Vlerësoni të Mësuarit Tuaj 10

Galatasve – 2 Thesalonikasve

A young man dressed in New Testament era armor with a sword and shield.

Ky mësim ka për qëllim të të ndihmojë t’i vlerësosh synimet që ke vendosur dhe rritjen vetjake që ke përjetuar gjatë studimit tënd të Dhiatës së Re. 

Vlerësimi i kontributeve të nxënësve. Çdo nxënës ka kapacitetin të kontribuojë në të mësuarit e të tjerëve. Ndihmojini nxënësit të kuptojnë se, ndërsa marrin pjesë në klasë, ata mund të kenë një ndikim pozitiv te nxënësit e tjerë. Nxitini nxënësit të dëgjojnë me sinqeritet kur bashkëmoshatarët e tyre po flasin dhe t’u përgjigjen komenteve të njëri-tjetrit. Çdo nxënës sjell një këndvështrim unik në klasë që mund t’i bekojë nxënësit e tjerë.

Përgatitja e nxënësve: Ftojini nxënësit të mendojnë për synimet që vendosën teksa studiuan librin e Galatasve deri te 2 Thesalonikasve. Kërkojuni atyre të vijnë të përgatitur për të treguar përparimin që bënë dhe pengesat që hasën teksa punuan për t’i arritur ato synime.

Veprimtari të Mundshme të të Mësuarit

Përparimi yt shpirtëror

Ky mësim ka për qëllim t’i lejojë nxënësit të vlerësojnë synimet që kanë vendosur, aftësinë e tyre për të shpjeguar mësimet te Dhiata e Re dhe mënyrën se si po ndryshojnë qëndrimet, dëshirat dhe aftësia e tyre për të jetuar sipas ungjillit. Studimi në klasë i kapitujve te Galatasve–2 Thesalonikasve mund të ketë theksuar të vërteta të ndryshme nga ato në veprimtaritë vijuese. Nëse po, veprimtaritë mund të përshtaten për t’i përfshirë ato të vërteta.

Mendo për një aftësi, talent apo karakteristikë që ti po zhvillon, që kërkon përpjekje të rregullta dhe të qëndrueshme.

Çfarë të motivon të shpenzosh kohën dhe përpjekjet e nevojshme për t’u përmirësuar?
Ndërsa punon fort për të përparuar, çfarë pret të ndodhë që të ndihmon ty të dish se përpjekjet e tua janë me vlerë?

Ne kemi shumë mundësi gjatë kohës sonë në tokë që të punojmë për t’u bërë më të ngjashëm me Shpëtimtarin, i cili na përgatit që të kthehemi për të jetuar me Të dhe Atin tonë Qiellor. Mund të jetë e dobishme ta vlerësojmë në mënyrë periodike përparimin tonë dhe të bëjmë të gjitha përshtatjet e nevojshme.

Qëllimi i këtij mësimi është të të japë mundësi ta vlerësosh përparimin tënd shpirtëror. Ti do të kesh mundësinë ta vlerësosh atë që ke mësuar deri më tani nga Dhiata e Re dhe të vlerësosh përparimin tënd në lidhje me synimet që mund të kesh vendosur për shkak të asaj që ke mësuar.

Gjej një çast për të menduar për studimin tënd më të fundit të Dhiatës së Re dhe veprimet që ke ndërmarrë për shkak të asaj që ke mësuar. Nëse dëshiron, mund ta shqyrtosh atë që ke shkruar në ditarin tënd ose atë që ke shenjuar në shkrimet e tua të shenjta kohët e fundit, për t’i përcaktuar synimet që ke vendosur dhe përshtypjet që ke marrë.

Nxënësit mund t’i mbajnë shënim mendimet e tyre në ditarët e tyre. Pasi nxënësit të kenë pasur kohë të mjaftueshme, ftojini ata ta tregojnë atë që shkruan. Pyetjet vijuese mund t’i ndihmojnë nxënësit të dinë se çfarë të tregojnë.

Çfarë ke mësuar nga Dhiata e Re që të ka ndihmuar të vish më pranë Jezu Krishtit?
Çfarë ke mësuar rreth Tij nga Dhiata e Re që të ka bërë më shumë përshtypje?

Nëse nxënësit tregojnë përvoja domethënëse të të mësuarit që janë të ndryshme nga ato të renditura më poshtë, gjeni kohë për t’i ndihmuar ata ta vlerësojnë atë që kanë mësuar dhe se si ata janë rritur për shkak të përvojave të tyre. Përndryshe, përdorni një ose të gjitha veprimtaritë vijuese.

Veprimtaria A: Shpjegimi i Braktisjes së Madhe dhe Rivendosjes

Shikoji këto dy fotografi dhe mendo se çfarë do të thotë të rivendosësh [riparosh] diçka.

Përse diçka ka nevojë për t’u rivendosur?
Si mund të krahasohen këto figura me Braktisjen dhe Rivendosjen?

Për të shqyrtuar lidhjen ndërmjet Braktisjes dhe Rivendosjes, plotëso veprimtarinë vijuese:

Përfytyro sikur misionarët po e mësojnë një nga shokët e tu në shtëpinë tënde. Ata të kërkojnë ty që të japësh mësim një pjesë të mësimit të ardhshëm mbi Braktisjen dhe Rivendosjen. Ti e di se shoku yt ka njohuri rreth Biblës, prandaj duket ide e mirë që të përdorësh disa vargje nga Dhiata e Re gjatë mësimit.

Duke përdorur vargjet te Veprat e Apostujve 3:21 ; Efesianëve 1:10 ; Efesianëve 2:19–22 dhe 2 Thesalonikasve 2:1–3 (ose vargje të tjera të zgjedhura prej teje), shkruaj atë që mund të thuash gjatë mësimit për ta ndihmuar shokun tënd të kuptojë se përse Shpëtimtari do të duhej ta rivendoste ungjillin e Tij në tokë.

Mund t’i ftoni nxënësit t’i tregojnë përgjigjet e tyre në dyshe, në grupe të vogla ose si klasë.

Veprimtaria B: Rritja e dashurisë tënde për Jezu Krishtin dhe e dëshirës tënde për t’i shërbyer Atij

Nëse nxënësit i shkruan një letër vetes së tyre në të ardhmen te mësimi “Filipianëve 3”, merreni parasysh të përdorni veprimtarinë vijuese për t’i ndihmuar ata ta vlerësojnë dashurinë e tyre për Perëndinë.

Te mësimi “Filipianëve 3”, ty t’u dha mundësia që të shkruash një letër për veten tënde në të ardhmen, në të cilën përcaktove sakrificat që mund të bësh, që do të të ndihmojnë ta njohësh Jezu Krishtin më mirë dhe të përgatitesh për jetën e përjetshme.

Nëse e shfrytëzove këtë mundësi, referoju letrës që shkrove. Krahasoji ndjenjat e tua të tanishme për Jezu Krishtin ose dëshirat e tua për t’i shërbyer Atij me ndjenjat dhe dëshirat që pate kur e shkrove atë letër. Nëse dëshiron t’i shtosh diçka letrës në bazë të përvojave të tua të fundit, bëje lirisht këtë tani.

Merreni parasysh të ftoni vullnetarë që të tregojnë çdo pikëpamje apo mendim që patën teksa i shqyrtuan letrat e tyre. Pyetjet vijuese mund t’i ndihmojnë nxënësit të reflektojnë dhe t’i tregojnë mendimet e tyre.

Ndërsa e shqyrtove letrën tënde, a vure re ndonjë ndryshim lidhur me dashurinë tënde për Jezu Krishtin? Nëse po, përse mendon se ndryshoi?
Cilat përvoja të fundit e kanë rritur dashurinë tënde për Perëndinë dhe gatishmërinë tënde për t’i shërbyer Atij?
Cilët ndien se janë disa nga hapat e radhës që mund t’i ndërmarrësh, që të ndihmojnë ta rrisësh dashurinë tënde për Perëndinë?

Veprimtaria C: Veshja e gjithë armatimit të Perëndisë

Page from the New Testament Seminary Teacher Manual. Put on the Whole Armor of God.

Çfarë mban mend rreth armatimit të Perëndisë? Çfarë mban mend rreth kuptimit të çdo pjese? Nëse të duhet ndihmë, referoju vargjeve tek Efesianëve 6:14–18 për përgjigjet.

Merreni parasysh ta vizatoni këtë figurë në tabelë dhe t’i ftoni nxënësit të ngrihen në tabelë dhe të shtojnë kuptimin shpirtëror për çdo pjesë të armatimit.

Si do ta përmblidhje kuptimin e frazës “vishni të gjithë armatimin e Perëndisë”? ( Efesianëve 6:11 .)

Vizato një figurë njeriu në ditarin tënd.

Çfarë përpjekjesh po bën për ta veshur armatimin e Perëndisë?

Vizato një ose disa pjesë të armatimit që i përfaqësojnë ato përpjekje.

A ke përjetuar ndonjë rezultat nga përpjekjet e tua? Nëse po, çfarë ke përjetuar? Nëse jo, çfarë rezultatesh mendon se mund të vijnë nga vazhdimi i përpjekjeve të tua?