ហេព្រើរ ១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ហេព្រើរ ១–១០

« ជានាមដែលប្រសើរជាង »

រូបពាក់កណ្ដាលព្រះកាយព្រះកេះខាងមុខរបស់ព្រះយេស៊ូវគ្រីស្ទ

អ្នកដើរតាមព្រះយេស៊ូវគ្រីស្ទទាំងអស់នឹងឆ្លងកាត់ការសាកល្បងនៃសេចក្តីជំនឿរបស់ពួកគេ ។ ករណីនេះបានកើតឡើងចំពោះពួកគ្រីស្ទាននៃសាសន៍យូដា ។ ក្រោមសម្ពាធនៃការបៀតបៀនផ្សេងៗ មនុស្សជាច្រើនបានដកខ្លួនចេញពីសាសនាចក្រ ហើយត្រឡប់ទៅរកសុវត្ថិភាពនៃទំនាកទំនងនៃការថ្វាយបង្គំបែបសាសន៍យូដានៅឯសាលាប្រជុំវិញ ។ ប៉ុលចង់បង្ហាញពួកគ្រីស្ទានសាសន៍យូដាទាំងនេះថា ព្រះយេស៊ូវអស្ចារ្យជាងម៉ូសេ ហើយថាការងារបម្រើរបស់ទ្រង់បាននាំមកនូវសេចក្តីសញ្ញាថ្មីដ៏ឧត្តុងឧត្តមលើសេចក្តីសញ្ញាចាស់នៅក្រោមក្រឹត្យវិន័យរបស់ម៉ូសេ ។ មេរៀននេះអាចជួយពង្រឹងសេចក្តីជំនឿរបស់អ្នកទៅលើព្រះអង្គសង្គ្រោះ នៅពេលអ្នករៀនអំពីព្រះចេស្ដារបស់ទ្រង់លើគ្រប់ការណ៍ទាំងអស់ ដោយកំណត់អត្តសញ្ញាណនិងសិក្សាពីព្រះបរមងារនិងតួនាទីមួយចំនួនរបស់ទ្រង់ ។

ព្រះបរមងាររបស់ព្រះយេស៊ូវគ្រីស្ទ

សូមចំណាយពេលមួយនាទី ហើយសរសេរនៅក្នុងសៀវភៅកំណត់ហេតុការសិក្សារបស់អ្នកនូវពាក្យ ឬឃ្លាជាច្រើនដែលពិពណ៌នាអំពីខ្លួនអ្នកទៅតាមអ្វីដែលអ្នកអាចគិតឃើញ ។

ហេតុអ្វីបានជាអ្នកប្រើពាក្យ និងឃ្លាដែលអ្នកបានពិពណ៌នា ?

គឺដូចជាអ្នកមានពាក្យ ឬឃ្លាដែលពិពណ៌នាអំពីខ្លួនអ្នកដែរ ព្រះយេស៊ូវគ្រីស្ទក៏មានព្រះនាម ឬព្រះបរមងារជាច្រើនដែលពិពណ៌នាអំពីទ្រង់ផងដែរ ។ នៅពេលយើងស្គាល់ព្រះបរមងារទាំងនេះកាន់តែច្បាស់ នោះយើងយល់កាន់តែច្បាស់ថាតើទ្រង់ជានរណា និងថាទ្រង់ស្រឡាញ់យើងប៉ុណ្ណា ។

នៅក្នុងសៀវភៅកំណត់ហេតុការសិក្សារបស់អ្នក សូមសរសេរអំពីព្រះបរមងារមួយចំនួនដែលអ្នកស្គាល់រួចហើយសម្រាប់ព្រះអង្គសង្គ្រោះ ។

តើការស្គាល់ និងការយល់ដឹងអំពីព្រះបរមងារទាំងនេះរបស់ព្រះយេស៊ូវគ្រីស្ទមានឥទ្ធិពលលើរបៀបដែលអ្នកមានទស្សនៈអំពីទ្រង់យ៉ាងដូចម្ដេច ?

