1 Tesalonia 1–3

Mulimuli ia Iesu Keriso e ala i le Auaunaga i le Alofa

Young woman socializing with other youth

O anafea na faamanatu atu ai ia te oe e se auaunaga a se tasi e uiga ia Iesu Keriso? Sa auauna atu Paulo ma ana soa i auala faa-Keriso i le Au Paia i Tesalonia, ma musuia i latou e faaauau pea ona ola faamaoni i le talalelei e ui lava i le feagai ai ma sauaga. E mafai ona fesoasoani lenei lesona ia te oe e faamanuia ma faatosina ai isi a o e taumafai e auauna atu e pei ona sa faia e lo tatou Faaola o Iesu Keriso.

Fesoasoani i tagata aoga e faataunuu a latou matafaioi i le faagasologa o le aoaoina. O le aoaoina faaleagaga e manaomia ai tagata aoga ia faia se taumafaiga ma faaaoga le faitalia. A o toaaga tagata aoga e auai i gaoioiga i le vasega, ua latou tatalaina o latou loto i aafiaga a le Agaga Paia. Vaavaai mo auala e valaaulia ai tagata aoga uma e fai so latou sao e tusa ai ma o latou manaoga ma gafatia.

Sauniuniga a le tagata aoga: Valaaulia tagata aoga e mafaufau i se taimi na latou lagonaina ai le alofa o le Faaola ona sa auauna atu se tasi ia i latou. Fautuaina i latou ia saunia e faasoa mai pe na faapefea ona fesoasoani le auaunaga a lenei tagata ia i latou e mananao ai e mulimuli ia Iesu Keriso.

Gaoioiga E Ono Mafai Ona Aoao Ai

O le faataitaiga a Iesu Keriso

Faaali atu ni ata o Iesu Keriso o loo auauna atu i isi, pe valaaulia tagata aoga e tuuina mai ni faataitaiga latou te manatua mai tusitusiga paia. Afai o loo faaali atu ata i luga o le laupapa, mafaufau e valaaulia tagata aoga e tusi upu latou te mafaufau i ai i autafa o ata taitasi.

Vaai i ata nei o Iesu Keriso pe mafaufau e uiga i isi tala i tusitusiga paia o Ana fegalegaleaiga ma isi. I lau api faamaumau mo suesuega, lisi ai upu ma fasifuaitau o loo faamatala ai mea o loo faia e le Faaola mo tagata taitoatasi o loo Ia fegalegaleai.

Jesus is sitting with a young boy on his lap. Outtakes include people inside the house at Capernaum, Philip, Jesus, John, Peter, Matthew, Jesus sitting at a table with some of the disciples shown and Mary Magdalene.

Blind man gains sight. Outtakes include Jesus anointing his eyes, and going to the pool of Siloam.

Jesus Christ is teaching in the temple and being approached by the chief priests, elders and scribes who ask Him the source of his authority. Christ questions them whether the baptism of John the Baptist was of heaven or of man. Outtakes include closeups of people in the crowd and of Caiaphas.

Depiction of Jesus and the woman taken in adultery. They are both kneeling and she is holding his hand. Outtakes include angry men bringing the woman and throwing her to the ground, the woman huddled on the ground, the savior kneeling beside her, Jesus lifting her up to her feet, and the savior standing with her.

Ana faapea o oe o se tasi o tagata na faatasi ma le Faaola, faamata o le a sou manatu i ni ou lagona ona o faatinoga a le Faaola? Aisea?
Vaavaai i le lisi na e faia, o a upu po o fasifuaitau ua e manao e faaaoga pe a auauna atu i isi? (Atonu e te manao e maka pe faailoga upu e aupito anoa ia te oe.)

I le Ekalesia, e tele ina tatou taua faatinoga e pei o nei o le auaunaga.

Mafaufau e tusi le upu auaunaga i luga o le laupapa. Atonu e aoga le faaali atu o le faamatalaga lenei mo tagata aoga.

