រ៉ូម ១២

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

រ៉ូម ១២–១៥ 

សាមគ្គីភាពតាមរយៈព្រះយេស៊ូវគ្រីស្ទ

យុវជន និងយុវនារីដើរនៅឧទ្យានគ្រីស្ដល នៅឯផែទាហានជើងទឹក នៅទីក្រុងឈីកាហ្គោ ។ មានដើមត្នោត និងរុក្ខជាតិផ្សេងៗទៀតនៅផ្ទៃខាងក្រោយ ។

តើអ្នកធ្លាប់មានអារម្មណ៍លំបាកក្នុងការរួមសាមគ្គីជាមួយសមាជិកផ្សេងទៀតនៃសាសនាចក្រដែរឬទេ ? ពួកបរិសុទ្ធនៅក្រុងរ៉ូមដែលបានរស់នៅក្នុងអំឡុងសម័យរបស់ប៉ុលគឺចេញមកពីសាវតារ និងវប្បធម៌ចម្រុះគ្នា ។ ពេលខ្លះពួកគេមានការខ្វែងគំនិតគ្នា និងមានភាពតានតឹងជាមួយគ្នាទៅវិញទៅមក ។ ជាការឆ្លើយតប ប៉ុលបានលើកទឹកចិត្តពួកគេឲ្យ « មានគំនិតព្រមព្រៀងគ្នាទៅវិញទៅមក » ( រ៉ូម ១២:១៦ ) ។ មេរៀននេះអាចជួយអ្នកឲ្យស្វែងរករបៀបដើម្បីមានសាមគ្គីភាពកាន់តែខ្លាំងឡើងជាមួយសមាជិកនៃសាសនាចក្ររបស់ព្រះអង្គសង្គ្រោះ ។ 

យើងទាំងអស់គ្នាអាចអាចសាមគ្គីគ្នាបាន

មៃកា និងក្រុមគ្រួសាររបស់គាត់បានទទួលបុណ្យជ្រមុជទឹកកាលពីបីឆ្នាំមុន ។ វាត្រូវចំណាយពេលមួយរយៈសម្រាប់គ្រួសាររបស់មៃកា ដើម្បីសម្របតាមរបៀបរស់នៅថ្មីក្នុងនាមជាសមាជិកនៃសាសនាចក្រ ប៉ុន្តែពួកគាត់បានទទួលការគាំទ្រខាងសង្គមយ៉ាងខ្លាំង និងការទទួលយកពីសមាជិកនៃសាខារបស់ពួកគេ ។ ថ្មីៗនេះ ឪពុករបស់ មៃកា បានទទួលការងារថ្មី ហើយគ្រួសាររបស់គាត់បានផ្លាស់ទៅរស់នៅតំបន់ផ្សេង ។ មៃកា បានចូលរួមសកម្មភាពព្រះវិហារ និងសកម្មភាពយុវជនក្នុងវួដថ្មីរបស់គាត់ពីរបីសប្តាហ៍ ប៉ុន្តែគាត់មានអារម្មណ៍ពិបាកទទួលយកនៅទីនោះ ។ យុវវ័យហាក់ដូចជាមនុស្សល្អ ប៉ុន្តែពួកគេភាគច្រើនហាក់ដូចជាសមាជិកសាសនាចក្រយូរមកហើយ ហើយ មៃកា ឆ្ងល់ថាតើពួកគេអាចនឹងវិនិច្ឆ័យគាត់ចំពោះភាពមិនល្អឥតខ្ចោះ និងគ្មានបទពិសោធន៍ជាមួយសាសនាចក្រដែរឬទេ ។

តើដំបូន្មានអ្វីខ្លះដែលអ្នកនឹងផ្ដល់ឲ្យ មៃកា ដើម្បីជួយគាត់ក្នុងស្ថានភាពនេះ?
តើដំបូន្មានអ្វីខ្លះដែលអ្នកនឹងផ្ដល់ឲ្យយុវវ័យនៅក្នុងវួដថ្មីរបស់ មៃកា ?

ប៉ុលបានសរសេរសំបុត្ររបស់លោកទៅកាន់ពួករ៉ូមអំឡុងពេលដែលសមាជិកសាសនាចក្រមកពីសាវតារសាសនា និងវប្បធម៌ផ្សេងគ្នាដែលបានចាប់ផ្ដើមថ្វាយបង្គំជាមួយគ្នា ។ មានគ្រាដែលពួកបរិសុទ្ធទាំងនេះមិនយល់ស្របនឹងគ្នា ឬបានវិនិច្ឆ័យសមាជិកសាសនាចក្រផ្សេងទៀតដោយអយុត្តិធម៌នៅដោយសារការជ្រើសរើសខុសពីពួកគេ ។ មេរៀនមួយដែលយើងអាចរៀនចេញពីការបង្រៀនរបស់ប៉ុលនៅក្នុង រ៉ូម ១២–១៥ គឺថា ទោះបីជាយើងទាំងអស់គ្នាមានភាពខុសគ្នាក៏ដោយ ក៏សមាជិកសាសនាចក្រអាចខិតខំសាមគ្គីគ្នាតាមរយៈការបង្រៀនរបស់ព្រះយេស៊ូវគ្រីស្ទបានដែរ ។

តើអ្វីអាចធ្វើឲ្យពិបាកក្នុងការមានអារម្មណ៍សាមគ្គីគ្នាជាមួយសមាជិកសាសនាចក្រផ្សេងទៀត ?

ហេតុអ្វីបានជាអ្នកគិតថា វាសំខាន់ចំពោះព្រះអម្ចាស់ ដែលសមាជិកនៃសាសនាចក្ររបស់ទ្រង់ចេះសាមគ្គីគ្នា ?

សូមគិតអំពីរបៀបដែលអ្នកមានអារម្មណ៍ចំពោះទំនាក់ទំនងជាមួយនឹងមនុស្សនៅក្នុងវួដ ឬសាខារបស់អ្នក មិត្តរួមថ្នាក់នៃថ្នាក់សិក្ខាសាលារបស់អ្នក ឬសមាជិកផ្សេងទៀតនៃសាសនាចក្រ ។ ក្នុងអំឡុងមេរៀននេះ សូមគិតអំពីរបៀបដែលអ្នកអាចសាមគ្គីគ្នាកាន់តែច្រើនជាមួយសមាជិកផ្សេងទៀតនៃសាសនាចក្ររបស់ព្រះអង្គសង្គ្រោះ ។

ការបង្រៀនរបស់ប៉ុលអំពីសាមគ្គីភាព

សូមសិក្សាការបង្រៀនរបស់ប៉ុល អំពីសាមគ្គីភាពយ៉ាងហោចណាស់ពីរក្នុងចំណោមខគម្ពីរខាងក្រោមនេះ ។ នៅពេលអ្នកសិក្សា សូមរកមើលការបង្រៀនដែលអាចជួយអ្នកឲ្យយល់កាន់តែច្បាស់ និងគាំទ្រសមាជិកសាសនាចក្រផ្សេងទៀត ។ វាក៏អាចនឹងជួយបង្កើតរូបភាពតំណាងនៃការបង្រៀនរបស់ប៉ុលមួយ ឬច្រើនក្នុងខគម្ពីរដែលអ្នកសិក្សាផងដែរ ។

តើអ្នកបានរៀនអ្វីខ្លះពីខគម្ពីរដែលអ្នកបានសិក្សា ដែលអាចជួយអ្នកឲ្យកាន់តែសាមគ្គីគ្នាជាមួយអ្នកដទៃ ?
តើការខិតខំប្រឹងប្រែងដើម្បីសាមគ្គីគ្នាជាមួយនឹងអ្នកដទៃអាចជួយយើងឲ្យកាន់តែដូចជាព្រះយេស៊ូវគ្រីស្ទយ៉ាងដូចម្ដេច ?
តើបទពិសោធន៍អ្វីខ្លះពីជីវិតរបស់អ្នក ឬជីវិតរបស់អ្នកដទៃដែលបានបង្ហាញពីសារៈសំខាន់នៃសាមគ្គីភាពជាមួយសមាជិកសាសនាចក្រផ្សេងទៀត ?

សូមពិចារណាមើលវីដេអូ « A Friend to All » ( ៤:០១ ) ដែលមាននៅលើគេហទំព័រ ChurchofJesusChrist.org ។ នៅក្នុងវីដេអូនេះ អែលឌើរ យូលីស សូរ៉េស ក្នុងកូរ៉ុមនៃពួកសាវកដប់ពីរនាក់ បានពិពណ៌នាអំពីបទពិសោធន៍មួយចំនួនដែលគ្រួសារលោកមាន នៅពេលពួកលោកចូលជាសមាជិកថ្មីនៃសាសនាចក្រ ។ នៅពេលអ្នកមើល សូមគិតអំពីរបៀបដែលអ្នកអាចគាំទ្រ និងរាប់អានសមាជិកសាសនាចក្របានកាន់តែប្រសើរឡើង ។

A Friend to All
Elder Ulisses Soares talks of the need for kindness and acceptance.

តើអ្នកចាប់អារម្មណ៍អ្វីចេញពីសារលិខិតរបស់អែលឌើរ សូរ៉េស ? ហេតុអ្វី ?

