Galuega 1

O Le Faatomuaga i le Tusi o Galuega

The eleven apostles of Jesus Christ (all except Judas Iscariot) gathered together in Galilee. Two angels (dressed in white) are standing with the apostles and pointing to the heavens. The apostles are looking upward. The painting depicts the ascension of the resurrected Jesus Christ into the heavens. Christ is not depicted in the picture. (Mark 16:19-20) (Luke 24:50-53) (Acts 1:9-11)

I le 40 aso na sosoo ma Lona Toetu, sa auauna atu ai Iesu Keriso i Ona soo. I le taimi lea, sa Ia saunia ai Ana Aposetolo e taitaia Lana Ekalesia pe a mavae Lona Afio A’e i le lagi. E pei lava ona sa Ia faia anamua, o loo faaauau pea ona taitai e Iesu Keriso Lana Ekalesia e ala i Ana Aposetolo filifilia i aso nei. O lenei lesona e mafai ona fesoasoani ia te oe e lagona ai le taua o le taitaiina e Iesu Keriso o Lana Ekalesia e ala i aposetolo ma perofeta.

Iloaina o saofaga a tagata aoga. E tofu le tagata aoga ma talaaga tulaga ese, mea e fiafia i ai, faamoemoega, ma luitau. A faasoa mai e tagata aoga ni aafiaga ma ni malamalamaga i le vasega, o le a tele ina faatosinaina i latou e o latou tulaga uiga ese o le olaga. O nei aafiaga ma malamalamaga e mafai ona faamanuiaina ai isi tagata aoga ma e mafai ona fesoasoani i le faiaoga e iloilo ai manaoga o tagata aoga ma aoao atu e tusa ai.

Sauniuniga a le tagata aoga: Valaaulia tagata aoga e o mai saunia e faasoa mai ni faataitaiga o loo faaalia ai Iesu Keriso o loo taitaia Lana Ekalesia i aso e gata ai.

Gaoioiga E Mafai Ona Aoao Mai Ai

O Le Afio A’e o Keriso i le lagi

Mafaufau e fetuunai le vaaiga faataitai lenei e faavae i manaoga o tagata aoga. E mafai e tagata aoga ona faatino ma feauaua’i e tali atu i le uo i le vaaiga faataitai lea.

Vaai faalemafaufau e faapea, o lau uo, e le o se tagata o Le Ekalesia a Iesu Keriso o le Au Paia o Aso e Gata Ai, na fesili atu ia te oe, “O ai na amataina le lotu ua e auai ai, ma o ai o loo taitaia i le asō?”

E faapefea ona e tali atu i ai? Aisea?

O le tusi o Galuega o loo faamatala mai ai aafiaga o Aposetolo ina ua Afio Ae Iesu Keriso i le lagi. Atonu o se galuega taufaafefe mo taitai o le Ekalesia le faaaga’i i luma o le Ekalesia a le Faaola ina ua le toe i ai pea o Ia i le tino faatasi ma i latou. Ae sa lei tuua na o Aposetolo i a latou taumafaiga. O aafiaga o Aposetolo o loo tusia i le tusi o Galuega ua faapupula mai ai le upumoni faapea o Iesu Keriso o loo taitaia Lana Ekalesia e ala i Ana aposetolo ma perofeta.

Mafaufau i ou lava lagona e uiga i le taitaia e Iesu Keriso o Lana Ekalesia. I lau api faamaumau suesuega, tali i fesili nei:

Aisea o le a taua ai le iloa o Iesu Keriso e taitaia Lana Ekalesia?
O le a se mea o le a e faamoemoe e vaai i ai i se ekalesia e taitaia e Iesu Keriso?
I le faaaogaina o le fuafaatatau lenei, fuafua po o le a le tele o lou ioeina o lenei faamatalaga: “O Iesu Keriso o loo taitaia Lana Ekalesia i aso nei e ala i aposetolo ma perofeta.” Faamatala lau tali.

New Testament Seminary Teacher Manual- 2023

A o e suesueina lenei lesona, ia gaua’i atu i uunaiga a le Agaga lea e mafai ona fesoasoani ia te oe e lagona ai na taitaia e Iesu Keriso Lana Ekalesia ina ua afio a’e o Ia i le lagi ma o loo faaauau pea ona Ia taitaia Lana Ekalesia i aso nei.