Na aoao mai Brother David L. Beck, sa avea muamua ma Peresitene Aoao o Alii Talavou:

O le auauna atu o lona uiga ia alofa ma agalelei atu i isi. O lona uiga o le tali atu i o latou manaoga faaletino ma faaleagaga. I se faaupuga faigofie, o lona uiga o le faia o le mea e ono fai e le Faaola pe ana fai o iinei o Ia.

(David L. Beck, “O Lou Tiute Paia e Auauna Atu,” Ensign po o le Liahona, Me 2013, 56)

O le a se mea e tulaga ese mai ia te oe i le saunoaga a Brother Beck?
I le mafaufau ai i le saunoaga a Brother Beck ma upu na e makaina i lau lisi, o le a lou manatu pe o faape’i le lelei o lou auauna atu i isi?

Atonu e i ai ni au fesili po o ni atugaluga e uiga i le auauna atu i isi. Mafaufau e tusifaamaumau nei mea i lau api faamaumau mo suesuega ma vaavaai mo tali a o e suesueina le 1 Tesalonia 1–3 i le aso. Atonu foi e te manao e valaaulia le Agaga e fesoasoani ia te oe e vaavaai mo ni auala e mafai ona e faamanuia ma faatosina ai isi a o e taumafai e auauna atu e pei ona sa faia e lo tatou Faaola o Iesu Keriso. Tusifaamaumau ou mafaufauga ma lagona ina ia mafai ona e faatinoina ma le agaga tatalo.

Ua auauna atu Paulo i tagata Tesalonia

I le taimi o lana malaga lona lua faafaifeautalai, sa maua ai e le Aposetolo o Paulo ma ana soa le faamanuiaga i le talai atu i tagata Tesalonia, ae sa tulia faamalosi i latou e taitai Iutaia mai le aai (tagai i le Galuega 17:1–9). Na iloa mulimuli ane e Paulo o le Au Paia i Tesalonia sa tumau faamaoni ma sa latou faasoa atu le savali o le talalelei, e ui lava sa latou feagai ma sauaga ona o le faia o lena mea (tagai i le 1 Tesalonia 1:6–8). Faatasi ai ma le agaga faafetai mo lo latou faatuatua ma le faamoemoe ia Iesu Keriso, sa tusia ai e Paulo lana tusi muamua i tagata Tesalonia (tagai i le 1 Tesalonia 1:2–3).

Faitau ma le faaeteete le 1 Tesalonia 2:7–14 ; 3:9–13 . Atonu e te manao e faailoga upu ma fasifuaitau e te maua o loo faamanatu atu ai ia te oe le alofa ma le tausiga semanu e mafai ona tuuina mai e le Faaola. Mafaufau e faaopoopo ou malamalamaga i lau lisi.

A o talanoaina e tagata aoga fesili nei, faalogo ma le toto’a i a latou tali. E mafai ona fesoasoani le toe faaupuina pe fai atu ni fesili tulitatao e faamautinoa ai ua latou malamalama i mea sa latou faitauina.

Na faapefea ona auauna atu Paulo ma isi e pei ona sa faia e le Faaola?
O le a faapefea ona faamanuiaina lou olaga e ala i le auauna atu i isi e faapei ona sa faia e Iesu Keriso? E faapefea ona faamanuiaina ai olaga o i latou e te auauna atu i ai?

Faamanuiaga o le auauna atu

O se upumoni e tasi e mafai ona tatou aoaoina e uiga i le auauna atu mai nei fuaiupu e faapea, a o tatou auauna atu i isi i le alofa, e mafai ona tatou fesoasoani ia i latou ia avea ma soo sili atu o Iesu Keriso (tagai i le 1 Tesalonia 2:10–14).

Photograph of actor portraying Jesus Christ in the Bible Videos.

O le gaoioiga lenei e faaaoga ai le gaoioiga sauniuni a tagata aoga. E mafai e tagata aoga ona faasoa atu i se paga, pe e mafai foi ona faasoa puupuu mai se tasi pe lua o tagata aoga naunautai ia o latou aafiaga i le vasega. Afai e manaomia, faaaoga fesili nei e fesoasoani ai i tagata aoga e iloilo o latou aafiaga.

Mafaufau i se taimi na auauna atu ai ma le alofa se isi ia te oe.

O a ni auala na mulimuli ai lenei tagata i le faataitaiga a Iesu Keriso a o latou auauna atu ia te oe?
Na faapefea ona fesoasoani taumafaiga a lenei tagata ia te oe e avea ai ma se soo sili atu o Iesu Keriso?

Auauna atu i le faatuatua ma le alofa

O ni isi taimi o tofiga i le Ekalesia o le a tuuina atu ai ia te oe ni avanoa aloaia e auauna atu ai. I le tele o taimi, o le a e maua ai avanoa e auauna atu ai i le taimi o fegalegaleaiga i aso uma ma tagata o le aiga, uo, ma isi.

Na faasoa mai e Peresitene Jean B. Bingham, le Peresitene Aoao o le Aualofa, ni isi o manatu mo auala e auauna atu ai e pei ona sa faia e Iesu Keriso. Matamata le vitio “Auauna Atu e faapei ona Faia e le Faaola” mai le faailotaimi 0:45 i le 1:54, pe faitau i upu a Peresitene Bingham. Atonu e te manao e faaopoopo ni isi o ana fautuaga i lau lisi o auaunaga.

2:3

O ni isi taimi tatou te manatu ai e ao ona tatou faia se mea silisili ma toa e “faitaulia” ai o se auaunaga i o tatou tuaoi. Ae o ni faatinoga faatauvaa o auaunaga e mafai lava ona i ai ni aafiaga loloto i isi—e faapea ai foi ma i tatou lava ia. O le a le mea na faia e le Faaola? E ala i Ana meaalofa faalelagi o le Togiola ma le Toetu … “e leai lava se isi na i ai se aafiaga loloto faapea [i] e uma na soifua ma e o le a soifua i luga o le fogaeleele” [“ O Le Keriso Soifua ,” ChurchofJesusChrist.org]. Ae sa Ia ataata foi i [isi], talanoa i [isi], savavali ma [isi], faalogo atu i [isi], faaavanoa se taimi mo [isi], faamalosiau atu, aoao atu, fafaga, ma faamagalo atu. Sa Ia auauna atu i aiga ma uo, tuaoi ma tagata ese foi, ma sa Ia valaaulia ē masani ma ē pele ia olioli i faamanuiaga silisili o Lana talalelei. O na faatinoga “faigofie” o auaunaga ma le alofa ua maua ai se mamanu mo a tatou auaunaga i aso nei.

(Jean B. Bingham, “Auauna Atu e pei ona Faia e le Faaola,” Ensign po o le Liahona, Me 2018, 104)

O le a se mea o aoao mai e upu a Sister Bingham ia te oe e uiga i le auauna atu e faapei ona faia e Iesu Keriso?
Aisea e ono taua ai le manatua o le auaunaga e mafai ona ausia e ala i faatinoga faigofie o le auauna atu?

E mafai e tagata aoga ona faaaoga le lisi o auaunaga i luga o le laupapa po o a latou lisi patino e faamaea ai le gaoioiga lenei.

Toe iloilo lau lisi pe o le a le uiga o le auauna atu, ma faaopoopo ni isi manatu mai mea ua e aoaoina i le aso. Faailoa mai ni upu se lua pe tolu e mafai ona fesoasoani ia te oe e avea atili ai e faapei o Iesu Keriso a o e auauna atu.

Saili ma le agaga tatalo le fesoasoani a le Tama Faalelagi ia iloa ai po o ai e finagalo o Ia e te auauna atu i ai i le asō ma pe mafai faapefea ona e faia. Atonu ua uma ona e mauaina uunaiga mai le Agaga e mafai ona e galue ai i le taimi nei.

Fautuaina le vasega e faatino a latou uunaiga a o i ai i le vasega, pe a talafeagai ai. Atonu latou te fatuina se feau tusitusia, se imeli, po o se tusi. Fautuaina tagata aoga e talanoa ma taitai o a latou uarota po o paranesi pe afai latou te lei mauaina lava se tofiga e auauna atu ai ma se soa o se uso o auaunaga po o se tuafafine o auaunaga.

Afai e le oo mai le igoa o se tagata faapitoa i lou mafaufau, mafaufau e tatalo mo le fesoasoani a le Tama Faalelagi ia iloa se avanoa e auauna atu ai ma faatino pe a oo mai. Talitonu o le a Ia taialaina oe a o e taumafai e auauna atu e faapei ona faia e le Faaola.

Tala Auiliili ma Faamatalaga o Talaaga

Ae faapefea pe afai ou te le o mautinoa pe faapefea ona auauna atu i isi?

Na faailoa mai e Elder Neil L. Andersen o le Korama a Aposetolo e Toasefululua:

O se tagata e i ai se loto lelei e mafai ona fesoasoani i se tasi e fai se pa’u [ua pa], ave se tuaoi i le fomai, fai se taumafataga o le aoauli ma se tasi o faanoanoa, pe ’ata’ata ma faatalofa atu e faafiafia ai se aso.

Ae o se soo o le poloaiga muamua [e alofa i le Atua ma lona loto atoa] e faigofie lava ona faaopoopo atu i nei galuega taua o le auauna atu, [i le] uunaia o le tagata o loo faia le mea lelei i le tausia o poloaiga, ma faasoa atu se fautuaga atamai e faamalosia ai le faatuatua o se tasi ua faavaivai pe ua manaomia se fesoasoani e toe agai atu i luga o le ala na malaga ai muamua.

(Neil L. Andersen, “A Holier Approach to Ministering” [faigalotu i le Iunivesite a Polika Iaga, Ape. 10, 2018], 3, speeches.byu.edu)

Na taua e Epikopo W. Christopher Waddell o le Au Epikopo Pulefaamalumalu:

Atonu tatou te mafaufau pe o le a le auala sili e auauna atu ai, ae e silafia e le Alii, ma e ala atu i Lona Agaga o le a taitaiina ai i tatou i a tatou taumafaiga … a o tatou taumafai e avea ma meafaigaluega i aao o le Alii e faamanuia ai Lana fanau. A o tatou saili atu i le taitaiga a le Agaga ma faalagolago i le Alii, o le a tuu i tatou i ni tulaga ma avanoa e mafai ai ona tatou galulue ma faamanuia atu—pe i se isi faaupuga, ia auauna atu.

(W. Christopher Waddell. “E Pei ona sa Ia Faia,” Ensign po o le Liahona, Me 2019, 21)

Sa faamanatu mai ia i tatou e Brother David L. Beck, o le sa avea muamua ma Peresitene Aoao o Alii Talavou:

O le auaunaga e le na o se mea tatou te faia—e faamatalaina ai foi po o ai i tatou.

Ia auauna atu i aso uma. O loo siomia outou i avanoa. Vaavaai mo na avanoa. Ole atu i le Alii e fesoasoani ia e iloa na avanoa. O le a e iloa ai o le tele lava e aofia ai ni faatinoga faamaoni laiti, e fesoasoani ai i isi ia avea ma soo o Iesu Keriso.

(David L. Beck, “O Lou Tiute Paia e Auauna Atu,” Ensign po o le Liahona, Me 2013, 57)

Mo ni isi manatu po o faataitaiga e uiga i le auaunaga, tagai i tusiga nei e lua mai mekasini a le Ekalesia:

“O Le Faamoemoega O Le A Suia Ai A Tatou Auaunaga,” Ensign, Ian. 2019, 8–11
Eric B. Murdock, “Auauna Atu e pei ona Sa Faia e le Faaola,” New Era, Tes. 2018, 32–35

Atonu foi e te manao e tagai i le itulau “O Le Auaunaga Lenei” i le ChurchofJesusChrist.org.