Mateo 28; Lucas 24; Juan 20

Mga Saksi sa Nabanhaw nga Manluluwas

Maria Magdalena nakahinagbo sa nabanhaw nga Kristo.

Si Jesukristo mipakita sa daghang mga indibidwal ug mga grupo human Siya Nabanhaw. Kini nga leksiyon mahimong makatabang sa paglig-on sa inyong pagpamatuod nga ang Manluluwas buhi samtang kamo magtuon sa mga kasinatian sa pipila niining mga saksi.

Nagtuo bisan wala makakita

Tan-awa ang mosunod nga hulagway sa nabanhaw nga Manluluwas nga mitumaw gikan sa lubnganan. Irekord diha sa inyong journal sa pagtuon unsa ang lagmit ninyong ipaambit sa usa ka tawo nga may pagduda nga kining labing importante nga panghitabo nahitabo gayod. Unsa nga mga istorya sa kasulatan sa Pagkabanhaw sa Manluluwas ang inyong mahimong ipaambit kanila?

Ang nabanhaw nga si Jesukristo mitunga gikan sa Tanaman nga Lubnganan. Si Kristo gihulagway nga mitikang pagawas sa lubnganan. Siya makita nga nagsul-ob og puti nga kupo. Mga bulak nangbuswak duol sa entrada sa lubnganan.

Ngano kaha nga importante man sa Ginoo nga matag usa kanato makabaton sa atong kaugalingong pagmatuod nga Siya buhi?

Pamalandongi ang inyong pagpamatuod nga si Jesukristo buhi ug sa unsa kamo mapanalanginan pinaagi sa pagpalig-on niini nga pagpamatuod. Ang pagtuon sa mga pulong niadtong mga nakahibalo nga ang Manluluwas buhi mahimong makapalig-on sa atong pagtuo sa Iyang buhing realidad bisan kon ang uban sa palibot kanato may pagduda. Sa inyong pagtuon karon, pagmatngon sa mga pag-aghat gikan sa Espiritu Santo nga nagkompirma sa kamatuoran niining mga istorya diha sa inyong kasingkasing ug hunahuna.

Mga saksi sa Bag-ong Tugon

Magsulat diha sa piraso sa papel gamit ang ballpen o lapis.

Ubang mga saksi sa kasulatan

Moderno nga mga saksi

Lain pang importante nga paagi sa pagpalig-on sa inyong pagpamatuod nga si Jesukristo buhi mao ang pinaagi sa pagtuon sa mga pagpamatuod sa moderno nga “talagsaon nga mga saksi sa ngalan ni Kristo sa tibuok nga kalibotan” (Doktrina ug mga Pakigsaad 107:23), ang giordinahan nga Apostoles sa atong panahon.

Mahimo ninyong tan-awon ang bidyo nga ““Umari Kanako”” (gikan sa time code 16:18 hangtod 16:47) ug ang bidyo nga “The Only True God and Jesus Christ Whom He Hath Sent [Sa Bugtong Tinuod nga Dios ug kang Jesukristo Nga Iyang Pinadala]” (2:26), ang duha anaa sa ChurchofJesusChrist.org. Basaha ang mga pamahayag ni Presidente Eyring ug Elder Holland, duha ka modernong saksi ni Jesukristo.

"Come unto Me"
By His words and His example, Christ has shown us how to draw closer to Him.

Si Presidente Henry B. Eyring sa Unang Kapangulohan mipamatuod:

Saksi ako sa Pagkabanhaw sa Ginoo sama kasigurado nga didto ko sa gabii uban sa duha ka disipulo sa balay sa Emaus. Nahibalo ko nga buhi Siya sama kasigurado kang Joseph Smith dihang nakita niya ang Amahan ug ang Anak sa kahayag sa nagsanag nga kabuntagon sa kakahoyan sa Palmyra.

Tinuod kini nga Simbahan ni Jesukristo.

(Henry B. Eyring, “Umari Kanako,” Liahona, Mayo 2013, 25)

The Only True God and Jesus Christ Whom He Has Sent
Elder Jeffrey R. Holland testifies of the Savior and what it means to be Christian.

Si Elder Jeffrey R. Holland sa Korum sa Napulog Duha ka Apostoles mipamatuod:

Ako mopamatuod nga si Jesukristo mao ang literal, buhi nga Anak sa atong literal, buhi nga Dios. … Ako mohatag sa akong pagsaksi nga Siya sa literal nga paagi nabanhaw gikan sa lubnganan ug, human mikayab ngadto sa Iyang Amahan aron sa pagkompleto sa proseso niana nga Pagkabanhaw, Siya nagpakita, og balik-balik, ngadto sa gatosan ka mga disipulo sa Daang Kalibotan ug sa Bag-o. Ako nasayod nga Siya mao ang usa nga Balaan sa Israel, ang Mesiyas kinsa usa ka adlaw moanhi pag-usab sa kataposang himaya, aron maghari sa yuta ingon nga Ginoo sa mga ginoo ug Hari sa mga hari.

(Jeffrey R. Holland, “Sa Bugtong Tinuod nga Dios ug kang Jesukristo nga Iyang Pinadala,” Liahona, Nob. 2007, 42)

Ngano kaha nga ang Manluluwas naghatag man kanato og moderno nga mga saksi agi og dugang sa Iyang mga karaang saksi?

