Pagsunod kang Jesukristo pinaagi sa Pagpangalagad diha sa Gugma
Imahe
Young woman socializing with other youth
Kanus-a man nga ang pagserbisyo sa usa ka tawo nagpahinumdom kanimo kang Jesukristo? Si Pablo ug ang iyang mga kauban nangalagad sa Kristohanong mga pamaagi ngadto sa mga Santos sa Tesalonica, nagdasig kanila sa pagpadayon sa pagkinabuhi sa ebanghelyo nga matinud-anon bisan pa sa pag-atubang sa paglutos. Kini nga leksiyon makatabang kanimo nga makapanalangin ug makaimpluwensiya sa uban diha sa imong pagpaningkamot sa pagpangalagad sama sa gibuhat sa atong Manluluwas nga si Jesukristo.
Pagtabang sa mga estudyante nga makatuman sa ilang tahas sa proseso sa pagkat-on. Ang espirituwal nga pagkat-on nagkinahanglan sa mga estudyante sa paghimo og paningkamot ug sa paggamit sa kabubut-on. Samtang ang mga estudyante aktibong moapil sa mga kalihokan sa klase, ilang ablihan ang ilang mga kasingkasing ngadto sa impluwensiya sa Espiritu Santo. Pangita og mga paagi aron madapit ang tanang estudyante nga mosalmot sigon sa ilang mga panginahanglan ug mga abilidad.
Pagpangandam sa estudyante: Dapita ang mga estudyante nga maghunahuna og higayon sa dihang ilang nabati ang gugma sa Manluluwas tungod kay adunay usa ka tawo nga nangalagad kanila. Dasiga sila sa pagpangandam sa pagpakigbahin sa unsang paagi nga ang pagserbisyo niining tawhana nakatabang kanila nga makabaton og kagustohan nga mosunod kang Jesukristo.
Posible nga mga Kalihokan sa Pagkat-on
Ang ehemplo ni Jesukristo
Pagpakita og daghang mga paghulagway sa pagpangalagad ni Jesukristo ngadto sa uban, o dapita ang mga estudyante sa paghatag og mga ehemplo nga ilang mahinumdoman gikan sa mga kasulatan. Kon ang mga hulagway gipakita ngadto sa pisara, mahimong dapiton ang mga estudyante sa pagsulat sa mga pulong nga ilang nahunahunaan tapad sa matag hulagway.
Tan-awa kini nga mga hulagway ni Jesukristo o paghunahuna mahitungod sa uban pang mga asoy sa kasulatan sa Iyang mga pakighalubilo sa uban. Sa imong journal sa pagtuon, paglista ug mga pulong ug mga hugpong sa pulong nga naghulagway unsa ang gibuhat sa Manluluwas alang sa mga indibidwal nga Iyang nakahalubilo.
Imahe
Jesus is sitting with a young boy on his lap. Outtakes include people inside the house at Capernaum, Philip, Jesus, John, Peter, Matthew, Jesus sitting at a table with some of the disciples shown and Mary Magdalene.
Imahe
Blind man gains sight. Outtakes include Jesus anointing his eyes, and going to the pool of Siloam.
Imahe
Jesus Christ is teaching in the temple and being approached by the chief priests, elders and scribes who ask Him the source of his authority. Christ questions them whether the baptism of John the Baptist was of heaven or of man. Outtakes include closeups of people in the crowd and of Caiaphas.
Imahe
Depiction of Jesus and the woman taken in adultery. They are both kneeling and she is holding his hand. Outtakes include angry men bringing the woman and throwing her to the ground, the woman huddled on the ground, the savior kneeling beside her, Jesus lifting her up to her feet, and the savior standing with her.
Kon usa ka sa mga indibidwal nga nakauban sa Manluluwas, unsa kaha sa imong hunahuna ang imong nabati tungod sa mga gipangbuhat sa Manluluwas? Ngano man?
Sa pagtan-aw sa lista nga imong nahimo, hain man sa mga pulong o mga hugpong sa pulong ang gusto nimong gamiton sa higayon nga magserbisyo sa uban? (Mahimo nimong markahan o i-highlight ang mga pulong nga labing makahuloganon alang kanimo.)
Diha sa Simbahan, kasagaran natong gitawag ang mga buhat nga sama niini isip pagpangalagad.
Ikonsiderar ang pagsulat sa pulong nga pagpangalagad sa pisara. Lagmit makatabang ang pagpakita sa mosunod nga mga pamahayag alang sa mga estudyante.
