Seminera
1 Korintiana 13

1 Korintiana 13

“Fiantrana tsy ho levona mandrakizay”

Jesus is touching the cheek of a woman who is sitting on the ground. Outtakes include the ill woman walking up to Jesus to touch his clothes and Jesus kneeling and talking to the seated woman. Jesus touching the face of a seated woman.

Nampiseho fitiavana lehibe isan’andro i Jesoa Kristy nandritra ny androm-piainany tety an-tany. Nampiseho ny fitiavany tonga lafatra Izy tamin’ny finiavany hanolotra an-tsitrapo ny ainy ho antsika. Nanoratra amin’ny antsipiriany momba ny fitiavana, na fiantrana tahaka ny an’i Kristy ny Apôstôly Paoly, sy ny antony izay tokony mba hananantsika faniriana hahazo izany. Ity lesona ity dia natao mba hanampiana anao hahatsapa ny fitiavan’i Jesoa Kristy izay madio tsy misy pentina ho anao sy hikatsaka ny fanomezam-pahasoavan’ny fiantrana mba hahatsapana izany fitiavana izany ho an’ny hafa.

Finoana ny mpianatra tsirairay. Fomba anankiray ahafahana maneho fitiavana ho an’ny mpianatra tsirairay ny famantarana sy ny finoana ny maha izy azy ireo araka an’ Andriamanitra sy ny tanjony. Mivavaha mba hahitana ireo mpianatra tahaka ny fahitan’ny Tompo azy ireo.

Fiomanan’ny mpianatra: Asao ireo mpianatra mba hieritreritra olona anankiray avy ao amin’ny fianakaviana, na namana, na olon-kafa izay tiany hifandraisana tsaratsara kokoa. Entano ireo mpianatra mba hisaintsaina ny fiantraikan’ny fanehoana fitiavana bebe kokoa an’io olona io eo amin’ny fifandraisana.

Sahanasa fianarana azo atao

Fifandraisantsika amin’ny hafa

Asao ireo mpianatra mba hisaintsaina mangina momba ny fiomanany amin’ny kilasy sy momba ireto fanontaniana manaraka ireto.

Mieritrereta olona anakiray izay tianao hifandraisana tsaratsara kokoa.

  • Nahoana no te hanatsara io fifandraisana io ianao?

  • Inona ny zavatra efa mba nataonao mba hanampiana ilay fifandraisana? Inona no nety? Inona no tsy nety?

  • Inona araka ny eritreritrao no mety ho fiantraikan’ny fanehoana fitiavana bebe kokoa eo amin’ny fifandraisana?

Rehefa mandalina ny 1 Korintiana 13 ianao, dia mitadiava fomba ahafahanao mitia ny hafa tahaka ny nitiavan’ny Mpamonjy. Mitadiava aingam-panahy avy amin’ny Fanahy Masina hamantarana ny zavatra azonao atao mba hampiharana ny zavatra ianaranao amin’ireo toe-javatra izay iainanao ankehitriny.

Ny fitiavana madio tsy misy pentin’i Jesoa Kristy

Rehefa avy nampianatra ireo mpikamban’ny Fiangonana tao Korinto momba ny fanomezam-pahasoavana ara-panahy ny Apôstôly Paoly, dia nilaza izy fa hanoro azy ireo “fomba anankiray tsara” izay tokony hiainana ( 1 Korintiana 12:31). Vakio ny 1 Korintiana 13:1–3 , ary tadiavo io fomba tsaratsara io.

  • Inona ny zavatra fantatrao momba ny fiantrana izay manampy anao hahatakatra ny antony maha zava-dehibe izany?

Afaka manampy antsika hahatakatra bebe kokoa ny maha zava-dehibe ny fiantrana ny Bokin’i Môrmôna. Teo am-pamaramparanana ity rakitsoratra tranainy ity, no nampidirin’i Môrônia ny sasany tamin’ireo tenin’i Môrmôna rainy. Nanasongadina sy namaritra ireo singan’ny fiantrana i Môrmôna (jereo ny Môrônia 7:43–48).

Vakio ny Môrônia 7:46–47 , ary mitadiava zavatra azonao ianarana momba ny fiantrana.

Asao ireo mpianatra mba hanisy marika ireo teny na andian-teny izay afaka manampy azy ireo hahatakatra ny dikan’ny atao hoe fiantrana.

  • Inona avy ireo fahamarinana azonao ianarana momba ny fiantrana avy amin’ireo andinin-tsoratra masina ireo?

Asao ireo mpianatra mba hanoratra eny amin’ny solaitrabe ireo fahamarinana izay hitan’izy ireo avy tamin’ny famakiana momba ny fiantrana. Fahamarinana anakiray izay mety ho hitan’izy ireo ny hoe: ny fiantrana dia ny fitiavana madion’i Kristy, izay maharitra mandrakizay. Ampio ireo mpianatra mba hahatakatra ny antony maha zava-dehibe ny fananana fiantrana. Hevero ny hampiasa ity lahateny sy sahanasa manaraka ity mba hanampiana ireo mpianatra hanao izany.

Ny Filoha Dallin H. Oaks ao amin’ny Fiadidiana Voalohany dia nampianatra hoe:

Official Portrait of President Dallin H. Oaks taken March 2018.

Ny fiantrana, “ny fitiavana madion’i Kristy” [ Môrônia 7:47 ], dia tsy asa fa toetra na toe-piainana. Tratra amin’ny alalan’ny fitohitohizan’ny fanaovana asa izay miteraka fiovam-po ny fiantrana. Ny fiantrana dia zavatra lasa toetran’ny olona iray.

(Dallin H. Oaks, “The Challenge to Become,” Ensign, Nôv. 2000, 34) 

  • Ahoana ny fomba ahafahan’ny fanambarana izay nataon’ny Filoha Oaks manampy ny fahatakaranao ny atao hoe fiantrana?

Na i Paoly ao amin’ny Testamenta Vaovao, na i Môrmôna ao amin’ny Bokin’i Môrmôna, dia samy nampiasa teny sy andian-teny mitovy avokoa namaritana ny fiantrana. Amin’ny alalan’ny fahatakarana ireo teny izay nataon’izy ireo, dia afaka mahafantatra ny tokony hatao sy ny fomba tsara hahatongavana hitovy kokoa an’i Jesoa Kristy isika.

Ity sahanasa manaraka ity dia azo atao miaraka amin’ny iray kilasy na aseho amin’ireo mpianatra mba hahafahan’izy ireo hamita ny azy samirery. Raha toa ka samy manao ity sahanasa ity samirery ireo mpianatra, dia hevero ny hanao ohatra hatao modelyc amin’ny alalan’ny fisafidianana ny anankiray amin’ireo famaritana mba haverina hosoratana miaraka amin’ny iray kilasy.

a. Vakio ny 1 Korintiana 13:4–7 na Môrônia 7:45 , ary tadiavo ny fomba namaritana ny fiantrana.

Hevero ny hanome an’ireo mpianatra ny fanambarana nataon’ny Loholona Marvin J. Ashton izay hita ao amin’ny fizarana “Fanazavana sy fampahalalana avy amin’ny zava-miseho” mba hovakiana ho fanampin’ny andinin-tsoratra masina.

b. Misafidiana teny na andian-teny roa na telo izay mamaritra ny fiantrana, ary soraty ao anatin’ny diary fandalinanao izy ireo.

d. Soraty amin’ny alalan’ny fampiasana ny teninao manokana ny dikan’izany, eo akaikin’ny famaritana tsirairay. Azonao atao ny mampiasa fitaovam-pianarana rehetra izay misy aminao. Ohatra, azonao atao ny mampiasa rakibolana mba hitadiavana ireo famaritan-teny toy ny hoe fahari-po na ohatra hoe fieboeboana. Soraty ihany koa ny fomba ahafahan’io toetra io manampy anao mba ho tonga tahaka ny Mpamonjy.

  • Inona ny zavatra nianaranao momba ny Mpamonjy avy tamin’ireo famaritana samihafa izay nohalalininao ireo?

Ilay ohatra tonga lafatra

Jesoa Kristy dia ohatra tonga lafatra amin’ny famaritana rehetra momba ny fiantrana. Amin’ny alalan’ny fampiasana ny zavatra izay nosoratanao momba ny fiantrana ao amin’ny diary fandalinanao , dia mieritrereta ohatra avy ao amin’ny soratra masina tamin’ny fomba izay nanehoan’i Jesoa Kristy ny fitiavany madio. Ireto sary manaraka ireto dia mety hanampy anao hampifandray ny Mpamonjy amin’ireo andian-teny izay nohalalininao.

Hevero ny hampiseho sarin’i Kristy maromaro manodidina ny efitrano fianarana. Asao ireo mpianatra mba hieritreritra ny famaritana ny fiantrana izay tsapany fa mifanaraka amin’ny sary tsirairay ary nahoana.

Depiction of Jesus and the woman taken in adultery. They are both kneeling and she is holding his hand. Outtakes include angry men bringing the woman and throwing her to the ground, the woman huddled on the ground, the savior kneeling beside her, Jesus lifting her up to her feet, and the savior standing with her.
Depiction of Jesus embracing Mary and Martha.
Jesus is riding a colt into Jerusalem through a great multitude of people holding tree branches. Outtakes include Jesus barely seen in a throng of people, images of the crowd, some small children, and Jesus walking through the crowd.
Jesus returns to the garden again to continue to pray and suffers great pain.
Jesus is on the cross between two malefactors, there is a crowd below that are watching. Outtakes include a sponge on a stick lifted up to Jesus by a Roman soldier, different views of the three me on the crosses, soldiers gambling and parting his clothes, Jesus walking wearing crown of thorns and covered in blood, and Caiaphas.

  • Ahoana ny fomba nanehoan’ny Mpamonjy fiantrana tao anatin’ireo toe-javatra tsirairay ireo?

  • Ahoana ny fomba nijoroanao manokana ho vavolombelona ny fitiavan’ny Mpamonjy ho anao na ho an’ny hafa?

  • Ahoana ny fomba ahafahan’ny fisaintsainana momba ny fitiavan’ny Mpamonjy anao no mampisy fiantraikany amin’ny fitiavanao Azy?

Miaina fiainana feno fiantrana

Namarana ny fampianarany momba ny fiantrana ny mpaminany Môrmôna tamin’ny alalan’ny fanasana maika mba hiasa. Vakio ny Môrônia 7:48 , ary tadiavo io fanasana io.

  • Inona avy ireo teny na andian-teny manampy anao hahatakatra ny zavatra izay ilaina mba hahazoana ny fanomezam-pahasoavan’ny fiantrana?

Nandritra ny androm-piainany, dia nasehon’i Jesoa Kristy fa azo atao ny mahazo fiantrana amin’ny toe-javatra rehetra. Andramo alaina sary an-tsaina hoe inona no mety ho fiantraikany eo amin’ny fiainanao raha toa ka manaraka ny ohatry ny fiantrana izay nasehon’ny Mpamonjy ianao amin’ny toe-javatra rehetra. Saintsaino ny fifandraisana manokana izay noeritreretinao tany am-piandohan’ny lesona. Hevero ny fomba ahafahan’ny fananana fiantrana bebe kokoa hitahy izany fifandraisana izany.

Rehefa mamaly ireto fanontaniana manaraka ireto ny mpianatra, dia amporisiho izy ireo hanaraka ny safidy izay nataony.

  • Inona ny zavatra azonao atao mba hanehoana fiantrana bebe kokoa?

  • Inona ny zavatra hataonao mba hanehoana amin’ny Ray any An-danitra fa maniry ny fanampiany ianao?

Mijoroa ho vavolombelona fa ny Ray any An-danitra dia te-hitahy antsika amin’ny fanomezam-pahasoavan’ny fiantrana mba hanampiana antsika ho tonga tahaka Azy sy ny Zanany. Hanampy antsika hampivelatra ny fiantrana ny Ray any An-danitra rehefa mitodika Aminy isika.

Fanazavana sy fampahalalana avy amin’ny zava-miseho

Ahoana ny fomba ahafahantsika mampiseho ny fiantrana ho an’ny hafa?

Ny Loholona Marvin J. Ashton (1915–94) tao amin’ny Kôlejin’ny Apôstôly Roambinifolo dia nampianatra hoe:

Portrait of Marvin J. Ashton.

Ny fiantrana dia tonga rehefa mifanao tsara fanahy isika, rehefa tsy mitsara na tsy manasokajy olon-kafa, rehefa mifanome tombotsoa amin’ny fisalasalana na mangina fotsiny tsotra izao. Ny fiantrana dia fanekena ireo zavatra mampiavaka ny hafa, ny fahalemeny ary ny tsy fahatanterahany; fafihetseham-ponanana faharetana amin’ny olona izay namitaka antsika; na fanoherana ny tsy hay tohaina ny ho lasa tezitra rehefa misy olona iray tsy manatanteraka zavatra iray araka izay mety nantenaintsika azy. Ny fiantrana dia fandavana ny hanararaotra ny fahalemen’ny hafa ary vonona ny hamela ny olona iray izay nanao ratsy antsika. Ny fiantrana dia fanantenana ny tsara indrindra avy amin’ny tsirairay.