O loo faaauau pea ona taitai e Iesu Keriso Lana Ekalesia ina ua mavae Lona Afio A’e i le lagi

Fatu se tusiga i le api talaaga e faaulutalaina “Faataitaiga o le taitaia e Iesu Keriso o Lana Ekalesia.” I le gasologa o lenei lesona, faaopoopo ni faataitaiga i lau tusiga i lau api talaaga ma mafaufau loloto pe faapefea ona latou faamalosia lau molimau ia Iesu Keriso ma Lana Ekalesia.

Faitau ia fuaitau nei mai le Galuega 1–5, ma vaavaai pe na faapefea ona faaauau e Iesu Keriso ona fesoasoani i Ana Aposetolo ina ua mavae Lona Afio A’e. Mafaufau pe na faapefea e nei mea na tutupu ona faaalia ai sa taitaia e Iesu Keriso Lana Ekalesia. Faaopoopo ou manatu i le tusiga i lau api talaaga.

Fuaiupu e suesue ai	Faamatalaga auiliili e tatau ona e iloa a o lei suesueina nei fuaiupu
Galuega 1:23–26	Sa faapotopoto Aposetolo ma isi soo o Keriso e talanoaina po o ai o le a suitulaga ia Iuta le Sekara o se tasi o Aposetolo e Toasefululua.
Galuega 2:37–43	A o faapotopoto ia Aposetolo i Ierusalema ae lei leva ona mavae le Afio Ae o Keriso i le lagi, sa oo ifo le Agaga Paia i luga o i latou taitoatasi i se ala mamana (tagai i le Galuega 2:1–8). Ina ua faatumulia i le Agaga, sa molimau atu Peteru ia Iesu Keriso (tagai i le Galuega 2:14–36). O lenei fuaitau ua faamatalaina ai le aafiaga o lenei sasaa mai faaleagaga i le toatele o e na molimauina.
Galuega 3:1–8 ; 4:8–10	Sa fetaiai Peteru ma Ioane ma se tagata pipili i le malumalu i Ierusalema.
Galuega 5:12–16	Sa lapataia muamua Aposetolo e taitai Iutaia ina ia aua le toe tautatala e uiga ia Iesu Keriso (tagai i le Galuega 4:13–18).
Galuega 5:17–25	Sa faafalepuipuiina Peteru ma Ioane ina ua faaauau pea ona molimau atu ia Iesu Keriso ma faia vavega i Lona suafa.

O le a se mea na e aoaoina e uiga ia Iesu Keriso mai nei fuaiupu ua aafia ai lou faatuatua ma le faalagolago ia te Ia?
E faapefea e nei mea na tutupu ona faaalia ai sa taitai e le Faaola Lana Ekalesia e ala mai i Ana Aposetolo?

O loo faaauau pea ona taitai e Iesu Keriso Lana Ekalesia i aso nei

All the members of the First Presidency and the Quorum of the Twelve Apostles are seated or standing with the Christus Statue and statues of the Original Twelve at the Visitors’ Center in Rome, Italy. Front Left to Right: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares

Na aoao mai Peresitene Russell M. Nelson e uiga i le auala o loo faaauau ai pea ona taitai e le Faaola Lana Ekalesia i aso nei.

O i tatou i le avea ai ma tagata o le Ekalesia a le Alii, ua iloaina le o loo tu i le ulu: O Iesu Keriso lava Ia. …

O lea la, o le a le taua o se igoa? A oo mai i le igoa o le Ekalesia a le Alii, o le tali o “Mea Uma!” Sa faatonuina i tatou e Iesu Keriso e faaigoa le Ekalesia i Lona suafa ona o Lana Ekalesia, ua faatumulia i Lona mana.

Ou te iloa o loo soifua le Atua. O Iesu o le Keriso. O loo Ia taitaia Lana Ekalesia i aso nei.

(Russell M. Nelson, “O Le Igoa Sa’o o le Ekalesia,” Ensign po o le Liahona, Nov. 2018, 88–89)

E mafai faapefea e le iloaina o Iesu Keriso o loo taitaia Lana Ekalesia i aso nei ona aafia ai lou olaga?

