Family members in Taiwan looking at old photograph albums.
Unsa ang mahitabo ngadto sa bilyones ka mga anak sa Langitnong Amahan kinsa mipuyo ug namatay nga walay kahigayonan sa pagpaminaw kang Jesukristo o pagdawat sa awtorisadong mga ordinansa sa Iyang ngalan? Si Apostol Pedro mitudlo nga si Jesukristo misangyaw sa ebanghelyo ngadto sa kalibotan sa mga espiritu human sa Iyang kamatayon, nga naghimo sa mga panalangin sa ebanghelyo nga maanaa alang sa tanang mga anak sa Langitnong Amahan. Kini nga leksiyon makatabang kanimo sa pagsuhid og mga paagi sa pagtabang sa Manluluwas sa Iyang buhat sa pagtubos sa mga patay.
Pagtan-aw daan sa mga kapanguhaan. Sa pagpangandam alang sa klase, seguroha nga tan-awon daan ang tanang mga media ug mahimong pamilyar sa mga website, mga butang alang sa leksiyon [object lessons], o uban pang mga materyal nga gamiton sa klase. Ang pagbuhat sa ingon makadugang sa kompyansa sa pagtudlo ug magtugot og mas dakong pagpokus sa mga panginahanglanon sa mga estudyante.
Pagpangandam sa estudyante: Aron magamit ang pihong mga features sa FamilySearch.org o sa FamilySearch Family Tree app, ang mga estudyante gikinahanglang mo-log in sa ilang Account sa Simbahan nga username ug password nga konektado sa ilang narekord nga numero sa pagkamiyembro [membership record number]. Kon ang mga estudyante wala o wala nasayod sa ilang username ug password, dapita sila sa pagmugna o pagrekober niini diha sa account.ChurchofJesusChrist.org o sa paghimo og account diha sa FamilySearch.org. Pangayo og tabang sa usa ka ward o branch nga espesyalista sa family history o sa koordinitor sa Seminaries and Institutes of Religion kon gikinahanglan.
Posible nga mga Kalihokan sa Pagkat-on
Usa ka makalibog nga pangutana
Ikonsiderar ang pagpakita sa mosunod nga pamahayag diin ang mga estudyante mahimong makabasa niini diha sa ilang pagsulod sa kwarto.
Si Elder D. Todd Christofferson sa Korum sa Napulog Duha ka Apostoles miingon:
Imahe
Portrait of Elder D. Todd Christofferson. Photographed in March 2020.
Ang Kristiyanong mga nagtuon sa relihiyon [mga iskolar] dugay nang nagsugakod niini nga pangutana, Unsa ang padulngan niining bilyon nga nabuhi ug namatay nga walay kahibalo kabahin ni Jesus?
(D. Todd Christofferson, “The Redemption of the Dead and the Testimony of Jesus,” Ensign, Nob. 2000, 9)
Unsaon nimo pagtubag sa usa ka tawo nga nangutana nimo niini?
Kon ang mga estudyante naglisod sa pagtubag sa milabay nga pangutana, mahimong magpakita kanila og mga timailhan sama sa usa ka larawan sa usa ka templo o usa ka tsart sa pedigree sa pamilya.
Kon ang mga estudyante sayon nga nakatubag sa pangutana, mahimo silang pangutan-on giunsa nila pagkahibalo sa tubag sa usa ka butang nga nakapalibog sa daghang mga tawo sulod sa mga siglo.
Mipadayon si Elder Christofferson:
Imahe
Portrait of Elder D. Todd Christofferson. Photographed in March 2020.
Uban sa Pagpahiuli sa ebanghelyo ni Jesukristo miabot ang pagsabot kon sa unsang paagi ang wala mabunyagi nga patay matubos ug kon sa unsang paagi ang Dios mahimong usa ka “hingpit, makiangayong Dios, ug usa ka maluloy-on nga Dios usab” [ Alma 42:15].
(D. Todd Christofferson, “The Redemption of the Dead and the Testimony of Jesus,” 9)
Ang Manluluwas didto sa kalibotan sa mga espiritu
Samtang ang kahibalo sa kaluwasan alang sa mga patay napasig-uli pinaagi kang Propeta Joseph Smith, ang Biblia naglakip og mga tudling nga nagpakita kanato nga kadtong mga kamatuoran nasabtan ug gitudlo sa naunang Apostoles. Pananglitan, si Apostol Pedro mitudlo mahitungod sa unsa ang gibuhat ni Jesukristo alang sa kadtong namatay nga walay kahibalo sa ebanghelyo.
Basaha ang 1 Pedro 3:18–20 ; 4:6 aron makita unsa ang gitudlo ni Pedro mahitungod sa giunsa ni Jesukristo pagpadayon sa Iyang buhat aron pagluwas sa mga anak sa atong Langitnong Amahan, bisan human sa Iyang kamatayon.
usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas sayon nimo kining makit-an.
Unsa ang gitudlo niining mga bersikulo kanimo mahitungod sa pagpangalagad sa Manluluwas didto sa kalibotan sa mga espiritu?
Sumala sa 1 Pedro 4:6, nganong ang ebanghelyo gisangyaw man ngadto sa mga patay na?
Mahimong makatabang nga ipasabot nga pinaagi sa pag buhat niini, ang Dios nagpakita sa pagkamakiangayon. Gusto Niya nga ang tanan patas nga pagahukman. Mao nga kaysa sa tunglohon kadtong wala makadungog sa ebanghelyo, Iyang gihimo kining posible alang kanila nga modawat ug makadawat sa ebanghelyo. Usa ka kamatuoran nga mahimong makat-onan sa mga estudyante gikan niini nga bersikulo mao nga ang ebanghelyo gisangyaw ngadto sa mga patay aron makabaton sila og sama nga oportunidad niadtong nakadungog na sa ebanghelyo dinhi sa mortalidad.
Sa unsang paagi ang doktrina sa kaluwasan alang sa mga patay nagpakita sa gugma ug kaluoy sa Dios alang sa Iyang mga anak?
Ang pagpadayag sa karon nga panahon [modern] mahitungod sa kalibotan sa mga espiritu
Ang pagpadayag sa karon nga panahon mahimong makatabang kanato nga makakat-on og dugang mahitungod sa gibuhat sa Manluluwas samtang Siya anaa sa kalibotan sa mga espiritu.
Imahe
Portrait of Joseph F. Smith
Sa dihang si Presidente Joseph F. Smith (1838–1918) mibasa ug namalandong niining sama nga mga bersikulo sa 1 Pedro, siya nakadawat og panan-awon sa pagpangalagad sa Manluluwas taliwala sa mga patay. Kini nga pagpadayag natala diha sa Doktrina ug mga Pakigsaad 138 ug naglakip sa mga detalye nga wala mahibaloi kaniadto sa mga miyembro sa Simbahan. Mahimong magsulat og usa ka cross-reference o pag-link sa 1 Pedro 4:6 ngadto sa Doktrina ug mga Pakigsaad 138 diha sa imong mga kasulatan.
Sa dili pa tun-an ang mga bersikulo gikan sa Doktrina ug mga Pakigsaad 138 , mahimong makatabang kini ang pagdapit sa mga estudyante sa pagpaambit unsa ang ila nang nahibaloan mahitungod niini nga panan-awon. Mahimo usab nga dapiton ang mga estudyante sa pagtuon sa tanan nga Doktrina ug mga Pakigsaad 138 sa ilang kaugalingon ug ilhon ang mga bersikulo nga nagpalawom sa ilang pagsabot sa mga kamatuoran mahitungod sa kalibotan sa mga espiritu nga gitudlo diha sa 1 Pedro.
Basaha ang Doktrina ug mga Pakigsaad 138:29–34, 57–58 , nga mangita alang sa dugang nga mga panabot mahitungod sa pagpangalagad sa Manluluwas diha sa kalibotan sa mga espiritu.
Unsa ang imong nakat-onan gikan sa imong pagtuon sa Doktrina ug mga Pakigsaad 138 nga sa imong pamati labing importante kaayo? Ngano man?
Sa unsang paagi nga ang pagsabot unsa ang nahitabo didto sa kalibotan sa mga espiritu nakaimpluwensiya sa imong mga kasinatian sa pagbuhat sa buhat sa templo ug sa family history?
Unsa nga ebidensiya sa gugma ug kalooy ni Jesukristo ang imong nakita niini nga mga bersikulo?
Atong responsibilidad
Si Elder Dale G Renlund sa Korum sa Napulog Duha ka Apostoles namulong sa atoang responsibilidad sa pagtabang sa Manluluwas sa Iyang buhat sa pagtubos sa mga patay. Mahimo kang motan-aw sa video “Buhat sa Family History ug sa Templo: Pagsilyo ug Pagkaayo,” nga anaa sa ChurchofJesusChrist.org, gikan sa time code nga 3:01 hangtod sa 3:47, o basaha ang mosunod nga pamahayag:
Imahe
Official portrait of Elder Dale G. Renlund of the Quorum of the Twelve Apostles, January 2016.
Isip mga miyembro sa Simbahan, gihatagan kita’g balaang responsibilidad sa pagsiksik sa atong katigulangan ug pagtigom sa mga kasaysayan sa pamilya. Mas labaw kini kay sa giawhag nga kalingawan, tungod kay ang mga ordinansa sa kaluwasan gikinahanglan sa tanang anak sa Dios. Kita ang mangita sa kaugalingon natong katigulangan kinsa namatay nga wala makadawat sa mga ordinansa sa kaluwasan. Ang mga ordinansa para sa mga patay atong mahimo pinaagi sa pagpuli diha sa mga templo, ug ang atong katigulangan ray mopili kon dawaton ba nila ang mga ordinansa. Giawhag usab kita nga tabangan ang mga miyembro sa ward ug stake sa ngalan sa mga sakop sa ilang pamilya. Makatingala gayud, nga pinaagi sa family history ug sa templo nga buhat, makatabang kita og luwas sa mga patay.
Sa unsang paagi nga ang pagsalmot sa buhat sa family history ug sa templo nakaapekto sa imong kinabuhi o sa kinabuhi sa uban? Kon wala pa ka makasalmot niini, sa unsang paagi sa imong hunahuna kini lagmit makaapekto sa imong kinabuhi?
Sa nahibilin nga oras sa klase, tabangi ang mga estudyante sa pagsugod sa pagsalmot sa buhat sa kaluwasan alang sa mga patay. Ikonsiderar ang usa o mas daghan pa sa mosunod nga mga ideya.
Bisitaha ang FamilySearch.org o gamita ang FamilySearch Family Tree nga app. Tan-awa kon makakita ka ba sa mga ngalan sa katigulangan kinsa nagkinahanglan pang makadawat sa mga ordinansa sa pagkapari. Mahimong nimong ireserba kini nga mga ngalan ug dalhon sila ngadto sa templo sa imong kaugalingon o isumiter ang mga ngalan ngadto sa templo aron ang laing mga tawo mahimong makabuhat sa mga ordinansa alang kanila. Ang Mga Ordinansa nga Andam Na nga feature mahimong gamiton sa pagtabang kanimo aron dali nga maila ang mga katigulangan kinsa nagkinahanglan sa mga ordinansa sa pagkapari.
Paghimo og listahan sa mga pangutana mahitungod sa imong mga katigulangan nga mahimo nimong ipangutana sa imong mga ginikanan o lain pang mga paryente. Sa usa ka maayo nga higayon, ipangutana ang imong mga pangutana ug hisgoti kon sa unsang paagi nga ang imong pamilya mahimong makasalmot sa buhat sa templo ug sa family history nga magkauban.
Komentaryo ug Background nga Impormasyon
Unsa man ang akong responsibilidad sa akong mipanaw nga mga katigulangan?
Si Elder Quentin L. Cook sa Korum sa Napulog Duha ka Apostoles mitudlo:
Imahe
Official portrait of Elder Quentin L. Cook. Called to the Quorum of the Twelve Apostles on 6 October 2007.
Ang doktrina sa pamilya kalabot sa family history ug buhat sa templo klaro. Ang Ginoo sa Iyang orihinal nga pagpadayag nagpasabot sa “bunyag alang sa inyong mga patay” [ Doktrina ug mga Pakigsaad 127:5 ; gidugang ang paghatag og gibug-aton]. Ang atong doktrinal nga obligasyon mao ang ngadto sa atong mga katigulangan. Kini tungod kay ang celestial nga pag-organisar sa langit gibasi sa mga pamilya. Ang Unang Kapangulohan nag-awhag sa mga miyembro, ilabi na ang kabatan-onan ug mga young single adult, nga hatagan og gibug-aton ang buhat sa family history ug mga ordinansa alang sa ilang kaugalingong ngalan sa pamilya o sa mga ngalan sa katigulangan sa mga miyembro sa ilang ward ug stake. Kinahanglang makonektar kita ngadto sa atong mga gamot ug mga sanga.
Si Presidente Thomas S. Monson (1927–2018) mitudlo:
Imahe
Official portrait of President Thomas S. Monson, 2008.
Ang Ginoo, kutob sa akong nasayran, wala gayod mopasabot nga ang Iyang buhat kutob ra sa mortal nga kinabuhi. Hinoon, ang Iyang buhat molukop sa kahangtoran. Nagtuo ko nga Iyang gipadali ang Iyang buhat sa kalibotan sa espiritu. Ako nagtuo usab nga ang Ginoo, pinaagi sa Iyang mga sulugoon didto, nag-andam og daghang mga espiritu aron modawat sa ebanghelyo. Ang atong tahas mao ang pagpangita sa atong mga patay ug dayon moadto sa templo ug mopahigayonsa balaan nga mga ordinansa nga magdala sa kadtong nalapas sa tabil og susamang mga oportunidad nga anaa nato. …
Akong mga kaigsoonan, mopamatuod ko nga ang Ginoo mopanalangin nato samtang kita modawat ug mosanong niini nga hagit.
(Thomas S. Monson, “Hastening the Work,” Ensign, Hunyo 2014, 4–5)
Sa unsang paagi ako makaapil sa buhat sa templo ug sa family history?
Si Presidente Russell M. Nelson mipahayag:
Imahe
Official portrait of President Russell M. Nelson taken January 2018
Bisan kanus-a nga mobuhat kamo og bisan unsa nga makatabang kang bisan kinsa—sa matag habig sa tabil—nga mopadulong sa paghimo og mga pakigsaad sa Dios ug sa pagdawat sa ilang mahinungdanong mga ordinansa sa bunyag ug sa templo, nagtabang kamo sa pagpundok sa Israel. Ingon lang niana ka yano.
(Russell M. Nelson ug Wendy W. Nelson, “Paglaum sa Israel” [tibuok kalibotan nga debosyonal sa mga kabatan-onan, Hunyo 3, 2018], dugang ngadto sa New Era ug Ensign, 15, ChurchofJesusChrist.org)
Sa unsang paagi nga ang buhat sa templo ug family history makapanalangin kanako?
Sa iyang Abril 2018 nga mensahe sa kinatibuk-ang komperensiya, si Elder Dale G. Renlund sa Korum sa Napulog Duha ka Apostoles naglista og daghan sa mga panalangin nga atong madawat gikan sa pagsalmot sa buhat sa templo ug family history. Tan-awa kini nga kinutlo o basaha ang tibuok mensahe (Dale G. Renlund, “Buhat sa Family History ug sa Templo: Pagsilyo ug Pagkaayo,” Liahona, Mayo 2018, 46–49).
Dugang nga mga Kalihokan sa Pagkat-on
Pagsulat og usa ka pakigpulong o leksiyon
Aron matabangan ang mga estudyante sa pagsuma unsa ang ilang nakat-onan mahitungod sa buhat sa kaluwasan alang sa mga patay, mahimo silang dapiton sa pagsulat og usa ka mubo nga pakigpulong o leksiyon gamit ang mga kamatuoran gikan sa 1 Pedro 3:18 ; 4:6 ; ug Doktrina ug mga Pakigsaad 138. Mahimo usab silang mopaambit og mga kasinatian nga may kalabotan sa ilang pag-apil niini nga buhat ug giunsa niini pagtabang kanila nga mas mahiduol ngadto sa Ginoo.
Relatives Around Me [Mga Paryente sa Akong Palibot]
Usa sa makalingaw nga feature sa FamilySearch Family Tree nga app mao ang gitawag og “Relatives Around Me.” Kon daghang mga device ang nag-abli niini nga feature, ang app makakita og komon nga mga katigulangan taliwala sa mga user sa maong mga device. Dapita ang mga estudyante sa pagpangita ug pag-abli sa “Relatives Around Me” aron makita kinsa sa klase ang ig-unsa nila. Mahimong masuta sa mga estudyante ang ilang mas duol nga pagkaparyente kaysa sa ilang gihunahuna kaniadto. Dapita ang mga estudyante sa pagpares-pares ug pagkat-on og dugang pa mahitungod sa pipila sa ilang komon nga mga katigulangan. Kon adunay bisan kinsang mga katigulangan ang nagkinahanglan og mga ordinansa sa pagbunyag ug pagkompirma, dapita ang mga estudyante sa pagreserba niadtong mga ngalan ug dalhon sila ngadto sa templo.
