2 Pedro 1

Pagkahimong sama ni Jesukristo

Si Pedro misulat ngadto sa mga disipulo ni Jesukristo kinsa lig-on sa ilang hugot nga pagtuo. Samtang nahiduol na siya sa kataposan sa iyang kinabuhi, si Pedro gustong motabang niini nga mga Santos nga mahinumdom sa dagkong mga panalangin nga gisaad ngadto sa mga matinud-anon. Iyang gidasig ang mga Santos sa pagpalambo og mga kinaiya ni Jesukristo. Kini nga leksiyon gituyo aron sa pagtabang kanimo nga mobuhatog mga lakang aron mahimong mas susama kang Jesukristo.

Pagtabang sa mga magtutuon nga makasabot sa mga hiyas sa Manluluwas. Samtang ang mga estudyante nagkat-on mahitungod sa Manluluwas, tabangi sila nga mas molabaw pa sa pagkat-on mahitungod sa kon unsa ang Iyang gisulti ug gibuhat ug makat-on sa kon kinsa Siya. Usa ka paagi sa pagbuhat niini mao ang pagpokus sa Iyang mga hiyas.

Pagpangandam sa estudyante: Dapita ang mga estudyante sa pagkonsiderar hain nga hiyas ang ilang labing gidayeg mahitungod kang Jesukristo ug ngano.

Posible nga mga Kalihokan sa Pagkat-on

Lakang-sa-lakang nga mga kalamposan

Unsa ang usa ka mahinungdanong tumong ang gusto nimong makab-ot?
Unsay imong gibuhat aron makab-ot kini nga tumong?

Si Elder Scott D. Whiting sa Kapitoan mipaambit og usa ka leksiyon nga nakat-onan niya ug sa iyang asawa panahon sa usa ka kasinatian nila samtang nagtungas sa Bukid sa Fuji sa Japan. Ang leksiyon nga ilang nakat-onan lagmit makatabang kanimo sa pagpaningkamot paingon ngadto sa imong mga tumong.Mahimo nimong tan-awon ang video nga “Pagkahimong sama Kaniya,” nga anaa sa ChurchofJesusChrist.org gikan sa time code 2:35 hangtod 3:09, o basahon ang mosunod nga pamahayag:

Mt. Fuji, in Japan, rises up majestically in the background on a late autumn evening. The last glimpses of sunlight can be seen on the west facade of the snow capped slopes. Lake Kawaguchi is in the foreground with the town of Fujikawaguchiko nestled in between the lake and mountain. Light snow has blanked the town and the nearby trees.

Pipila ka tuig nang milabay, ang akong asawa ug ako nagbarog sa sinugdanan sa agianan sa kinatas-ang bukid sa Japan, ang Mount Fuji. Sa pagsugod namo sa among pagtungas mitan-aw mi sa tumoy didto sa layo ug naghunahuna kon makaabot ba mi didto.

Sa among pagpadayon, ang kakapoy, sakit nga kaunoran, ug ang mga epekto sa kataas miresulta na. Sa among hunahuna, importante alang namo nga tutokan lamang ang sunod nga lakang. Moingon mi, “Seguro dili dayon ko makaabot sa ibabaw, apan mahimo nako kining sunod nga lakang karon dayon.” Paglabay sa panahon ang lisod nga buluhaton sa kataposan makab-ot ra—usa ka lakang human sa laing lakang.

(Scott D. Whiting, “Pagkahimong sama Kaniya,” Liahona, Nob. 2020, 12-13)

Kini nga ehemplo mahimong magamit sa pagkab-ot sa daghang nagkalain-laing mga tumong. Unsa ang matabang niini kanato aron makasabot mahitungod sa tumong sa pagkahimong sama kang Jesukristo?

Paggahin og higayon sa pagpamalandong unsa ang imong nabuhat ug ginabuhat aron mahimong sama ni Jesukristo.

Unsa ang nakalisod mahitungod sa pagpaningkamot aron mahimong mas sama ni Jesukristo?
Unsa ang nakatabang kanimo aron makahimo og pag-uswag sa pagkahimong mas sama ni Jesukristo?

Hinumdomi nga importante nga matan-aww ang imong pag-uswag sa pagkahimong mas sama ni Jesukristo isip usa ka hinay-hinay, lakang-sa-lakang nga proseso. Sa imong pagtuon niini nga leksiyon, pangita og unsa ang lagmit nimong mabuhat uban sa tabang sa Manluluwas aron mabuhat ang sunod nga lakang.

