Ա Կորնթացիս 15.29

«Էլ ինչո՞ւ են մահացածների համար մկրտվում»

Կորնթոսի սրբերից շատերը մկրտվում էին իրենց մահացած նախնիների համար, սակայն չէին հավատում մահացածների Հարությանը: Պողոսն օգնեց նրանց տեսնել, որ մենք մահացածների համար արարողություններ ենք իրականացնում՝ հավատալով, որ Քրիստոսը մեզ բոլորիս կկենդանացնի Հարության միջոցով: Այս դասի նպատակն է օգնել ձեզ ավելի նշանակալից մասնակցություն ցուցաբերել ընտանեկան պատմության և տաճարային աշխատանքներում:

Կիրառման հնարավորություններ տրամադրեք Ավետարանի ուսուցման նպատակն է օգնել ուսանողներին մտածել Հիսուս Քրիստոսի ավետարանով ապրելու մասին, ցանկանալ դա անել և այնուհետև գործել ըստ այդ ցանկության: Ուսանողներին հնարավորություն տվեք ծրագրել և կիրառել իրենց կյանքի ընթացքում սովորած ճշմարտությունները: Երբ ուսանողները ծրագրում են կիրառել իրենց սովորածը, նրանք մեծացնում են դասի ընթացքում սովորած ճշմարտություններով ապրելու կարողությունը:

Ուսանողի նախապատրաստում. Ուսանողներին առաջարկեք ներկայացնել իրենց ընտանիքի տոհմածառը կամ պատմել որևէ նախնիի մասին, որը չուներ ավետարան կամ փրկության և վեհացման արարողություններին մասնակցելու հնարավորություն:

Հնարավոր ուսումնական վարժություններ

Վկաների կարևորությունը

Հետևյալ վարժության նպատակն է հումորային եղանակով օգնել ուսանողներին մտածել հարության հետ իրենց հարաբերությունների և մահացածների համար տաճարային աշխատանք կատարելու մասին: Անհրաժեշտության դեպքում զույգերով հարմարեցրեք նկարները՝ դրանք ուսանողների համար մշակութապես ավելի հարմար և հետաքրքիր դարձնելու նպատակով:

Քննեք նկարների հետևյալ երեք զույգը: Մտածեք, թե ինչ կապ կա յուրաքանչյուր զույգի երկու նկարների միջև:

Առաջին զույգը

Թաբերնաքլ երգչախումբ, «Եղիա» համերգը, մայիս 2007

Երկրորդ զույգը

Երրորդ զույգը

• Ինչպե՞ս որևէ մեկին կբացատրեիք Փրկիչի դատարկ գերեզմանի և ժամանակակից տաճարի միջև եղած կապը:

Երբ Պողոս Առաքյալը իմացավ, որ որոշ մարդիկ Կորնթոսում ուսուցանում էին, որ հարություն չկա, նա նշեց, որ սրբերը արդեն անում էին մի բան, որը վկայում էր հարության իրականության մասին:

Կարդացեք Ա Կորնթացիս 15.29-ը՝ փնտրելով, թե Պողոսն ինչ նկատի ուներ:

• Ձեր խոսքերով ինչպե՞ս կբացատրեիք, թե Պողոսն ինչ է ուսուցանում հատված 29 -ում:

• Մահացածների համար մկրտությունն ինչպե՞ս է վկայում Փրկիչի, Նրա Քավության և Հարության մասին:

Եթե ուսանողները օգնության կարիք ունեն, տրամադրեք նրանց դասի վերջում գտնվող «Բացատրական և պատմական տեղեկություններ» բաժնի տեղեկությունները:

Մկրտություններ մահացածների համար

Ա Կորնթացիս 15.29 հատվածից սովորած ճշմարտություններից մեկն այն է, որ նրանք, ովքեր մահացել են առանց մկրտվելու, կարող են ստանալ այս կարևոր արարողությունը՝ տաճարում կատարվող աշխատանքի շնորհիվ:

Կարող եք ուսանողներին առաջարկել կիսվել առանց մկրտվելու մահացած իրենց սիրելի մարդկանց մասին: Կարող եք նրանց խնդրել մտածել, թե մահացածների համար մկրտությունն ինչպես կարող է ազդել այդ մարդկանց վրա:

Նախագահ Գորդոն Բ. Հինքլին (1910–2008) ուսուցանել է, թե տաճարային աշխատանքն ինչպես կարող է մեզ կապել Հիսուս Քրիստոսի հետ.

Կարծում եմ, որ մահացածների համար փոխարինող աշխատանքն ավելի շուտ է նման հենց Փրկիչի փոխարինող զոհաբերությանը, քան իմ իմացած ցանկացած այլ աշխատանք: Այն կատարվում է սիրով, առանց հատուցման կամ վճարման: Ինչպիսի փառահեղ սկզբունք [երեկույթ Բիրմինհեմում, Անգլիա, օգոստոսի 29, 1995]:

(Գորդոն Բ. Հինքլի, «Հատվածներ Նախագահ Գորդոն Բ. Հինքլիի վերջին ելույթներից» Ensign, ապրիլ 1998, 73)

• Մահացածների համար մկրտությանը մասնակցելը ինչպե՞ս է օգնում մեզ ավելի նմանվել Փրկչին:

Խորացրեք ձեր ընկալումը

Պատկերացրեք, որ մի օր դուք և ձեր ընկերները դպրոցում քննարկում եք շաբաթ-կիրակի օրերի ձեր ծրագրերը: Ընկերներից մեկն ասում է, որ նա շատ է ուզում տաճար գնալ՝ իր ծխից ուրիշ երիտասարդների հետ միասին մահացածների համար մկրտություն կատարելու համար: Մյուս ընկերը՝ Կատյան, շփոթված է և հարցնում է. «Մկրտություն մահացածների համա՞ր»: Ո՞րն է դա:

• Որքան վստահ կարող եք պատասախանել Կատյայի հարցին այնպես, որ նա հասկանա:

Խորացրեք մահացածների համար մկրտության արարողության ձեր ընկալումը՝ ուսումնասիրելով հետևյալ նյութերից մեկը կամ մի քանիսը կամ փնտրելով ուրիշ նյութեր: Այդ նյութերն ուսումնասիրելիս փնտրեք այն, ինչով կարող եք կիսվել Կատյայի նման մեկի հետ, ով ցանկանում է ավելի լավ հասկանալ այդ արարողությունը:

Պարզեք ուսանողների կարիքները: Հետևյալ նյութերը տրամադրելու փոխարեն օգտակար կլինի ուսանողներին թույլ տալ փնտրել և գտնել այլ նյութեր, որոնք կարող են նրանց օգնել տեղեկության վստահելի աղբյուրներ գտնելու փորձ ձեռք բերել:

Ուսանողներին կարող է օգտակար լինել դասի վերջում գտնվող «Բացատրական և պատմական տեղեկություններ» բաժնի լրացուցիչ նյութերի ուսումնասիրությունը:

• Թեմաների ուղեցույց, « Մկրտություններ մահացածների համար », scriptures.ChurchofJesusChrist.org կայքում կամ տես «Մկրտություններ մահացածների համար» « Մկրտություն, Մկրտել » հոդվածում, Սուրբ գրքերի ուղեցույց, scriptures.ChurchofJesusChrist.org կայքում

• Ավետարանական թեմաներ, «Ընտանեկան պատմություն», topics.ChurchofJesusChrist.org

• Լիա Բարթոն, «Երեք փաստ տաճարային մկրտության մասին», New Era, սեպտեմբեր 2019, 22-23

Կարող եք նաև ուսանողներին հնարավորություն տալ բացատրել մահացածների համար մկրտության վարդապետությունը Կատյայի նման մեկին, ով անծանոթ է այդ արարողությանը: Ուսանողները կարող են դա անել՝ դերախաղով կամ բացատրություններ գրելով և իրենց գրածով կիսվելով: Կարող եք ուսանողներին առաջարկել աշխատել զույգերով կամ փոքր խմբերով, որպեսզի շատերը բացատրելու, կիսվելու և վկայելու հնարավորություն ունենան: Հետևյալ կետերը կարող են օգտագործվել իրենց բացարտություններում.

• Մահացածների համար մկրտության արարողությունն ի՞նչ է ցուցադրում այն մասին, թե Երկնային Հայրը և Նրա Որդին՝ Հիսուս Քրիստոսը, ինչ են զգում մեզանից յուրաքանչյուրի հանդեպ:

• Այդ արարողությանը մասնակցելու ձեր սեփական փորձառությունները:

Գործեք ըստ ձեր սովորածի

Մտածեք ընտանեկան պատմության և տաճարային աշխատանքի հետ կապված անձնական փորձառությունների մասին: Մտածեք, թե ինչու են այս փորձառությունները նշանակալից ձեզ համար, և ինչ խոչընդոտների եք հանդիպել: Այնուհետև ստեղծեք հասարակ անձնական ծրագիր այն մասին, թե դուք ինչպես եք կիրառելու ձեր այսօրվա սովորածն ու զգացածը: Օրինակ՝ դուք կարող եք ծրագրել տաճար հաճախել, տաճարային երաշխավորագիր ձեռք բերել, օգտագործել FamilySearch-ը՝ ձեր նախնիների անունները գտնելու և նրանց համար մկրտվելու նպատակով, անել մի բան, որը ավելի նշանակալից կդարձնի ձեզ տաճարային փորձառությունը կամ մտածել որևէ այլ գաղափարի շուրջ: Հետևեք Սուրբ Հոգու հուշումներին՝ ճիշտ ծրագիր ստեղծելու համար: Ձեր ծրագիրը գրանցեք ձեր օրագրում:

Բացատրական և պատմական տեղեկություններ

Մահացածների համար մկրտությունն ի՞նչ առնչություն ունի Հիսուս Քրիստոսի և Նրա Հարության հետ

Տասներկու Առաքյալների Քվորումից Երեց Դ. Թոդ Քրիստոֆերսոնը ուսուցանել է.

