Seminary
1–3 Juan; Judas

1–3 Juan; Judas

Kinatibuk-ang Pagpasabot

Si Apostol Juan misulat mahitungod sa gugma sa Dios alang sa mga Santos ug giunsa niining gugmaha pagpadayag pinaagi sa makaluwas nga misyon ni Jesukristo. Iyang gitudlo nga ang atong gugma alang sa Langitnong Amahan ug ni Jesukristo mahimong makapadasig kanato sa pagtuman sa Ilang mga sugo. Iya usab gitudlo nga ang gugma sa Dios alang kanato mahimong makapadasig kanato sa paghigugma sa uban.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit nga kinahanglang andamon daan para sa kada leksiyon.

1 Juan 1–5

Katuyoan sa leksiyon: Kini nga leksiyon gituyo aron sa pagtabang sa mga estudyante nga mabati ang gugma sa Dios alang kanila.

  • Pagpangandam sa estudyante: Dapita ang mga estudyante nga motambong nga andam nga mopaambit og lain-laing mga paagi nga ilang tukmang makompleto ang mosunod nga pamahayag: “Ang Dios …”

  • Sugyot sa pagtudlo pinaagi sa videoconference: Ikonsiderar ang pagsugod sa leksiyon pinaagi sa pagdapit sa mga estudyante sa pagkompleto sa pamahayag nga “Ang Dios …” sa daghang mga paagi kutob sa ilang makaya. Ang mga estudyante mahimong motubag sa verbal nga paagi [verbally] o isulat ang ilang mga tubag gamit ang chat nga feature, o ang whiteboard nga feature mahimong gamiton aron ipakita ang hugpong sa pulong nga “Ang Dios …” ug tugoti ang mga estudyante sa pagpaambit sa ilang mga tubag. Usa ka online polling application ang mahimo usab nga gamiton aron makakuha og mga tubag gikan sa mga estudyante.

1 Juan 2–4; 2 Juan

Katuyoan sa leksiyon: Kini nga leksiyon gituyo aron matabangan ang mga estudyante nga makasabot kon sa unsang paagi sila makapakita og gugma alang sa Langitnong Amahan ug ni Jesukristo pinaagi sa pagtuman sa mga kasugoan.

  • Pagpangandam sa estudyante: Dapita ang mga estudyante sa pagpamalandong unsa ang ilang pagbati mahitungod sa pagtuman sa mga kasugoan. Mahimo usab silang mangutana sa ilang mga kaila unsa ang nakapadasig kanila sa pagtuman sa mga sugo.

  • Mga hulagway nga ipakita: Usa ka larawan sa usa ka tawo nga naggakos kang Jesukristo

  • Sugyot sa pagtudlo pinaagi sa videoconference: Diha sa pagpangutana og mga pangutana nga nagsunod sa pamahayag sa baroganan sa leksiyon, ikonsiderar ang pagdapit sa mga estudyante sa paghimo og usa ka post sa social media kauban sa ilang tubag. Mahimo nilang i-type ang ilang mga tubag ngadto sa usa ka social media site ug ipaambit ang ilang screen sa klase. O mahimo silang magdrowing og mga bula ug mga icon sa usa ka social media nga platform sa usa ka piraso sa papel, ibutang ilang mga tubag, ug ipakita ang papel ngadto sa klase.

1 Juan 2–4

Katuyoan sa leksiyon: Kini nga leksiyon makatabang sa mga estudyante nga makasabot ug magamit ang kasugoan sa paghigugma sa uban sama nga sila nahigugma sa Dios.

  • Pagpangandam sa estudyante: Dapita ang mga estudyante aron motambong nga andam sa pagpaambit og mga kasinatian diin sila nagpakita og paghigugma sa uban o ang ubang tawo nagpakita og paghigugma alang kanila ug ang epekto nga dala niini.

  • Sugyot sa pagtudlo pinaagi sa videoconference: Ikonsiderar ang pagdapit sa usa o duha ka mga estudyante sa pagdala ngadto sa videoconference og usa ka higala o miyembro sa pamilya kinsa pamati nila usa ka dakong ehemplo sa paghigugma sa uban. Human maila sa klase ang kamatuoran sa 1 Juan 4:21 , kining mga estudyante mahimong mopaila sa ilang bisita ug maghisgot kon giunsa sa ilang bisita pagpakita og gugma alang sa uban.

Pagrebyo sa Doktrinal nga Kahanas 23

Katuyoan sa leksiyon: Kini nga leksiyon maghatag sa mga estudyante og kahigayonan sa pagpalawom sa ilang pagsabot ug pagpasabot sa mga kamatuoran nga anaa makita sa 13 ka mga tudling sa doktrinal nga kahanas gikan sa ikaduhang bahin sa Bag-ong Tugon.

  • Pagpangandam sa estudyante: Dapita ang mga estudyante nga daklit nga magrebyo sa 13 ka mga tudling sa doktrinal nga kahanas gikan sa ikaduhang bahin sa Bag-ong Tugon ug dayon magpili og usa nga gusto nilang mas masabtan pag-ayo.

  • Content nga ipakita: Ang tsart sa 13 ka mga tudling sa doktrinal nga kahanas

  • Mga Materyal alang sa mga estudyante: Usa ka piraso sa blanko nga papel ug usa ka panulat nga himan alang sa matag estudyante

  • Sugyot sa pagtudlo pinaagi sa videoconference: Ikonsiderar ang pagpakita kon unsaon paghimo [modeling] ang kalihokan sa leksiyon pinaagi sa pagpakita og usa sa mga bersikulo sa doktrinal nga kahanas sa screen ug pagdapit sa mga estudyante sa paggamit og annotating nga tool aron sa paglingin sa bisan unsang mga hugpong sa pulong nga aduna silay mga pangutana o wala masabti. Dayon hangyoa ang mga estudyante sa pagpaambit sa ilang pihong mga kabalaka o mga pangutana. Ang mga estudyante mahimong mangutana og bisan unsang kinatibuk-ang mga pangutana mahitungod sa bersikulo o mga bersikulo gamit ang chat nga bahin.

Susiha ang Imong Nakat-onan 11

Tumong sa leksiyon: Kini nga leksiyon gituyo aron matabangan ang mga estudyante sa pagtimbang-timbang sa mga tumong nga ilang gitakda ug sa personal nga paglambo nga ilang nasinati panahon sa ilang pagtuon sa Bag-ong Tugon.

  • Pagpangandam sa estudyante: Dapita ang mga estudyante sa pagpamalandong unsa ang ilang nakat-onan mahitungod kang Jesukristo ug ang mga paagi nga sila mibati nga sila nahimong mas sama ni Kristo.

  • Mga hulagway nga ipakita: Usa ka drowing sa usa ka bukid (orihinal nga gikan sa leksiyon sa 2 Pedro 1); pipila ka mga hulagway ni Jesukristo nga nagtudlo sa lainlaing mga kahimtang; usa ka hulagway ni Joseph Smith sa iyang pagkabatan-on

  • Sugyot sa pagtudlo pinaagi sa videoconference: Panahon sa kalihokan ubos sa ulohan nga “Pagtudlo sama ni Jesukristo,” dapita ang mga estudyante sa pagsulat sa chat nga feature og usa ka tinud-anay nga pangutana nga lagmit ang usa ka tawo aduna mahitungod sa usa sa tulo ka mga baroganan sa ebanghelyo (tan-awa ang lakang b sa kalihokan). Dayon dapita ang mga estudyante sa pagbasa sa tanang mga pangutana nga nalista ug sa pagpili og usa o duha nga gusto nilang hisgotan.