Seminari
1–2 Thesalonikasve

1–2 Thesalonikasve

Vështrim i Përgjithshëm

Në letrat e tij drejtuar thesalonikasve, Pali i lavdëroi shenjtorët për besnikërinë dhe suksesin e tyre për t’i ndihmuar të tjerët të vijnë te Jezu Krishti nëpërmjet shembujve të tyre të mirë. Ai trajtoi shumë nga pyetjet e tyre rreth Ardhjes së Dytë të Jezu Krishtit dhe sqaroi disa nga keqkuptimet e tyre. Ai profetizoi se Ardhja e Dytë e Jezu Krishtit nuk do të ndodhte derisa të ndodhte së pari rënia apo braktisja.

Përgatituni të Jepni Mësim

Informacioni vijues u ofron ide mësuesve mbi ato që nevojitet të përgatitin paraprakisht për çdo mësim:

1 Thesalonikasve 1–3

Qëllimi i mësimit: Ky mësim ka për qëllim t’i ndihmojë nxënësit t’i bekojnë dhe të ndikojnë tek të tjerët ndërsa përpiqen të japin shërbesë ashtu siç dha Shpëtimtari ynë Jezu Krisht.

  • Përgatitja e nxënësve: Ftojini nxënësit të mendojnë për një kohë kur e ndien dashurinë e Shpëtimtarit për shkak se dikush u dha shërbesë atyre. Nxitini ata të jenë të përgatitur për të treguar se si shërbimi i këtij personi i ndihmoi ata të donin ta ndiqnin Jezu Krishtin.

1 Thesalonikasve 4–5

Qëllimi i mësimit: Ky mësim ka për qëllim t’i ndihmojë nxënësit të kuptojnë se si mund të jetojnë në ato mënyra që do t’i ndihmojnë të jenë të përgatitur për kohën kur Jezu Krishti të kthehet në tokë.

  • Përgatitja e nxënësve: Kërkojuni nxënësve të përfytyrojnë se si do të jetë kur Shpëtimtari të vijë sërish. Ftojini ata t’u përgjigjen pyetjeve vijuese në ditarin e tyre të studimit ose në një copë letër: Çfarë ju emocionon rreth Ardhjes së Dytë? Çfarë ju bën nervozë?

  • Figura: Paraqitni një figurë që përshkruan Ardhjen e Dytë të Jezu Krishtit.

  • Fletushkat: Përgatitni kopje të fletushkave të mësimit në mënyrë që të ketë mjaftueshëm që çdo nxënës të ketë të paktën një nga tri fletushkat.

  • Sugjerim për mësimdhënien me videokonferencë: Një mënyrë si t’u qaseni tri veprimtarive të studimit të nxënësve është të përdorni veçorinë e bashkëbisedimit me video për t’i ndarë nxënësit në tri dhoma virtuale të veçanta. Caktoni një drejtues grupi për çdo klasë dhe dërgojuni udhëheqësve të grupeve përmbajtjet e fletushkave. Kërkojini çdo grupi të ndjekë udhëzimet në fletushkë. Kur të mbarojnë, kërkojini udhëheqësit të grupit të caktojë një zëdhënës për t’i treguar klasës atë që diskutoi grupi.

2 Thesalonikasve 2

Qëllimi i mësimit: Ky mësim mund t’i ndihmojë nxënësit të kuptojnë realitetin e Braktisjes së Kishës të Dhiatës së Re dhe domosdoshmërinë e rivendosjes së Kishës së Shpëtimtarit në ditët e mëvonshme.

  • Kërkojuni atyre të vijnë të përgatitur për të treguar atë që mësuan ose për të bërë ndonjë pyetje që kanë.

  • Fletushka: Përgatitni një kopje të materialit “Të kuptuarit e Braktisjes dhe Domosdoshmërisë për Rivendosje” për çdo nxënës ose përgatitni një mënyrë për të paraqitur përmbajtjet e fletushkës.

  • Material filmik: “Kisha e Jezu Krishtit” (01:27)

  • Sugjerim për mësimdhënien me videokonferencë: Merreni parasysh të ftoni dikë që nuk është pjesëtar i klasës, që të vijë dhe të luajë rolin e kërkuesit në fillim të mësimit. Lejojini nxënësit t’i japin mësim këtij personi rreth Braktisjes së Madhe dhe Rivendosjes.

Zotërimi Doktrinor: 2 Thesalonikasve 2:1–3

Qëllimi i mësimit: Ky mësim mund t’i ndihmojë nxënësit të mësojnë përmendsh referencën e zotërimit doktrinor dhe frazën kyç të shkrimit të shenjtë për vargjet te 2 Thesalonikasve 2:1–3 , të shpjegojnë doktrinën dhe t’i zbatojnë parimet e marrjes së njohurisë shpirtërore në një situatë nga jeta reale.

  • Përgatitja e nxënësve: Ftojini nxënësit ta përsiatin pyetjen vijuese dhe të vijnë të përgatitur për të shpjeguar se si do të përgjigjeshin për të: “Përse Perëndisë iu desh t’i shfaqej Jozef Smithit për ta rivendosur Kishën e Tij nëse krishtërimi ishte vendosur tashmë dhe shumë njerëz e besonin tashmë Biblën?”

  • Sugjerim për mësimdhënien me videokonferencë: Për veprimtarinë e ushtrimit të vënies në zbatim, merreni parasysh t’i ndani nxënësit në tri grupe dhe ta vendosni secilin grup në dhoma virtuale të veçanta. Secili grup mund të përgatitë një përgjigje për një nga parimet e marrjes së njohurisë shpirtërore dhe më pas tri grupet mund të kthehen sërish së bashku dhe të flasin.

Vlerësoni të Mësuarit Tuaj 10

Qëllimi i mësimit: Ky mësim ka për qëllim t’ju ndihmojë t’i vlerësoni synimet që keni vendosur dhe rritjen vetjake që keni përjetuar gjatë studimit tuaj të Dhiatës së Re.

  • Përgatitja e nxënësve: Ftojini nxënësit të mendojnë për synimet që vendosën teksa studiuan librin e Galatasve deri te 2 Thesalonikasve. Kërkojuni atyre të vijnë të përgatitur për të treguar përparimin që bënë dhe pengesat që hasën teksa punuan për t’i arritur ato synime.

  • Përmbajtja për t’u paraqitur: Një fotografi përpara dhe pas e diçkaje që kishte nevojë për restaurim, për shembull një makinë. Një figurë e dikujt i veshur me armatim. Kjo edhe mund të vizatohet në tabelë.

Shtyp në Letër