ប្រធាន រ័សុល អិម ណិលសុន បានបង្រៀនអំពីរបៀបដែលយើងអាចទទួលបានពរជ័យ នៅពេលយើងរៀនបន្ថែមអំពីព្រះអង្គសង្គ្រោះ ៖

កាលណាបងប្អូនរៀនពីព្រះអង្គសង្គ្រោះកាន់តែច្រើន នោះវាកាន់តែងាយស្រួលដើម្បីទុកចិត្តលើសេចក្ដីមេត្តាករុណារបស់ទ្រង់ សេចក្ដីស្រឡាញ់ដ៏និរន្ដរ៍របស់ទ្រង់ និងព្រះចេស្ដារបស់ទ្រង់ក្នុងការពង្រឹង ព្យាបាល និងប្រោសលោះ ។

( រ័សុល អិម ណិលសុន « Christ Is Risen; Faith in Him Will Move Mountains » Liahona ខែ ឧសភា ឆ្នាំ ២០២១ ទំព័រ ១០៣ )

តើអ្នកត្រូវការជំនួយពីព្រះអង្គសង្គ្រោះតាមរបៀបណាខ្លះ ចំពោះអ្វីដែលប្រធាន ណិលសុន បានពិពណ៌នា ?

ដូចជាយើងត្រូវការព្រះអង្គសង្គ្រោះដែរ ដូច្នេះពួកគ្រីស្ទានសាសន៍យូដាដែលមិនចូលរួមការប្រជុំសាសនាចក្រដោយសារការបៀតបៀន និងសម្ពាធផ្សេងទៀតក៏ត្រូវការទ្រង់ដូចគ្នា ។ ពួកគេបានបែរទៅរកការថ្វាយបង្គំដែលពួកគេធ្លាប់ស្គាល់ និងទំនាក់ទំនងដ៏សុខសាន្តនៃទំនៀមទម្លាប់របស់ពួកសាសន៍យូដា ដែលមិនរួមបញ្ជូលនឹងការជឿទៅលើព្រះយេស៊ូវគ្រីស្ទឡើយ ( សូមមើល ហេព្រើរ ១០:២៥, ៣៨–៣៩ ) ។ អ្នកអាចស្វែងយល់បន្ថែមអំពីសំបុត្រនេះដោយសិក្សា « ហេព្រើរ, សំបុត្រដល់ពួក » នៅក្នុងសេចក្ដីណែនាំដល់បទគម្ពីរទាំងឡាយ ។

សូមស្វែងរកព្រះបរមងារ និងតួនាទីផ្សេងទៀតរបស់ព្រះយេស៊ូវគ្រីស្ទ

ប៉ុលបានចែកចាយព្រះបរមងារ និងតួនាទីជាច្រើនរបស់ព្រះអង្គសង្គ្រោះ ដែលអាចនឹងជួយពួកបរិសុទ្ធឲ្យទទួលស្គាល់តម្រូវការរបស់ពួកគេសម្រាប់ទ្រង់ ។ ជាឧទាហរណ៍ ហេព្រើរ ១:២ សង្កត់ធ្ងន់លើព្រះបរមងាររបស់ព្រះអង្គសង្គ្រោះដែលជា « ព្រះរាជបុត្រា » ដែលទាក់ទងនឹងការដែលទ្រង់ « គ្រងរបស់ទាំងអស់ ទុកជាមរដក » ។ ហេព្រើរ ១:២, ១០ ពន្យល់អំពីតួនាទីរបស់ព្រះយេស៊ូវជាអង្គបង្កបង្កើតស្ថានសួគ៌ និងផែនដី ។

ឥឡូវនេះ អ្នកបានឃើញឧទាហរណ៍មួយចំនួននៃព្រះបរមងាររបស់ព្រះអង្គសង្គ្រោះ សូមអានខគម្ពីរខាងក្រោម ហើយរកមើលព្រះបរមងារ និងតួនាទីបន្ថែមទៀតរបស់ព្រះយេស៊ូវគ្រីស្ទ ។ សូមពិចារណាគូសសម្គាល់អ្វីដែលអ្នករកឃើញ ។

តើសេចក្ដីពិតអ្វីដែលអ្នកបានកត់សម្គាល់អំពីព្រះអង្គសង្គ្រោះពីព្រះបរមងារ និងតួនាទីរបស់ទ្រង់មួយ ឬច្រើន ?

