Pagrebyo sa Doktrinal nga Kahanas 23
Sabta ug Ipasabot
Ang usa sa mga katuyoan sa doktrinal nga kahanas mao ang pagtabang kanimo nga masabtan ang doktrina nga anaa sa mga tudling sa doktrinal nga kahanas ug mapasabot kini nga doktrina sa imong kaugalingong mga pulong. Kini nga leksiyon maghatag kanimo og kahigayonan sa pagpalawom sa imong pagsabot ug mapasabot ang mga kamatuoran nga anaa makita sa 13 ka mga tudling sa doktrinal nga kahanas gikan sa ikaduhang bahin sa Bag-ong Tugon.
Pagdasig sa makanunayong pagtuon ug pagrebyo sa mga tudling sa doktrinal nga kahanas. Ang pagsag-ulo, pagsabot, pagpasabot, ug paggamit sa mga tudling sa doktrinal nga kahanas nagkinahanglan og pagtuon ug pagbansay. Pagtudlo og usa ka leksiyon sa doktrinal nga kahanas kada semana, ug dasiga ang mga estudyante nga kanunay nga magrebyo sa unsa ang ilang nakat-onan. Hinumdomi nga ang Doktrinal Mastery ngaapp maoy usa ka bililhong kapanguhaan nga makatabang sa mga estudyante sa pagpadayon sa pagtuon sa mga tudling sa doktrinal nga kahanas.
Pagpangandam sa estudyante: Dapita ang mga estudyante nga daklit nga magrebyo sa 13 ka mga tudling sa doktrinal nga kahanas gikan sa ikaduhang bahin sa Bag-ong Tugon ug dayon magpili og usa nga gusto nilang mas masabtan pag-ayo.
Posible nga mga Kalihokan sa Pagkat-on
Ang tudling sa doktrinal nga kahanas nga leksiyon kinahanglang matudlo isip puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Pagpangutana
-
Kanus-a ka mibati og pagkamapasalamaton nga nakapangutana ka sa usa ka tawo? (Pananglitan, lagmit nakat-on ka og usa ka butang gumikan sa pagpangutana, o lagmit nakadawat ka og bililhon nga tambag human magtinguha og tambag gikan sa usa ka higala o ginikanan.)
Mahimong mopaambit og usa ka personal nga kasinatian aron matabangan ang mga estudyante sa paghunahuna sa ilang kaugalingong mga kasinatian.
-
Unsa ang pipila sa mga rason nganong importante man kini nga mangutana kon nagkat-on sa ebanghelyo ni Jesukristo?
Si Presidente Henry B. Eyring sa Unang Kapangulohan miingon: “Ang pagpangutana ug ang pagtubag anaa sa kinauyokan sa tanang pagkat-on ug sa tanang pagtudlo” (“The Lord Will Multiply the Harvest” [kagabhion kauban ang Kinatibuk-ang Awtoridad, Feb. 6, 1998], 5–6, diha sa Teaching Seminary: Preservice Readings [2004], 98).
Ang pagpangutana mahitungod sa mga tudling sa doktrinal nga kahanas mahimong makatabang kanato nga mas makasabot niini ug mas hingpit nga modapit sa panabang sa Manluluwas nganhi sa atong mga kinabuhi.
Mahimong ipakita ang 13 ka mga pakisayran sa kasulatan sa doktrinal nga kahanas o ipakita sa mga estudyante kong asa nila kini makit-an. Kon tinguhaon, gamita ang tanang 24 sa mga tudling sa doktrinal nga kahanas alang niini nga pagrebyo, o pagpili lamang og pipila, depende sa panginahanglanon sa klase.
Doktrinal nga Kahanas sa Bag-ong Tugon: 1 Mga Taga-Corinto–Gipadayag
|
“Ang inyong lawas templo sa Espiritu Santo.” | |
|
“Diha sa Ginoo ang babaye dili gawas sa lalaki ni ang lalaki gawas sa babaye” | |
|
“Kay ingon nga nangamatay ang tanang mga tawo tungod sa ilang pagkahiusa kang Adan, banhawon usab ang tanan tungod sa ilang pagkahiusa kang Kristo.” | |
|
Diha sa Pagkabanhaw, adunay tulo ka ang-ang sa himaya. | |
|
“Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” | |
|
Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” | |
|
“Ang adlaw ni Kristo … dili pa moabot, hangtod nga mahitabo una ang pagsupil.” | |
|
“Ang balaan nga kasulatan … makagagahom sa pagtudlo kanimo ngadto sa kaluwasan.” | |
|
Ang Langitnong Amahan mao “ang Amahan sa mga espiritu.” | |
|
“Kon aduna man kaninyoy nakulangan og kaalam, papangayoa siya sa Dios.” | |
|
“Ang [hugot nga pagtuo] patay kon kini walay binuhatan.” | |
|
“Ang maayong balita [gi]wali hangtod ngadto sa mga patay.” | |
|
“Ug ang mga patay gipanaghukman … pinasikad sa ilang mga binuhatan.” |
Mahimong buhaton ang mosunod nga kalihokan isip usa ka klase gamit ang usa sa mga tudling sa doktrinal nga kahanas, dayon dapiton ang mga estudyante sa pagballik sa kalihokan gamit ang lain nga tudling sa doktrinal nga kahanas nga ilang mapilli. Ang mga estudyante mahimong magbuhat diha sa mga grupo, nga magkapares, o sa tinagsa, depende sa mga panginahanglanon sa klase.
Pagpili og usa sa 13 ka mga tudling sa doktrinal nga kahanas nga gusto nimong mas masabtan. Basaha kini og maayo. Tuki-a ang mga pulong ug mga hugpong sa mga pulong sa maong tudling sa doktrinal nga kahanas, nga magtimaan unsa ang imong nasabtan mahitungod sa tudling ug unsang mga pangutana ang lagmit ipangutana nimo o sa imong kaila mahitungod sa tudling. Pananglitan, usaka lagmit nimong ipangutana mahitungod sa Mga Taga-Efeso 2:19–20 mao ang “Unsa ang usa ka bato sa pamag-ang ug ngano nga si Jesukristo gitandi man niini?” O lagmit natingala ka unsa ang buot ipasabot sa hugpong sa pulong nga “pagsupil” diha sa 2 Mga Taga-Tesalonica 2:1–3 .
Pagsulat og daghang pangutana kutob sa makaya.
Ang mga estudyante mahimong mosulat sa tudling sa doktrinal nga kahanas nga ilang napili diha sa ilang journal sa pagtuon o diha sa usa ka piraso sa papel ug dayon isulat ang ilang mga pangutana palibot niini.
Sa higayon nga imo nang nasulat ang daghang mga pangutana kutob sa imong mahimo, pagpili og pipila ka mga pangutana nga sa imong hunahuna labing importante nga masabtan, ug tubaga kini gamit ang anaa nga mga himan sa pagtuon sa kasulatan. Kini nga mga himan naglakip sa Giya ngadto sa mga Kasulatan, mga footnote sa kasulatan, ang Gospel Library nga app, o mga pakigpulong sa kinatibuk-ang komperensiya. Mahimo usab ka nga mopili sa paggamit og pipila ka mga pamaagi sa pagtuon sa kasulatan nga imong nakat-onan karong tuiga, sama sa pagbasa sa nagpalibot nga mga bersikulo o pagsulay sa pagsabot sa konteksto sa kasulatan. Irekord ang imong mga tubag diha sa imong journal sa pagtuon.
Hinumdomi nga dili tanang mga pangutana sayon tubagon ug nga ang uban nagkinahanglan og dugang nga panahon ug maampoong pagtuon ug pagpamalandong.
Aron mas makaapil ang mga estudyante ug makamugma og dugang nga kalahian, ikonsiderar ang pagsulti kanila sa pagsulat sa tudling sa doktrinal nga kahanas nga ilang napili ug sa ilang mga pangutana sa managlahi nga piraso sa papel nga adunay ilang pangalan niini. Dayon dapita ang mga estudyante sa pagbinayloay sa ilang mga papel ngadto sa lain nga estudyante. Isip alternatibo nga paagi, dapita ang mga estudyante sa pagpasa sa ilang mga papel sa atubangan aron ang mga papel mahimong masagolsagol ug sa sulagma maapod-apod ngadto sa ubang mga estudyante.
Hatagi ang mga estudyante og panahon sa paggamit sa mga himan sa pagtuon sa kasulatan ug mga pamaagi nga aduna sa pagpangita og mga tubag sa mga pangutana diha sa mga papel nga ilang nadawat ug sa pagtala niadtong mga tubag diha sa papel. Human sa igong panahon, dapita ang mga estudyante sa pag-uli sa mga papel balik sa mga estudyante kinsang mga ngalan anaa sa maong mga papel.
Pagdapit og pipila ka mga estudyante sa pagpaambit sa tudling sa doktrinal nga kahanas nga ilang napili, pipila ka mga pangutana nga ilang nasulat, ug ang mga tubag nga nadiskobrehan nila o sa ilang mga klasmeyt. Mahimo usab nimo silang pangutan-on unsa ang natabang sa tudling sa kasulatan kanila nga makasabot mahitungod sa Manluluwas o sa Iyang ebanghelyo.
Kon itugot sa panahon (o sa lain nga adlaw), mahimong dapiton ang mga estudyante sa pagbalik sa kalihokan gamit ang lain na sab nga tudling sa doktrinal nga kahanas.