A group of New Testament era people gathered around a man. The people are listening to the man speak. The image illustrates the development of false beliefs and apostasy occuring in the early Christian church following the deaths of the original apostles of Jesus Christ.
Si do të ishte jeta jote po të mos kishe plotësinë e ungjillit të Jezu Krishtit? Pali u mësoi shenjtorëve në Thesaloniki se ligësia e njerëzve do të çonte përfundimisht në një largim nga ungjilli (shih te 2 Thesalonikasve 2:1–7). Ky mësim mund të të ndihmojë të kuptosh se si ndodhi Braktisja e Kishës së Dhiatës së Re dhe përse Kisha e Shpëtimtarit duhej të rivendosej në ditët e mëvonshme.
Përdorimi i referencave‑kryq. Një referencë‑kryq është një shkrim i shenjtë që jep informacione ose ide shtesë mbi atë që po studiohet. Mund të jetë e dobishme t’i ftoni nxënësit ta shenjojnë si referencë‑kryq me vargje të tjera të shkrimit të shenjtë atë që po lexojnë, në mënyrë që ta thellojnë kuptueshmërinë e tyre për ungjillin.
Veprimtari të Mundshme të të Mësuarit
Braktisja e Madhe
Kujtojuni nxënësve të reflektojnë për përgatitjen e tyre për orën mësimore ndërsa i përgjigjen skenarit vijues.
Paraqiteni ose shpjegojeni skenarin dhe pyetjet dhe ftojini nxënësit të përgjigjen në ditarët e tyre të studimit përpara se t’ia tregojnë përgjigjet e tyre klasës.
Përndryshe, mund t’i vendosni nxënësit në grupe me nga dy ose tri veta në të cilat një nxënës interpreton rolin e personit që merr mësimet dhe tjetri ose dy të tjerët interpretojnë rolin e misionarëve. Ata që sillen si misionarë, mund të përpiqen të shpjegojnë Braktisjen e Madhe.
Përfytyro sikur je një misionar në ditën e parë të misionit tënd. Ti duhet t’i japësh dikujt mësim për Braktisjen e Madhe.
Si do t’ia shpjegoje këtë atij?
Përse mund të jetë sfiduese kjo?
Si mendon, përse është e rëndësishme ta kuptojmë Braktisjen e Madhe?
Në ditarin tënd të studimit, shkruaj pyetjet që ke rreth Braktisjes së Madhe ose pyetjet që mund të bëjë një kërkues. Teksa studion, kërko ndihmën e Atit Qiellor për të gjetur përgjigje për këto pyetje.
Ftoni vullnetarë që të shkruajnë në tabelë pyetjet që ata ose të tjerë mund të kenë rreth Braktisjes së Madhe. Ftojini nxënësit t’u referohen këtyre pyetjeve gjatë gjithë mësimit.
Pali profetizon për rënien e Kishës
Shenjtorët thesalonikas kishin shumë shqetësime për Ardhjen e Dytë të Jezu Krishtit dhe menduan se mund të ndodhte shumë shpejt. Pali i trajtoi shqetësimet e tyre në letrën e tij dhe shpjegoi se diçka tjetër do të ndodhë përpara se Krishti të vijë përsëri.
Lexo te 2Thesalonikasve 2:1–3 dhe kërko atë që dha mësim Pali se do të ndodhë përpara Ardhjes së Dytë të Krishtit.
Çfarë dha mësim Pali se do të ndodhë përpara Ardhjes së Dytë të Krishtit?
Kjo “rënie” e përshkruar nga Pali ishte Braktisja e Madhe, që ndodhi pas vdekjes së Apostujve të Jezu Krishtit. Kjo Braktisje e Madhe është ndryshe nga braktisja vetjake, që ndodh kur individët rebelohen ose largohen nga e vërteta (shih Udhëzuesi për Shkrimet e Shenjta, “ Braktisje ”, scriptures.ChurchofJesusChrist.org).
Në ç’mënyrë e tregojnë fjalët e Palit kujdesin dhe shqetësimin e Perëndisë për shenjtorët thesalonikas?
Një nga të vërtetat që mund të mësojmë nga këto vargje, është se ishte profetizuar në kohët e lashta se përpara Ardhjes së Dytë të Jezu Krishtit do të ndodhte një braktisje e Kishës së Tij.
Si mendon, përse është e rëndësishme që kjo e vërtetë të kuptohet?
Presidenti M. Rasëll Ballard, i Kuorumit të Dymbëdhjetë Apostujve, shpjegoi se përse ndodhin periudha të braktisjes.
Pamja
Official portrait of President M. Russell Ballard of the Quorum of the Twelve Apostles, 2004.
“Ati ynë Qiellor i do të gjithë fëmijët e Tij dhe Ai do që të gjithë ata të kenë bekimet e ungjillit në jetën e tyre. Drita shpirtërore nuk ka humbur [ngaqë] Perëndia [ua kthen] shpinën fëmijëve të Tij. Përkundrazi, errësira shpirtërore shfaqet kur fëmijët e Tij [ia] kthejnë shpinën kolektivisht Atij. Ajo është një pasojë e natyrshme e zgjedhjeve të këqija, [të bëra] nga individë, komunitete, shtete dhe qytetërime të tëra.”