Si Brother David L. Beck, kanhi Presidente sa Kinatibuk-ang Kapangulohan sa Young Men, mitudlo:
Imahe
Final official portrait of David L. Beck, general president of the Young Men, April 2009. Released at the April 2015 general conference.
Ang pag-alagad nagpasabot nga mohigugma ug moamuma sa uban. Pag-atiman kini sa ilang pisikal ug espirituhanong panginahanglan. Buot ipasabot, mobuhat sa unsay buhaton sa Manluluwas kon Siya ang ania dinhi.
(David L. Beck, “Ang Sagrado Ninyong Katungdanan sa Pagpangalagad,” Liahona, Mayo 2013, 56)
Unsa ang mipatigbabaw nganha kanimo sa pamahayag ni Brother Beck?
Ikonsiderar ang pamahayag ni Brother Beck ug ang mga pulong nga imong gimarkahan sa imong lista, sa imong hunahuna unsa kaha ka maayo ang imong nahimo sa pagpangalagad sa uban?
Lagmit aduna kay mga pangutana o mga kabalaka mahitungod sa pagpangalagad ngadto sa uban. Mahimong irekord kini sa imong journal sa pagtuon ug pangita og mga tubag diha sa imong pagtuon sa 1 Mga Taga-Tesalonica 1–3 karong adlawa. Mahimo usab nimong tinguhaon ang pagdapit sa Espiritu aron matabangan ka sa pagpangita og mga paagi nga ikaw makapanalangin ug makaimpluwensiya sa uban diha sa imong pagpaningkamot sa pagpangalagad sama sa gibuhat sa atong Manluluwas. Irekord ang imong mga hunahuna ug mga impresyon aron ikaw mahimong maampoon nga makabuhat kanila.
Si Pablo nangalagad ngadto sa Mga Taga-Tesalonica
Atol sa iyang ikaduhang misyonaryo nga panaw, si Apostol Pablo ug ang iyang mga kauban nakakaplag og kalamposan sa pagsangyaw ngadto sa mga tawo sa Tesalonica, apan ang mga lider sa Judio mipugos kanila sa paggawas sa siyudad (tan-awa ang Mga Buhat 17:1–9). Sa kaulahian nasayran ni Pablo nga ang mga Santos sa Tesalonica mipabilin nga matinud-anon ug mipakigbahin sa mensahe sa ebanghelyo, bisan og miatubang sila og pagpanggukod tungod sa pagbuhat sa ingon (tan-awa ang 1 Mga Taga-Tesalonica 1:6–8). Uban ang pasalamat sa ilang pagtuo ug paglaom kang Jesukristo, si Pablo misulat sa iyang unang sulat ngadto sa mga taga-Tesalonica (tan-awa ang 1 Mga Taga-Tesalonica 1:2–3).
Basaha pag-ayo ang 1 Mga Taga-Tesalonica 2:7–14 ; 3:9–13 . Mahimo nimong markahan ang mga pulong ug mga hugpong sa pulong nga imong makita nga nagpahinumdom kanimo sa gugma ug pag-amuma nga mahatag sa Manluluwas. Mahimong idugang ang imong panabot ngadto sa imong lista.
Samtang naghisgot ang mga estudyante sa mosunod nga mga pangutana, paminaw og maayo sa ilang mga tubag. Makatabang ang pag-usab sa pulong o pagpangutana og follow-up nga mga pangutana aron maseguro nga ilang nasabtan unsa ang ilang gibasa.
Giunsa ni Pablo ug sa uban pagpangalagad sama sa gibuhat sa Manluluwas?
Sa unsang paagi kaha mapanalanginan ang imong kinabuhi pinaagi sa pagpangalagad sa uban sama sa gibuhat ni Jesukristo? Sa unsang paagi kini makapanalangin sa kinabuhi sa kadtong imong gialagaran?
Mga panalangin sa pagpangalagad
Usa ka kamatuoran nga atong makat-onan mahitungod sa pagpangalagad gikan niini nga mga bersikulo mao nga samtang kita mangalagad sa uban diha sa gugma, kita makatabang kanila nga mahimong mas maayong mga sumusunod ni Jesukristo (tan-awa ang 1 Mga Taga-Tesalonica 2:10–14).
Imahe
Photograph of actor portraying Jesus Christ in the Bible Videos.
