Susiha ang Imong Nakat-onan 11

1 Timoteo–1 Juan

YW Shares a Scripture with Friend

Kini nga leksiyon gituyo aron matabangan ka sa pagtimbang-timbang sa mga tumong nga imong gitakda ug sa personal nga pag-uswag nga imong nasinati sa panahon sa imong pagtuon sa Bag-ong Tugon. 

Paghimo sa pagkat-on nga personal. Tabangi ang mga estudyante sa pagpamalandong sa ilang personal nga kasinatian nga may kalabotan sa unsa ang gitudlo. Paghatag og panahon aron sila makapamalandong sa mga panalangin nga ilang nadawat pinaagi sa pagpuyo sa ebanghelyo ni Jesukristo ug sa unsang paagi sila nahimong mas susama Kaniya.

Pagpangandam sa estudyante: Dapita ang mga estudyante sa pagpamalandong unsa ang ilang nakat-onan mahitungod kang Jesukristo ug mga paagi nga sila mibati nga sila nahimong mas susama ni Kristo.

Posible nga mga Kalihokan sa Pagkat-on

Pagkahimong mas susama ni Jesukristo

Kini nga leksiyon gituyo aron tabangan ang mga estudyante sa paghunahuna mahitungod kon giunsa nila pagkahimong mas duol kang Kristo ug mamahimong Iyang disipulo. Isip kabahin niini, ang mga estudyante adunay kahigayonan sa pagsusi sa (1) mga paagi nga sila nahimong mas sama ni Jesukristo, (2) ang ilang abilidad sa pagpasabot sa mga pagtulun-an sa Bag-ong Tugon, ug (3) ang mga tumong nga ilang gitakda. Ang mosunod nga mga kalihokan mahimong ipahiangay sa pagpokus sa mga kamatuoran nga gihatagan ug gibug-aton sa bag-o lang nga mga klase.

Usa ka paagi sa pagsugod sa klase mao ang paghangyo sa mga estudyante sa pagrebyo sa ilang mga journal sa pagtuon ug mga kasulatan alang sa mga sinulat [notes] ug mga impresyon nga ilang natala sulod sa ulahing mga pipila ka semana. Dapita ang mga estudyante sa pagpaambit ngadto sa usag usa unsa ang ilang nakat-onan mahitungod kang Jesukristo ug sa Iyang ebanghelyo. Tabangi ang mga estudyante sa pagpamalandong sa mga paagi nga sila nahimong mas susama Kaniya.

Sa miaging leksiyon, ang pagkahimong mas susama kang Jesukristo gitandi diha sa pagsaka sa usa ka taas nga bukid.

• Unsa ang imong nasayran mahitungod sa pagsaka sa usa ka bukid nga nakahimo niini nga maayo nga analohiya?

• Unsay imong gibati nga makahagit mahitungod sa pagkahimong mas susama kang Jesukristo? Nganong ang maong hagit takos lang sa imong paningkamot?

Kon ikaw nakasaka na og bukid kaniadto, handurawa unsa ang imong nabati dihang ikaw nakaabot sa ibabaw. Kon ikaw wala pa makasaka og bukid kaniadto, handurawa unsa kaha ang pamati niini.

• Sa unsang paagi nga ang pagtipig og tumong sa hunahuna nagdasig kanimo panahon sa imong espirituhanong pagsaka?

Kon imong nakompleto ang miaging leksiyon sa 2 Pedro 1, tan-awa ang drowing sa usa ka bukid nga imong namugna sa imong journal sa pagtuon. Kon wala ka nakahimo og kaugalingon nimong drowing, tan-awa ang mosunod nga drowing:

Divine Attributes Mountain Diagram

Paggahin ogpanahon sa paghunahuna mahitungod sa diosnong mga kinaiya nga nalista diha sa imong drowing.

• Hain niini nga mga kinaiya ang imong gipaningkamotan nga mapalambo? Kumusta ang imong mga paningkamot?

Pamalandong sa imong gugma alang kang Jesukristo ug sa unsang paagi ka mas nahimong nakaila pa Kaniya.

• Unsay imong mabuhat sa pagpadayon sa pagkahimong mas susama ni Kristo?

Pagtudlo sama ni Jesukristo

An actor portraying Jesus Christ holding a child on his lap. They are surrounded by people.

Jesus at the temple teaches His Apostles about the widow’s mites.

Jesus sitting at a table teaching.

Jesus blessing bread he is about to feed to the gathered multitude.

Ikonsiderar ang pagpakita og pipila ka mga hulagway sa Manluluwas nga nagtudlo sa managlahi nga kahimtang [settings] diha sa palibot sa lawak klasehanan.

• Unsa ang pipila sa mga sitwasyon ug mga kahimtang nga gitudlo sa Manluluwas?

Ang pagtudlo sumala sa Pamaagi sa Manluluwas nagpunting nga:

Kadaghanan sa mga pagtudlo sa Manluluwas wala mahitabo sa usa ka sinagoga apan diha sa dili pormal, inadlaw nga mga sitwasyon—samtang nagkaon uban sa Iyang mga disipulo, nagkuha og tubig sa atabay, o naglakaw agi sa usa ka kahoy nga igira.

(“Pahimusli ang mga Higayon sa Diha-diha Dayon nga Pagtudlo,” Pagtudlo sumala sa Pamaagi sa Manluluwas [2016], 16)

Paghunahuna mahitungod sa mga kahigayonan nga lagmit aduna ka sa pagtudlo og baroganan sa ebanghelyo o pagpasabot sa usa ka gituohan ngadto sa usa ka tawo.

• Kanus-a ug asa kaha nimo mahimong ipaambit ang usa ka butang nga bag-o lang nimong nakat-onan o nabati mahitungod sa Manluluwas?

Si Apostol Pedro mitudlo kanato unsaon pagkahimong susama ni Jesukristo diha nga siya misulat “[Pag-andam] kanunay sa pagtubag … sa hinungdan sa paglaom nga anaa kaninyo” ( 1 Pedro 3:15). Samtang kita magbansay sa pagpasabot unsa ang atong gituohan, kita mahimong andam alang sa mga kahigayonan sa pagtudlo kon kanus-a ug asa man kini moabot.

Pagpili og usa sa mosunod nga mga hilisgotan nga imong natun-an sa milabay nga pipila ka semana, ug kompletoha ang matag mga lakang nga mosunod.

Ang Pag-ula ni Jesukristo (tan-awa ang Mga Hebreohanon 9:11–15, 24, 28 ; 10:10–17)

Hugot nga Pagtuo kang Jesukristo (tan-awa ang Mga Hebreohanon 11 ; Santiago 2:17–18)

Ang Dios mao ang Amahan sa atong mga espiritu (tan-awa ang Mga Hebreohanon 12:9 ; tan-awa usab ang Juan 20:17 ; Mga Buhat 17:29 ; Mga Taga-Roma 8:16–17)

a. Pagsulat og usa ka tinud-anay nga sitwasyon diin ikaw tingali, sama sa Manluluwas, adunay kahigayonan sa pagtudlo sa usa ka tawo o pagtubag sa usa ka pangutana mahitungod niini nga hilisgotan.

b. Pagsulat og usa ka pangutana nga lagmit aduna ang usa ka tawo nga may kalabotan niini nga hilisgotan.

c. Pagplano unsaon nimo pagpasabot niini nga hilisgotan ug tubaga ang pangutana. Paggamit og dili mominos sa usa ka kasulatan sa imong pagpasabot. (Ang kasulatan nga nalista sulod sa mga parenthesis gihatag aron magpahinumdom kanimo sa unsa ang tingali imo nang gitun-an.)

Mahimong dapiton ang pipila ka mga estudyante sa pagdrama-drama sa pagpasabot og kamatuoran sa ebanghelyo. Dasiga ang mga estudyante nga magmasaligon ug mosalig sa Espiritu aron matabangan sila sa paghinumdom sa unsa ang ilang nahibaloan. Hatagi ang mga estudyante og higayon nga maghisgot kon unsa ang maayong nahitabo ug unsa ang lisod sa ilang pagdrama-drama. Dapita ang mga estudyante sa pagpangita og mga kahigayonan sa pagbansay sa pagtudlo nga moresulta sa paglambo sa ilang abilidad sa pagpaambit sa ilang mga gituohan ngadto sa uban.

Ang akong mga paningkamot sa pagtuon sa mga kasulatan ug pag-ampo

Joseph Smith reading the Bible by candlelight.

Paggunit og usa ka Biblia ug pagpakita og usa ka hulagway ni Joseph Smith isip usa ka batan-on. Dapita ang mga estudyante sa paghisgot sa tahas sa pagtuon sa kasulatan ug pag-ampo sa pagdawat og pagpadayag. Ikonsiderar ang pagpangutana sa mosunod.

• Unsa ang imong nakat-onan mahitungod sa pagtuon sa kasulatan ug pag-ampo gikan sa pagtuon sa Bag-ong Tugon o sa mga kasinatian ni Joseph Smith?

Isulat ang imong gibuhat sa kasamtangan, gipaningkamotan sa pagbuhat, o gustong buhaton aron mapalambo ang imong mga paningkamot sa pag-ampo ug pagtuon sa mga kasulatan. Kini mahimong maglakip sa usa ka tumong sa Mga Kabataan ug Kabatan-onan nga imong gitakda alang sa imong kaugalingon o usa ka piho nga tumong sa seminary.

Aron matabangan ka paghanduraw sa imong pag-uswag niini nga tumong, idrowing ang mosunod nga dayagram diha sa imong journal sa pagtuon. Idugang ang usa sa mosunod nga mga ulohan sa ibabaw sa matag usa sa upat ka mga bahin sa imong dayagram: Mga Leksiyon; Mga Panalangin; Mga Babag; Umaabot nga Kalamboan. Ubos sa angay nga mga ulohan, isulat ang imong mga tubag sa matag usa sa mosunod nga mga pangutana aron makatabang kanimo sa pagtimbang-timbang sa imong pag-uswag ug pagpadayon sa paglambo.

An illustration of an arrow.

• Unsa nga mga leksiyon ang akong nakat-onan pinaagi sa pag-ampo ug pagtuon sa mga kasulatan?

• Unsa nga mga panalangin o mga tubag ang akong nailhan?

• Nag-atubang ba ako sa bisan unsang mga babag sa pagkab-ot sa akong tumong sa pagtuon sa kasulatan? Kon mao, unsaon man nako pagdangop sa Ginoo aron mabuntog kini?

• Unsang umaabot nga paglambo ang gusto nakong makita sa akong mga pag-ampo ug pagtuon sa kasulatan?

Kon wala pa kay tumong niini nga dapit, mahimo kang maghimo og usa karon ug timbang-timbanga kini sulod sa sunod nga pipila ka semana ug mga bulan. Pangitaa ang giya sa Espiritu Santo aron masayod kon unsaon nga ang imong mga paningkamot sa pag-ampo ug pagtuon sa mga kasulatan makapahimuot sa Ginoo. Tinguhaa usab nga masayod sa bisan unsang mga pagbag-o nga kinahanglan nimong himoon aron masinati ang mga panalangin ug madawat ang mga tubag nga gustong ihatag sa Ginoo diha kanimo.

Kon ang mga estudyante komportable, dapita ang mga boluntaryo sa pagpaambit sa dayagram nga ilang namugna sa ilang journal ug ang pag-uswag nga ilang namatikdan. Tabangi ang mga estudyante nga maila bisan ang kinagamyan nga paglambo, ug dasiga sila sa pagpadayon sa pagtuon sa mga kasulatan ug pag-ampo ngadto sa ilang Langitnong Amahan alang sa pagpadayag.