Rebyo 18 sa Doktrinal nga Kahanas
Gamita ang mga Tudling sa Doktrinal nga Kahanas
Ang usa sa mga katuyoan sa doktrinal nga kahanas mao ang pagtabang kanimo nga makakat-on kon unsaon paggamit sa doktrina nga gitudlo diha sa mga tudling sa doktrinal nga kahanas ngadto sa tinuod nga mga sitwasyon sa kinabuhi. Kini nga leksiyon makahatag nimo og mga kahigayonan aron mabansay ang paggamit sa pipila ka tudling sa doktrinal nga kahanas sa Bag-ong Tugon diha sa imong kinabuhi.
Mga tudling sa doktrinal nga kahanas
Hunahunaa nga ang 150 ka labing maayong mga atleta nag-try out aron mahimong goalkeeper sa usa ka elite nga grupo sa soccer. Mahunahuna ba ninyo unsa ka lisod alang sa mga tigbansay ang pagpili og usa lamang ka atleta?
-
Unsa nga kriterya sa imong hunahuna ang gamiton sa mga tigbansay aron mahiktin ang maong pinili?
Ang Bag-ong Tugon naglangkob og duol sa 8,000 ka bersikulo. 53 lamang niini nga mga bersikulo (mga 1 sa matag 150 ka bersikulo) ang nalakip sulod sa 24 ka tudling sa doktrinal nga kahanas sa Bag-ong Tugon. Hunahunaa ang hagit sa pagpili unsa nga mga tudling gikan sa tibuok nga Bag-ong Tugon ang kinahanglang tun-an isip mga tudling sa doktrinal nga kahanas.
-
Kon ikaw hangyoon nga motabang pagpili sa mga tudling sa doktrinal nga kahanas, unsa nga kriterya ang imong gamiton aron maila kon unsa nga mga tudling ang imong pilion?
Pagpili og duha sa mosunod nga mga tudling sa doktrinal nga kahanas nga wala pa kaayo nimo mapamilyar. Basaha ang tibuok tudling sa imong kasulatan, ug ilha ang mga rason nganong sa imong hunahuna kadto nga mga tudling ang napili isip mga tudling sa doktrinal nga kahanas nga tutokan sa kabatan-onan sa tibuok kalibotan.
Doktrinal nga Kahanas sa Bag-ong Tugon: 1 Mga Taga-Corinto–Pinadayag
|
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
|---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang inyong lawas mao ang templo sa Espiritu Santo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Hinoon diha sa Ginoo ang babaye dili gawas sa lalaki ni ang lalaki gawas sa babaye.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang [K]risto.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Diha sa Pagkabanhaw, adunay tulo ka ang-ang sa himaya. |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang adlaw ni Kristo … dili pa moabot, hangtod nga mahitabo una ang pagsupil.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang balaan nga kasulatan … makagagahom sa pagtudlo kanimo ngadto sa kaluwasan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan Ang Langitnong Amahan mao “ang Amahan sa mga espiritu.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon aduna man kaninyoy nakulangan og kaalam, papangayoa siya sa Dios.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang hugot nga pagtuo patay kon kini walay binuhatan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang maayong balita [gi]wali hangtod ngadto sa mga patay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ug ang mga patay gipanaghukman … pinasikad sa ilang mga binuhatan.” |
Ang imong relasyon sa Dios
Usa ka rason nga ang mga tudling sa doktrinal nga kahanas gipili tungod kay kini naglangkob og mga kamatuoran nga makapalig-on sa imong relasyon sa Langitnong Amahan ug kang Jesukristo.
1. Tubaga ang mosunod nga mga pangutana diha sa imong journal sa pagtuon.
-
Unsa ang usa ka tudling sa doktrinal nga kahanas ang nakatabang nimo sa paglig-on sa imong relasyon sa Langitnong Amahan ug kang Jesukristo? Giunsa niini pagtabang kanimo?
-
Unsa nga mga kamatuoran ang imong nakat-onan mahitungod Kanila gikan niini nga tudling?
Paggamit sa mga tudling
Usa sa mga tumong sa doktrinal nga kahanas mao ang pagtabang nimo nga magamit ang mga kamatuoran nga anaa sa mga tudling sa doktrinal nga kahanas ngadto sa mga sitwasyon nga imong giatubang sa imong kinabuhi karon ug sa umaabot. Pananglitan, ang doktrina nga gitudlo sa 1 Pedro 4:6 nga ang ebanghelyo gisangyaw ngadto sa mga patay didto sa kalibotan sa mga espiritu mahimong makatabang sa paghupay sa usa ka higala nga nawad-an og minahal o mahimong makadasig nimo sa paghimo sa buhat sa templo ug family history alang sa imong mga katigulangan.
Paggamit sa karon
2. Tubaga ang mosunod nga mga pangutana diha sa imong journal sa pagtuon.
-
Unsa ang usa ka tinuod nga sitwasyon nga giatubang sa kabatan-onan karon nga mahimong tubagon pinaagi sa usa sa mga tudling sa doktrinal nga kahanas nga gilista sa tsart? Mahimo nimong isulat ang mahitungod sa imong kaugalingong mga kahimtang, ang mga kahimtang sa imong kaila, o ang mga kahimtang sa kabatan-onan sa kinatibuk-an.
-
Hain niini nga mga tudling sa doktrinal nga kahanas ang labing maayo nga magamit sa sitwasyon nga imong gisulat? Sa unsang paagi nga ang mga kamatuoran nianang tudling magamit sa sitwasyon?
Paggamit sa umaabot
3. Tubaga ang mosunod nga mga pangutana diha sa imong journal sa pagtuon:
-
Unsa ang usa ka sitwasyon nga imong masinati kon matigulang na ka diin ang usa sa mga tudling sa doktrinal nga kahanas makatabang o makagiya kanimo?
-
Hain niini nga mga tudling sa doktrinal nga kahanas ang labing maayo nga magamit niana nga sitwasyon? Sa unsang paagi nga ang mga kamatuoran nianang tudling magamit sa sitwasyon?