រ៉ូម ៨:១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

រ៉ូម ៨:១–១៧

« អ្នកគ្រងមរតកនៃព្រះជាមួយនឹងព្រះគ្រីស្ទ » 

បុរសនិយាយភាសាអេស្ប៉ាញម្នាក់ឱបព្រះអង្គសង្គ្រោះ ព្រះយេស៊ូវគ្រីស្ទ ។ ព្រះគ្រីស្ទគ្រងព្រះពស្ត្រពណ៌ស ។

នៅគ្រាដែលសមាជិកសាសនាចក្រនៅរ៉ូមខ្វះសាមគ្គីភាពគ្នា ហើយបានបែងចែកបក្សពួកលើបញ្ហាសំខាន់ៗមួយចំនួន នោះប៉ុលបានសរសេរទៅពួកគេអំពីរបៀបដែលពួកគេអាចធ្វើតាមព្រះវិញ្ញាណ ដើម្បីទទួលបានដង្វាយធួនរបស់ព្រះយេស៊ូវគ្រីស្ទ ដើម្បីយកឈ្នះលើធម្មជាតិដែលធ្លាក់របស់ពួកគេបាន ។ ប៉ុលបានសន្យាថា ប្រសិនបើពួកគេធ្វើដូច្នេះ នោះពួកគេនឹងទៅជាអ្នកគ្រងមរតកនៃព្រះជាមួយនឹងព្រះគ្រីស្ទនូវអ្វីៗទាំងអស់ដែលព្រះវរបិតាសួគ៌មាន ។ នៅពេលអ្នកសិក្សា សូមព្យាយាមបង្កើនបំណងដើម្បីធ្វើតាមព្រះវិញ្ញាណ ហើយទទួលបានអ្វីៗទាំងអស់ដែលព្រះវរបិតាសួគ៌មាន ។

តើអ្នកចង់បានមរតកអ្វីខ្លះ ?

បើអ្នកអាចជ្រើសរើសនរណាម្នាក់ដើម្បីទទួលមរតកអ្វីមួយ តើអ្នកនឹងជ្រើសរើសនរណា ? ហេតុអ្វី ?
តើអ្នកនឹងចង់បានមរតកអ្វីខ្លះពីបុគ្គលរូបនេះ ?

សាវកប៉ុលបានសរសេរទៅពួកបរិសុទ្ធនៅរ៉ូមអំពីមរតកដែលព្រះវរបិតាសួគ៌ប្រទានដល់បុត្រាបុត្រីរបស់ទ្រង់ម្នាក់ៗ ។ សូមអាន រ៉ូម ៨:១៦–១៧, ៣២ ហើយគូសចំណាំអ្វីដែលព្រះវរបិតាសួគ៌ប្រទានដល់យើង ។ វាប្រហែលជាមានប្រយោជន៍ក្នុងការដឹងថា អ្នកគ្រងមរតកគឺជា « ជនដែលត្រូវបានគ្រងអំណោយទានខាងសាច់ឈាម ឬខាងវិញ្ញាណទុកជាមរតក » ( សេចក្ដីណែនាំដល់បទគម្ពីរទាំងឡាយ « អ្នកគ្រងមរតក » នៅលើគេហទំព័រ scriptures.ChurchofJesusChrist.org ) ។

តើពាក្យ ឬ ឃ្លាអ្វីខ្លះដែលអ្នកបានគូសចំណាំ ?
តើអ្នកគិតថា វាមានន័យយ៉ាងណាដែលក្លាយជាអ្នកគ្រងមរតកនៃព្រះជាមួយនឹងព្រះគ្រីស្ទ ?

សេចក្តីពិតមួយនៃខគម្ពីរទាំងនេះជួយយើងឲ្យយល់ថា ព្រះវរបិតាសួគ៌មានព្រះទ័យចង់ប្រទានពរដល់យើងនូវអ្វីៗទាំងអស់ដែលទ្រង់មាន ( សូមមើលផងដែរ គោលលទ្ធិ និង សេចក្តីសញ្ញា ៧៦:៥៥; ៨៤:៣៨ ) ។

ដោយយោងទៅលើមរតកដែលព្រះវរបិតាសួគ៌សព្វព្រះទ័យប្រទានដល់យើង ប្រធាន ឌៀថើរ អេហ្វ អុជដូហ្វ ដែលកាលនោះនៅក្នុងគណៈប្រធានទីមួយបានបង្រៀន ៖

ខ្ញុំមិនអាចស្រមើស្រមៃឃើញពីអ្វីៗគ្រប់យ៉ាងដែលការសន្យានេះផ្ដល់ឲ្យឡើយ ។ តែខ្ញុំដឹងយ៉ាងច្បាស់ថា វាអស្ចារ្យ ទេវភាព អស់កល្ប ហើយមានតម្លៃស័ក្ដិសមនឹងរាល់ការខិតខំរបស់យើងក្នុងជីវិត ។

( ឌៀថើរ អេហ្វ អុជដូហ្វ « Four Titles » Liahona ខែ ឧសភា ឆ្នាំ ២០១៣ ទំព័រ ៦០ )

សូមចំណាយពេលមួយភ្លែត ដើម្បីគិតអំពីអត្ថន័យនៃការទទួលមរតកទាំងអស់ដែលព្រះវរបិតាសួគ៌មាន ហើយពិចារណាអំពីសំណួរថាតើអ្នកអាចមានសំណួរអ្វីខ្លះអំពីសេចក្ដីពិតនេះ ។ សូមពិចារណាអំពីបុគ្គលិកលក្ខណៈ គុណលក្ខណៈ និងពរជ័យផ្សេងទៀតដែលអ្នកចង់ទទួលមរតកពីព្រះវរបិតាសួគ៌ ។ នៅពេលអ្នកបន្តការសិក្សានៅថ្ងៃនេះ សូមរកមើលសេចក្ដីពិតនានាដែលអាចជួយអ្នកឲ្យយល់កាន់តែច្បាស់អំពីមរតកដែលព្រះវរបិតាសួគ៌មានព្រះរាជបំណងប្រទានពរដល់អ្នក និងអ្វីដែលអ្នកអាចធ្វើដើម្បីមានលក្ខណៈសម្បត្តិគ្រប់គ្រាន់ដើម្បីទទួលមរតកនេះ ។

សូមសិក្សាបន្ថែមអំពីមរតករបស់ព្រះវរបិតាសួគ៌

សូមបង្កើតតារាងដូចខាងក្រោមនៅក្នុងសៀវភៅកំណត់ហេតុការសិក្សារបស់អ្នក ៖

ពរជ័យដែលព្រះវរបិតាសួគ៌សព្វព្រះទ័យឲ្យយើងទទួលមរតក	អ្វីដែលយើងអាចធ្វើបានដើម្បីមានលក្ខណៈសម្បត្តិគ្រប់គ្រាន់ទទួលមរតកនេះ

នៅក្នុងគ្រាកាន់កាប់ត្រួតត្រារបស់យើង ព្រះអម្ចាស់បានបើកសម្ដែងបន្ថែមទៀតអំពីមរតកដែលព្រះវរបិតាសួគ៌មានព្រះរាជបំណងប្រទានឲ្យយើង ។ ជាផ្នែកមួយនៃវិវរណៈដែលបានប្រទានដល់ព្យាការី យ៉ូសែប ស្ម៊ីធ ហើយបានកត់ត្រានៅក្នុងអ្វីដែលឥឡូវនេះគឺជា គោលលទ្ធិ និង សេចក្ដីសញ្ញា ៧៦ ព្រះអម្ចាស់បានពិពណ៌នាអំពីអ្នកដែលនឹងទទួលមរតកនៅនគរសេឡេស្ទាលនៅថ្ងៃណាមួយ ។