Inyong saksi

Basaha ang Juan 20:29, nga mangita sa mga kamatuoran nga si Jesukristo nagtudlo ni Tomas mahitungod sa pag-angkon og pagpamatuod.

Unsa ang gitudlo niini nga bersikulo kaninyo bahin sa kamatuoran mahitungod sa paglambo sa inyong pagpamatuod ni Jesukristo?

Usa ka kamatuoran nga atong makat-onan gikan sa mga pagtulon-an sa Manluluwas niini nga bersikulo mao nga kita gipanalanginan sa atong pagpili nga motuo nga si Jesukristo buhi bisan og wala kita makakita Kaniya.

Idugang ang inyong personal nga saksi sa Manluluwas sa kadtong inyong naton-an karon. Isip usa sa paagi sa pagbuhat niini, mahimong irekord ang mga tubag sa mga pangutana sama sa mosunod diha sa inyong journal sa pagtuon.

Unsa nga mga ebidensiya ang inyong nakita sa inyong kinabuhi ug sa kinabuhi sa uban nga si Jesukristo buhi?
Kanus-a ninyo nabati ang Espiritu Santo nga nagpamatuod kaninyo bahin sa katinuod ni Jesukristo?
Unsa nga tambag ang inyong mahatag sa usa ka tawo kinsa dili pa sigurado kon sila motuo nga ang Manluluwas buhi?

Opsiyonal: Gustong Makakat-on pa og Dugang?

Nganong aduna may mga samad gikan sa Pagkalansang sa Krus diha sa nabanhaw nga lawas ni Jesus?

Si Elder Jeffrey R. Holland sa Korum sa Napulog Duha ka mga Apostoles mitudlo:

“Bisan kon ang gah[o]m sa Pagkabanhaw makahimo—ug sigurado sa umaab[o]t nga mohimo—og hingpit nga pagpahiuli ug pagbag-o sa mga samad gikan sa paglansang sa krus, bisan pa niana si Kristo mipili nga mapabilin kadto nga mga samad nga may katuyoan, apil na alang sa iyang pagpakita sa kataposang mga adlaw sa dihang mopakita siya niadto nga mga marka ug mopadayag nga siya nasamdan ‘diha sa balay sa [iyang] mga higala’ [Zacarias 13:6; Doktrina ug mga Pakigsaad 45:52].

Ang mga samad sa iyang mga kamot, mga tiil, ug kilid maoy mga timailhan nga sa mortalidad ang sakit nga mga butang mahitabo bisan ngadto sa putli ug sa hingpit, mga timailhan nga ang kagul-anan dili ebidens[i]ya nga ang Dios wala mahigugma kanato. Usa ka mahinungdanon ug malaumon nga kamatuoran nga ang samaran nga Kristo ang miluwas kanato.

(Jeffrey R. Holland, Christ and the New Covenant, [1997], 258–59)

Juan 20:17. Unsa ang gipasabot sa Manluluwas sa dihang miingon siya kang Maria Magdalena nga “ayaw [Siya] hikapa”?

Si Elder Bruce R. McConkie (1915–85) sa Korum sa Napulog Duha ka mga Apostoles mipasabut:

Ang King James Version mikutlo sa giingon ni Jesus ‘“Ayaw na ako pagkupti.” Ang Hubad ni Joseph Smith mabasa nga “Ayaw ko guniti.” Ang managlahi nga paghubad sa Gresyanhon nagpasabot sa tudling nga “Ayaw ko kapyuti”o “Ayaw ko guniti.” Ang uban mihatag og kahulugan nga “Ayaw na ko kapyuti,” o “Ayaw na ko guniti.” Ang uban naghisgot sa paghunong sa pagkupot kaniya o paggunit kaniya, nagpasabot nga si Maria nagkupot na kaniya. Dunay balidong rason sa paghunahuna nga ang ideya nga gipasabot ngadto kang Maria sa Nabanhaw nga Ginoo maingon niini: “Dili ka na makapugong kanako dinhi, kay mosaka na ako ngadto sa akong Amahan.”

(Bruce R. McConkie, The Mortal Messiah: From Bethlehem to Calvary [1981], 4:264)

Unsa nga mga bidyo ang anaa aron makatabang kanako sa pag-visualize sa mga asoy sa mga pagpakita sa nabanhaw nga Manluluwas?

Mahimo kamo nga motan-aw sa mosunod nga mga bidyo (anaa sa ChurchofJesusChrist.org): “Jesus Is Resurrected [Si Jesus Nabanhaw]” (4:05)

Jesus Is Resurrected
Peter and John find the empty tomb. Jesus, now resurrected, appears to Mary.

“Christ Appears on the Road to Emmaus [Si Kristo Mipakita didto sa Dalan paingon sa Emaus]” (3:32)

Christ Appears on the Road to Emmaus
The resurrected Christ walks with two men on the road to Emmaus. He blesses and breaks bread with them and then vanishes from sight. Their hearts burned within them. Luke 24:13–33

“Blessed Are They That Have Not Seen, and Yet Have Believed [Bulahan Sila nga Wala Makakita, ug sa Gihapon Mituo]” (2:29)