(Marvin J. Ashton, “The Tongue Can Be a Sharp Sword,” Ensign, May 1992, 19)

Ny Filoha Thomas S. Monson (1927–2018) dia nampianatra momba ny fiantrana tao amin’ny hafatry ny fihaonamben’ny fiangonana maneran-tany “Ny fiantrana tsy ho levona mandrakizay” (Liahona, Nôv. 2010, 122–25). Azonao atao ny mijery ny horonan-tsary mikasika ity hafatra ity, izay hita ao amin’ny ChurchofJesusChrist.org, manomboka avy amin’ny mari-potoana faha 15:05 ka hatramin’ny 17:22.

2:3

Nahoana no tsy ho levona mandrakizay ny fiantrana, ilay fitiavana madion’i Jesoa Kristy?

Ny Loholona Jeffrey R. Holland ao amin’ny Kôlejin’ny Apôstôly Roambinifolo dia nampianatra hoe:

Official Portrait of Elder Jeffrey R. Holland. Photographed January 2018.

Ny fiantrana marina … dia niseho tanteraka ary madiodio tao amin’ny fitiavan’i Kristy antsika izay tsy mety levona ary tonga lafatra, sy ny feno fanavotana. … Izany no ilay fiantrana—ny fitiavana madiony ho antsika—izay, raha tsy misy an’izany, dia ho tsinontsinona sy tsy tsy misy fanantenana isika, ary ho fadiranovana indrindra amin’ny olona rehetra. Marina tokoa fa ireo izay hita manana ireo fitahian’ny fitiavany amin’ny andro farany—ny Sorompanavotana, ny Fitsanganana amin’ny maty, ny fiainana mandrakizay, ny fampanantenana mandrakizay—dia tena ho soa ho azy tokoa izany. …

Ny fiainana dia misy tahotra sy tsy fahombiazana. Indraindray dia tsy mety ny zavatra atao. Indraindray dia mamitaka antsika ny olona, na tsy manampy antsika ny fiharian-karena na ny raharaham-barotra na ny governemanta. Kanefa ny zavatra iray mandritra izao fiainana izao na mandrakizay izay tsy mamitaka antsika dia—ny fitiavana madion’i Kristy.

(Jeffrey R. Holland, Christ and the New Covenant [1997], 336–37)

Sahanasa fianarana fanampiny

Inona no antony manosika ahy hanao zavatra?

Fomba iray hafa hanombohana ny lesona, dia hevero ny hanasa mpianatra vitsivitsy mba hilalao an-tsehatra rafi-tantara izay maneho ireo antony samihafa manosika ny olona hanao zavatra anakiray. Asao ny iray kilasy haminavina ilay zavatra hatao ary hanome ny antony izay mety hisafidianan’ny olona anakiray hanao io zavatra io. Mety ahitana ireto manaraka ireto ny rafi-tantara sasantsasany:

  • Zatovovavy anankiray manolotra valopina ampahafolonkarena ho an’ny eveka.

  • Zatovolahy iray manome sakafo fianakaviana anankiray tsy manan-kialofana.

Afaka mifanakalo hevitra momba ny antony manosika antsika hanao zavatra izay ataontsika ireo mpianatra rehefa avy eo.

2:3

2:3

Manalavitra ireo zavatry ny fahazazana

Asao ireo mpianatra mba hiresaka momba ireo sahanasa isan-karazany izay tiany fony izy ireo mbola zaza kely kanefa efa tsy mahaliana azy ireo intsony. Ampiasao ny tenin’i Paoly ao amin’ny 1 Korintiana 13:11 mba hanampiana ireo mpianatra hahita fa rehefa “mitombo ao amin’ny Tompo” isika ( Helamàna 3:21), dia afaka manolo ireo fahazarana teo aloha amin’ny alalan’ireo safidy izay atosiky ny fiantrana, sy fitiavana madion’i Kristy (jereo ny Môrônia 7:47).

Ireo fanambarana izay afaka manampy momba an’ity lohahevitra ity dia hita ao amin’ny hafatra izay nataon’ny Rahavavy Anne C. Pingree “To Grow Up Unto the Lord” (Ensign na Liahona, May 2006, 74–76).