Lucas 24:1–12, 36–48

Ang Pagkabanhaw ni Jesukristo

Walay sulod nga lubnganan ni Jesukristo - gipahimutang sa Goshen, Utah

Human sa paglubong sa Manluluwas, ang mga matinud-anon nga disipulo nagdala og mga pahumot ngadto sa lubnganan. Inay nga makit-an ang patay nga lawas sa Manluluwas, ilang nakaplagan ang usa ka walay sulod nga lubnganan. Ang mga anghel mipahibalo nga ang Ginoo nabanhaw. Sa pagkagabii niana, sa dihang ang mga disipulo nagtigom, Siya mitungha ug gipakita kanila ang Iyang nabanhaw nga lawas. Kini nga leksiyon mahimong makatabang ninyo sa pagpataas sa inyong pagsabot sa Pagkabanhaw sa Manluluwas ug giunsa niini pag apekto sa inyong kinabuhi.

Ang Pagkabanhaw ni Jesukristo

Susiha ang hulagway sa walay sulod nga lubnganan ni Jesukristo nga anaa makita sa ulohan niini nga leksiyon, ug pamalandongi ang imong mga tubag sa mosunod nga mga pangutana.

Unsay buot ipasabot niini nga litrato alang kaninyo?

Magsulat diha sa piraso sa papel gamit ang ballpen o lapis.

Human si Jesukristo boluntaryong mihatag sa Iyang kinabuhi sa krus, ang Iyang lawas gikuha ug giputos og limpyo nga telang lino ug gibutang sa usa ka lubnganan. Agi og pagsunod sa Igpapahulay, si Maria Magdalena ug pipila sa lain pang matinuoron nga mga babaye mibalik sa lubnganan sayo sa buntag (tan-awa sa Lucas 24:10; Juan 20:11–18).

Basaha ang Lucas 24:1–12, nga mangita unsa ang ilang nakaplagan ug nakat-onan samtang anaa sa lubnganan sa Manluluwas.

Unsa kaha ang gihunahuna ug gibati sa mga disipulo human sa unsay ilang nakita ug nadungog?

Pgkahuman niini nga kasinatian, si Jesukristo mitungha ngadto sa duha ka disipulo didto sa dalan sa Emmaus (tan-awa sa Lucas 24:13–32). Mibalik sila sa Jerusalem aron ipaambit ang ilang kasinatian ngadto sa Apostoles (tan-awa sa Lucas 24:33–35).

Basaha ang Lucas 24:36–48nga mangita kon unsa ang nahitabo sa dihang ang mga disipulo ni Jesus naghisgot sa mga pagtungha sa nabanhaw nga Manluluwas.

Mahimo usab ninyong ikonsiderar ang pagtan-aw sa bidyo nga “The Risen Lord Appears to the Apostles [Ang Nabanhaw nga Ginoo Nagpakita ngadto sa Apostoles]” (2:19), nga anaa sa ChurchofJesusChrist.org.

The Risen Lord Appears to the Apostles
The resurrected Christ appears to the Apostles and tells them, “Peace be unto you.” They touch His hands and feet and He eats with them. He tells them He will send them as His Father sent Him. Luke 24:36–41, 44–49; John 20:21

Ang Lucas 24:36–39 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra ninyo kining makit-an. Makakat-on ka og dugang pa mahitungod niini nga tudling sa doktrinal nga kahanas sa sunod nga leksiyon.

Unsa ang nagpasulabi alang kanimo niining mga tudling gikan sa mga pulong sa Manluluwas ngadto sa Iyang mga disipulo?

Ngano kaha ang pipila sa unang mga pulong sa Manluluwas nga gisulti ngadto kanila kay “Ang kalinaw maanaa kaninyo”? (Lucas 24:36).
Unsa ang inyong nakat-onan gikan niining mga bersikulo mahitungod kon si kinsa ang Manluluwas ug unsa ang Iyang gusto nga masabtan sa Iyang mga disipulo?

Pagpalambo sa inyong pagsabot sa Pagkabanhaw sa Manluluwas

Usa ka kamatuoran nga atong makat-onan gikan niining mga bersikulo mao nga si Jesukristo adunay nabanhaw nga lawas nga unod ug bukog.

Unsay buot ipasabot nga nabanhaw?

Pagkabanhaw, “ang pagkahiusa sa espiritu nga lawas ngadto sa yutan-on nga lawas sa unod ug mga bukog human sa kamatayon,” gihimong posible alang sa matag usa kanato tungod ni Jesukristo (Giya ngadto sa mga Kasulatan, “ Pagkabanhaw,” scriptures.ChurchofJesusChrist.org). Tungod sa Iyang Pag-ula ug Pagkabanhaw, gihimong posible sa Manluluwas alang sa matag usa kanato nga magpuyo kauban ug mahisama Kaniya.

