់រឿងដូចតទៅនេះ ៖

បន្ទាប់ពីការប្រជុំតមអាហារ និងទីបន្ទាល់ អ្នកសម្គាល់ឃើញថា មិត្តភក្តិរបស់អ្នក ជូលៀ ហាក់ដូចជាមិនសូវសប្បាយចិត្ត ។ ពេលអ្នកដើរទៅផ្ទះជាមួយនាង នាងនិយាយថា អំឡុងការប្រជុំថ្ងៃនេះ នាងបានដឹងថានាងមិនស្គាល់ព្រះវរបិតាសួគ៌ និងព្រះយេស៊ូវគ្រីស្ទបានច្រើនដូចដែលនាងចង់ដឹងនោះទេ ។ នាងពិពណ៌នាអំពីអារម្មណ៍នៃភាពឯកោ និងការចង់បាននូវទំនាក់ទំនងល្អជាមួយនឹងទ្រង់ទាំងទ្វេ ដែលនាងបានទទួលអារម្មណ៍នៅអំឡុងពេលដែលសិស្សមួយចំនួនបានចែកចាយទីបន្ទាល់របស់ពួកគេ ។ អ្នកសម្រេចចិត្តថានឹងគិត ហើយខិតខំអធិស្ឋានឲ្យខ្លាំងនៅប៉ុន្មានថ្ងៃខាងមុខអំពីរបៀបដែលត្រូវជួយ ជូលៀ ។

សូមប្រើគោលការណ៍នៃការទទួលបានចំណេះដឹងខាងវិញ្ញាណ និងសំណួរ ហើយសកម្មភាពខាងក្រោម ដើម្បីជួយអ្នកពិចារណាពីអ្វីដែលអ្នកអាចនិយាយ និងធ្វើដើម្បីជួយ ជូលៀ ។ អ្នកប្រហែលជាចង់សរសេរអ្វីដែលអ្នកបានរៀន និងចំណាប់អារម្មណ៍ណាមួយដែលអ្នកទទួលបាននៅពេលអ្នកត្រៀមរៀបចំ ។

សូមពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏នៅអស់កល្បជានិច្ច

ហេតុអ្វីបានជាអ្នកគិតថា ព្រះវរបិតាសួគ៌ចង់ឲ្យយើងមកស្គាល់ទ្រង់ និងព្រះរាជបុត្រាទ្រង់ ព្រះយេស៊ូវគ្រីស្ទ ?
ហេតុអ្វីបានជាអ្នកចង់មកស្គាល់ទ្រង់ទាំងទ្វេឲ្យបានកាន់តែច្បាស់តាមដែលអ្នកអាចធ្វើបានក្នុងជីវិតនេះ ?

សូមស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព

តើការសិក្សានូវការអធិស្ឋានរបស់ព្រះអង្គសង្គ្រោះនៅក្នុង យ៉ូហាន ១៧:៣ អាចជួយបំពេញបំណងប្រាថ្នារបស់ ជូលៀ យ៉ាងដូចម្ដេច ?

សូមធ្វើបញ្ជីប្រភពល្អៗមួយចំនួន ដែលអាចនឹងជួយ ជូលៀឲ្យមកស្គាល់ព្រះវរបិតាសួគ៌ និងព្រះយេស៊ូវគ្រីស្ទ ។

តើ ជូលៀអាចប្រើប្រភពដែលមានដើម្បីជួយនាងឲ្យមកស្គាល់ព្រះវរបិតាសួគ៌ និងព្រះយេស៊ូវគ្រីស្ទកាន់តែច្បាស់ដោយរបៀបណា ? ( ឧទាហរណ៍ តើពាក្យគន្លឹះអ្វីខ្លះដែលនាងអាចស្វែងរកនៅក្នុង សេចក្ដីណែនាំដល់បទគម្ពីរទាំងឡាយ នៅក្នុង Topical Guide នៅលើគេហទំព័រ ChurchofJesusChrist.org ឬនៅក្នុងកម្មវិធីបណ្ណាល័យដំណឹងល្អ ? )

សូមចំណាយពេលពីរបីនាទីដើម្បីសិក្សាប្រភពដែលបានតែងតាំងដ៏ទេវភាព ដើម្បីស្វែងយល់បន្ថែមអំពីព្រះវរបិតាសួគ៌ និងព្រះយេស៊ូវគ្រីស្ទ និងពីរបៀបដើម្បីស្គាល់ទ្រង់ទាំងទ្វេឲ្យបានកាន់តែច្បាស់ ។

ធ្វើសកម្មភាពដោយសេចក្ដីជំនឿ

តើវាជាសកម្មភាពនៃសេចក្តីជំនឿដើម្បីប្រឹងប្រែងស្គាល់ព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្ដេច ?
តើអ្នក ឬនរណាម្នាក់ដែលអ្នកស្គាល់បានធ្វើអ្វីខ្លះ ដើម្បីមកស្គាល់ព្រះវរបិតាសួគ៌ និងព្រះយេស៊ូវគ្រីស្ទកាន់តែប្រសើរ ដែលអ្នកអាចផ្តល់យោបល់ដល់ ជូលៀ ?
តើឃ្លាអ្វីខ្លះដែលអ្នករកឃើញនៅក្នុង « កថាខណ្ឌទី ៥–៧ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ដែលអាចជួយនរណាម្នាក់ដែលបាននិងកំពុងធ្វើរឿងត្រឹមត្រូវ ប៉ុន្តែនៅតែមិនមានអារម្មណ៍ស្និទ្ធស្នាលនឹងព្រះដូចពួកគេចង់បាននោះ ?

