ម៉ាថាយ ១១:២៧; យ៉ូហាន ៥:១៩; ៣០; យ៉ូហាន ៨:១៨–២៨

« ព្រះរាជបុត្រាសព្វព្រះហឫទ័យបើកឲ្យស្គាល់ទ្រង់ »

ព្រះអង្គសង្គ្រោះបានថ្លែងទីបន្ទាល់ថា យើងអាចស្គាល់ព្រះវរបិតាសួគ៌បានកាន់តែច្បាស់តាមរយៈការសិក្សាពីគំរូនៃព្រះរាជបុត្រារបស់ទ្រង់ ។ អ្វីៗទាំងអស់ដែលព្រះយេស៊ូវគ្រីស្ទបានមានព្រះបន្ទូល និងធ្វើ គឺធ្វើតាមគំរូរបស់ព្រះវរបិតាទ្រង់ ហើយមានព្រះរាជបំណងនាំយើងឲ្យមករកព្រះវរបិតាយ៉ាងប្រាកដ ។ មេរៀននេះអាចជួយអ្នកឲ្យយល់កាន់តែច្បាស់អំពីព្រះវរបិតាសួគ៌ និងរបៀបដែលទ្រង់ព្រះតម្រិះអំពីអ្នក ។

ការដឹងអំពីព្រះវរបិតាសួគ៌

សូមពិចារណាអំពីសាច់រឿងខាងក្រោម ៖

នៅក្នុងសុន្ទរកថាការប្រជុំសាក្រាម៉ង់នាពេលថ្មីៗនេះ ក្លូឌីអូ បានឮសមាជិកម្នាក់នៅក្នុងវួដរបស់គាត់ប្រកាសថា « ខ្ញុំដឹងថាព្រះវរបិតាសួគ៌ស្គាល់ ហើយស្រឡាញ់ខ្ញុំ ។ ទ្រង់ដឹងពីតម្រូវការរបស់ខ្ញុំ ហើយមានព្រះរាជបំណងចង់ជួយខ្ញុំ » ។ ក្លូឌីអូ មានការភ្ញាក់ផ្អើល និងងឿងឆ្ងល់ពីរបៀបដែលនាងដឹងរឿងទាំងអស់នេះអំពីព្រះវរបិតាសួគ៌ ។ នៅពេលគាត់សញ្ជឹងគិតអំពីអ្វីដែលគាត់ដឹងអំពីព្រះវរបិតាសួគ៌ នោះគាត់មានអារម្មណ៍ថា គាត់ពុំសូវដឹងច្រើននោះទេ ។ គាត់ថែមទាំងព្យាយាមរកមើលក្នុងព្រះគម្ពីរ ហើយក៏មិនទទួលបានជោគជ័យអ្វីច្រើនដែរ ។

• តើយើងអាចមានអារម្មណ៍ដូច ក្លូឌីអូ តាមរបៀបណាខ្លះ ?

• តើអារម្មណ៍ដូចដែលយើងមិនស្គាល់ព្រះវរបិតាសួគ៌ ឬសូម្បីតែដឹងអំពីទ្រង់គឺជាការលំបាកសម្រាប់យើងយ៉ាងដូចម្តេច ?

សូមពិចារណានូវអ្វីដែលអ្នកបានរៀនអំពីព្រះវរបិតាសួគ៌ និងរបៀបដែលចំណេះដឹងនោះមានឥទ្ធិពលលើរូបអ្នក ។ នៅលើក្រដាសមួយសន្លឹក ឬនៅក្នុងសៀវភៅកំណត់ហេតុការសិក្សារបស់អ្នក សូមសរសេរពាក្យ « ព្រះវរបិតាសួគ៌ » នៅចំកណ្តាល ។ នៅជុំវិញពាក្យទាំងនេះ សូមសរសេរនូវអ្វីដែលអ្នកដឹងអំពីព្រះវរបិតាសួគ៌ ។

• តើការដឹងកាន់តែច្បាស់អំពីព្រះវរបិតាសួគ៌ មានឥទ្ធិពលយ៉ាងណាលើជីវិតរបស់នរណាម្នាក់ ?