Diosnong kinaiya

Sa usa ka sulat alang ngadto sa mga miyembro sa Simbahan kinsa aduna nay hugot nga pagtuo kang Jesukristo, si Apostol Pedro mipahayag sa iyang tinguha alang kanila aron makadawat sa mga panalangin sa pagkahibalo sa Langitnong Amahan ug ni Jesukristo ug sa Ilang diosnong kinaiya.

Basaha ang 2 Pedro 1:2–4 , nga mangita sa mga panalangin nga mahimong moabot kanato pinaagi niini nga kahibalo.

Unsa sa imong hunahuna ang buot ipasabot sa “makaambit sa diosnong kinaiya”? ( 2 Pedro 1:4).

Ang matag usa kanato adunay diosnong kinaiya tungod kay matag usa kanato “hinigugmang espiritu nga anak nga lalaki o babaye sa langitnong mga ginikanan” (“ Ang Pamilya: Usa ka Pamahayag ngadto sa Kalibotan ,” ChurchofJesusChrist.org). Si Jesukristo mahimong makatabang kanato nga mapalambo ug malunsay ang Kristohanong mga hiyas sa atong pagpaningkamot nga mosunod sa Iyang hingpit nga ehemplo ug mosalig ngadto Kaniya aron matabangan kita nga mabag-o.

Mahimong magdrowing og usa ka yanong outline sa usa ka bukid sa pisara.

Sa imong journal sa pagtuon, pagdrowing og usa ka yanong outline sa Bukid sa Fuji o lain nga bukid nga imong napili. Sa imong bukid, pagsulat og pipila sa mga hiyas ni Jesukristo.

Mahimong dapiton ang pipila ka mga estudyante sa paglista og Kristohanong mga hiyas ngadto sa drowing sa usa ka bukid sa pisara. Mahimong dapiton ang mga estudyante sa pagpamalandong sa ilang pagpangandam sa klase diha sa ilang pag-ila sa mga hiyas sa Manluluwas.

Hain sa mga hiyas ni Jesukristo ang imong labing gidayeg? Ngano man?

Basaha ang 2 Pedro 1:5–7 , nga mangita sa Kristohanong mga hiyas nga gilista ni Pedro. Idugang kini nga mga hiyas ngadto sa mga nasulat nimo sa imong bukid sa imong journal.

Paggahin og higayon sa paghunahuna mahitungod sa unsa lagmit ang buot ipasabot ni Pedro sa hugpong sa pulong nga “himoa … ang tanang [kakugi]” ( bersikulo 5).

Sa unsang paagi nimo kini mahulagway sa imong dayagram?

Mahimong ihulagway ang kamahinungdanon sa kagugi sa dayagram sa pisara pinaagi sa pagdrowing og usa ka pana nga paingon sa ibabaw sa bukid, nga nakakonektar sa pulong nga kakugi (tan-awa ang nakompleto nga dayagram unya diha sa leksiyon alang sa usa ka ehemplo kon unsaon kini sa pagbuhat).

Basaha ang 2 Pedro 1:8–11 , nga mangita unsa ang gisulti ni Pedro sa mga Santos nga mahitabo kon sila makapalambo niini nga mga hiyas.

Unsa ang usa ka kamatuoran nga imong nakat-onan gikan niini nga mga bersikulo?

Ang mga estudyante mahimong maghisgot og lain-laing mga kamatuoran, lakip ang mosunod: Diha sa akong pagpalambo sa diosnong mga hiyas, ako makaila kang Jesukristo ug makadawat sa saad sa kinabuhing dayon.

Paghunahuna mahitungod kon unsa ang lagmit nimong madugang sa imong dayagram tungod sa unsay imong nakat-onan. Mahimo kang magdugang og usa ka ulohan sa ibabaw sa imong bukid nga nagsuma sa usa ka importante nga kamatuoran nga imong gikat-onan mahitungod sa pag-ila kang Jesukristo.

Unsa ang atong mahimo aron makapalambo sa Kristohanong mga hiyas?
Sa unsang paagi sa imong hunahuna nga ang pagpalambo sa diosnong mga hiyas makatabang kanato nga makaila kang Jesukristo ug mahimong mas sama Kaniya?

Pagpalambo og Kristohanong mga hiyas

Ang panaw sa pagpalambo og Kristohanong mga hiyas mahimong magsugod sa yanong unang lakang sa pagpili og usa ug pagkat-on og dugang mahitungod niini. Sugdi kini nga panaw karon pinaagi sa pagpili og usa sa mga hiyas nga nalista sa 2 Pedro 1:5–7 ug nasulat sa imong bukid nga dayagram.

Usa ka paagi nga ikaw mahimong makat-on og dugang mahitungod sa hiyas nga imong napili mao ang paggamit sa Giya ngadto sa mga Kasulatan, , o ang function sa pagpangita sa Gospel Library aron makita ang mga kasulatan o mga pamahayag nga may kalabotan niana nga hiyas.