Faamanatu i tagata aoga e faaaoga a latou sauniuniga mo le vasega a o latou tali atu i le fesili lenei. Afai e manaomia e tagata aoga se fesoasoani e tali atu ai, mafaufau e faasoa atu ni nai faataitaiga, e pei o le tuputupu ae o le Ekalesia, le oo mai ma le faaliliuga o le Tusi a Mamona, o le faaaliga o loo tuuina atu ai faamanuiaga perisitua i alii agavaa uma, o vavega e tutupu i olaga o tagata o le Ekalesia, po o isi faataitaiga.

O a ni faataitaiga mai lou lava olaga pe mai le talafaasolopito o le Ekalesia e fesoasoani e te iloa ai o loo faaauau pea ona taitai e Iesu Keriso Lana Ekalesia i aso nei? (Manatua e faaopoopo nei faataitaiga i lau tusiga i lau api talaaga.)

Afai e manaomia ona e vaai i ni faataitaiga e fesoasoani ia te oe e mafaufau ai i tali i lenei fesili, matamata i le “This Is Our Time!” mai le taimi 3:34 i le 5:12 po o le “Gather Together in One All Things in Christ” mai le taimi 10:09 i le 13:58, o loo maua i le ChurchofJesusChrist.org.

11:14

2:3

O a ni mea e mafai e nei faataitaiga a le Faaola o loo taitaia Lana Ekalesia ona fesoasoani e te malamalama ai e uiga i Ona lagona mo i tatou?

Mafaufau Loloto

Toe faamanatu le lisi o faataitaiga a le Faaola o loo taitaia Lana Ekalesia na e foafoaina i le aso. Mafaufau e faaopoopo atu i lenei tusiga a o faaauau ona e suesue i le Galuega ma maua ni aafiaga faaopoopo e aoao ai e uiga i le Faaola ma Lana Ekalesia. Mafaufau e faaopoopo lau molimau i lenei upumoni i lau tusiga i lau api talaaga.

Valaaulia tagata aoga e faasoa mai a latou lisi. Mafaufau e tuuina atu se molimau patino i le ala e taitai ai e le Faaola le Ekalesia i aso nei, ma valaaulia tagata aoga naunautai e tuuina atu foi molimau.

Tala ma Faamatalaga o Talaaga

O ai na tusiaina le tusi o Galuega?

O Luka na tusiaina Galuega a Aposetolo o “le lona lua o se galuega e lua vaega. … O le vaega muamua ua iloa o le Talalelei e Tusa ai ma Luka” (Taiala i Tusitusiga Paia, “ Galuega a Aposetolo,” scriptures.ChurchofJesusChrist.org; tagai foi i le Luka 1:1–4 ; Galuega 1:1).

O le a le mea o faatatau i ai lenei tusi?

O le Galuega a Aposetolo ua fauina ai se alalaupapa i le va o faamaumauga o le soifuaga o Iesu Keriso ma aoaoga i Evagelia e fa ma tusiga ma galuega a Ana Aposetolo. O le tusi o Galuega o loo faapupula mai ai le ala o loo faaauau ai pea ona taitai e le Faaola Lana Ekalesia e ala i musumusuga a le Agaga Paia ia i latou o e umia ki o le perisitua. Sa faaalia e le Agaga Paia ia upumoni i Aposetolo, o e na latou taitai ma aoao atu i le Ekalesia. Sa faia foi e Aposetolo ia vavega i le suafa o Iesu Keriso.

Sa faamalamalama mai e Elder Jeffrey R. Holland o le Korama a Aposetolo e Toasefululua:

Mai le fuaiupu muamua [o le tusi o Galuega], o le tautinoga e faapea o le a faaauau pea ona taitaia faalelagi le Ekalesia, ae le i le tino. … Ioe, o le faaulutala atoa mo le tusi o Galuega, e mafai ona faapea, “O Galuega a le Keriso Toetu e Ala Mai i le Agaga Paia i Soifuaga ma Auaunaga a Ana Aposetolo Faauuina.” …

“O le taitaiga o le Ekalesia e tutusa lava. Na suia le mea ua i ai le Faaola, ae o le taitaiga ma le au taitai o le Ekalesia e tutusa lelei lava.”

(“Ona, A Lea?” [lauga na tuuina atu i le konafesi a le Ofisa o Aoga a le Ekalesia i le Feagaiga Fou, Aok. 8, 2000], 6, si.ChurchofJesusChrist.org)

O le a le mea e ta’u o le Aposetolo?