ការអនុវត្តអ្វីដែលអ្នកបានរៀនសូត្រ

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ជម្រើស ៖ តើចង់រៀនសូត្របន្ថែមទៀតទេ ?

តើយើងអាចរៀនអ្វីខ្លះពីបញ្ហាប្រឈមដែលសាសនាចក្របានប្រឈមនៅក្រុងរ៉ូមនាសម័យរបស់ប៉ុល ?

អែលឌើរ ឃ្វីនថិន អិល ឃុក ក្នុងកូរ៉ុមនៃពួកសាវកដប់ពីរនាក់បានពន្យល់ ៖

វប្បធម៌សាសនាចក្ររបស់យើងចេញមកពីដំណឹងល្អនៃព្រះយេស៊ូវគ្រីស្ទ ។ សំបុត្ររបស់សាវកប៉ុលទៅកាន់ពួករ៉ូមមានន័យជ្រាលជ្រៅ ។ …

… ប៉ុលដាស់តឿនសាសន៍យូដា និងពួកសាសន៍ដទៃឲ្យកាន់តាមបទបញ្ញតិ្ត និងស្រឡាញ់គ្នាទៅវិញទៅមក ហើយបញ្ជាក់ថាសេចក្ដីសុចរិតនឹងនាំទៅរកសេចក្ដីសង្គ្រោះ ។

វប្បធម៌នៃដំណឹងល្អរបស់ព្រះយេស៊ូវគ្រីស្ទ មិនមែនជាវប្បធម៌របស់សាសន៍ដទៃ ឬវប្បធម៌យូដាសឡើយ ។ វាមិនត្រូវកំណត់ដោយពណ៌សម្បុររបស់មនុស្ស ឬទីកន្លែងដែលគេរស់នៅឡើយ ។ ខណៈយើងអររីករាយនឹងវប្បធម៌ខុសៗគ្នា នោះយើងគួរតែចាកចេញពីវប្បធម៌ណាដែលមិនចុះសម្រុងនឹងដំណឹងល្អរបស់ព្រះយេស៊ូវគ្រីស្ទ ។

( ឃ្វីនថិន អិល ឃុក « ចិត្តចងក្រងរួមគ្នាដោយសេចក្តីស្រឡាញ់ និងសាមគ្គីភាព » លីអាហូណា ខែ វិច្ឆិកា ឆ្នាំ ២០២០ ទំព័រ ២០–២១ )

តើមានអ្វីអាចកើតឡើង នៅពេលយើងខិតខំធ្វើជាសមាជិកដែលមានសាមគ្គីភាពនៅក្នុងសាសនាចក្ររបស់ព្រះអង្គសង្គ្រោះ ?

អែលឌើរ ហ៊ោរហេ ធី ប៊ីស៊ីរ៉ា នៃពួកចិតសិបនាក់បានបង្រៀន ៖

នៅក្នុងវួដ និងសាខានីមួយៗ យើងត្រូវការមនុស្សគ្រប់រូប—ទាំងអ្នករឹងមាំ និងអស់អ្នកដែលប្រហែលជាកំពុងជួបបញ្ហា ។ មនុស្សទាំងអស់គ្នាគឺចាំបាច់ចំពោះភាពសំខាន់ដល់ការស្អាងនៃ « រូបកាយនៃព្រះគ្រីស្ទ » ទាំងមូល ។ ជាញឹកញាប់ ខ្ញុំឆ្ងល់ថា តើនរណាដែលយើងមិនបានមើលឃើញនៅក្នុងក្រុមជំនុំផ្សេងៗរបស់យើង ដែលនឹងពង្រឹងយើង និងធ្វើឲ្យយើងបានពេញលេញ ។

( ហ៊ោរហេ ធី ប៊ីស៊ីរ៉ា « Poor Little Ones » Liahona ខែ ឧសភា ឆ្នាំ ២០២១ ទំព័រ ៤០ )

ស៊ីស្ទើរ សារ៉ុន អូប៊ែង នៃគណៈប្រធានសមាគមសង្គ្រោះទូទៅបានចែកចាយដំណើររឿងដូចខាងក្រោម ៖

By Union of Feeling We Obtain Power with God
Sister Eubank teaches us how we can achieve greater unity with each other and thus obtain greater power from God.

នៅឆ្នាំ ១៨៤២ ពួកបរិសុទ្ធបានខិតខំធ្វើការយ៉ាងខ្លាំង ដើម្បីកសាងព្រះវិហារបរិសុទ្ធណៅវ៉ូ ។ បន្ទាប់ពីការបង្កើតសមាគមសង្គ្រោះនៅខែមីនាមក ព្យាការីយ៉ូសែបបានមកចូលរួមការប្រជុំរបស់ពួកគេជាញឹកញាប់ ដើម្បីរៀបចំពួកគេសម្រាប់សេចក្ដីសញ្ញាដែលពិសិដ្ឋបង្រួបបង្រួម ដែលពួកគេនឹងត្រូវធ្វើក្នុងពេលឆាប់ៗនៅក្នុងព្រះវិហារបរិសុទ្ធ ។

នៅថ្ងៃទី ៩ ខែមិថុនា ព្យាការី « បានថ្លែងថា លោកនឹងប្រកាសអំពីសេចក្ដីមេត្តាករុណា [ ។ ] ឧបមាថា ព្រះយេស៊ូវគ្រីស្ទ និង [ ពួក ] ទេវតាជំទាស់នឹងយើងលើរឿងរ៉ាវតូចតាច តើនឹងមានអ្វីកើតឡើងចំពោះយើង ? យើងត្រូវតែមានសេចក្ដីមេត្តាករុណា និងមើលរំលងរឿងដែលមិនសំខាន់ » ។ ប្រធានស្ម៊ីធបានបន្តថា « វាធ្វើឲ្យខ្ញុំសោកសង្រេងដែលពុំមានការចងមិត្តភាពកាន់តែពេញលេញ—បើសមាជិកម្នាក់ឈឺ នោះទាំងអស់នឹងឈឺជាមួយគ្នា—កាលយើងមានអារម្មណ៍សាមគ្គីគ្នា យើងទទួលបានអំណាចជាមួយនឹងព្រះ » [ « Minutes and Discourse ថ្ងៃទី ៩ ខែ មិថុនា ឆ្នាំ ១៨៤២ » ទំព័រ ៦១ Joseph Smith Papers ] ។

ប្រយោគដ៏ខ្លីនោះបានជះឥទ្ធិពលលើខ្ញុំដូចជាផ្លេកបន្ទោរអ៊ីចឹង ។ កាលយើងមានអារម្មណ៍សាមគ្គីគ្នា យើងទទួលបានអំណាចជាមួយនឹងព្រះ ។ ពិភពលោកនេះមិនមែនជាអ្វីដែលខ្ញុំចង់ឲ្យវាទៅជាដូច្នេះនោះទេ ។ មានរឿងជាច្រើនដែលខ្ញុំចង់មានឥទ្ធិពលលើ ហើយចង់ធ្វើឲ្យប្រសើរឡើង ។ ហើយនិយាយតាមត្រង់ទៅ មានការជំទាស់ជាច្រើនចំពោះអ្វីដែលខ្ញុំសង្ឃឹមចង់បាន ហើយពេលខ្លះខ្ញុំមានអារម្មណ៍ថាគ្មានអំណាចសោះ ។ មួយរយៈក្រោយនេះ ខ្ញុំបានសួរខ្លួនឯងនូវសំណួរថា ៖ តើខ្ញុំអាចយល់កាន់តែច្បាស់អំពីមនុស្សនៅជុំវិញខ្លួនខ្ញុំដោយរបៀបណា ? តើខ្ញុំអាចបង្កើត « អារម្មណ៍សាមគ្គីភាព » នោះដោយរបៀបណា កាលដែលមនុស្សទាំងអស់ខុសគ្នាយ៉ាងនេះ ? តើអំណាចអ្វីដែលខ្ញុំអាចបានទទួលពីព្រះ បើខ្ញុំគ្រាន់តែសាមគ្គីគ្នាបន្តិចថែមទៀតជាមួយមនុស្សដទៃនោះ ?

( សារ៉ុន អូប៊ែង « By Union of Feeling We Obtain Power with God » Liahona ខែ វិច្ឆិកា ឆ្នាំ ២០២០ ទំព័រ ៥៥ )

វីដេអូអំពីសារៈសំខាន់នៃសាមគ្គីភាព

« To Love Them All » ( ៣:២២ ) ដែលមាននៅលើគេះទំព័រ ChurchofJesusChrist.org ។ អែលឌើរ ផាទ្រីក ខៀរ៉ុន នៃគណៈប្រធាននៃពួកចិតសិបនាក់និយាយអំពីការរួមបញ្ចូល និងមិត្តភាពនៅក្នុងសាសនាចក្រ ។

3:22
To Love Them All
Elder Patrick Kearon speaks on inclusion and friendship in the Church
« Till We All Come in the Unity of the Faith » ( ២:២១ ) ដែលមាននៅលើគេហទំព័រ ChurchofJesusChrist.org ។ បងប្រុស អាម៉ាត់ អេស ខ័រប៊ីត នៃគណៈប្រធានយុវជនទូទៅនិយាយអំពីភាពចម្រុះដែលកំពុងកើនឡើងដែលមាននៅក្នុងសាសនាចក្រ ។