Pagsulat og mga note sa imong journal sa pagtuon, ug ikonsiderar ang pagmarka sa importanteng hugpong sa mga pulong diha sa kasulatan nga imong nabasa.

Hatagi ang mga estudyante og igong panahon sa pagkompleto sa kalihokann. Tabangi sila nga magamit ang mga kapanguhaan nga gusto nilang gamiton sa digital, o paghatag og mga kopya sa materyal.

Alang sa dugang nga mga ideya kon unsaon pagtabang sa mga estudyante sa pagtuon ug pagpalambo sa Kristohanong mga hiyas, tan-awa ang “Komentaryo ug Background nga Impormasyon” nga bahin sa leksiyon.

Mahimong gamiton ang pipila o tanan sa mosunod nga mga pangutana aron mahatagan ang mga estudyante og kahigayonan sa pagpaambit sa unsa ang ilang nakat-onan.

Hain nga hiyas ang imong gipili nga ipokus?
Unsa ang imong nakat-onan mahitungod kang Jesukristo ug niini nga kinaiya gikan sa imong mga pagtuon?
Sa unsang paagi nga ang iong kinabuhi lagmit mouswag pinaagi sa pagpalambo niini nga Kristohanong hiyas?
Unsa nga mga paningkamot ang andam nimong buhaton aron mahimong mas sama sa Manluluwas pinaagi sa pagpalambo niini nga hiyas?

Ikonsiderar ang paghatag og pagpamatuod sa tinguha ug abilidad sa Manluluwas sa pagtabang kanato nga mahimong sama Kaniya. Mahimong hatagan ang mga estudyante og mga kahigayonan sa umaabot nga mga leksiyon sa pagreport sa pag-uswag nga ilang nahimo sa pagpalambo sa Kristohanong mga hiyas nga ilang napiling buhaton.

Komentaryo ug Background nga Impormasyon

Unsa man ang akong mahimo aron mapalambo ang Kristohanong mga hiyas?

Si Elder Scott D. Whiting sa Kapitoan mipasabot:

Aron makita ang tinuod nga pag-uswag, kinahanglan kamong padayon nga maningkamot. Sama sa pagsaka sa usa ka bukid nga nagkinahanglan og pagpangandam daan ug paglahutay ug pagpadayon atol sa pagtungas, mao usab kini nga biyahe nga nagkinahanglan og tinuod nga paningkamot ug sakripisyo. Ang tinuod nga Kristiyanismo, diin naningkamot kita nga mahimong sama sa atong Agalon, kanunay nga nagkinahanglan sa atong pinakamaayong mga paningkamot. …

Nasayod ko nga ang pagkahimong sama Kaniya pinaagi sa Iyang balaanong tabang ug kalig-on mahimong makab-ot pinaagi sa usa ka lakang human sa laing lakang. Kay kon dili, wala unta Niya ihatag kanato kini nga sugo [tan-awa sa 1 Nephi 3:7].

(Scott D. Whiting, “Pagkahimong sama Kaniya,” Liahona, Nob. 2020, 14)

Unsa ang mahitabo samtang maningkamot ko nga makabaton og Kristohanong kinaiya?

Si Elder Robert D. Hales (1932–2017) sa Korum sa Napulog Duha ka Apostoles mipasabot:

Pagkahimong usa ka Disipulo sa Atong Ginoong Jesukristo

Ang mga hiyas sa Manluluwas, sama sa atong pagsabot niini, dili usa ka sinulat nga sundon o lista nga himoon. Nahiusa kini nga mga kinaiya, nadugang ngadto sa usag usa, nga milambo diha kanato sa makaimpluwensya nga pamaagi. Sa laing pagkasulti, dili kita makabaton og usa ka Kristohanong kinaiya nga dili usab maimpluwensiyahan ang uban. Samtang ang usa ka kinaiya mahimong lig-on, mao usab ang daghan pa.

(Robert D. Hales, “Pagkahimong Usa ka Disipulo sa Atong Ginoong Jesukristo,” Ensign o Liahona, Mayo 2017, 47)

Si Elder David A. Bednar sa Korum sa Napulog Duha ka Apostoles mitudlo:

Ang panabang gikan sa Manluluwas maanaa alang sa tibuok nga panaw sa pagka-mortal—gikan sa pagkadautan ngadto sa pagkamaayo ngadto sa pagka mas maayo ug sa pag-usab sa atong pinakakinaiyahan.

(David A. Bednar, “Ang Pag-ula ug ang Panaw sa Pagka-mortal,” Ensign, Abr. 2012, 42; Liahona, Abr. 2012, 14)