Ang mosunod nga kalihokan naggamit sa pagpangandam sa estudyante nga kalihokan. Mahimong mopaambit ang mga estudyante ngadto sa kapares, o usa o duha ka andam nga mga estudyante ang mahimong mubo nga mopaambit sa ilang mga kasinatian sa klase. Kon gikinahanglan, gamita ang mosunod nga mga pangutana sa pagtabang sa mga estudyante nga matimbang-timbang ang ilang mga kasinatian.
Paghunahuna mahitungod sa higayon sa dihang ang usa ka tawo mahigugmaong nangalagad kanimo.
Sa unsang mga paagi kining tawhana misunod sa ehemplo ni Jesukristo diha sa iyang pagpangalagad kanimo?
Sa unsang paagi nga ang mga paningkamot niining tawhana nakatabang kanimo aron mahimong mas maayong sumusunod kang Jesukristo?
Pagpangalagad diha sa hugot nga pagtuo ug gugma
Usahay ang mga buluhaton sa Simbahan maghatag kanimo og pormal nga mga kahigayonan sa pagpangalagad. Kasagaran, aduna kay mga kahigayonan sa pagpangalagad panahon sa adlaw-adlaw nga mga pakighalubilo sa mga sakop sa pamilya, mga higala, ug sa uban.
Si Presidente Jean B. Bingham, Kinatibuk-ang Presidente sa Relief Society, mipaambit og pipila ka mga ideya kon unsaon pagpangalagad sama sa gibuhat ni Jesukristo. Tan-awa ang bidyo nga “Pagpangalagad sama sa Gibuhat sa Manluluwas” gikan sa time code nga 0:45 hangtod sa 1:54, o basaha ang mga pulong ni Presidente Bingham. Mahimo kang magdugang og pipila sa iyang mga gisugyot ngadto sa imong lista sa pagpangalagad.
Imahe
Official Portrait of Sister Jean B. Bingham. Photographed in 2017.
Usahay naghunahuna kita nga kinahanglang mobuhat kita og usa ka butang nga bililhon kaayo ug bayanihon aron “maihap” isip pagserbisyo sa atong mga silingan. Apan ang yanong mga buhat sa serbisyo mahimong adunay lawom nga mga epekto sa uban—ingon man sa atong kaugalingon. Unsa ang gibuhat sa Manluluwas? Pinaagi sa Iyang balaang mga gasa sa Pag-ula ug Pagkabanhaw … “walay lain nga adunay labaw ka mahinungdanong impluwensya [diha] sa tanan kinsa nakapuyo na ug kinsa magpuyo pa dinhi sa yuta.” [“ Ang Buhi nga Kristo ,” ChurchofJesusChrist.org]. Apan Siya usab mipahiyom ni, nakigsulti uban ni, nakiglakaw kauban ni, naminaw ngadto ni, mihatag og oras alang ni, miawhag, mitudlo, mipakaon, ug mipasaylo. Managsama Niyang giserbisyohan ang pamilya ug mga higala, silingan ug dili kaila, ug gidapit Niya ang mga kaila ug mga minahal sa pagpahimulos sa buhong nga mga panalangin sa Iyang ebanghelyo. Kadtong “yano” nga mga serbisyo ug gugma naghatag og sumbanan alang sa atong pagpangalagad karon.
(Jean B. Bingham, “Pagpangalagad sama sa Gibuhat sa Manluluwas,” Liahona, Mayo 2018, 104)
Unsa ang gitudlo sa mga pulong ni Sister Bingham kanimo mahitungod sa pagpangalagad sama sa gibuhat ni Jesukristo?
Nganong importante man kaha ang paghinumdom nga ang pagpangalagad mahimong magmalamposon pinaagi sa yanong mga lihok sa pagserbisyo?
Mahimong gamiton sa mga estudyante ang lista sa pagpangalagad diha sa pisara o ang ilang personal nga lista aron kompletohon ang mosunod nga kalihokan.
Rebyoha ang imong lista mahitungod sa unsa ang gipasabot sa pagpangalagad, ug pagpuno og bisan unsang dugang nga mga panghunahuna gikan sa unsa ang imong nakat-onan karong adlawa. Pag-ila og duha o tulo ka mga pulong nga mahimong makatabang kanimo nga mahimong mas sama ni Jesukristo diha sa imong pagpangalagad.