សូមសិក្សា គោលលទ្ធិ និង សេចក្តីសញ្ញា ៧៦:៥០–៧០ ព្រមទាំងការបង្រៀនជាច្រើនទៀតរបស់ប៉ុលនៅក្នុង រ៉ូម ៨:១, ៥–៩, ១៣–១៤ រួមមានការបកប្រែរបស់យ៉ូសែប ស្មីធសម្រាប់ រ៉ូម ៨:៨–៩ ដែលមាននៅក្នុងលេខយោង ។ នៅពេលអ្នកសិក្សា សូមបន្ថែមទៅក្នុងតារាងរបស់អ្នកនូវការសន្យាដែលអ្នកបានអាន និងអ្វីដែលខគម្ពីរនិយាយថាអ្នកអាចធ្វើបាន ដើម្បីមានលក្ខណៈសម្បត្តិគ្រប់គ្រាន់សម្រាប់ការសន្យាទាំងនោះ ។ សូមចងចាំថា ទោះបីជាខគម្ពីរទាំងនេះខ្លះប្រើពាក្យដូចជា « កូនប្រុស » និង « បុរស » ក៏ដោយ ក៏ការសន្យារបស់ព្រះអនុវត្តស្មើៗគ្នាចំពោះបុត្រាបុត្រីរបស់ព្រះវរបិតាសួគ៌ទាំងអស់ដែរ ( សូមមើល គោលលទ្ធិ និង សេចក្តីសញ្ញា ២៥:១ ) ។ វាក៏ប្រហែលជាមានប្រយោជន៍ផងដែរក្នុងការដឹងថាពាក្យ « ខាងសាច់ឈាម » ដែលបានរៀបរាប់នៅក្នុង រ៉ូម ៨ សំដៅទៅលើនរណាម្នាក់ដែលផ្តោតលើរឿងលោកិយ ឬខាងសាច់ឈាម ។ វាក៏អាចយោងទៅលើចំណង់នៃសាច់ឈាមផងដែរ ( សូមមើលសេចក្ដីណែនាំដល់បទគម្ពីរទាំងឡាយ « ខាងរូបកាយ » នៅលើគេហទំព័រ scriptures.ChurchofJesusChrist.org ) ។

តើខគម្ពីរណាខ្លះមកពីការសិក្សារបស់អ្នកមានអត្ថន័យបំផុតចំពោះអ្នក ? ហេតុអ្វី ?
តើខគម្ពីរទាំងនេះបានជួយអ្នកឲ្យយល់អ្វីខ្លះកាន់តែច្បាស់ ទាក់ទងនឹងមរតកដែលព្រះមានព្រះរាជបំណងប្រទានដល់អ្នក ? តើអ្នកអាចធ្វើអ្វីខ្លះដើម្បីមានលក្ខណៈសម្បត្តិគ្រប់គ្រាន់ដើម្បីទទួលមរតកនោះ ?

នៅក្នុងតារាងដែលអ្នកបានធ្វើនៅក្នុងសៀវភៅកំណត់ហេតុការសិក្សារបស់អ្នក សូមពិនិត្យមើលអ្វីដែលអ្នកបានសរសេរ រួមទាំងពរជ័យនានាដែលព្រះវរបិតាសួគ៌សព្វព្រះទ័យឲ្យអ្នកទទួលមរតក ។

តើពរជ័យដែលបានសន្យាទាំងនេះជួយឲ្យអ្នកយល់អ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
តើព្រះអង្គសង្គ្រោះមានតួនាទីអ្វីខ្លះក្នុងការជួយយើងឲ្យទទួលមរតកនេះ ? ( សូមមើល គោលលទ្ធិ និង សេចក្តីសញ្ញា ៧៦:៦៩ ) ។

តើវាបានជះឥទ្ធិពលដល់ជីវិតអ្នកយ៉ាងដូចម្តេច ?

សូមគិតមួយភ្លែតអំពីរបៀបដែលការយល់ដឹងពីមរតកដែលព្រះវរបិតាសួគ៌មានព្រះរាជបំណងប្រទានដល់អ្នក អាចមានឥទ្ធិពលដល់ជីវិតរបស់អ្នក និងជម្រើសដែលអ្នករើស ។

ឥឡូវនេះ សូមពិចារណាអំពីរបៀបដែលសេចក្តីពិតដែលអ្នកបានសិក្សាថ្ងៃនេះអាចជះឥទ្ធិពលដល់ក្មេងជំទង់នៅក្នុងសាច់រឿងដូចខាងក្រោមនេះ ៖

អេស្ទេល បានឆ្លងកាត់ការលំបាកជាច្រើនក្នុងជីវិតរបស់នាង ហើយមានអារម្មណ៍បាក់ទឹកចិត្ត ។ នាងឆ្ងល់ថាតើការបន្តចូលព្រះវិហារ និងរក្សាបទបញ្ញត្តិមានតម្លៃឬអត់ ?
ខាវិន ចូលចិត្តបច្ចេកវិទ្យាដ៏អស្ចារ្យដែលពិភពលោកកំពុងប្រើប្រាស់ ។ គាត់ចំណាយពេលភាគច្រើនរបស់គាត់លេងវីដេអូហ្គេម ប្រើប្រាស់ប្រព័ន្ធផ្សព្វផ្សាយសង្គម ឬមើលវីដេអូនានា ។
លីស តែងតែពុះពារនឹងអារម្មណ៍ថាខ្លួនមិនសូវមានតម្លៃ ហើយងឿងឆ្ងល់ថាតើពិតជាមាននរណាម្នាក់ខ្វាយខ្វាយពីនាងមែនឬអត់ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ជម្រើស ៖ តើចង់រៀនសូត្របន្ថែមទៀតទេ ?

តើការចងចាំពីមរតករបស់យើងអាចជួយយើងយ៉ាងដូចម្ដេច ?

ប្រធាន អេលែន អេស ដាល់ថុន អតីតប្រធានយុវនារីទូទៅ បានចែកចាយរឿងមួយអំពីស្តេចមួយអង្គដែលអធិប្បាយអំពីមេរៀននេះ ៖

Remember Who You Are!
There is no more beautiful sight than a young woman who glows with the light of the Spirit, who is confident and courageous because she is virtuous.

[ ស្តេច ] មានព្រះប្រាជ្ញាញាណដ៏លើសលប់អំពីអត្តសញ្ញាណរបស់ទ្រង់ ។ កាលពីនៅក្មេង ពួកមនុស្សអាក្រក់ដែលបានផ្តួលរំលំបិតារបស់ទ្រង់ដែលជាស្តេច បានចាប់ទ្រង់ ។ បុរសទាំងនេះបានដឹងថា ប្រសិនបើពួកគេអាចបំផ្លាញសីលធម៌របស់ទ្រង់ នោះទ្រង់នឹងមិនអាចគ្រងបល្ល័ង្កបានទេ ។ អស់រយៈពេលប្រាំមួយខែ ពួកគេបានឃុំទ្រង់ឲ្យភ្លក់រសជាតិជីវិតដ៏អប្រិយ ប៉ុន្តែទ្រង់មិនដែលទទួលរងនូវសម្ពាធនោះទេ ។ ការណ៍នេះធ្វើឲ្យអ្នកឃុំទ្រង់មានការងឿងឆ្ងល់ ហើយបន្ទាប់ពីធ្វើអ្វីៗគ្រប់យ៉ាងដែលពួកគេអាចគិតឃើញ ពួកគេបានសួរទ្រង់ថាហេតុអ្វីបានជាទ្រង់មានកម្លាំងសីលធម៌ដ៏រឹងមាំបែបនេះ ។ ចម្លើយរបស់ទ្រង់គឺសាមញ្ញ ។ ទ្រង់បានមានព្រះបន្ទូលថា « យើងមិនអាចធ្វើតាមអ្វីដែលអ្នកសុំបានទេ ដ្បិតយើងកើតមកដើម្បីធ្វើជាស្ដេច » [ សូមមើល វ៉ន ចេ ហ្វ៊ែឌើស្តូន « The King’s Son » New Era ខែ វិច្ឆិកា ឆ្នាំ ១៩៧៥ ទំព័រ ៣៥ ] ។

ដូចជាព្រះរាជបុត្រារបស់ស្តេច យើងរាល់គ្នាបានគ្រងអំណាចមរតករបស់បងច្បង ។ យើងម្នាក់ៗមានមរតកដ៏ទេវភាព ។

( អេលែន អេស ដាល់ថុន « Remember Who You Are! » Liahona ខែ ឧសភា ឆ្នាំ ២០១០ ទំព័រ ១២១ )

តើតម្រូវឲ្យមានការខិតខំបែបណា ដើម្បីធ្វើតាមព្រះវិញ្ញាណជានិច្ច ហើយទទួលបានអ្វីៗទាំងអស់ដែលព្រះវរបិតាសួគ៌មាន ?

