Seminelí
Ngāue 10–15

Ngāue 10–15

Vakai Fakalūkufuá

Hili e Toetuʻu ʻa Sīsū Kalaisí, naʻá Ne fekau ʻEne kau ʻAposetoló ke nau akoʻi mo papitaiso e kakai ʻi he puleʻanga kotoa pē (vakai, Mātiu 28:19). Naʻe kamata ke fakahoko ʻa e fekau ko ʻení ʻi he taimi naʻe maʻu ai ʻe ha Senitaile angatonu ko Koniliusi mo e ʻAposetolo ko Pitá ha ngaahi fakahā pea naʻe tataki fakalangi kinaua ke na fetaulaki. Naʻe papitaiso ʻe Pita ʻa Koniliusi, pea naʻe mafola mei ai ʻa e ongoongoleleí ki he kau Senitailé. Ka naʻe kei fakafepakiʻi pē ʻe ha niʻihi e ngāue ʻa e kau ʻAposetoló, ʻa ia ko e meʻa ia naʻe hoko ʻi he taimi naʻe fakapoongi ai ʻa e ʻAposetolo ko Sēmisí pea tuku pōpula ʻa Pitá. Hili ha ngaahi lotu lahi ʻa e kau māʻoniʻoní, naʻe fakatauʻatāinaʻi ʻa Pita mei he fale fakapōpulá ʻe ha ʻāngelo. ʻI he fakaʻamu ʻa e ongo ʻAposetolo ko Paula mo Pānepasá ke tokoni ki hono fakahoko e fekau ke akoʻi e ngaahi puleʻanga kotoa peé, naʻá na mavahe ai ʻo ngāue fakafaifekau. Ne na fehangahangai foki mo ha fakafepaki lahi ka naʻe tāpuekina kinaua ʻaki ha lavameʻa lahi; naʻe tali ʻe he tokolahi ʻo e kau Senitaile ne na akoʻí ʻa e ongoongolelei ʻo Kalaisí. Naʻe tupu ha ngaahi fehuʻi fekauʻaki mo e fiemaʻu ke kamu e kau papi ului Senitailé pea tauhi ki he fono ʻa Mōsesé. Naʻe ʻave ʻa e fehuʻí kia Pita mo e kau taki kehe ʻo e Siasí, ʻa ia naʻa nau fealēleaʻaki fakataha mo maʻu ha fakahā fekauʻaki mo e meʻa ko iá.  

Teuteu ke Akoʻi

ʻOku ʻoatu ʻe he fakamatala ko ʻení ki he kau faiakó ha ngaahi fakakaukau ki he meʻa ʻe ala fiemaʻu ke teuteuʻi kimuʻa ʻi he lēsoni takitaha.

Ngāue 10, Konga 1

Taumuʻa ʻo e Lēsoní:

  • Teuteu ʻa e tokotaha akó: Fakaafeʻi e kau akó ke nau tokanga ki he anga ʻo ʻenau vakai mo fakafōtunga ki he kakai ʻoku nau feohí pea mo e ʻuhinga ʻoku nau fai ai ʻení. Kole ange ke nau mateuteu ke vahevahe ha ngaahi fakakaukau ʻe niʻihi mei he meʻa ne nau fakatokangaʻí.

ʻE lava ke tokoniʻi koe ʻe he lēsoni ko ʻení ke ke vakai lahi ange ki he kakai kehé ʻo hangē ko e vakai ʻa e Tamai Hēvaní mo Sīsū kiate kinautolú.

  • Ngaahi ʻAtá: ʻĪmisi ʻo e ngaahi ʻaó

  • Naunau maʻá e kau akó: ʻŪ naunau hangē ko ha pepa mo ha penivahevahe lanu kehekehe maʻá e kau akó ke nau tā ha ʻū fakatātā

  • Fokotuʻu ki hono akoʻi ʻo e konifelenisi vitioó: Kapau ʻoku fakaafeʻi e kau akó ke nau tā e mata meʻa-hā-mai ʻa Pitá, fakaafeʻi kinautolu ke liliu ʻenau vakai ki he niʻihi ʻoku kau maí koeʻuhí ʻi he taimi ʻoku vahevahe mo fakamatalaʻi ai ia ʻe he tokotaha takitaha, ʻoku ʻasi e ʻata ʻo e tokotaha ko iá ʻi he monitoá. ʻE faingofua ange heni ki he kau akó kotoa ke nau sio ki heʻenau ʻū tā-fakatātaá.

Acts 10, Part 2

”

Ngāue 10, Konga 2

Taumuʻa ‘o e lēsoní:

  • Teuteu ʻa e tokotaha akó: Fakaafeʻi e kau akó ke nau feinga ke ʻiloʻi e ngaahi fiemaʻu pe hohaʻa ʻi heʻenau moʻuí te nau fiemaʻu ha fakahā fekauʻaki mo ia.

ʻE lava ke tokoni atu e lēsoni ko ʻení ke fakatupulaki hoʻo mahino ki he founga ʻe lava ke fakahā atu ai ʻe he Tamai Hēvaní Hono finangaló kiate koé.

  • Fokotuʻu ki hono akoʻi ʻi he konifelenisi vitioó: ʻI hono toe vakaiʻi ʻe he kau akó e ngaahi meʻa naʻe hoko ʻi he Ngāue 10:1–28, 44–48 , fakakaukau ke fakaʻaliʻali e fakamatala ʻo e ngaahi veesi ko ʻení pea fakaʻatā e kau akó ke fakaʻilongaʻi e ngaahi veesi ʻoku nau saiʻia ai ʻi he kalasí ʻo fakaʻaongaʻi ʻa e “Annotate”.

Ngāue 11, 15

Taumuʻa ʻo e lēsoni:

  • Teuteu ʻa e tokotaha akó: Fakaafeʻi e kau akó ke nau lau e Fakahinohino ki he Folofolá, “Fakahā,” scriptures.ChurchofJesusChrist.org, pea haʻu mateuteu ke vahevahe e meʻa ʻoku mahino kiate kinautolu fekauʻaki mo e founga ʻoku fakahā ai ʻe he ʻEikí Hono finangaló ki Heʻene kau palōfitá.

Ko e lesoni ko ʻení ke fakaloloto ‘enau mahino ki he founga ʻoku tataki ai ʻe he Fakamoʻuí Hono Siasí ʻo fakafou ʻi he fakahā ki Heʻene palōfitá mo e kau ʻaposetoló.

Acts 12:1–19

Ngāue 12:1–19

Taumuʻa ʻo e lēsoní:

  • Teuteu ʻa e tokotaha akó: Fakaafeʻi e kau akó ke nau haʻu mateuteu ke vahevahe ha aʻusia naʻe tali ai ʻa e ngaahi lotú ʻi he founga naʻa nau ʻamanaki ki aí pe ko ha aʻusia naʻe ʻikai tali pe tali ai ʻa e ngaahi lotú ʻi ha founga kehe mei he meʻa ne nau ʻamanaki ki aí.

ʻOku fakataumuʻa ʻa e lēsoni ko ʻení ke tokoniʻi koe ke ke fakatupulaki ha falala lahi ange ki he Tamai Hēvaní mo ʻEne ngaahi tali ki he lotú.

  • Fokotuʻu ki hono akoʻi ʻi he konifelenisi vitioó: Fakakaukau ke fakaafeʻi ha taki fakalotofonua ʻo e Siasí ʻa ia ʻoku ʻiloʻi ʻe he kau akó ke ne kau mo vahevahe ha ngaahi aʻusia ʻo hono tali ʻo e ngaahi lotú ʻi ha ngaahi founga naʻá ne ʻamanaki ki ai pea ʻi ha ngaahi founga naʻe ʻikai ke ne ʻamanaki ki ai. Ko ha founga ʻe taha, fakaafeʻi ha tokotaha ako ke kole ki ha mēmipa ʻo e fāmilí ke ne vahevahe mo e kalasí ʻa e ngaahi meʻa kuó ne aʻusia fekauʻaki mo e lotú. Fakapapauʻi ke maʻu ha ngaahi fakangofua totonu mei he kau taki fakalotofonua ʻo e Siasí mo e kouʻotineita fakalotofonua ʻo e Seminelí mo e ʻInisititiutí kimuʻa pea toki fakaafeʻi e kau ʻaʻahí ke lea ki hoʻo kalasí.

Fakamanatu ʻo e Fakataukei Fakatokāteliné 14

Taumuʻa ‘o e lēsoní: ʻE ʻoatu ʻe he lēsoni ko ʻení ha faingamālie ke fakaloloto ai e mahino ʻa e kau akó mo fakamatalaʻi e ngaahi moʻoni fekauʻaki mo ha potufolofola fakataukei fakatokāteline ʻe taha pe lahi ange mei he Fuakava Foʻoú.

  • Teuteu ʻa e tokotaha akó: Fakaafeʻi e kau akó ke toe vakaiʻi e ngaahi potufolofola fakataukei fakatokāteline ʻe ako ʻi he lēsoni ko ʻení pea haʻu mateuteu ke aleaʻi kinautolu. ʻE lava ke fakaʻaongaʻi ʻe he kau akó ʻa e Fakamatala ki he ʻElito ʻo e Fakataukei Fakatokāteliné (2022) pe ko e app Fakataukei Fakatokāteliné ke tokoni ki hono fakamanatú.

Fakatokangaʻi ange: Mahalo ʻe fiemaʻu ke akoʻi ha lēsoni fakataukei fakatokāteline ʻo fetongi ʻaki e lēsoni fakamanatu ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakaʻēliá pe vahefonuá pe kouʻotineitá ke fakapapauʻi ʻe akoʻi e lēsoni fakataukei fakatokāteline takitaha lolotonga e fakataha ʻa e seminelí.

  • Meʻa ke fakaʻaliʻali atú: ʻEkitivitī fakatauhoa

  • Fokotuʻu ki hono akoʻi ʻi he konifelenisi vitioó: ʻE lava ke vahevahe e kau akó ki ha ngaahi loki fakavitiō kehekehe ke aleaʻi ʻa e ngaahi fehuʻi ʻi he fakaʻosinga ʻo e lēsoní.

Paaki