Ina ia aoao atili e uiga i Aposetolo, matamata le vitio “What Is an Apostle?” (6:25), o loo maua i le ChurchofJesusChrist.org.

2:3

O faapefea ona taitaia e le Alii Lana Ekalesia i aso nei?

Na faamalamalama mai Elder Quentin L. Cook o le Korama a Aposetolo e Toasefululua:

Faamolemole ia mautinoa o taitai sinia o le Ekalesia o e o pulefaamalumalu i faamoemoega ua atofa mai le lagi o le Ekalesia e mauaina le fesoasoani mai le lagi. O lenei taitaiga e maua mai le Agaga ma o nisi taimi e tuusao mai le Faaola. Ua tuuina mai ia ituaiga e lua o taitaiga faaleagaga. Ou te faafetai lava i le mauaina o lea fesoasoani. Ae o le taitaiga e tuuina mai i le taimi a le Alii, i lea fuaitau i luga o lea fuaitau ma lea mataupu i luga o lea mataupu [tagai i le 2 Nifae 28:30 ; Mataupu Faavae ma Feagaiga 98:12 ; 128:21 ], pe a “filifili ma le loto i ai se Alii mamana e a’oa’o i tatou” [Neal A. Maxwell, All These Things Shall Give Thee Experience (2007), 31]. O le taitaiga mo le Ekalesia atoa e na o Lana perofeta e auala mai ai.

(Quentin L. Cook, “Prepare to Meet God,” Ensign po o le Liahona, Me 2018, 117)

Matamata i le “Jesus Christ’s Church” (1:27) po o le “We Need Living Prophets” (2:44), o loo maua i le ChurchofJesusChrist.org, ina ia vaai ai i faataitaiga faaopoopo.

1:27

2:44

E faapefea ona valaauina aposetolo ma perofeta o aso nei?

Matamata i le “Revelation for the Church, Revelation for Our Lives” mai le taimi 9:41 i le 11:49 po o le “The Heart of a Prophet” mai le taimi 4:08 i le 6:40, o loo maua i le ChurchofJesusChrist.org, ina ia vaai ai i faataitaiga.

2:3

Gaoioiga Faaopoopo e Aoao Ai

O molimau anamua ma ona po nei o Keriso

O se tasi o faataitaiga o le ala e taitai ai e le Faaola Lana Ekalesia e Na te tuuina mai molimau ia te Ia. E mafai e le vasega ona suesue pe na faapefea ona molimau atu Peteru ma Ioane ia Iesu Keriso e pei ona tusia i le Galuega 2:32 ; 3:10–16 ; ma le 5:32 . E mafai ona latou faatusatusaina nei molimau ma isi ua faamauina i le 2 Peteru 1:16; 1 Ioane 1:1 ; ma le Mataupu Faavae ma Feagaiga 76:22–24 faapea ma molimau ua faamauina i se tasi pe sili atu o vitio o “Molimau Faapitoa o Keriso” o lo o maua i le https://www.churchofjesuschrist.org/media/collection/special-witnesses-of-christ-video-collection.

I Lona Afio Mai Faalua, o le a afio ifo le Faaola mai le lagi i le mamalu

E mafai ona faaaoga lenei gaoioiga pe afai e i ai ni fesili a tagata aoga e uiga i le ala o le a afio mai ai le Faaola. Valaaulia le vasega e sue le upumoni o i luga i le Galuega 1:1–12 . Tau i ai o le Afio A’e o le Faaola na tupu i luga o le Mauga o Olive (tagai i le fuaiupu 12). Faamatala i ai a toe afio mai le Faaola, o se tasi o Ona faailoaga mai o le taimi e afio ifo ai o Ia mai le lagi ma tu i luga o le Mauga o Olive (tagai i le Sakaria 14:4 ; Mataupu Faavae ma Feagaiga 45:47–53 ; 133:19–20). O le a tupu lenei mea a o lei afio mai o Ia i le lalolagi, lea “o le a vaai faatasi ai tagata uma ia te [Ia]” ( Isaia 40:5). E mafai e tagata aoga ona talanoaina pe aisea e taua ai le iloa o le Afio Mai Faalua o le Faaola o le a matua manino i le lalolagi atoa. E faapefea ona avea lenei mea ma faaaliga o Lona alofa mo i tatou?