“Mga Hinigugma, Maghinigugmaay Kita [sa Usag Usa]”
Imahe
A painting of a mass of people from different ethnic backgrounds. Submission for the 11th Annual Art Competition.
Ngano man nga usahay lisod ang magpakita og paghigugma sa uban? Sa unsang paagi nga ang atong paghigugma sa Dios makonektar man sa paghigugma sa uban? Si Apostol nga si Juan mitudlo sa mga Santos sa unsang paagi nga ang gugma sa Dios alang kanila mahimong makapadasig kanila sa paghigugma sa Dios ug sa uban (tan-awa ang 1 Juan 4:11, 19). Kini nga leksiyon makatabang kanimo nga makasabot ug magamit ang sugo sa paghigugma sa uban sama sa imong paghigugma sa Dios.
Pagtabang sa mga estudyante nga molihok sa epektibo nga matarong nga buhat. Samtang ang mga estudyante molihok diha sa hugot nga pagtuo sa paggamit sa mga baroganan sa ebanghelyo, ang Espiritu Santo magsaksi ngadto kanila niadtong mga kamatuoran (tan-awa sa Juan 7:17). Paghimo og mga kahigayonan alang sa mga estudyante nga makabuhat sa mga baroganan diha sa klase aron ang Espiritu Santo mas makapasabot pag-ayo sa mga kamatuoran ngadto sa ilang mga kasingkasing.
Pagpangandam sa estudyante: Dapita ang mga estudyante nga motambong nga andam mopaambit og mga kasinatian diin sila nakapakita og paghigugma sa uban o ang uban nakapakita og paghigugma kanila ug ang epekto nga namugna niini.
Posible nga mga Kalihokan sa Pagkat-on
Paghigugma sa uban
Paghunahuna og pipila ka mga paagi nga imong mahuman ang mosunod nga mga kapahayag:
Sayon ang paghigugma sa uban kon …
Mas lisod ang paghigugma sa uban kon …
Ikonsiderar ang pagsulat nianang naa sa ibabaw nga mga hugpong sa mga pulong ngadto sa pisara, dayon pagdapit og pipila ka mga estudyante sa pagsulat kon sa unsang paagi nila makompleto ang usa sa mga kapahayag.
Pamalandongi ang mosunod nga pangutana:
Unsa ang nakapadasig kanimo o nakapahimong lisod alang kanimo sa pagpakita og paghigugma alang sa uban?
Ang mga pagtulun-an ni Juan mahitungod sa gugma
Si Apostol Juan dayag nga mitudlo mahitungod sa panginahanglan nga higugmaon ang uban.
Basaha ang 1 Juan 3:16–17 ; 4:7–11, 19–21 ug markahi ang mga kamatuoran nga sa imong hunahuna mahimong makatabang kanimo diha sa imong pagkonsiderar sa hagit sa paghigugma sa uban. (Timan-i nga ang pulong nga halad-pasig-uli [ 1 Juan 4:10 ] nagpasabot sa maulaon nga sakripisyo nga nagtagbaw sa kamakiangayon sa Dios.)
Unsa ang imong nakaplagan nga nakapaikag o mahinungdanon gikan sa mga pagtulun-an ni Juan? Ngano man?
Paminaw og maayo sa mga estudyante. Paningkamot sa pagmugna og usa ka palibot diin ang mga estudyante mahimong makabati og kakomportable sa pagpaambit sa ilang mga hunahuna. Mahimong mangutana kon sa unsang paagi nga ang ilang nakaplagan mahimong makatabang kanila sa paghigugma sa uban.
Usa sa mga kamatuoran nga gitudlo ni Juan niini nga mga tudling mao nga kon kita nahigugma sa Dios, mahigugma usab kita sa uban. Mahimo nimong markahan kini nga kamatuoran diha sa 1 Juan 4:21 .
Ikonsiderar ang mga paagi aron matabangan ang mga estudyante nga mas lawom nga masabtan ang kini nga kamatuoran. Mahimo kining buhaton pinaagi sa paghisgot og pipila o tanan sa mosunod nga mga pangutana: Ngano sa imong hunahuna nga ang paghigugma sa Dios nakakonektar sa paghigugma alang sa uban? Sa unsang paagi nga ang paghunahuna sa gugma sa Dios alang kanimo ug sa uban nakaimpluwensiya sa imong mga binuhatan ngadto sa uban? Sa unsang paagi nga ang atong kinabuhi ug ang kinabuhi sa uban nga nagpalibot kanato mahimong malahi ug mas mamaayo kon kita nakasabot ug migamit niini nga kamatuoran?
Ang mga estudyante mahimo usab nga makabenepisyo gikan sa pagkumpleto niini nga kalihokan sama sa mosunod:
Aron matabangan ka sa pagpamalandong sa mga panalangin sa paghigugma sa uban, pagpili og usa sa mga ehemplo sa ubos ug tubaga ang mga pangutana nga mosunod:
Ipakita ang mosunod nga mga kapilian alang sa mga estudyante ug pahinumdomi sila sa ilang pagpangandam sa klase. Mahimong papilion ang mga estudyante og usa o duha ka mga ehemplo, isip usa ka klase o sa tagsa-tagsa.
a. Usa ka ehemplo gikan sa kinabuhi sa Manluluwas diin Siya nagpakita og paghigugma alang sa uban
b. Usa ka tawo nga imong nailhan kinsa makanunayong ehemplo sa paghigugma sa uban
c. Imong kaugalingong mga kasinatian sa pagpaningkamot sa paghigugma sa uban, o mga kasinatian diin ang uban nagpakita og paghigugma diha kanimo
d. Mga ehemplo sa pagpakita og paghigugma alang sa uban gikan sa mga pakigpulong sa kinatibuk-ang komperensiya o mga video sa Simbahan, sama sa “Pagdala ngari Kanato sa Ngalan ni Jesukristo” gikan sa time code 4:43 hangtod sa 6:15 (anaa sa ChurchofJesusChrist.org)
Unsa ang gibuhat niining tawhana/nimo nga nagpakita og paghigugma?
Sa unsang paagi nga ang iyang/imong mga buhat nagpakita og paghigugma alang sa Dios?
Unsa ang mga resulta diha kaniya/kanimo sa pagpakita og paghigugma?
Unsa man ang imong nakat-onan gikan niini nga ehemplo?
Kon ang mga estudyante mikompleto niini nga kalihokan sa tinagsa, mahimong dapiton sila sa pagpaambit sa ilang mga tubag diha sa gagmayng mga grupo o diha sa klase.
Pagdawat sa mga panalangin sa paghigugma sa uban
Basaha ang 1 Juan 3:17–18 aron makita giunsa ni Juan pag-awhag kanato aron higugmaon ang uban.
Unsa sa imong hunahuna ang lagmit ipasabot sa paghigugma sa uban “ sa buhat ug sa [kamatuoran]”? ( 1 Juan 3:18).
Mahimo usab kining mahinungdanon ang pagbasa og pipila sa mga pagtulun-an sa Manluluwas mahitungod sa paghigugma sa usag usa nga natala diha sa Mateo 5:43–44 ; 22:37–40 ug Juan 13:34 , nga mangita kon sa unsang paagi ang Manluluwas mitudlo kanato kon unsaon gayod paghigugma sa uban. (Tan-awa usab sa Juan 15:12, 17 .)
Paghimo og usa ka listahan sa mga paagi nga ikaw mahimong makapakita og paghigugma alang sa uban “sa buhat ug sa [kamatuoran],” o ingon nga ang Manluluwas nahigugma kanato. Mahimong makatabang niini ang pagpangita og mga paagi sa pagpakita og paghigugma sa uban ngadto sa lainlaing mga tawo, sama sa mga sakop sa pamilya, mga higala, o mga klasmeyt.
Kon makatabang ang pagtan-aw og pipila sa mga ehemplo sa paghigugma sa uban “sa buhat ug sa [kamatuoran].
Hain niining mga ideya sa pagpakita og paghigugma ang mipatigbabaw og maayo diha kanimo? Ngano man?
Nganong importante man nga ang atong mga lihok sinsero?
Sa unsang paagi nga ang makanunayong pagbuhat niining sinsero nga mga lihok makatabang kanato nga mahimong mas susama ni Jesukristo?
Paggamit
Paghunahuna og usa ka tawo nga imong nailhan nga gusto sa Ginoo nga pakitaan nimo og dugang nga paghigugma. Sulayi paghunahuna sa gugma sa Langitnong Amahan ug sa Manluluwas alang kania. Ikonsiderar ang pag-ampo ngadto sa Langitnong Amahan. Paminaw ug pamati sa pagdasig kon unsa ang Iyang gusto nga buhaton nimo aron makapakita og paghigugma alang niining tawhana. Mahimo kang mag-ampo aron matabangan sa imong mga paningkamot. Mahimo usab nga makatabang ang pagpaambit unsa ang plano nimong buhaton ngadto sa usa ka gisaligang hamtong o higala ug hangyoa siya aron matabangan ka.
Mahimong mangutana kon adunay bisan kinsang estudyante ang gustong maghatag og pagpamatuod sa kamahinungdanon sa paghigugma sa uban ug giunsa niini pagpakita sa atong paghigugma alang sa Dios. Ikonsiderar usab ang pagpaambit og kaugalingong pagpamatuod.
Komentaryo ug Background nga Impormasyon
1 Juan 3:18. Unsa man ang buot ipasabot sa paghigugma “sa buhat ug sa [kamatuoran]”?
Si Elder Joseph B. Wirthlin (1917–2008) sa Korum sa Napulog Duha ka Apostoles mipasabot:
Imahe
Last official portrait of Elder Joseph B. Wirthlin of the Quorum of the Twelve Apostles, 2004. Died December 1, 2008.
Sa kasagaran, ang importante nga pagpakita sa gugma mao ang yanong mga buhat sa kaluoy ug pag-amuma nga atong gihatag niadtong masugatan sa dalan sa kinabuhi.
(Joseph B. Wirthlin, “Ang Dakong Sugo,” Liahona, Nob. 2007, 29)
Unsa ang pipila sa mga panalangin sa paghigugma sa uban?
Si Presidente Dieter F. Uchtdorf, kanhi sa Unang Kapangulohan, mipamatuod sa mga panalangin nga mahimong moabot gikan sa paghigugma sa uban.
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Tungod kay ang gugma mao ang dako nga sugo, angay nga kini anaa sa sentro sa tanan ug sa tanan natong gibuhat sa atong pamilya, sa atong mga calling sa Simbahan, ug sa atong panginabuhian. Ang gugma mao ang makaayo nga tambal nga moayo sa mga nangadaot sa personal ug sa mga relasyon sa pamilya. Mao kana ang higot nga naghiusa sa mga pamilya, mga komunidad, ug mga kanasoran. Ang gugma mao ang gahom nga nagpasiugda sa panaghigalaay, kamainantoson, kabuotan, ug kamatinahoron. Kini ang tinubdan sa pagbuntog sa kagubot ug kapungot. Ang gugma mao ang kalayo nga mopainit sa atong kinabuhi uban sa dili hitupngan nga kalipay ug sa balaan nga paglaom. Ang gugma kinahanglan mao ang atong sumbanan sa pagbuhat ug sa pagsulti.
Kon tinud-anay kitang nakasabot kon unsay buot ipasabot sa paghigugma sama nga si Jesukristo nahigugma kanato, ang mga kalibog mawala ug ang atong mga prayoridad mahan-ay. Ang atong mga lakaw isip mga disipulo ni Kristo mas labaw ka malipayon. Ang atong kinabuhi makabaton og bag-ong kahulogan. Ang atong pakigrelasyon sa atong Langitnong Amahan mas magkadako.
(Dieter F. Uchtdorf, “Ang Gugma sa Dios,” Liahona, Nob. 2009, 21-24)
1 Juan 3:18. Sa unsang paagi kita makapakita og paghigugma “sa buhat ug sa [kamatuoran]” diha sa atong mga relasyon sa pamilya?
Tan-awa ang “Ang Mahangtorong mga Panalangin sa Kaminyoon” gikan sa time code nga 6:23 hangtod sa 8:41 aron makita ang paghulagway ni Elder Richard G. Scott (1928–2015) sa Korum sa Napulog Duha ka Apostoles sa pagbinayloay og maayong mga buhat niya ug sa iyang asawa.
1 Juan 4:12. Unsa ang pasabot ni Juan diha nga siya miingon nga “wala pay tawo nga nakakita sa Dios”?
“Ang Hubad ni Joseph Smith niini nga bersikulo nagtin-aw sa sayop nga hunahuna nga ang mga mortal dili mahimong makakita sa Dios: “Walay tawo nga nakakita sa Dios sa bisan unsa nga higayon, gawas kanila kinsa nagtuo’ (sa 1 Juan 4:12 , itandi sa 1 Juan 4:12). Mipadayon si Juan sa pagtudlo: ‘Kon kita maghinigugmaay sa usag usa, ang Dios mopuyo dinhi kanato, ug ang iyang gugma mahingpit dinhi kanato’ ( 1 Juan 4:12). Si Juan mismo nakakita sa Dios nga Amahan (tan-awa sa Pinadayag 5:1 ; D&P 67:11). Aron magbasa og dugang mahitungod sa mga mortal nga mahimong makakita sa Dios, tan-awa sa Juan 14:23 ; Mga Buhat 7:56 ; D&P 93:1 ; Joseph Smith—Kasaysayan 1:16–17 ”.
Official portrait of President Russell M. Nelson taken January 2018
Ang atong pinaka prayoridad sa kinabuhi mao ang paghigugma sa Dios ug sa paghigugma sa atong mga silingan. Kana malukpanong naglakip sa mga silingan sa atong kaugalingong pamilya, atong komunidad, atong nasod, ug sa atong kalibotan.
(Russell M. Nelson, “Tudloi Kami og Pagkamauyonon ug Paghigugma,” Ensign o Liahona, Mayo 1994, 69)
Dugang nga Kalihokan sa Pagkat-on
1 Juan 3:1–3 ; 4:12. Kita mahimong mas susama sa Langitnong Amahan pinaagi sa pagkahimong putli
Kon ang mga estudyante makabenepisyo gikan sa pagkat-on og dugang mahitungod sa unsang paagi sila mahimong mas susama sa Langitnong Amahan, dapita sila sa pagtuon sa 1 Juan 3:1–3 ug sa pagpaambit unsa ang ilang nakat-onan gikan niini nga tudling. Ipasabot nga ang “mga anak nga lalaki” sa 1 Juan 3:1 mahimong mahubad isip “mga anak” (itandi sa 1 Juan 3:1) ug nga ang mga anak sa Dios sa niini nga diwa nagtumong niadtong natawo pag-usab sa espirituwal nga paagi (tan-awa usab ang Mosiah 5:7).
Dapita ang mga estudyante sa pagpaambit unsa ang ilang nahibaloan mahitungod sa Langitnong Amahan “sa iya gayong pagkasiya” ( 1 Juan 3:2). Hangyoa sila nga mopaambit og mga ideya kon unsaon nato “[pagputli] sa atong kaugalingon” ( 1 Juan 3:3) aron kita mahimong sama sa Dios. Usa ka posibilidad mao ang pagpaningkamot sa paghigugma sama sa paghigugma sa Dios (tan-awa ang 1 Juan 4:12).
Pahinumdomi ang mga estudyante nga dili kita mahimong putli kon wala ang Manluluwas. Dapita sila sa pagtuon sa Giya ngadto sa mga Kasulatan nga entry nga may ulohang “ Pagbalaan ” (scriptures.ChurchofJesusChrist.org) ug sa pagpangita ogmga panabot kon unsaon nato pagkahimong mas putli uban sa panabang ni Kristo. Dapita sila sa paghimo og plano kon unsaon pagbuhat niini.