នៅពេលអ្នកសិក្សាមេរៀននេះ សូមរកមើលសេចក្តីពិតអំពីព្រះវរបិតាសួគ៌ និងព្រះរាជបុត្រារបស់ទ្រង់ ដែលអាចជួយអ្នកឲ្យយល់កាន់តែច្បាស់ថា តើទ្រង់ទាំងទ្វេមានលក្ខណៈបែបណា ហើយថាតើទ្រង់ទាំងទ្វេមានព្រះទ័យបែបណាចំពោះអ្នក ។ សូមពិចារណាបន្ថែមនូវអ្វីដែលអ្នកបានរៀនអំពីព្រះវរបិតាសួគ៌នៅលើក្រដាស ។ព្រះយេស៊ូវគ្រីស្ទបានមានព្រះបន្ទូលជាប្រចាំពីព្រះវរបិតារបស់ទ្រង់ និងបានធ្វើដូច្នោះដោយមានគោលបំណងសំខាន់មួយ ។ សូមអានវគ្គបទគម្ពីរខាងក្រោម ដោយរកមើលអ្វីដែលព្រះយេស៊ូវមានព្រះទ័យចង់ឲ្យអ្នកដើរតាមទ្រង់បានដឹងអំពីព្រះអង្គទ្រង់ និងព្រះវរបិតាសួគ៌ ៖

ម៉ាថាយ ១១:២៧ ( រួមទាំងការផ្លាស់ប្តូរនៅក្នុងការបកប្រែដោយ យ៉ូសែប ស្ម៊ីធផងដែរថា ពួកអ្នកដែលព្រះរាជបុត្រានឹងបង្ហាញព្រះកាយព្រះអង្គទ្រង់នឹងបានឃើញព្រះវរបិតាផងដែរ) ។

• យ៉ូហាន ៥:១៩, ៣០

• យ៉ូហាន ៨:១៨–១៩, ២៦, ២៨

• តើអ្នកនឹងសង្ខេបអំពីអ្វីដែលព្រះអង្គសង្គ្រោះបានបង្រៀនពីអ្វីដែលអ្នកធ្លាប់បានអានយ៉ាងដូចម្តេច ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ពីវិធីសំខាន់មួយ ដែលយើងអាចស្គាល់ព្រះវរបិតាសួគ៌ ។អ្នកប្រហែលចង់មើលវីដេអូ « The Grandeur of God » ដែលមាននៅលើគេហទំព័រ ChurchofJesusChrist.org ចាប់ពីលេខកូដម៉ោង ០:០០ ដល់ម៉ោង ១:០៧ ឬអានអត្ថបទខាងក្រោមនេះ ។

ជម្រើស ៖ ចង់រៀនសូត្របន្ថែមទៀតទេ ?

តើការស្គាល់ព្រះវរបិតាសួគ៌មានឥទ្ធិពលមកលើខ្ញុំយ៉ាងដូចម្តេច ?

ព្យាការី យ៉ូសែប ស៊្មីធ ( ឆ្នាំ ១៨០៥–៤៤ ) បានបង្រៀន ៖

« ប្រសិនបើ [ មនុស្ស ] ម្នាក់មិនចេះអ្វីក្រៅតែពីបរិភោគ ផឹក និងដេក ហើយមិនយល់ពីការបង្កើតឡើងណាមួយរបស់ព្រះ នោះគឺប្រៀបបាននឹងសត្វដូច្នោះដែរ ។ សត្វវាស៊ី ផឹក ដេក ហើយមិនដឹងពីអ្វីទាំងអស់អំពីព្រះ តែវាដឹងច្រើនដូចយើងដែរ លើកលែងតែយើងអាចយល់តាមរយៈការបំផុសគំនិតពីព្រះដ៏មានព្រះចេស្ដាប៉ុណ្ណោះ ។ ប្រសិនបើ [ មនុស្ស ] មិនយល់ពីបុគ្គលិកលក្ខណៈរបស់ព្រះទេ នោះពួកគេក៏មិនយល់ពីខ្លួនឯងដែរ ។

( Teachings of Presidents of the Church: Joseph Smith [ឆ្នាំ ២០០៧ ] ទំព័រ ៤០ )

សូមពិចារណាមើល « Relationship with God—Patrick » ( ០:៥៩ ) និង « Relationship with God—Anipha » ( ០:៥៥ ) ដើម្បីមើលឧទាហរណ៍អំពីរបៀបដែលការស្គាល់ព្រះវរបិតាសួគ៌អាចមានឥទ្ធិពលលើជីវិតរបស់នរណាម្នាក់យ៉ាងដូចម្ដេច ។