យ៉ូហាន ១៤–១៦
បេសកកម្មនៃព្រះវិញ្ញាណបរិសុទ្ធ
ក្នុងអំឡុងពេលនៃការបម្រើរបស់ព្រះអង្គសង្គ្រោះ នោះពួកសាវកបានរីករាយនឹងព្រះចេស្ដានៃព្រះវិញ្ញាណបរិសុទ្ធ ប៉ុន្តែពួកលោកមិនទាន់បានទទួលអំណោយទាននៃព្រះវិញ្ញាណបរិសុទ្ធនៅឡើយទេ ដែលនឹងអនុញ្ញាតឲ្យពួកលោកមានភាពជាដៃគូនៃព្រះវិញ្ញាណបរិសុទ្ធតាមរយៈភាពសុចរិតរបស់ពួកលោក ( សូមមើល Bible Dictionary « Holy Ghost » ) ។ ព្រះយេស៊ូវគ្រីស្ទបានសន្យាថានឹងប្រទានពរដល់ពួកលោកជាមួយនឹងអំណោយទាននៃព្រះវិញ្ញាណបរិសុទ្ធ បន្ទាប់ពីការយាងឡើងទៅស្ថានសួគ៌របស់ទ្រង់វិញ ។ មេរៀននេះអាចជួយអ្នកឲ្យស្គាល់ពីរបៀបដែលព្រះវិញ្ញាណបរិសុទ្ធបំពេញតួនាទីផ្សេងៗរបស់ទ្រង់នៅក្នុងជីវិតរបស់អ្នក ។
តើព្រះវិញ្ញាណបរិសុទ្ធអាចជួយអ្នកដោយរបៀបណា ?
-
តើអ្នកយល់យ៉ាងណាអំពីរបៀបដែលព្រះវិញ្ញាណបរិសុទ្ធអាចជួយអ្នក ?
-
តើបងប្អូនមានបទពិសោធន៍អ្វីខ្លះជាមួយព្រះវិញ្ញាណបរិសុទ្ធ ?
សូមមើលវីដេអូខាងក្រោម ដែលមាននៅលើគេហទំព័រ ChurchofJesusChrist.org ចាប់ពីកូដពេលវេលា ១:៥៨ ដល់ ៣:១០ អែលឌើរ ហ្គែរី អ៊ី ស្ទីវ៉ែនសុន ចែកចាយបទពិសោធន៍ដែលគាត់មាន កាលនៅពីក្មេង ។
How Does the Holy Ghost Help You?
អែលឌើរ ស្ទីវ៉ែនសុន បង្រៀនថា ព្រះវិញ្ញាណបរិសុទ្ធ—ជាតួអង្គនៃវិញ្ញាណ និងសមាជិកនៃក្រុមព្រះ—ព្រមាន លួងលោម ហើយថ្លែងទីបន្ទាល់។
-
តើអ្នកមានសំណួរអ្វីខ្លះអំពីតួនាទីនៃព្រះវិញ្ញាណបរិសុទ្ធនៅក្នុងជីវិតរបស់យើង ?
នៅពេលអ្នកសិក្សា សូមរកមើលចម្លើយចំពោះសំណួរដែលអ្នកមានអំពីព្រះវិញ្ញាណបរិសុទ្ធ និងរបៀបដែលតួនាទីនៃព្រះវិញ្ញាណបរិសុទ្ធអាចជួយអ្នកជាមួយនឹងតម្រូវការផ្ទាល់ខ្លួនរបស់អ្នក ។
ព្រះយេស៊ូវបង្រៀនពួកសាវករបស់ទ្រង់អំពីព្រះវិញ្ញាណបរិសុទ្ធ
បន្ទាប់ពីព្រះអង្គសង្គ្រោះបានចាត់ចែងសាក្រាម៉ង់ ហើយដឹងថាទ្រង់នឹងរងទុក្ខក្នុងពេលឆាប់ៗសម្រាប់ការឈឺចាប់ ការល្បួង និងអំពើបាបរបស់យើង ហើយបន្ទាប់មកត្រូវបានគេឆ្កាង ទ្រង់បានបន្តបង្រៀនពួកសាវករបស់ទ្រង់ ។
សូមអាន យ៉ូហាន ១៤:១៦–១៧ ដោយរកមើលការសន្យារបស់ព្រះអង្គសង្គ្រោះចំពោះពួកសាវករបស់ទ្រង់ ។
-
ហេតុអ្វីបានជាអ្នកគិតថា ព្រះយេស៊ូវគ្រីស្ទបានសន្យាដល់ពួកសាវកទ្រង់ថា ពួកគេនឹងទទួលបានអំណោយទាននៃព្រះវិញ្ញាណបរិសុទ្ធភ្លាមៗបន្ទាប់ពីទ្រង់បានចាកចេញទៅ ?
សូមគូរតារាងខាងក្រោមនៅក្នុងសៀវភៅកំណត់ហេតុការសិក្សារបស់អ្នក ។ សូមទុកកន្លែងទំនេរសម្រាប់ជួរឈរទីបី ដែលអ្នកនឹងបន្ថែមនៅពេលក្រោយ ។ សូមបំពេញតារាងពីអ្វីដែលអ្នករកឃើញក្នុងខគម្ពីរដែលបានរាយបញ្ជី ។
|
ខគម្ពីរ ( ច្រើន ) |
ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
|---|---|
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
ខគម្ពីរ ( ច្រើន ) | ព្រះវរបិតាសួគ៌ និងព្រះយេស៊ូវគ្រីស្ទបញ្ជូនព្រះវិញ្ញាណបរិសុទ្ធមកកាន់យើងដើម្បី … |
១. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើអ្នកនឹងសង្ខេបអ្វីដែលព្រះអង្គសង្គ្រោះបានបង្រៀនអំពីមូលហេតុដែលទ្រង់ និងព្រះវរបិតាបញ្ជូនព្រះវិញ្ញាណបរិសុទ្ធមកកាន់យើងដោយរបៀបណា ?
-
តើការសន្យា និងសេចក្តីពិតទាំងនេះអាចជួយអ្នកក្នុងជីវិតរបស់អ្នកឥឡូវនេះដោយរបៀបណា ?
-
តើការដឹងថា ព្រះវិញ្ញាណបរិសុទ្ធត្រូវបានបញ្ជូនមកដោយព្រះវរបិតាសួគ៌ និងព្រះយេស៊ូវគ្រីស្ទ ជួយអ្នកឲ្យដឹងថាពួកទ្រង់ស្រឡាញ់អ្នកដោយរបៀបណា ? តើវាបង្ហាញអ្នកថា ពួកទ្រង់មានព្រះទ័យយ៉ាងណាចំពោះអ្នក ?
ទីបន្ទាល់មួយមកពីព្រះវិញ្ញាណបរិសុទ្ធ
ព្រះអង្គសង្គ្រោះបានបង្រៀនថា ព្រះវិញ្ញាណបរិសុទ្ធនឹងថ្លែងទីបន្ទាល់អំពី និងលើកតម្កើងទ្រង់ ( សូមមើល យ៉ូហាន ១៥:២៦; ១៦:១៣–១៤ ) ។
ប្រធាន រ័សុល អិម ណិលសុន បានសង្កេត ៖
សេចក្ដីពិតដ៏សំខាន់បំផុតដែលព្រះវិញ្ញាណបរិសុទ្ធនឹងធ្វើជាសាក្សីដល់អ្នកគឺថា ព្រះយេស៊ូវ គឺជា ព្រះគ្រីស្ទ ជាព្រះរាជបុត្រានៃព្រះដ៏មានព្រះជន្មរស់ ។
( រ័សុល អិម ណិលសុន « Revelation for the Church, Revelation for Our Lives » Liahona ខែ ឧសភា ឆ្នាំ ២០១៨ ទំព័រ ៩៦ )
២. សូមឆ្លើយសំណួរខាងក្រោមនេះយ៉ាងហោចណាស់មួយ នៅក្នុងសៀវភៅកំណត់ហេតុការសិក្សារបស់អ្នក ៖
-
តើពេលណាដែលអ្នកទទួលអារម្មណ៍ពីព្រះវិញ្ញាណបរិសុទ្ធ ថាកំពុងបង្រៀន និងថ្លែងទីបន្ទាល់ដល់អ្នកអំពីព្រះវរបិតាសួគ៌ និងព្រះយេស៊ូវគ្រីស្ទ ? តើព្រះវិញ្ញាណបរិសុទ្ធបានបង្រៀន និងថ្លែងទីបន្ទាល់ដល់អ្នកយ៉ាងដូចម្ដេចខ្លះ ?