Pamalandong sa bisan unsang mga pangutana ninyo mahitungod sa Pagkabanhaw sa Manluluwas ug ang kahulugan niini sa inyong kinabuhi. Pipila sa mga pangutana nga lagmit anaa kaninyo mahitungod sa doktrina sa Pagkabanhaw sa Manluluwas kay nalista sa ubos. Ikonsiderar ang paglita niini nga mga pangutana sa inyong journal sa pagtuon.

Unsay kalabotan nga si Jesukristo adunay lawas nga unod ug bukog?
Unsa kaimportante ang Pagkabanhaw sa Manluluwas dinhi sa akong kinabuhi?

Usa ka paagi sa pagpangita og mga tubag sa atong mga pangutana mao ang pagsiksik unsa ang gitudlo sa mga propeta ug apostoles sa Ginoo. Sa ubos makita ang pipila ka panudlo ni Elder D. Todd Christofferson sa Korum sa Napulog Duha ka Apostoles. Samtang inyong tun-an kini nga mga pulong, pangitaa ang mga tubag sa uban ninyong mga pangutana. Mahimo usab kamong magsiksik og bisan unsang dugang nga mga pulong gikan sa mga sa giordinahang sulugoon sa Ginoo nga mahimong makatabang kaninyo.

Ang Pagkabanhaw ni Jesukristo
Si D. Todd Christofferson nagpaambit og daghang mga saksi sa kasulatan sa Pagkabanhaw ni Jesukristo ingon man usab sa iyang kaugalingong pagpamatuod.

Hunahunaa sa makadiyot ang kamahinungdanon sa Pagkabanhaw sa pagsulbad gayod sa tinuod nga pagkatawo ni Jesus sa Nazaret ug sa dagkong pilosopikanhong panagbangi ug mga pangutana sa kinabuhi. Kon si Jesus tinuod gayod nga nabanhaw, mosunod dayon niini nga Siya usa ka balaanong binuhat. Walay mortal nga tawo nga dunay gahom sa iyang kaugalingon nga mabuhi og balik human mamatay. Tungod kay Siya nabanhaw, si Jesus dili mahimong usa lang ka panday, magtutudlo, rabbi, o propeta. Tungod kay Siya nabanhaw, si Jesus usa gayod ka Dios, gani ang Bugtong Anak sa Amahan.

Busa, unsay Iyang gitudlo tinuod; ang Dios dili magbakak.

Busa, Siya ang Tiglalang sa yuta, sama sa Iyang gisulti.

Busa, ang langit ug ang impyerno tinuod, sama sa Iyang gitudlo.

Busa, dunay usa ka kalibotan sa mga espiritu, nga Iyang gibisita human sa Iyang kamatayon.

Busa, moanhi Siya pag-usab, sama sa giingon sa mga anghel, ug “mohari dinhi sa yuta” [Mga Artikulo sa Hugot nga Pagtuo 1:10].

Busa, dunay pagkabanhaw ug katap[o]sang paghukom alang sa tanan.

(D. Todd Christofferson, “Ang Pagkabanhaw ni Jesukristo,” Liahona, Mayo 2014, 113)

Kon adunay pay oras, ikonsiderar ang pagtan-aw sa bidyo nga “Siya Buhi - Sauloga ang Pasko sa Pagkabanhaw Tungod kay si Jesukristo Buhi” (2:26) samtang mag-andam kamo sa pagtubag sa mosunod nga mga pangutana. Kini nga bidyo anaa sa ChurchofJesusChrist.org.

He Lives Again and So Will You
Tungod sa Pagkabanhaw, si Jesukristo buhi. Tungod Kaniya, mabuntog ninyo ang sala ug makasinati og way katapusang kalipay. Pagkat-on unsaon ninyo nga makadiskobre, makadawat, ug mopakigbahin sa kalipay sa Pagkabanhaw sa HeLives.mormon.org/ceb

Opsiyonal: Gustong Makakat-on pa og Dugang?

Nganong importante man ang Pagkabanhaw ni Jesukristo ngari kanako?

Sa iyang pakigpulong “Unsa ang Nabuhat sa Manluluwas alang Kanato?” Si Presidente Dallin H. Oaks sa Unang Kapangulohan nagtudlo sa unsang paagi nga ang Pagkabanhaw sa Manluluwas nakaapekto sa matag usa kanato (Liahona, Mayo 2021, 75–77).