Për shkak se Ati Qiellor i di të gjitha gjërat (shih te 2Nefi 9:20), Braktisja e Madhe nuk erdhi si një surprizë për Të. Ai i do të gjithë fëmijët e Tij (shih te Gjoni 3:16), prandaj Ai siguroi një mënyrë për ta mposhtur këtë Braktisje të Madhe nëpërmjet Rivendosjes së Kishës së Jezu Krishtit dhe ungjillit (shih Veprat e Apostujve 3:19–21 ; Efesianëve 1:10).
Thelloje kuptueshmërinë tënde për Braktisjen e Madhe
Veprimtaria vijuese mund të të ndihmojë të kuptosh më mirë se si ndodhi Braktisja e Madhe dhe përse Kisha e Shpëtimtarit duhej të rivendosej në ditët e mëvonshme.
Nëse nxënësit kanë qasje te materiali Predikoni Ungjillin Tim: Një Udhëzues për Shërbimin Misionar (2005), merreni parasysh t’u kërkoni atyre të studiojnë pjesën “Braktisja e Madhe” te “Mësimi 1: Mesazhi i Rivendosjes së Ungjillit të Jezu Krishtit” (faqet 35–36). Kjo mund të bëhet në vend të studimit të fletushkës.
Paraqitni fletushkën vijuese ose shtypeni atë në letër dhe shpërndajuani nxënësve.
Studioji fragmentet e shkrimeve të shenjta dhe thënien në vijim nga Presidenti Rasëll M. Nelson dhe më pas përgjigju për pyetjet më poshtë.
1Nefi 13:24–28 : Nefi sheh në vegim atë që do të ndodhte me të vërtetat e rëndësishme në Bibël.
Amos 8:11–12 : Amosi profetizon për një uri shpirtërore që do të vinte.
Veprat e Apostujve 20:29–30 : Pali paralajmëron se anëtarët e Kishës së Shpëtimtarit do të largoheshin nga ungjilli.
Presidenti Rasëll M. Nelson dha mësim:
Pamja
The official portrait of Russell M. Nelson.
“Sepse Perëndia ynë i gjallë është një Perëndi i dashur! Ai do që fëmijët e Tij ta njohin Atë dhe Jezu Krishtin, të cilin Ai e dërgoi! Dhe Ai do që fëmijët e Tij të fitojnë pavdekësi dhe jetë të përjetshme!
Për këtë qëllim të lavdishëm, misionarët tanë japin mësim rreth Rivendosjes. Ata e dinë se rreth 2.000 vite përpara, Zoti krijoi Kishën e Tij. Pas kryqëzimit të Tij dhe vdekjes së Apostujve të Tij, njerëzit e ndryshuan Kishën dhe doktrinën e saj. Atëherë, pas brezash errësire shpirtërore dhe sikurse u parashikua nga profetë të mëparshëm, Ati Qiellor dhe Jezu Krishti rivendosën Kishën, doktrinën e saj dhe autoritetin e priftërisë së saj. Në saje të asaj Rivendosjeje, njohuria dhe ordinancat thelbësore për shpëtimin dhe ekzaltimin janë përsëri të disponueshme për të gjithë njerëzit. Në fund, ai ekzaltim e lejon secilin prej nesh të jetojë me familjet tona në praninë e Perëndisë dhe të Jezu Krishtit përgjithmonë!”
Rasëll M. Nelson, “Kapeni Valën”, Ensign ose Liahona, maj 2013, f. 46
Çfarë mësove rreth Braktisjes së Madhe?
Çfarë mësove rreth Atit Qiellor dhe Jezu Krishtit nëpërmjet këtyre mësimeve?
Bazuar tek ajo që mësove, përse ishte e nevojshme Rivendosja?
Burime të tjera që nxënësit mund t’i studiojnë, përfshijnë pjesën “Braktisja e Madhe” nga “Mësimi 1: Mesazhi i Rivendosjes së Ungjillit të Jezu Krishtit” te Predikoni Ungjillin Tim: Një Udhëzues për Shërbimin Misionar (2005) ose “Kisha e Jezu Krishtit” (01:27), që mund të gjenden në ChurchofJesusChrist.org. Këto mund të përdoren për të ndihmuar në thellimin e kuptueshmërisë së nxënësve nëse dëshirojnë.
Pasi t’u jepni nxënësve kohë të mjaftueshme për të studiuar, ftojini ata t’i shkruajnë në fletushkë përgjigjet e tyre për pyetjet. Kërkojuni atyre të tregojnë se cilat prej pyetjeve të tyre morën përgjigjet dhe cilat mbeten ende. Ftojini nxënësit e tjerë të japin ide që mund të ndihmojnë për t’iu përgjigjur atyre pyetjeve.
Përfundojeni orën mësimore me veprimtarinë dhe pyetjet vijuese.
Plaku Xhefri R. Holland, i Kuorumit të Dymbëdhjetë Apostujve, tregoi pyetje që ai dhe gruaja e tij mund t’i kishin pasur po të kishin jetuar gjatë Braktisjes së Madhe: “Çfarë mungon këtu? Çfarë do të donim të kishim? Çfarë shpresojmë njëmend se Perëndia do të na japë në përgjigje të dëshirimit tonë shpirtëror?” (“Një Ndriçim i Përkryer i Shpresës”, Ensign ose Liahona, maj 2020, f. 81.) Përsiat për mendime dhe ndjenja të ngjashme që mund të kishe pasur po të kishe jetuar në atë kohë.
Si do të ishte jeta jote po të mos kishe plotësinë e ungjillit të Jezu Krishtit?
Për çfarë je më shumë mirënjohës në lidhje me Kishën e rivendosur të Shpëtimtarit? Pse?
Çfarë mendon se Ati Qiellor dëshiron që të dish, ndiesh ose bësh për shkak të këtij mësimi?
Komente dhe Informacion për Rrethanat
A e vunë re Braktisjen të krishterët që jetuan përpara Rivendosjes?
Reformisti Martin Luter (1483–1546) dha mësim:
“Nuk kam kërkuar asgjë tjetër veç reformimit të Kishës në përputhje me Shkrimet e Shenjta. … Thjesht them se krishterimi ka pushuar së ekzistuari mes atyre që duhej ta kishin ruajtur atë.”
(Në E. G. Schwiebert, Luther and His Times: The Reformation from a New Perspective [1950], f. 509)
Roxher Uilliamsi, udhëheqësi i hershëm amerikan i krishterë (1603–1683), shpjegoi:
“Braktisja … deri më tani ka korruptuar gjithçka sa nuk mund të ketë shërim nga ajo braktisje derisa Krishti të dërgojë apostuj të rinj për t’i vendosur kishat sërish”.
(Në Philip Schaff, The Creeds of Christendom, 3 vëll. [1877], 1:851)
Filozofi holandez Erasmus (1466–1536) dha mësim:
“Gjithçka tani është kaq e ngatërruar me këto pyetje [të doktrinës] dhe dekrete sa ne nuk guxojmë as të shpresojmë për ta kthyer botën drejt krishterimit të vërtetë”.
(The Praise of Folly, përkth. Clarence H. Miller, bot. i 2-të [2003], f. 155–156)
A ka pasur vetëm një braktisje?
Gjatë gjithë kohës ka pasur disa periudha ungjillore që kanë përfunduar në braktisje. Atëherë Zoti në mëshirën e Tij e rivendosi ungjillin e Tij në tokë duke thirrur profetë. Për të mësuar më tepër rreth këtij modeli, shikoni “Dispensations: The Pattern of Apostasy and Restoration” [“Periudhat Ungjillore: Modeli i Braktisjes dhe i Rivendosjes”] (06:52), në dispozicion në ChurchofJesusChrist.org.
Si duhet t’i shohim njerëzit e mirë të besimeve të tjera?
Presidenti Dallin H. Ouks, i Presidencës së Parë, shpjegoi:
Pamja
Official Portrait of President Dallin H. Oaks taken March 2018.
“Ne besojmë se pjesa më e madhe e udhëheqësve fetarë dhe e ndjekësve janë besimtarë të sinqertë që e duan Perëndinë dhe e kuptojnë e i shërbejnë Atij aq sa munden. Ne u jemi borxhli burrave dhe grave që e mbajtën gjallë dritën e besimit dhe të të mësuarit ndër shekuj deri në ditën e sotme. Ne vetëm duhet ta vëmë në kontrast dritën më të pakët që ekziston mes njerëzve që nuk i dinë emrat e Perëndisë dhe Jezu Krishtit, për të kuptuar kontributin e madh të dhënë nga mësuesit e krishterë përgjatë epokave. Ne i nderojmë ata si shërbëtorë të Perëndisë.”
(Dallin H. Oaks, “Apostasy and Restoration”, Ensign, maj 1995, f. 85)
Veprimtari Plotësuese të të Mësuarit
Fillim i ndryshëm i mësimit
Paraqitni një bimë të gjallë dhe një të tharë ose duke u tharë (ose një degë të tharë me pak dhe). Ftojini nxënësit të përsiatin dhe të përgjigjen për pyetjet në vijim:
Si mendoni, përse këto bimë duken të ndryshme nga njëra‑tjetra?
Si mund të përfaqësojnë këto bimë gjendje të ndryshme shpirtërore?
Më pas ftojini nxënësit të marrin parasysh se si kjo analogji lidhet me Braktisjen e Madhe. Nëse nevojitet, ftojini ata të studiojnë vargjet tek Amos 8:11–12 për të bërë lidhjet përpara se të studiojnë vargjet te 2Thesalonikasve 2:1–4 .