Մահացածներին փրկագնելու մեր մեծ ցանկությունը և այդ պարտավորության համար տրամադրվող ժամանակն ու միջոցները առաջին հերթին արտահայտում են մեր վկայությունը Հիսուս Քրիստոսի մասին։ Դա նույնքան հզոր է, որքան Նրա աստվածային բնույթի և առաքելության վերաբերյալ մեր վկայությունը: Դա վկայում է Քրիստոսի Հարության մասին, ինչպես նաև Նրա Քավության անսահման հասանելիության մասին:

Մենք մկրտվում ենք մահացածների համար, որովհետև գիտենք, որ նրանք հարություն կառնեն:

(Դ. Թոդ Քրիստոֆերսոն, «Մահացածների փրկագնումը և Հիսուսի վկայությունը», Ensign, նոյեմբեր, 2000, 10)

Նոր Կտակարանի ժամանակներում Քրիստոսի Եկեղեցու անդամներն արդյո՞ք մկրտվում էին մահացածների համար

Նրանք սկսեցին մահացածների համար մկրտություններ կատարել միայն Հիսուսի հարությունից հետո: Ա Կորնթացիս 15.29 -ը Աստվածաշնչի միակ հատվածն է, որը հիշատակում է մահացածների համար մկրտությունը, չնայած որ հին տեքստերը վկայում են, որ վաղեմի քրիստոնյաները իրականացրել են մահացածների համար մկրտության արարողությունը:

«Հիսուս Քրիստոսն ուսուցանել է, որ մկրտությունն անհրաժեշտ է հավերժական կյանք ձեռք բերելու համար (տես Հովհաննես 3.5): Պողոսը մկրտվեց և ուսուցանեց, որ այդ կարևոր արարողության շնորհիվ մենք կարող ենք «կյանքի նորոգության մեջ քայլել» ( Հռովմայեցիս 6.4 , տես նաև Գործք Առաքելոց 9.18): Երկնային Հոր միլիոնավոր զավակներ մահացել են առանց իմանալու Հիսուս Քրիստոսի կամ մկրտության մասին: Մահացածների համար մկրտության մասին Պողոսի խոսքերը վկայում են, որ վաղ Եկեղեցու անդամները գիտեին Աստծո՝ մահացածներին փրկագրելու ծրագրի մասին ( Հովհաննես 5.25, 28 , Ա Պետրոս 3.18-19 , 4.6)» (Նոր Կտակարանի ձեռնարկ ուսանողների համար [2014], 385):

Ե՞րբ են Քրիստոսի Եկեղեցու վերջին օրերի անդամները սկսել մկրտվել մահացածների համար

Վերականգնված Եկեղեցում մահացածների համար մկրտության արարողությունը իրականացնելու մասին պատմությունը լսելու համար դիտեք «Բարի լուր. Մահացածների համար մկրտության պատմությունը» տեսանյութը (6:55) ChurchofJesusChrist.org կայքում:

Որտեղի՞ց կարող եմ ավելին սովորել մահացածների համար մկրտության մասին

«Ի՞նչ է մահացածների համար մկրտությունը» տեսանյութ (1:22) ChurchofJesusChrist.org կայքում

«Երկու առաքյալներ շրջայց են կատարում Հռոմի (Իտալիա) Տաճարում» (11:31, դիտեք 1:23-4:13-ը)

Օժանդակ ուսումնական վարժություն

Մասնակցեք տաճարային և ընտանեկան պատմության աշխատանքին

Որպեսզի ուսանողներին ոգևորեք մասնակցել տաճարային և ընտանեկան պատմության աշխատանքին, առաջարկեք նրանց ուսումնասիրել Տասներկու Առաքյալների Քվորումից երեց Դեյվիդ Ա. Բեդնարի «Զավակների սրտերը կդառնան» ելույթը (Ensign կամ Լիահոնա, նոյեմբեր 2011, 24-27): Որո՞նք են երեց Բեդնարի հրավերներից մի քանիսը: Ինչո՞ւ է նա ուղարկում մեզ այդ հրավերները: Ի՞նչ օրհնություններ են ստանում նրանք, ովքեր մասնակցում են տաճարային և ընտանեկան պատմության աշխատանքին: Որպես այլընտրանք՝ կարող եք դիտել «Հոգևոր պայթյուն» տեսանյութը (2:41) ChurchofJesusChrist.org կայքում: