Բ Կորնթացիս 5

Նոր Կտակարանի ձեռնարկ սեմինարիայի ուսուցչի համար (2023)

Բովանդակություն
Տիտղոսաթերթ
Նոր Կտակարանի ձեռնարկ սեմինարիայի ուսուցչի համար գրքի նախաբանը
Ներածական նյութեր
Մատթեոս 1, Ղուկաս 1
Մատթեոս 2, Ղուկաս 2. Ակնարկ
Հովհաննես 1
Մատթեոս 3, Մարկոս 1, Ղուկաս 3
Մատթեոս 4, Ղուկաս 4–5
Հովհաննես 2-4
Մատթեոս 5, Ղուկաս 6
Մատթեոս 6-7
Մատթեոս 8, Մարկոս 2-4, Ղուկաս 7
Մատթեոս 9-10, Մարկոս 5, Ղուկաս 9
Մատթեոս 11-12, Ղուկաս 11
Մատթեոս 13, Ղուկաս 8, 13
Մատթեոս 14, Մարկոս 6, Հովհաննես 5-6
Մատթեոս 15-17, Մարկոս 7-9
Մատթեոս 18, Ղուկաս 10
Հովհաննես 7–10
Ղուկաս 12–17, Հովհաննես 11
Մատթեոս 19-20, Մարկոս 10, Ղուկաս 18
Մատթեոս 21–23, Մարկոս 11, Ղուկաս 19–20, Հովհաննես 12
Ջոզեֆ Սմիթ–Մատթեոս 1, Մատթեոս 25, Մարկոս 12–13, Ղուկաս 21
Մատթեոս 26, Մարկոս 14, Հովհաննես 13
Հովհաննես 14-17
Ղուկաս 22, Հովհաննես 18
Մատթեոս 27, Մարկոս 15, Ղուկաս 23, Հովհաննես 19
Մատթեոս 28, Մարկոս 16, Ղուկաս 24, Հովհաննես 20–21
Գործք Առաքելոց 1-5
Գործք Առաքելոց 6–9
Գործք Առաքելոց 10-15
Գործք Առաքելոց 16–21
Գործք Առաքելոց 22-28
Հռովմայեցիս 1-6
Հռովմայեցիս 7-16
Ա Կորնթացիս 1–7
Ա Կորնթացիս 8–13
Ա Կորնթացիս 14–16
Բ Կորնթացիս 1–7
Բ Կորնթացիս 8–13
Գաղատացիս
Եփեսացիս
Փիլիպպեցիս, Կողոսացիս
Ա-Բ Թեսաղոնիկեցիս
Ա և Բ Տիմոթեոս, Տիտոս, Փիլիմոն
Եբրայեցիս 1–6
Եբրայեցիս 7-13
Հակոբոս
Ա-Բ Պետրոս
Ա–Գ Հովհաննես, Հուդա
Հայտնություն 1-5
Հայտնություն 6-14
Հայտնություն 15-22
Հավելված

Բ Կորնթացիս 5

«Հաշտության սպասավորությունը»

Jesus embraces the man who was born blind when the man finds him again after Jesus healed him.

Երբևէ ձեզ զգացե՞լ եք Աստծուց հեռու: Այլ մարդիկ, որոնց դուք ճանաչում եք, երբևէ զգացե՞լ են նույնը: Պողոսը հիշեցրեց Կորնթոսի սրբերին այն ողորմության մասին, որը Հիսուս Քրիստոսը ցույց տվեց նրանց: Պողոսն ուսուցանեց մարդկանց, որ նրանք հեռացել են Աստծուց մեղքի պատճառով: Բարեբախտաբար, Քրիստոսի Քավության միջոցով նրանք կարող էին վերականգնել բարենպաստ հարաբերություններն Աստծո հետ և ստանալ Քրիստոսի արդարությունը (տես Բ Կորնթացիս 5.16–21): Այս դասը կարող է օգնել ձեզ ավելի մոտենալ Աստծուն և դառնալ այնպիսին, ինչպիսին Նա է ցանկանում, որ դուք դառնաք:

Հորդորեք ուսանողներին պատրաստվել դասին Երբ ուսանողները պատրաստված են գալիս դասարան, նրանք հրավիրում են Սուրբ Հոգուն ուսուցանել իրենց և ավելի ունակ են օգնել մնացած ուսանողներին:

Ուսանողի նախապատրաստում. Ուսանողներին առաջարկեք հիշել որևէ դեպք, երբ մոտ են զգացել Աստծուն, և մի դեպք, երբ իրենց հեռու են զգացել Նրանից, և գալ դասարան՝ պատրաստ լինելով օգտագործել այդ փորձառությունները:

Հնարավոր ուսումնական վարժություններ

Աստծո հետ ձեր հարաբերությունները

Ընթերցեք հետևյալ սցենարները: Մտածեք այն մասին, թե ձեր անձնական իրավիճակն ինչով է նման կամ ինչով է տարբերվում այս սցենարներից:

Ցուցադրեք հետևյալ սցենարները կամ հրավիրեք ուսանողներին ստեղծել իրենց սեփական սցենարները, ներառելով իրավիճակներ, երբ երիտասարդներն իրենց հեռու են զգում Աստծուց:

Կարող եք նաև դասը սկսել՝ օգտագործելով «Ստանալ Քրիստոսի արդարությունը» վարժությունը «Լրացուցիչ ուսումնական վարժություններ» բաժնում՝ դասի վերջում: Այս վարժությունը ներառում է Ժան Վալժանի պատմությունը Թշվառները վեպից այն մասին, թե ինչպես է նա հաշտվում Աստծո հետ:

Ջամիլան Հիսուս Քրիստոսի եռանդուն հետևորդ է: Շատ ընկերներ նրան որպես օրինակ են ընդունում: Այնուամենայնիվ, երբ նա սխալներ է թույլ տալիս, իրեն ճնշված է զգում և անհանգստանում է, թե արդյո՞ք կկարողանա մի օր վերադառնալ Երկնային Հոր մոտ:
Անդրեն ունի վատ սովորություններ, և գիտի այդ մասին: Նրա համար դժվար է հասկանալ, թե ինքը ինչպես կարող է ներվել և փոխվել: Նա մտածում է, թե արդյո՞ք երբևէ կարող է իրեն մոտ զգալ Աստծուն, և վստահ չէ, որ արժե ջանքեր գործադրել: Իր խնդիրների մասին նա չի ցանկանում խոսել իր ծնողների կամ եպիսկոպոսի հետ:

Հետևյալ վարժությունը կատարելիս առաջարկեք ուսանողներին խորհել դասին պատրաստվելու մասին:

Մտածեք Երկնային Հոր հետ ձեր սեփական հարաբերությունների մասին: Ձեր օրագրում նկարագրեք ձեր կյանքի իրավիճակը և ձեր հարաբերությունները Նրա հետ: Դուք կարող եք նկարագրել, թե երբ եք ձեզ մոտ զգում Նրան և երբ եք զգում նրանից հեռու, ինչպես նաև ձեր ցանկությունները՝ Նրա հետ ապագայում ձեր հարաբերությունների վերաբերյալ:

Ուսումնասիրելիս փնտրեք ճշմարտություններ, որոնք կարող են օգնել ձեզ հասկանալ Աստծուն մոտենալու օրհնությունները, և թե ինչպես կարող եք մոտենալ Նրան:

Հաշտություն

Բ Կորնթացիս 5-րդ գլխում Պողոսը գրել է, որ երբ ապրում ենք երկրի վրա, մենք «հառաչում» ենք «ծանրություն կրելով»՝ փափագելով վերադառնալ մեր Երկնային Հոր մոտ (տես Բ Կորնթացիս 5.1–5): Հիշեք ձեր կյանքի այն պահերը, երբ զգացել եք այն, ինչ նկարագրել է Պողոսը:

Կարդացեք Բ Կորնթացիս 5.17–20-ը՝ փնտրելով ճշմարտություններ, որոնք կարող եք կիրառել ձեր կյանքում, երբ ձեզ հեռու եք զգում Աստծուց: Նկատի ունեցեք, որ այս հատվածներում հաշտություն և հաշտեցում նշանակում է Աստծո հետ նորից միասնության և բարեհաճության մեջ լինել՝ Նրանից օտարվելուց հետո:

Ցուցադրեք հետևյալ հարցերը, որպեսզի ուսանողները տեսնեն դրանք ուսումնասիրության ընթացքում:

Ո՞ր բառերն ու արտահայտություններն են այս հատվածներում ( Կորնթացիս 5.17–20) լավագույնս նկարագրում այն, ինչ Փրկիչն արել է ձեզ համար:
Ո՞րն է Երկնային Հոր դերը՝ իր մոտ վերադառնալու համար ձեզ օգնելու գործում: (Տես Բ Կորնթացիս 5.18-19)
Ի՞նչ օրհնություններ ենք մենք ստանում, երբ ձգտում ենք ապրել «Քրիստոսում»: ( Բ Կորնթացիս 5.17)

Բ Կորնթացիս 5.17–20-ում ուսուցանվող ճշմարտություններից մեկն այն է, որմենք կարող ենք հաշտվել Աստծո հետ և դառնալ նոր արարածներ Հիսուս Քրիստոսի Քավության միջոցով:

Պողոսը նաև ուսուցանեց այն մասին, թե մենք ինչու կարող ենք դառնալ նոր արարածներ, և ինչ է դա նշանակում:

Կարդացեք Բ Կորնթացիս 5.21-ը՝ փնտրելով հղումներ Երկնային Հոր, Հիսուս Քրիստոսի և ձեր վերաբերյալ:

Խնդրեք ուսանողներին կիսվել իրենց գտած նյութով: Անհրաժեշտության դեպքում բացատրեք, որ «նա» բառը հատված 21-ում վերաբերում է Երկնային Հորը, մինչդեռ «նրան» բառը վերաբերում է Հիսուս Քրիստոսին:

Ի՞նչ սովորեցիք այս հատվածից:

Օգնեք ուսանողներին հասկանալ այս հատվածը: Ուսանողների հետ քննարկեք հետևյալ պարբերությունը և մտածեք, թե ինչպես կարող եք օգնել ուսանողներին հասկանալ այս գաղափարը: Պատրաստ եղեք ձեր բառելով կիսվել այս գաղափարներով:

Բ Կորնթացիս 5.21-ում Պողոսն ուսուցանում է, որ թեև Հիսուսը երբեք մեղավոր չի եղել մեղք գործելու մեջ, Գեթսեմանի այգում և Գողգոթայի խաչի վրա Նա իր վրա վերցրեց մեր մեղքերի բեռը, ծանրությունը և հետևանքները: Երբ մենք իրապես ձգտում ենք ներվել և դառնալ «նոր արարած», մենք ընդունում ենք Հիսուս Քրիստոսի առաջարկն այն մասին, որ եթե մենք հավատանք Իրեն և ապաշխարենք մեր մեղքերի համար, Նա կվերցնի մեր մեղքերը, և մենք կարող ենք ստանալ Նրա արդարությունը: Այս կերպ մենք մաքուր կդառնանք, ինչպես Նա է մաքուր (տես նաև Կողոսացիս 2.13–14 , Ա Պետրոս 2.24):

Անպայման օգնեք ուսանողներին հասկանալ, որ Հիսուս Քրիստոսի նման մաքուր դառնալու համար պահանջվում է ջանքեր գործադրել ողջ կյանքի ընթացքում:

Ինչպե՞ս են Բ Կորնթացիս 5.21 հատվածի ուսմունքներն օգնում ձեզ ավելի լավ հասկանալ, թե մենք ինչու կարող ենք նոր արարածներ դառնալ Քրիստոսում և իրականում ինչ է դա նշանակում:
Ի՞նչ մտքեր և զգացումներ կարող էր ունենալ Աստծո անմեղ Որդին, երբ Նա պատրաստակամորեն վերցրեց ձեր մեղքերն իր վրա, որպեսզի դուք կարողանաք հաշտվել Աստծո հետ և փոխվել: (Այս հարցին պատասխանելուց առաջ դուք կարող եք կարդալ Եսայիա 49.16 և Վարդապետություն և Ուխտեր 19.18 հատվածները:)

Ուսանողներին ներկայացրեք ժամանակակից օրինակ, թե մենք ինչպես կարող ենք հաշտվել Աստծո հետ: Կարող եք կիսվել անձնական փորձառությամբ: Կարող եք նաև ցուցադրել հետևյալ տեսանյութը:

Աստծո հետ հաշտվելու և Հիսուս Քրիստոսի Քավության միջոցով «նոր արարած» դառնալու ժամանակակից օրինակ տեսնելու համար դիտեք «Ես գիտեմ, որ Նրա շնորհը ինձ հետ է, երբ ես մեղք եմ գործում» (6.24): Այս տեսանյութը կարելի է գտնել ChurchofJesusChrist.org կայքում։

I Know His Grace Is There When I Fall | His Grace

Խորհեք, թե ինչպես եք դուք կամ ձեր ծանոթներից մեկը զգացել այն ապաքինումն ու հաշտեցումը, որը Փրկիչն է առաջարկում Իր Քավության միջոցով:

Առաջարկեք ուսանողներին կիսվել իրենց մտքերով կամ զգացմունքներով (հիշեցրեք նրանց, որ պետք չէ կիսվել խիստ անձնական փորձառություններով): Եթե նրանք կիսվում են իրենց փորձառությամբ, տվեք նրանց հարցեր, օրինակ՝ «Ի՞նչ սովորեցրեց ձեզ այս փորձառությունը Հիսուս Քրիստոսի և Նրա Քավության մասին» կամ «Ի՞նչ գործողություններ կատարեց այդ մարդը, որ հնարավորություն ստացավ հաշտվել Աստծո հետ: Ձեր կարծիքով, այդ գործողություններն ինչո՞ւ են կարևոր:

Ավետարանի սկզբունքների մասին խորհելով՝ կարող ենք ավելի լավ հասկանալ և զգալ դրանց կարևորությունը: Վերընթերցեք ձեր կյանքի ներկայիս իրավիճակի և Աստծո հետ հարաբերությունների նկարագրությունը, որը գրել եք դասի սկզբում: Այնուհետև մի քանի րոպե տրամադրեք և խորհեք հետևյալ հարցերի շուրջ.

Ցուցադրեք հետևյալ գաղափարները, որոնց շուրջ ուսանողները պետք է խորհեն: Կարող եք ավելացնել անձնական գաղափարներ կամ առաջարկել ուսանողներին կիսվել իրենց մտքերով այն ամենի մասին, ինչի շուրջ կարող են խորհել՝ հիմնվելով այս դասի ընթացքում սովորածի վրա:

Ի՞նչ տեսք կարող է ունենալ կամ ինչ զգացում կարող է առաջացնել հավերժ հաշտությունը Աստծո հետ:
Ի՞նչ ուղիներով կկամենայիք նոր արարած դառնալ Հիսուս Քրիստոսի Քավության միջոցով:
Ի՞նչ փորձառություններ եք ունեցել ձեր կյանքում, որոնք ցույց են տալիս, թե որքան պատրաստակամ է Հիսուս Քրիստոսը օգնելու ձեզ փոխվել:

Ինչո՞վ էր օգտակար խորհելը:
Ի՞նչ սովորեցիք այս դասի ընթացքում ձեր հանդեպ Երկնային Հոր և Հիսուս Քրիստոսի զգացմունքների և ցանկությունների մասին:

Սովորեք, զգացեք և գործեք

Ձեր օրագրում գրեք, թե ինչ սովորեցիք և զգացիք այսօր, ինչն էր ամենակարևորը ձեզ համար և ինչու: Գրեք, թե ինչ եք ոգեշնչված անել, որը կարող է օգնել ձեզ հաշտվել Աստծո հետ և դառնալ «նոր արարած» Քրիստոսում: Ի՞նչ փոփոխություններ եք ակնկալում տեսնել ձեր մեջ (մեկ տարի, երկու կամ հինգ տարի հետո) որպես մարդ, որն իսկապես փոխվել է Քրիստոսում:

Առաջարկեք ուսանողներին կիսվել իրենց մտքերով և զգացմունքներով, եթե ցանկանում են: Կարող եք նաև կիսվել ձեր անձնական զգացումներով:

Բացատրական և պատմական տեղեկություններ

Ինչպե՞ս կարող է դա օգնել ինձ ապրել Քրիստոսի ավետարանով և դառնալ «նոր արարած» Նրանում

Տասներկու Առաքյալների Քվորումից երեց Ուլիսես Սոարեսը ուսուցանել է․

Մեծ հավատքը և դարձը կօգնեն մեզ կապել և պահել ուխտերն Աստծո հետ, դրանով իսկ ամրացնելով Հիսուսին հետևելու մեր ցանկությունը և առաջացնելով հոգևոր իրական վերափոխում մեր մեջ, այսինքն՝ վերափոխելով մեզ նոր ստեղծածի, ինչպես Պողոս Առաքյալն է ուսուցանել Կորնթացիներին ուղղված իր նամակում։ ( Բ Կորնթացիս 5.17): Այդ վերափոխման արդյունքում մենք կլինենք ավելի երջանիկ, ավելի արդյունավետ, կունենանք առողջ կյանք, և այն կօգնի մեզ պահպանել հավերժական հեռանկար։

(Ուլիսես Սոարես, «Ինչպե՞ս կարող եմ հասկանալ» Ensign կամ Լիահոնա, մայիս 2019, 6)

Բ Կորնթացիս 5.17–21 Ինչպե՞ս կարող եմ ավելի լավ հասկանալ, թե ինչ է ուսուցանել Պողոսն այս հատվածներում

Հետևյալ բացատրությունը կօգնի ձեզ հասկանալ այս հատվածների որոշ բառեր և արտահայտություններ.

«Նոր արարած» դառնալը նշանակում է, որ «մեր սիրտը, դեմքը և էությունը փոխակերպվում են՝ ավելի նմանվելով Փրկչին» (Բենջամին Մ. Զ. Թայ, «Մորմոնի Գրքի զորությունը դարձի համար», Ensign կամ Լիահոնա մայիս 2020, 47):

Քրիստոսը «նրանց հանցանքները չի վերագրում իրենց» նշանակում է, որ մեզ համար Քրիստոսի արածի շնորհիվ մեր մեղքերը վերցվում են մեր վրայից, երբ մենք հաշտվում ենք Աստծո հետ: