Seminari
Romakëve 8:1–17

Romakëve 8:1–17

“Bashkëtrashëgimtarë të Krishtit” 

Një burrë me origjinë latino-amerikane i jep Shpëtimtarit, Jezu Krishtit, një përqafim. Krishti ka veshur një rrobë të bardhë.

Në një kohë kur anëtarëve të Kishës në Romë u mungonte uniteti dhe ishin përçarë për disa çështje të rëndësishme, Pali u shkroi atyre rreth mënyrës se si ata mund ta ndiqnin Shpirtin për të fituar të drejtën për të përdorur Shlyerjen e Jezu Krishtit që të mposhtnin natyrën e tyre të rënë. Pali premtoi se, nëse ata e bënin këtë, do të ishin bashkëtrashëgimtarë të Jezu Krishtit të gjithçkaje që ka Ati Qiellor. Ndërsa studion, kërko ta shtosh dëshirën tënde për ta ndjekur Shpirtin dhe për të marrë gjithçka që ka Ati Qiellor.

Çfarë dëshiron të trashëgosh?

  • Nëse mund të zgjidhje dikë nga i cili të trashëgoje diçka, kë do të zgjidhje? Përse?

  • Çfarë do të doje të trashëgoje nga ky person?

Apostulli Pal u shkroi shenjtorëve në Romë rreth trashëgimisë që Ati Qiellor i ofron secilit prej fëmijëve të Tij. Lexo te Romakëve 8:16–17, 32 dhe shenjo atë që na ofron Ati Qiellor. Mund të jetë e dobishme të dish se një trashëgimtar është “një person të cilit i është dhënë e drejta të trashëgojë dhurata fizike ose shpirtërore” (Udhëzuesi për Shkrimet e Shenjta “Trashëgimtar”, scriptures.ChurchofJesusChrist.org).

  • Cilat fjalë ose fraza shenjove?

  • Si mendon, çfarë do të thotë të jesh një bashkëtrashëgimtar i Krishtit?

Një nga të vërtetat që këto vargje na ndihmojnë të kuptojmë, është se Ati Qiellor dëshiron të na bekojë me gjithçka që Ai ka (shih edhe te Doktrina e Besëlidhje 76:55; 84:38).

Duke iu referuar trashëgimisë me të cilën Ati Qiellor dëshiron të na bekojë, Presidenti Diter F. Uhtdorf, asokohe i Presidencës së Parë, dha mësim:

Portreti zyrtar i Plakut Diter F. Uhtdorf, i Kuorumit të Dymbëdhjetë Apostujve, i vitit 2006. U thirr si Këshilltar i Dytë në Presidencën e Parë më 3 shkurt 2008. Bëri portretin zyrtar në vitin 2008 duke e zëvendësuar portretin e bërë në vitin 2004.

“Është përtej fuqisë sime që të përfytyroj gjithçka që përcjell ky premtim. Por unë vërtet e di se ai është i mrekullueshëm, ai është hyjnor, ai është i përjetshëm dhe i meriton të gjitha përpjekjet tona në jetë.”

(Diter F. Uhtdorf, “Katër Tituj”, Liahona, maj 2013, f. 60)

Gjej një çast për të menduar rreth kuptimit që mund të ketë të trashëgosh gjithçka që Ati Qiellor ka, dhe merr parasysh se çfarë pyetjesh mund të kesh rreth kësaj të vërtete. Merre parasysh se çfarë karakteristikash, cilësish dhe bekimesh të tjera do të doje të trashëgoje nga Ati Qiellor. Ndërsa vazhdon studimin sot, kërko të vërteta që mund të të ndihmojnë ta kuptosh më mirë trashëgiminë me të cilën Ati Qiellor dëshiron të të bekojë, dhe atë që mund të bësh për t’u kualifikuar për të.

Të mësojmë më shumë rreth trashëgimisë së Atit Qiellor

Krijo grafikun vijues në ditarin tënd të studimit:

Bekimet që Ati Qiellor dëshiron që ne t’i trashëgojmë

Çfarë mund të bëjmë për t’u kualifikuar për këtë trashëgimi

Në periudhën tonë ungjillore, Zoti ka zbuluar më tepër rreth trashëgimisë që Ati Qiellor dëshiron të na japë. Si pjesë e një zbulese që iu dha Profetit Jozef Smith dhe u shënua në atë që tani është Doktrina e Besëlidhje 76, Zoti përshkroi ata që një ditë do të trashëgonin mbretërinë çelestiale.

Studio vargjet te Doktrina e Besëlidhje 76:50–70 si edhe më shumë nga mësimet e Palit te Romakëve 8:1, 5–9, 13–14, duke përfshirë Përkthimin prej Joseph Smith-it për vargun te Romakëve 8:8 dhe vargun te Romakëve 8:9 [anglisht]. Ndërsa studion, pasuroje grafikun tënd me premtimet rreth të cilave lexon, dhe atë që vargjet thonë se mund të bësh për t’u kualifikuar për ato premtime. Mbaje mend që edhe pse disa nga këto vargje përdorin fjalë si “bij” dhe “burra”, premtimet e Perëndisë zbatohen njësoj për të gjithë fëmijët e Atit Qiellor (shih te Doktrina e Besëlidhje 25:1). Mund të jetë gjithashtu e dobishme të dish se fjala “e mishit”, që përmendet te Romakëve 8, i referohet dikujt i cili përqendrohet në gjërat e botës ose ato materiale. Mund t’u referohet gjithashtu orekseve të mishit (shih tek Udhëzuesi për Shkrimet e Shenjta, “Mishtor”, scriptures.ChurchofJesusChrist.org).

  • Cilat vargje nga studimi yt ishin më kuptimplota për ty? Përse?

  • Çfarë të ndihmuan të kuptosh më mirë këto vargje rreth trashëgimisë që Perëndia dëshiron të të japë? Çfarë mund të bësh për t’u kualifikuar për atë trashëgimi?

Në grafikun që bëre në ditarin tënd të studimit, përsërite atë që shkrove, duke përfshirë bekimet që Ati Qiellor dëshiron që ti t’i trashëgosh.

  • Çfarë të ndihmojnë këto bekime të premtuara që të kuptosh për Atin Qiellor dhe Jezu Krishtin?

  • Çfarë roli luan Shpëtimtari për të na ndihmuar ta marrim këtë trashëgimi? (Shih te Doktrina e Besëlidhje 76:69.)

Si mund të ndikojë ajo në jetën tënde?

Mendo për një çast rreth mënyrës se si të kuptuarit e trashëgimisë që Ati Qiellor dëshiron të të japë, mund të ndikojë në jetën tënde dhe në zgjedhjet që ti bën.

Tani mendo se si të vërtetat që ke studiuar sot, mund të ndikojnë tek adoleshentët në situatat vijuese:

  1. Stela ka përjetuar shumë vështirësi në jetën e saj dhe ndihet e shkurajuar. Ajo pyet veten nëse ia vlen që të vazhdojë ta frekuentojë Kishën dhe t’i zbatojë urdhërimet.

  2. Beni e adhuron teknologjinë e mrekullueshme që bota ka për të ofruar. Ai e kalon pjesën më të madhe të kohës duke luajtur lojëra kompjuterike, duke përdorur mediat shoqërore ose duke parë materiale filmike.

  3. Liza lufton shpesh me ndjenjat e vetëvlerësimit të ulët dhe pyet veten nëse dikush është me të vërtetë i interesuar për të.

Shkrimi në një copë letër me një stilolaps ose laps. 1. Bëj sa vijon në ditarin tënd të studimit:

Zgjidh një nga situatat e mëparshme (ose mendo për një situatë tjetër). Shkruaji një shënim të shkurtër personit në situatën që zgjodhe, duke i treguar të vërtetat dhe shkrimet e shenjta që i ke studiuar në këtë mësim, të cilat do ta ndihmonin personin për situatën e tij. Pyetjet vijuese mund të jenë të dobishme që t’i marrësh parasysh ndërsa e shkruan shënimin tënd:

  • Çfarë kuptimi ka për ty që ne mund të marrim gjithçka që kanë Ati Qiellor dhe Jezu Krishti?

  • Si mund ta ndihmojë të kuptuarit e kësaj trashëgimie personin në situatën që zgjodhe?

  • Çfarë kanë bërë Ati Qiellor dhe Jezu Krishti për të na e bërë të mundur që t’i marrim këto bekime?

  • Cilat janë disa gjëra të thjeshta që personi në situatën tënde, mund të fillojë t’i bëjë që do ta ndihmonin në rrethanat e tij?

Fakultative: Dëshiron të Mësosh më Shumë?

Si mund të na ndihmojë të kujtuarit e trashëgimisë sonë?

Presidentja Elen S. Dalton, ish‑Presidente e Përgjithshme e Të Rejave, tregoi një histori rreth një mbreti e cila e ilustron këtë mësim:

14:28

Remember Who You Are!

There is no more beautiful sight than a young woman who glows with the light of the Spirit, who is confident and courageous because she is virtuous.

Portreti i fundit zyrtar i Motrës Elen S. Dalton, presidenca e përgjithshme e Të Rejave, 2008. U lira si këshilltare e dytë dhe u mbështet si këshilltare e parë në konferencë e përgjithshme të prillit 2007. U mbështet si presidente në konferencën e përgjithshme të prillit 2008. U lirua si presidente në konferencën e përgjithshme të prillit 2013.

“[Mbreti] pati një dije të palëkundshme mbi identitetin e tij. Kur qe i ri, ai u rrëmbye nga njerëz të këqinj që kishin rrëzuar nga froni babanë e tij, mbretin. Këta njerëz e dinin se nëse do të mund ta shkatërronin moralisht, ai nuk do të ishte trashëgimtar i fronit. Për gjashtë muaj ata e detyruan atë të kalonte në çdo gjë të ulët që jeta do t’i ofronte dhe përsëri ai asnjëherë nuk iu dorëzua presionit. Kjo i hutoi rrëmbyesit e tij dhe pasi bënë çdo gjë që mund ta mendonin, ata e pyetën si e gjente një forcë të tillë të madhe morale. Përgjigjja e tij ishte e thjeshtë. Ai tha: ‘Unë nuk mund të bëj atë që kërkoni ju, sepse kam lindur që të jem mbret’ [shih Vaughn J. Featherstone, “The King’s Son”, New Era, nëntor 1975, f. 35].

Ashtu si djali i mbretit, secila nga ju ka një trashëgimi mbretërore. Secila nga ju ka një trashëgimi hyjnore.”

(Elen S. Dalton, “Kujtohuni Se Cilat Jeni!”, Liahona, maj 2010, f. 121)

Çfarë lloj përpjekjeje duhet për ta ndjekur Shpirtin vazhdimisht dhe për të marrë gjithçka që ka Ati Qiellor?

Teksa shërbente si anëtar i Të Shtatëdhjetëve, Plaku Brus C. Heifën shpjegoi:

Portreti i fundit zyrtar i Plakut Brus C. Heifën, i Kuorumit të Parë të Të Shtatëdhjetëve, i vitit 2007. U thirr si president i Tempullit të Seint-Xhorxhit në Jutë në fillim të nëntorit 2010. Iu dha statusi i nderit në konferencën e përgjithshme të tetorit 2010.

“Nëse dëshirojmë ‘gjithçka që Ati … ka’ [Doktrina e Besëlidhje 84:38], Perëndia na kërkon gjithçka që kemi. Për t’u kualifikuar për një thesar kaq të mrekullueshëm, në çfarëdo mënyre që është e jona, ne duhet të japim në mënyrën që Krishti dha – çdo pikë që Ai pati: ‘Sa therëse ti s’e di, po, sa të vështira për t’u duruar ti s’e di’ [Doktrina e Besëlidhje 19:15]. Pali tha: ‘Nëse vuajmë m[e] të’, ne jemi ‘bashkëtrashëgimtarë të Krishtit’ [Romakëve 8:17; theksimi i shtuar]. Me gjithë zemrën e Tij, me gjithë zemrën tonë.”

(Bruce C. Hafen, “The Atonement: All for All”, Liahona, maj 2004, f. 98)

Përse Pali dha mësim se ne duhet të bëhemi bij të Perëndisë kur ne të gjithë jemi fëmijët e Tij?

Ndonëse çdo person është me plot kuptimin e fjalës një fëmijë shpirtëror i prindërve qiellorë, mësimet e Palit rreth “frymë[s së] birësisë” dhe të bërit “bij [dhe bija] të Perëndisë” (shih te Romakëve 8:14–15) na ndihmojnë të kuptojmë se ne mund të rilindim shpirtërisht, ose të birësohemi, si bij dhe bija të Krishtit në besëlidhjen e ungjillit (shih tek Udhëzuesi për Shkrimet e Shenjta, “Besëlidhje”, scriptures.ChurchofJesusChrist.org).

Populli i mbretit Beniamin e përjetoi këtë lloj rilindjeje shpirtërore, duke e bërë Beniaminin të vërente: “Dhe tani, për shkak të besëlidhjes që keni bërë, ju do të quheni fëmijët e Krishtit, bijtë e tij dhe bijat e tij; pasi vini re, në këtë ditë ai ju ka lindur juve shpirtërisht” (Mosia 5:7). Të bërit bij dhe bija të Jezu Krishtit nëpërmjet rilindjes shpirtërore është thelbësore për kualifikimin për gjithçka që ka Ati Qiellor (shih te Mosia 27:25–26).