A painting of a mass of people from different ethnic backgrounds. Submission for the 11th Annual Art Competition.
Përse ndonjëherë është e vështirë të tregosh dashuri për të tjerët? Si është e lidhur dashuria jonë për Perëndinë me dashurinë për të tjerët? Apostulli Gjon u mësoi shenjtorëve se si dashuria e Perëndisë për ta mund tʼi frymëzonte ata ta donin Perëndinë dhe të tjerët (shih te 1 Gjon 4:11, 19). Ky mësim mund të të ndihmojë ta kuptosh dhe zbatosh urdhërimin për tʼi dashur të tjerët ashtu siç e do Perëndinë.
Ndihma ndaj nxënësve që të ndërmarrin veprim të drejtë e të efektshëm. Ndërsa nxënësit veprojnë me besim për t’i zbatuar parimet e ungjillit, Fryma e Shenjtë do t’u japë dëshmi për këto të vërteta (shih te Gjoni 7:17). Krijoni mundësi që nxënësit të veprojnë sipas parimeve në orën mësimore në mënyrë që Fryma e Shenjtë të mund t’i çojë të vërtetat më thellë në zemrën e tyre.
Përgatitja e nxënësve: Ftojini nxënësit të vijnë të përgatitur për të treguar përvoja në të cilat treguan dashuri ndaj të tjerëve ose të tjerët treguan dashuri ndaj tyre dhe ndikimin që pati kjo.
Veprimtari të Mundshme të të Mësuarit
Dashuria për të tjerët
Mendo për disa mënyra se si mund tʼi përfundosh fjalitë vijuese:
Është e lehtë tʼi duash të tjerët kur …
Është më e vështirë tʼi duash të tjerët kur …
Merreni parasysh tʼi shkruani frazat e mësipërme në tabelë, më pas të ftoni disa nxënës të shkruajnë se si ata mund ta përfundojnë një nga fjalitë.
Përsiate pyetjen vijuese:
Çfarë të motivon apo ta bën të vështirë të tregosh dashuri për të tjerët?
Mësimet e Gjonit për dashurinë
Apostulli Gjon dha mësim me guxim rreth nevojës për tʼi dashur të tjerët.
Lexo vargjet te 1 Gjon 3:16–17 ; 4:7–11, 19–21 dhe shenjo të vërtetat që mendon se do të jenë të dobishme për ty teksa merr parasysh sfidat e dashurisë ndaj të tjerëve. (Vër re se fjala shlyerje [ 1 Gjon 4:10 ] do të thotë një flijim shlyes që kënaq drejtësinë e Perëndisë.)
Çfarë tʼu duk interesante ose kuptimplotë nga mësimet e Gjonit? Përse?
Dëgjojini me kujdes nxënësit. Përpiquni fort të krijoni një atmosferë në të cilën nxënësit të mund të ndihen rehat që t’i shprehin mendimet e tyre. Merreni parasysh tʼi pyesni se si ajo që gjetën mund tʼi ndihmojë tʼi duan të tjerët.
Një nga të vërtetat që Gjoni dha mësim në këto fragmente, është se nëse e duam Perëndinë, ne do t’i duam edhe të tjerët. Ti mund të duash ta shenjosh këtë të vërtetë te 1 Gjon 4:21 .
Merrni parasysh mënyra për t’i ndihmuar nxënësit ta kuptojnë këtë të vërtetë në mënyrë më të thellë. Kjo mund të bëhet duke i diskutuar disa ose të gjitha pyetjet vijuese: Si mendoni, përse dashuria për Perëndinë është e lidhur me dashurinë për të tjerët? Si mundet të menduarit për dashurinë e Perëndisë për ju dhe të tjerët të ndikojë në veprimet tuaja ndaj të tjerëve? Si mund të ishin ndryshe dhe më të mira jeta jonë dhe jeta e të tjerëve po ta kuptonim dhe zbatonim këtë të vërtetë?
Nxënësit mund të marrin dobi edhe nga plotësimi i një veprimtarie të të mësuarit si ajo në vijim:
Për të të ndihmuar të përsiatësh për bekimet e dashurisë për të tjerët, përzgjidh një nga shembujt më poshtë dhe përgjigju për pyetjet që vijojnë:
Paraqitini mundësitë vijuese për nxënësit dhe kujtojuni atyre përgatitjen për orën mësimore. Merreni parasysh t’i bëni nxënësit të përzgjedhin një ose dy shembuj, qoftë si klasë ose individualisht.
a. Një shembull nga jeta e Shpëtimtarit kur Ai tregoi dashuri për të tjerët
b. Dikë që njeh, i cili është një shembull i qëndrueshëm i dashurisë ndaj të tjerëve
c. Vetë përvojat e tua duke u përpjekur fort për t’i dashur të tjerët ose përvoja në të cilat të tjerët kanë treguar dashuri ndaj teje
d. Shembuj të shfaqjes së dashurisë për të tjerët nga fjalime në konferenca të përgjithshme ose materiale filmike të Kishës, siç janë “Marrja mbi Vete e Emrit të Jezu Krishtit” nga kodi kohor 04:43 deri në 06:15 (në dispozicion në ChurchofJesusChrist.org)
Çfarë bëri ky person/bëre ti për të treguar dashuri?