កាលកំពុងបម្រើជាសមាជិកម្នាក់នៃពួកចិតសិបនាក់ អែលឌើរ ប្រ៊ូស ស៊ី ហាហ្វេន បានពន្យល់ ៖

ប្រសិនបើយើងប្រាថ្នាចង់បាន « អ្វីៗទាំងអស់ដែល [ ព្រះវរបិតា ] មាន » [ គោលលទ្ធិ និង សេចក្ដីសញ្ញា ៨៤:៣៨ ] នោះព្រះនឹងបង្គាប់ អ្វីៗទាំងអស់ដែលយើងមាន ។ ដើម្បីមានលក្ខណៈសម្បត្តិគ្រប់គ្រាន់ទទួលកំណប់ទ្រព្យដ៏ប្រពៃបែបនេះ ទោះជាយើងធ្វើតាមរបៀបណាក៏ដោយ យើងត្រូវតែធ្វើតាមរបៀបដែលព្រះគ្រីស្ទបានប្រទាន—រាល់ដំណក់ដែលទ្រង់មាន ៖ « ជ្រួតជ្រាបដល់ណានោះ អ្នកមិនដឹងទេ មែនហើយ ធ្ងន់ធ្ងរដល់ណានោះ អ្នកមិនដឹងទេ » [ គោលលទ្ធិ និង សេចក្ដីសញ្ញា ១៩:១៥ ] ។ ប៉ុលបានថ្លែងថា « ឲ្យតែយើងទទួលរងទុក្ខជាមួយនឹងទ្រង់ » នោះយើងគឺជា « អ្នកគ្រងមរតកនៃព្រះជាមួយនឹងព្រះគ្រីស្ទ » [ រ៉ូម ៨:១៧ ] ។ អស់ពីព្រះទ័យរបស់ទ្រង់ អស់ពីដួងចិត្តរបស់យើង ។

( ប្រូស ស៊ី ហាហ្វិន « The Atonement: All for All » Liahona ខែ ឧសភា ឆ្នាំ ២០០៤ ទំព័រ ៩៨ )

ហេតុអ្វីបានជាប៉ុលបង្រៀនថា យើងត្រូវក្លាយជាកូនរបស់ព្រះ ពេលយើងទាំងអស់គ្នាគឺជាបុត្រាបុត្រីរបស់ទ្រង់នោះ ?

ទោះជាមនុស្សគ្រប់រូបជាកូនវិញ្ញាណរបស់ព្រះមាតាបិតាសួគ៌ក៏ដោយ ក៏ការបង្រៀនរបស់ប៉ុលអំពី « និស្ស័យជាកូនចិញ្ចឹម » និង ការក្លាយជា បុត្រា [ និងបុត្រី ] របស់ព្រះ » ( សូមមើល រ៉ូម ៨:១៤–១៥ ) ជួយយើងឲ្យយល់ការណ៍នេះដែរថា យើងអាចកើតខាងវិញ្ញាណម្ដងទៀត ឬជាកូនចិញ្ចឹមក្នុងនាមជាបុត្រាបុត្រីរបស់ព្រះគ្រីស្ទនៅក្នុងសេចក្ដីសញ្ញានៃដំណឹងល្អ ( សូមមើលសេចក្ដីណែនាំដល់បទគម្ពីរទាំងឡាយ « សេចក្តីសញ្ញា » នៅលើគេហទំព័រ scriptures.ChurchofJesusChrist.org ) ។

ប្រជាជនរបស់ស្ដេចបេនយ៉ាមីនបានដកពិសោធន៍ការកើតខាងវិញ្ញាណម្ដងទៀតបែបនេះ ដែលបណ្ដាលឲ្យបេនយ៉ាមីនសង្កេតថា « ហើយឥឡូវនេះ មកពីសេចក្ដីសញ្ញាដែលអ្នករាល់គ្នាបានធ្វើ អ្នករាល់គ្នានឹងត្រូវបានហៅថាជាកូនចៅនៃព្រះគ្រីស្ទ គឺជាបុត្រារបស់ទ្រង់ និងបុត្រីរបស់ទ្រង់ ដ្បិតមើលចុះ ថ្ងៃនេះទ្រង់បានបង្កើតអ្នកខាងវិញ្ញាណហើយ » ( ម៉ូសាយ ៥:៧ ) ។ ការក្លាយជាបុត្រាបុត្រីនៃព្រះយេស៊ូវគ្រីស្ទ តាមរយៈការកើតខាងវិញ្ញាណម្ដងទៀត គឺចាំបាច់សម្រាប់ការមានលក្ខណៈសម្បត្តិគ្រប់គ្រាន់ដើម្បីទទួលអ្វីៗទាំងអស់ដែលព្រះវរបិតាសួគ៌មាន ( សូមមើល ម៉ូសាយ ២៧:២៥–២៦ ) ។