-
តើមនុស្សម្នាក់អាចធ្វើអ្វីខ្លះ ដើម្បីយាងអញ្ជើញព្រះវិញ្ញាណបរិសុទ្ធឲ្យបង្រៀនពួកគេអំពីព្រះវរបិតាសួគ៌ និងព្រះយេស៊ូវគ្រីស្ទ ? ( សូមមើល យ៉ូហាន ៧:១៧; ១៤:១៣ ) ។
បទពិសោធន៍ផ្ទាល់ខ្លួនជាមួយព្រះវិញ្ញាណបរិសុទ្ធ
សូមបន្ថែមជួរឈរទីបីទៅក្នុងតារាងរបស់អ្នក ហើយដាក់ស្លាកវាថា « របៀបដែលព្រះវិញ្ញាណបរិសុទ្ធបានធ្វើការណ៍នេះសម្រាប់ខ្ញុំ ឬនរណាម្នាក់ដែលខ្ញុំស្គាល់ » ។ សម្រាប់វគ្គបទគម្ពីរនីមួយៗនៅក្នុងតារាង សូមគិត និងសរសេរអំពីបទពិសោធន៍ទាំងឡាយដែលអ្នក សមាជិកគ្រួសារ ឬនរណាម្នាក់នៅក្នុងព្រះគម្ពីរមានជាមួយព្រះវិញ្ញាណបរិសុទ្ធ ដែលបំពេញតួនាទីនោះ ។ ប្រសិនបើអ្នកមិនដឹង ឬចងចាំបទពិសោធន៍ផ្ទាល់ខ្លួនសម្រាប់តួនាទីនៃព្រះវិញ្ញាណបរិសុទ្ធនីមួយៗដែលព្រះអង្គសង្គ្រោះបានគូសបញ្ជាក់នៅក្នុងខគម្ពីរទាំងនេះទេ នោះមិនអីទេ ។ នៅពេលអ្នកព្យាយាមស្មោះត្រង់ ហើយស្វែងរកបទពិសោធន៍ទាំងនេះនៅក្នុងជីវិតរបស់អ្នក នោះ ព្រះវរបិតាសួគ៌នឹងជួយអ្នកឲ្យស្គាល់ពួកគេ ។
ជម្រើស ៖ តើចង់រៀនសូត្របន្ថែមទៀតដែរឬទេ ?
តើព្រះវិញ្ញាណបរិសុទ្ធធ្វើអ្វីខ្លះ ?
ប្រធាន ដាល្លិនអេក អូក បានបង្រៀនថា
ក្រុមព្រះ និងផែនការនៃសេចក្តីសង្រ្គោះ
Elder Oaks teaches that because we know the truth about the Godhead and the plan of salvation, we have the road map for our mortal journey.
សមាជិកទីបីនៃក្រុមព្រះគឺព្រះវិញ្ញាណបរិសុទ្ធ ក៏ហៅបានថាជា ព្រះវិញ្ញាណបរិសុទ្ធ ព្រះវិញ្ញាណនៃព្រះអម្ចាស់ និង ព្រះដ៏ជាជំនួយ ។ ទ្រង់ជាសមាជិកនៃក្រុមព្រះ ដែលជាភ្នាក់ងារនៃវិវរណៈផ្ទាល់ខ្លួន ។ ដោយមានរូបជាព្រះវិញ្ញាណ ( សូមមើល គ&ស ១៣០:២២ ) នោះទ្រង់អាចគង់នៅក្នុងយើង ហើយសម្តែងតួនាទីចាំបាច់ជាអ្នកទាក់ទងរវាងព្រះវរបិតា និងព្រះរាជបុត្រា ជាមួយកូនចៅរបស់ព្រះនៅលើផែនដី ។ បទគម្ពីរជាច្រើនបង្រៀនថា បេសកកម្មរបស់ទ្រង់គឺដើម្បីថ្លែងទីបន្ទាល់អំពីព្រះវរបិតា និងព្រះរាជបុត្រា ( សូមមើល យ៉ូហាន ១៥:២៦; នីហ្វៃទី៣ ២៨:១១; គ&ស ៤២:១៧ ) ។ ព្រះអង្គសង្គ្រោះបានសន្យាថា ព្រះដ៏ជាជំនួយនឹងបង្រៀនយើងពីគ្រប់សេចក្តីទាំងអស់ រំឭកពីគ្រប់ទាំងសេចក្តី ហើយនាំយើងចូលក្នុងគ្រប់ទាំងសេចក្តីពិត ( សូមមើល យ៉ូហាន ១៤:២៦; ១៦:១៣ ) ។ ហេតុដូច្នោះហើយ ព្រះវិញ្ញាណបរិសុទ្ធជួយយើងញែកដឹងរវាងសេចក្តីពិត និងការក្លែងក្លាយដឹកនាំយើងក្នុងការសម្រេចចិត្តសំខាន់ៗរបស់យើង ហើយជួយយើងឆ្លងកាត់ឧបសគ្គនានានៃជីវិតរមែងស្លាប់នេះ ។ ទ្រង់ក៏ជាមធ្យោបាយមួយដែលធ្វើឲ្យយើងបរិសុទ្ធ ដែលលាងជម្រះ និងបន្សុទ្ធយើងចេញពីអំពើបាប ( សូមមើល នីហ្វៃទី២ ៣១:១៧; នីហ្វៃទី៣ ២៧:២០; មរ៉ូណៃ ៦:៤ )
( ដាល្លិន អេក អូក « The Godhead and the Plan of Salvation » Liahona ខែ ឧសភា ឆ្នាំ ២០១៧ ទំព័រ ១០២ )
ហេតុអ្វីបានជាវាសំខាន់ដែលយើងត្រូវស្គាល់ព្រះវិញ្ញាណបរិសុទ្ធដែលមានព្រះបន្ទូលមកយើង ?
ប្រធាន ដាល្លិន អេក អូក ក្នុងគណៈប្រធានទីមួយបានបង្រៀន ៖
ទំនាក់ទំនងផ្ទាល់ខ្លួនជាមួយព្រះវរបិតាសួគ៌របស់យើងតាមរយៈព្រះវិញ្ញាណបរិសុទ្ធរបស់ទ្រង់នេះ គឺជាប្រភពនៃទីបន្ទាល់អំពីសេចក្តីពិត ចំណេះដឹងរបស់យើង និងជាប្រភពនៃការណែនាំផ្ទាល់ខ្លួនរបស់យើងពីព្រះវរបិតាសួគ៌ជាទីស្រឡាញ់ ។ វាជាលក្ខណៈសំខាន់មួយនៃផែនការនៃដំណឹងល្អដ៏អស្ចារ្យរបស់ទ្រង់ ដែលអនុញ្ញាតឲ្យបុត្រាបុត្រីរបស់ទ្រង់ម្នាក់ៗទទួលបានសាក្សីផ្ទាល់ខ្លួនអំពីសេចក្ដីពិតរបស់ទ្រង់ ។
( ដាល្លិន អេក អូក « Two Lines of Communication » Liahona ខែ វិច្ឆិកា ឆ្នាំ ២០១០ ទំព័រ ៨៣ )
យ៉ូហាន ១៤:២៧ ។ តើខ្ញុំអាចមានអារម្មណ៍សុខសាន្តពីព្រះវិញ្ញាណបរិសុទ្ធដោយរបៀបណា ប្រសិនបើខ្ញុំកំពុងតស៊ូជាមួយនឹងសុខភាពផ្លូវចិត្ត ?
ប្រសិនបើអ្នកជួបប្រទះនឹងបញ្ហាសុខភាពផ្លូវចិត្ត ដូចជាការថប់បារម្ភ ឬការបាក់ទឹកចិត្ត អ្នកប្រហែលជាមានអារម្មណ៍ថាវាពិបាកណាស់ក្នុងការទទួលអារម្មណ៍ពីព្រះវិញ្ញាណបរិសុទ្ធ ។ នេះមិនមែនជាកំហុសរបស់អ្នកទេ ។ ព្រះវរបិតាសួគ៌របស់យើង និងព្រះរាជបុត្រាទ្រង់ ព្រះយេស៊ូវគ្រីស្ទ ដឹងពីការលំបាកទាំងនេះ ហើយទ្រង់ទាំងទ្វេចង់ជួយអ្នក ។ សូមពិចារណាពិនិត្យមើលធនធានមួយ ឬពីរខាងក្រោមនេះសម្រាប់ជាព័ត៌មានបន្ថែមអំពីរបៀបដើម្បីទទួលអារម្មណ៍នៃសេចក្តីសុខសាន្តពីព្រះវិញ្ញាណបរិសុទ្ធ នៅពេលអ្នកពុះពារជាមួយបញ្ហាសុខភាពផ្លូវចិត្ត ។
-
វីដេអូ ៖ « Like a Broken Vessel » ( ១១:៣៦ មាននៅលើគេហទំព័រ ChurchofJesusChrist.org )
11:36Like a Broken Vessel
For personal accounts of living with mental illness, answers to common questions, and other resources, visit http://mentalhealth.lds.org
-
រ៉េណា អ៊ី អាប៊ើតូ « Thru Cloud and Sunshine, Lord, Abide with Me! » Liahona ខែ វិច្ឆិកា ឆ្នាំ ២០១៩ ទំព័រ ៥៧–៦០
-
ដេប្រា ទីប៊ុល ម៉េកឃ្លិនឌិន « Discerning Your Feelings: Anxiety or the Spirit? » Ensign ខែ មេសា ឆ្នាំ ២០១៩ ChurchofJesusChrist.org
-
Lyle J. Burrup « Anxiety and Anxiety Disorders » Ensign ខែ មីនា ឆ្នាំ ២០១៧ ទំព័រ ៥៤–៦១
យ៉ូហាន ១៦:៧ ។ តើព្រះអង្គសង្គ្រោះមានន័យយ៉ាងណា នៅពេលទ្រង់មានព្រះបន្ទូលថា « បើខ្ញុំមិនទៅទេ នោះព្រះដ៏ជាជំនួយនឹងមិនមកឯអ្នករាល់គ្នាដែរ » ?
ដោយហេតុផលមួយចំនួនពុំបានពន្យល់ពេញលេញនៅក្នុងព្រះគម្ពីរ នោះព្រះវិញ្ញាណបរិសុទ្ធពុំធ្វើការពេញលេញនៅក្នុងចំណោមពួកសាសន៍យូដាឡើយ នៅអំឡុងឆ្នាំ នៃព្រះជន្មរមែងស្លាប់របស់ព្រះយេស៊ូវ ( យ៉ូហាន ៧:៣៩; ១៦:៧ ) ។ សេចក្តីថ្លែងការណ៍អំពីឥទ្ធិលដែលថាព្រះវិញ្ញាណបរិសុទ្ធពុំយាងមក រហូតទាល់តែ បន្ទាប់ពីព្រះយេស៊ូវបានមានព្រះជន្មរស់ឡើងវិញនោះ គឺគ្រាន់តែសំដៅលើសម័យកាន់កាប់ត្រួតត្រានោះតែប៉ុណ្ណោះ ព្រោះវាច្បាស់ណាស់ថា ព្រះវិញ្ញាណបរិសុទ្ធបានធ្វើការតាំងតែពីសម័យកាន់កាប់ត្រួតត្រាពីមុនៗមកម្ល៉េះ ។ លើសពីនេះទៀត វាសំដៅទៅលើតែ អំណោយទាន នៃព្រះវិញ្ញាណបរិសុទ្ធប៉ុណ្ណោះដែលពុំមានវត្តមាន ព្រោះ ព្រះចេស្តា នៃព្រះវិញ្ញាណបរិសុទ្ធបានធ្វើការអំឡុងពេលនៃការបម្រើរបស់យ៉ូហាន បាទីស្ទ និងព្រះយេស៊ូវ បើមិនដូច្នោះទេ គ្មាននរណាម្នាក់អាចទទួលទីបន្ទាល់នៃសេចក្តីពិតដែលបុរសទាំងនេះបានបង្រៀនឡើយ ( ម៉ាថាយ ១៦:១៦–១៧ សូមមើលផងដែរ កូរិន. ទី១. ១២:៣ ) ។
( Bible Dictionary, « Holy Ghost » )