ជម្រើស ៖ តើចង់រៀនសូត្របន្ថែមទៀតដែរឬទេ ?

តើអ្វីទៅជាជីវិតដ៏នៅអស់កល្បជានិច្ច ?

ជីវិតដ៏នៅអស់កល្បជានិច្ចគឺជាឃ្លាដែលប្រើក្នុងបទគម្ពីរដើម្បីកំណត់គុណភាពនៃជីវិតដែលព្រះវរបិតាដ៏អស់កល្បរបស់យើងនៅមានព្រះជន្ម ។ … ជីវិតដ៏នៅអស់កល្បជានិច្ច ឬភាពតម្កើងឡើង គឺដើម្បីរស់នៅក្នុងវត្តមានរបស់ព្រះ ហើយបន្តជាក្រុមគ្រួសារ ( សូមមើល គោលលទ្ធិ និង សេចក្តីសញ្ញា ១៣១:១–៤ ) ។

( Gospel Topics,“Eternal Life,” topics.ChurchofJesusChrist.org )

តើយើងអាចស្គាល់ព្រះវរបិតា និងព្រះរាជបុត្រាដោយខ្លួនឯងដោយរបៀបណា ?

អែលឌើរ រ៉ូបឺត ឌី ហែល ( ឆ្នាំ ១៩៣២–២០១៧ ) ក្នុងកូរ៉ុមនៃពួកសាវកដប់ពីរនាក់បានឆ្លើយសំណួរនេះ ។

ដោយវិវរណៈផ្ទាល់ខ្លួន ។ វិវរណៈផ្ទាល់ខ្លួនគឺជាវិធីដែលព្រះវរបិតាសួគ៌ជួយយើងឲ្យស្គាល់ទ្រង់ និងព្រះរាជបុត្រារបស់ទ្រង់ សូមរៀន និងរស់នៅតាមដំណឹងល្អ ស៊ូទ្រាំដល់ទីបញ្ចប់ក្នុងសេចក្ដីសុចរិត និងមានលក្ខណៈគ្រប់គ្រាន់ដើម្បីទទួលជីវិតដ៏នៅអស់កល្បជានិច្ច—ដើម្បីត្រឡប់ទៅកាន់វត្តមានរបស់ទ្រង់ទាំងទ្វេវិញ ។

( រ៉ូបឺត ឌី ហែល « Personal Revelation: The Teachings and Examples of the Prophets » Liahona ខែ វិច្ឆិកា ឆ្នាំ ២០០៧ ទំព័រ ៨៧ )

តើខ្ញុំគួរធ្វើដូចម្តេច ប្រសិនបើខ្ញុំមិនប្រាកដថាខ្ញុំជឿលើព្រះនោះ ?

អែលឌើរ រ៉ូបឺត ឌី ហែល ( ឆ្នាំ ១៩៣២–២០១៧ ) ក្នុងកូរ៉ុមនៃពួកសាវកដប់ពីរនាក់បានមានប្រសាសន៍ ៖

ប្រសិនបើអ្នកមិនអាចចាំពីការជឿលើព្រះ ឬបើអ្នកបានឈប់ជឿ ឬបើអ្នកជឿ ប៉ុន្តែគ្មានការជឿជាក់ពិតប្រាកដ ខ្ញុំសូមអញ្ជើញអ្នកឲ្យស្វែងរកទីបន្ទាល់អំពីព្រះឥឡូវនេះ ។ …

… ដោយមានទីបន្ទាល់ផ្ទាល់ខ្លួនរបស់អ្នកអំពីព្រះ អ្នកនឹងអាចផ្តល់ដល់គ្រួសាររបស់អ្នក កូនចៅរបស់អ្នក មិត្តភក្តិ និងជីវិតផ្ទាល់របស់អ្នក—អស់ទាំងអ្នកដែលអ្នកស្រឡាញ់ ។ ចំណេះដឹងផ្ទាល់ខ្លួនរបស់អ្នកអំពីព្រះមិនត្រឹមតែជាអំណោយដ៏អស្ចារ្យបំផុតដែលអ្នកនឹងផ្តល់ឲ្យនោះទេ ប៉ុន្តែវានឹងនាំមកឲ្យអ្នកនូវសេចក្តីអំណរដ៏អស្ចារ្យបំផុតដែលអ្នកនឹងមាន ។

… ខ្ញុំសន្យាថា ប្រសិនបើអ្នក និងមនុស្សដែលអ្នកស្រឡាញ់នឹងស្វែងរកទ្រង់ដោយភាពរាបទាប ស្មោះត្រង់ និងឧស្សាហ៍ព្យាយាម នោះអ្នកនឹងដឹងដោយប្រាកដផងដែរ ។ ទីបន្ទាល់របស់អ្នកនឹងមក ។

( រ៉ូបឺត ឌី ហែល « Seeking to Know God, Our Heavenly Father, and His Son, Jesus Christf » Liahona ខែ វិច្ឆិកា ឆ្នាំ ២០០៩ ទំព័រ ៣២ )