Si e tregojnë veprimet e tij/të tuat dashurinë për Perëndinë?
Cilat ishin rezultatet e tij/e tua të shfaqjes së dashurisë?
Çfarë mësove nga ky shembull?
Nëse nxënësit e plotësuan këtë veprimtari individualisht, merreni parasysh t’i ftoni ata t’i tregojnë përgjigjet e tyre në grupe të vogla ose në klasë.
Marrja e bekimeve të dashurisë për të tjerët
Lexo te 1 Gjon 3:17–18 për të parë se si Gjoni na nxiti t’i duam të tjerët.
Çfarë mendon se do të thotë t’i duash të tjerët “me vepra dhe në të vërtetë”? ( 1 Gjon 3:18 .)
Mund të jetë gjithashtu kuptimplotë të lexosh disa nga mësimet e Shpëtimtarit rreth dashurisë për njëri-tjetrin të regjistruara te Mateu 5:43–44 ; 22:37–40 dhe Gjoni 13:34 , duke kërkuar mënyrën se si Shpëtimtari dha mësim se duhet t’i duam të tjerët. (Shih edhe te Gjoni 15:12, 17 .)
Harto një listë të mënyrave se si ti mund të tregosh dashuri për të tjerët “me vepra dhe në të vërtetë” ose ashtu si Shpëtimtari na deshi. Mund të jetë gjithashtu e dobishme të marrësh parasysh mënyra për t’u treguar dashuri njerëzve të ndryshëm, siç janë pjesëtarët e familjes, shokët ose bashkënxënësit.
Nëse do të të ndihmonte të shohësh disa shembuj të dashurisë për të tjerët “me vepra dhe në të vërtetë”.
Cila nga idetë e shfaqjes së dashurisë të bëri përshtypje më shumë? Përse?
Përse është e rëndësishme që veprimet tona të jenë të sinqerta?
Si mund të na ndihmojë kryerja e këtyre veprimeve vazhdimisht që të bëhemi më të ngjashëm me Jezu Krishtin?
Zbatimi
Mendo për dikë që ti njeh, për cilin Zoti mund të dojë që ti t’i tregosh më shumë dashuri. Përpiqu të mendosh për dashurinë që Ati Qiellor dhe Shpëtimtari kanë për të. Merre parasysh t’i lutesh Atit Qiellor. Dëgjo dhe ndiej për frymëzim për atë që Ai mund të dojë që ti të bësh, për të treguar dashuri për këtë person. Ti mund të duash të lutesh për ndihmë në përpjekjet e tua. Mund të jetë gjithashtu e dobishme tʼia tregosh se çfarë planifikon të bësh një të rrituri apo miku të besuar dhe tʼi kërkosh atij të të ndihmojë.
Merreni parasysh të pyesni nëse ndonjë nxënës do të donte të jepte dëshmi për rëndësinë e dashurisë për të tjerët dhe mënyrën se si ajo tregon dashurinë tonë për Perëndinë. Merreni parasysh të jepni edhe dëshminë vetjake.
Komente dhe Informacion për Rrethanat
1 Gjon 3:18. Çfarë do të thotë të duash “me vepra dhe në të vërtetë”?
Plaku Xhozef B. Uirthlin (1917–2008), i Kuorumit të Dymbëdhjetë Apostujve, shpjegoi:
Pamja
Last official portrait of Elder Joseph B. Wirthlin of the Quorum of the Twelve Apostles, 2004. Died December 1, 2008.
“Shpesh manifestimet më të mëdha të dashurisë janë akte të thjeshta mirësie dhe kujdesi që ne tregojmë për ata që takojmë në rrugën e jetës”.
(Xhozef B. Uirthlin, “Urdhërimi i Madh”, Ensign ose Liahona, nëntor 2007, f. 29)
Cilat janë disa nga bekimet e dashurisë për të tjerët?
Presidenti Diter F. Uhtdorf, asokohe i Presidencës së Parë, dëshmoi për bekimet që mund të vijnë nga dashuria për të tjerët.
Pamja
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
“Meqenëse dashuria është urdhërimi i madh, ajo duhet të jetë qendra e të gjithave dhe gjithçkaje që bëjmë në vetë familjen tonë, në thirrjet tona në Kishë dhe në jetën tonë. Dashuria është balsami shërues që riparon të çarat në marrëdhëniet vetjake dhe familjare. Ajo është lidhja që bashkon familje, komunitete dhe kombe. Dashuria është fuqia që nis miqësinë, tolerancën, qytetarinë dhe respektin. Ajo është burimi që mposht ndarjen dhe urrejtjen. Dashuria është zjarri i brendshëm që ngroh jetën tonë me bekime të ëmbla gëzimi të pakrahasueshëm dhe shprese të shenjtë. Dashuria duhet të jetë mënyra e veprimit dhe e shprehjes sonë.
Kur e kuptojmë vërtet se çfarë do të thotë të duash ashtu si na do Jezu Krishti, pështjellimi qartësohet dhe përparësitë tona renditen sipas vullnetit të Perëndisë. Jeta jonë si dishepuj të Krishtit bëhet më e gëzueshme. Jeta jonë merr kuptim të ri. Marrëdhënia jonë me Atin tonë Qiellor bëhet më e thellë.”
(Diter F. Uhtdorf, “Dashuria e Perëndisë”, Ensign ose Liahona, nëntor 2009, f. 21–22)
1 Gjon 3:18. Si mund të tregojmë dashuri “me vepra dhe në të vërtetë” në marrëdhëniet tona familjare?
Shikoni materialin filmik “Bekimet e Përjetshme të Martesës” nga kodi kohor 06:23 deri në 08:41 për të parë Plakun Riçard G. Skot (1928–2015), të Kuorumit të Dymbëdhjetë Apostujve, të përshkruajë veprimet e mira që shkëmbyen ai dhe gruaja e tij ose shikoni materialin filmik “Two Brothers Apart” [“Dy Vëllezër të Ndarë”] (06:12), që tregon dy vëllezër që mësojnë ta kuptojnë dhe duan njëri-tjetrin.
1 Gjon 4:12. Çfarë nënkuptoi Gjoni kur tha se “askush s’e ka parë ndonjëherë Perëndinë”?
“Përkthimi prej Joseph Smith‑it i këtij vargu qartëson konceptin e gabuar se njerëzit e vdekshëm janë të paaftë ta shohin Perëndinë: ‘Askush s’e ka parë ndonjëherë Perëndinë, përveç atyre që besojnë’ (krahasoni me vargun te 1 Gjon 4:12). Gjoni vazhdoi duke dhënë mësim: ‘Po ta duam njeri-tjetrin, Perëndia qëndron në ne dhe dashuria e tij është e përsosur në ne’ ( 1 Gjon 4:12). Gjoni vetë e kishte parë Perëndinë, Atin (shih te Zbulesa 5:1 ; DeB 67:11). Për të lexuar më tepër rreth njerëzve të vdekshëm në gjendje që ta shohin Perëndinë, shihni vargjet te Gjoni 14:23 ; Veprat e Apostujve 7:56 ; DeB 93:1 ; Joseph Smith – Historia 1:16–17 ” (New Testament Student Manual [2014], f. 517).
Official portrait of President Russell M. Nelson taken January 2018
“Përparësitë më të mëdha në jetë janë ta duam Perëndinë dhe t’i duam të afërmit tanë. Kjo përfshin gjerësisht të afërmit në vetë familjen tonë, komunitetin tonë, kombin tonë dhe botën tonë.”
(Russell M. Nelson, “Teach Us Tolerance and Love”, Ensign ose Liahona, maj 1994, f. 69)
Veprimtari Plotësuese të të Mësuarit
1 Gjon 3:1–3 ; 4:12. Ne mund të bëhemi si Ati Qiellor duke u bërë të dëlirë
Nëse nxënësit do të merrni dobi nga të mësuarit më shumë rreth mënyrës se si ata mund të bëhen si Ati Qiellor, ftojini të studiojnë vargjet te 1 Gjon 3:1–3 dhe të tregojnë atë që mësojnë nga ky fragment. Shpjegoni se “bij” te 1 Gjon 3:1 mund të përkthehet si “fëmijë” (krahaso me vargun te 1 Gjon 3:1) dhe se fëmijët e Perëndisë në këtë kuptim iu referohet atyre që janë rilindur shpirtërisht (shih edhe te Mosia 5:7).
Ftojini nxënësit të tregojnë atë që dinë rreth Atit Qiellor “si është ai” ( 1 Gjon 3:2). Kërkojuni atyre të tregojnë ide rreth mënyrës se si mund ta “pastroj[m]ë veten” ( 1 Gjon 3:3) në mënyrë që të bëhemi si Perëndia. Një mundësi do të ishte të përpiqemi fort të duam ashtu siç do Perëndia (shih te 1 Gjon 4:12).
Kujtojuni nxënësve se ne nuk mund të bëhemi të dëlirë pa Shpëtimtarin. Ftojini ata të studiojnë zërin me titull “ Shenjtërim ” tek Udhëzuesi për Shkrimet e Shenjta (scriptures.ChurchofJesusChrist.org) dhe të kërkojnë ide rreth mënyrës se si mund të bëhemi më të dëlirë me ndihmën e Krishtit. Ftojini ata të bëjnë një plan për mënyrën se si ta bëjnë këtë.