Maampoong magtinguha og panabang sa Langitnong Amahan aron mahibalo kinsa ang Iyang paalagaran kanimo karong adlawa ug unsaon nimo pagbuhat sa ingon. Lagmit nakadawat na ka og mga pangaghat gikan sa Espiritu nga mahimo na nimong lihokon karon.
Dasiga ang mga estudyante sa paglihok sa ilang mga pangaghat samtang anaa sa klase, kon angay. Lagmit maghimo sila og usa ka mensahe sa text, usa ka email, o usa ka sulat. Dasiga ang mga estudyante sa pakig-istorya sa ilang mga lider sa ward o branch kon wala pa sila makadawat og buluhaton sa pagserbisyo kauban ang usa ka kompanyon isip usa ka tigpangalagad nga brother o sister.
Kon walay pihong ngalan sa tawo ang mosantop sa hunahuna, mahimong mag-ampo alang sa panabang ngadto sa Langitnong Amahan aron makaila og kahigayonan sa pagpangalagad ug makalihok kon kini muabot. Pagmasaligon nga Siya mogiya kanimo diha sa imong pagpaningkamot sa pagpangalagad sama sa gibuhat sa Manluluwas.
Komentaryo ug Background nga Impormasyon
Unsa kaha kon dili ako segurado unsaon pagpangalagad ngadto sa uban?
Si Elder Neil L. Andersen sa Korum sa Napulog Duha ka Apostoles mipunting nga:
Imahe
Official portrait of Elder Neil L. Andersen of the Quorum of the Twelve Apostles, 2010, August.
Ang tawo nga dunay maayong tinguha makatabang sa usa ka tawo sa pag-ayo og ligid, pagpadoktor sa silingan, makigpaniudto sa tawo nga naguol, o mopahiyom ug motimbaya aron makapanindot sa adlaw.
Apan ang sumusunod sa unang sugo [nga nahigugma sa Diyos sa tibuok niyang kasingkasing] natural nga modugang niining importante nga mga buhat sa pag-alagad, [pinaagi] sa pag-awhag sa tawo kinsa nagbuhat og maayo diha sa pagsunod sa mga sugo ug sa pagpaambit og maalamon nga tambag sa pagpalig-on sa pagtuo sa tawo nga nagkaluya o nagkinahanglan og tabang nga makabalik sa dalan nga kaniadto iyang gisubay.
(Neil L. Andersen, “A Holier Approach to Ministering” [Brigham Young University debosyonal, Abr. 10, 2018], 3, speeches.byu.edu)
Si Bishop W. Christopher Waddell sa Presiding Bishopric mipahayag:
Imahe
Bishop W. Christopher Waddell, second counselor in the Presiding Bishopric, official portrait 2017
Posibling maghunahuna kita unsaon sa pagserbisyo og maayo, apan ang Ginoo nahibalo, ug pinaagi sa Iyang Espiritu magiyahan kita sa atong mga paningkamot … samtang [kita] magtinguha nga mahimong mga instrumento sa mga kamot sa Ginoo sa pagpanalangin sa Iyang mga anak. Samtang magtinguha kita sa giya sa Espiritu ug mosalig sa Ginoo, kita ipahimutang sa mga sitwasyon ug mga kahimtang diin kita makalihok ug makapanalangin—sa laing pagkasulti, makaalagad.
Si Brother David L. Beck, kanhi Kinatibuk-ang Presidente sa Young Men, nagpahinumdom kanato:
Imahe
Final official portrait of David L. Beck, general president of the Young Men, April 2009. Released at the April 2015 general conference.
Ang pagpangalagad dili lamang butang nga atong gihimo—naghulagway sab kini kinsa kita.
Mangalagad sa matag adlaw. Ang oportunidad naa ra sa inyong palibot. Pangitaa kini. Pangayo og tabang sa Ginoo nga kini inyong mamatikdan. Inyong makita nga ang kadaghanan naglangkob sa ginagmay, sinserong buhat nga makatabang sa uban sa pagkasumusunod ni Jesukristo.
(David L. Beck “Ang Sagrado Ninyong Katungdanan sa Pagpangalagad,” Liahona, Mayo 2013, 57)
Alang sa dugang nga mga ideya o mga ehemplo mahitungod sa pagpangalagad, tan-awa kining duha ka mga artikulo gikan sa mga magasin sa Simbahan:
“Ang Katuyoan nga Makapausab sa Atong Pagpangalagad,” Liahona, Ene. 2019, 8–11