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ឥឡូវនេះ អ្នកបានអនុវត្តកត់សម្គាល់ព្រះនាមនិងព្រះបរមងាររបស់ព្រះយេស៊ូវគ្រីស្ទ សូមចំណាយពេលមួយភ្លែតដើម្បីសញ្ជឹងគិតថាតើអ្នកកំពុងប្រើជំនាញនេះបានល្អប៉ុណ្ណាក្នុងការសិក្សាព្រះគម្ពីររបស់អ្នក ។

តើការស្វែងរកព្រះបរមងាររបស់ព្រះយេស៊ូវគ្រីស្ទបានជួយអ្នកឲ្យស្គាល់ទ្រង់កាន់តែច្បាស់ដោយរបៀបណា ?
តើអ្នកអាចបញ្ចូលការសិក្សាព្រះបរមងារនៃព្រះយេស៊ូវគ្រីស្ទទៅក្នុងការសិក្សាព្រះគម្ពីរជាប្រចាំរបស់អ្នកដោយរបៀបណា ?

សូមរកមើលព្រះបរមងារនៃព្រះយេស៊ូវគ្រីស្ទនៅក្នុងការសិក្សាផ្ទាល់ខ្លួនរបស់អ្នក និងជាមួយក្រុមគ្រួសាររបស់អ្នក នៅពេលអ្នកបន្តសិក្សាព្រះគម្ពីរសញ្ញាថ្មី និងព្រះគម្ពីរផ្សេងទៀត ។

ជម្រើស ៖ តើចង់រៀនសូត្របន្ថែមទៀតទេ ?

ហេតុអ្វីខ្ញុំគួររៀនអំពីព្រះយេស៊ូវគ្រីស្ទ ?

ប្រធាន រ័សុល អិម ណិលសុន បានបង្រៀនថា ៖

ការប្រជុំធម្មនិដ្ឋានទូទាំងពិភពលោក ខែ មករា ឆ្នាំ ២០១៧
President Russell M. Nelson talks about prophets, leadership, and divine law during the January 2017 Worldwide Devotional.

ប្រសិនបើអ្នកបន្តរៀនអំពីព្រះយេស៊ូវគ្រីស្ទឲ្យអស់ពីសមត្ថភាព ខ្ញុំសូមសន្យានឹងអ្នកថា សេចក្តីស្រឡាញ់របស់អ្នកចំពោះទ្រង់ និងចំពោះក្រឹត្យវិន័យរបស់ព្រះនឹងរីកចម្រើនលើសពីអ្វីដែលអ្នកនឹកស្រមៃនាពេលបច្ចុប្បន្ននេះ ។ ខ្ញុំក៏សូមសន្យានឹងអ្នកដែរថា សមត្ថភាពរបស់អ្នកដើម្បីងាកចេញពីអំពើបាបនឹងកើនឡើង ។ បំណងប្រាថ្នារបស់អ្នកដើម្បីរក្សាបទបញ្ញត្តិនឹងចម្រើនឡើង ។ អ្នកនឹងឃើញថាខ្លួនអ្នកអាចដើរចេញពីការកម្សាន្ត និងការជាប់ជំពាក់ជាមួយមនុស្សដែលមើលងាយដល់អ្នកដើរតាមព្រះយេស៊ូវគ្រីស្ទបានកាន់តែប្រសើរជាងមុន ។ …

សូមសិក្សាអ្វីគ្រប់យ៉ាងដែល ជា ព្រះយេស៊ូវគ្រីស្ទដោយការអធិស្ឋាន និងដោយការខិតខំស្វះស្វែងដើម្បីយល់ពីអ្វីដែលព្រះបរមងារ និងព្រះនាមនីមួយៗរបស់ទ្រង់មានន័យសម្រាប់អ្នកផ្ទាល់ ។

( រ័សុល អិម ណិលសុន « Prophets, Leadership, and Divine Law » [ ការប្រជុំធម្មនិដ្ឋានសម្រាប់យុវមជ្ឈិមវ័យទូទាំងពិភពលោក ថ្ងៃទី ៨ ខែ មករា ឆ្នាំ ២០១៧ ] ដែលមាននៅលើគេហទំព័រ ChurchofJesusChrist.org បានបន្ថែមការគូសបញ្ជាក់ )

ហេព្រើរ ១:២, ១០ ។ តើតួនាទីរបស់ព្រះយេស៊ូវដែលជាអង្គបង្កបង្កើតអាចមានឥទ្ធិពលលើជីវិតរបស់ខ្ញុំយ៉ាងដូចម្ដេច ?

ឆាដ អេច វិប អ្នកគ្រប់គ្រងថ្នាក់សិក្ខាសាលា និងថ្នាក់វិទ្យាស្ថានសាសនាបានពន្យល់ ៖

បងប្អូនប្រហែលជាចាំថាប្រធាន ប៊យដ៍ ឃេ ផាកកឺ ជាវិចិត្រករដ៏ចំណានម្នាក់ដែលចូលចិត្តឆ្លាក់សត្វចាបឈើ ។ ថ្ងៃមួយ លោកជាអ្នកដំណើរក្នុងឡានមួយដែលបើកដោយអែលឌើរ អេ សៀដ័រ ធូថល ហើយមានរូបចម្លាក់មួយរបស់លោកដាក់នៅលើកៅអីឡានខាងក្រោយ ។ នៅផ្លូវបំបែក អែលឌើរ ធូថល បានជាន់ហ្វ្រាំងយ៉ាងខ្លាំងធ្វើឲ្យរូបចម្លាក់នោះធ្លាក់ដាំក្បាលចុះ ហើយបែកខ្ទេច ។ អែលឌើរ ធូថល បានភ័យរន្ធត់ជាខ្លាំង ប៉ុន្ដែប្រធាន ផាកកឺ មិនរន្ធត់សោះ ។ លោកបាននិយាយធម្មតាថា « មិនអីទេ ។ ខ្ញុំបានធ្វើវា ។ ខ្ញុំអាចជួសជុលវាបាន » ។ ហើយលោកបានជួសជុលវា ។ លោកបានធ្វើឲ្យវាមាំជាងមុន ហើយថែមទាំងកែលម្អវាបន្ថែមទៀតផង ។ ប្រធាន ផាកកឺ បានពន្យល់ថា « តើនរណាបានបង្កើតអ្នក ? តើនរណាជាអង្គបង្កបង្កើតរបស់អ្នក ? គ្មានអ្វីណាមួយអំពីជីវិតរបស់អ្នកដែលទ្រុឌទ្រោម ឬខូចដែលទ្រង់មិនអាចជួលជុលវាបាននោះទេ ហើយទ្រង់នឹងជួសជុលបាន » ។

( ឆាដ អេច វិប « We Talk of Christ, We Rejoice in Christ » ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ ថ្ងៃទី ១២ ខែ មិថុនា ឆ្នាំ ២០១៨ ដែលមាននៅលើគេហទំព័រ ChurchofJesusChrist.org)

តើការស្គាល់ព្រះយេស៊ូវគ្រីស្ទអាចនាំឲ្យខ្ញុំមានសេចក្ដីសង្ឃឹមយ៉ាងដូចម្ដេច ?

បទពិសោធន៍ខាងក្រោមដែលបានចែកចាយដោយអែលឌើរ រ៉ូណាល់ អេ រ៉ាសបាន អាចជួយយើងឲ្យយល់ពីរបៀបដែលការស្គាល់ព្រះបរមងារ និងតួនាទីរបស់ព្រះយេស៊ូវគ្រីស្ទអាចផ្តល់ក្តីសង្ឃឹម ។

ព្រះយេស៊ូវ គ្រីស្ទគឺជាចម្លើយ
សុន្ទរកថារបស់អែលឌើរ រ៉ូណល អេ រ៉ាសបាន សម្រាប់ខែកុម្ភៈ ឆ្នាំ ២០១៩ ថ្លែងសុន្ទរកថាខាងសាសនាទៅកាន់អ្នកអប់រំ ស៊ី.អ៊ី.អេស. ។

ហេព្រើរ ២:១០ ។ តើព្រះយេស៊ូវគ្រីស្ទជា« មេដឹកនាំនៃសេចក្ដីសង្គ្រោះ[ របស់យើង ] »តាមរបៀបណា ?

ផតខាសទាំងប៉ុន្មានភាគ ខាងក្រោមចែកចាយការយល់ដឹងអំពីរបៀបដែលព្រះយេស៊ូវគ្រីស្ទជាមេដឹកនាំនៃសេចក្តីសង្រ្គោះរបស់យើង ៖