The resurrected Christ appears to Paul while he is in prison.
Ndërkohë që ishte i prangosur dhe i rrethuar nga judenjtë që donin ta vrisnin atë, Pali qëndroi te shkallaret e Fortesës Antonia në Jerusalem dhe dëshmoi me guxim për kthimin e tij në besim te Jezu Krishti. Pasi Pali u burgos, Shpëtimtari e vizitoi atë dhe premtoi që Pali do të dëshmonte për Të në Romë. Më vonë Pali përjetoi shumë sprova që e bënë këtë premtim të dukej paksa i pamundur për t’u përmbushur. Ky mësim jep një vështrim të përgjithshëm mbi kapitujt te Veprat e Apostujve 22–23, 26–28 dhe synohet ta rritë besimin tënd që Ati Qiellor dhe Jezu Krishti do t’i përmbushin premtimet e Tyre ndërsa ti përpiqesh t’u shërbesh Atyre.
Tregimi i përvojave. Bëni pyetje që i ftojnë nxënësit të reflektojnë për përvojat shpirtërore që lidhen me të vërtetat që jepen mësim. Ndërsa nxënësit tregojnë përvojat e tyre, ata mund të ndiejnë rëndësinë e asaj të vërtete dhe ta forcojnë dëshirën e tyre për ta jetuar atë me më shumë besnikëri.
Përgatitja e nxënësve: Ftojini nxënësit të përsiatin për premtimet që Zoti u ka bërë atyre. Për shembull, ata mund të mendojnë për premtimet në lutjet e sakramentit (shih Moroni 4:3 ; 5:2) ose në shkrimet e tjera të shenjta. Nxënësit që kanë marrë bekimet e tyre patriarkale mund t’i lexojnë ato dhe të kërkojnë premtimet nga Zoti. Kujtojuni nxënësve që bekimet patriarkale janë individuale dhe të shenjta dhe nuk duhet t’u tregohen anëtarëve të klasës.
Veprimtari të Mundshme të të Mësuarit
Kujt i mirëbesoni?
Paraqitni nxitjet vijuese dhe ftojini nxënësit të përgjigjen në ditarët e tyre të studimit përpara se t’ua tregojnë përgjigjet e tyre klasës.
Kujt do t’i mirëbesoje për të bërë sa vijon dhe përse?
Të zgjedhë veshjen tënde
Të zgjedhë vendbanimin tënd
Të mbajë gjithnjë premtimet e tij
Të qëndrojë me ty në kohë të vështira
Përgjigjju pyetjeve vijuese:
Cila prej këtyre ka më shumë rëndësi për ty? Përse?
Si të ndihmon ty të kesh njerëz në jetën tënde të cilëve mund t’u mirëbesosh?
Gjej një çast për të menduar se sa shumë ti i mirëbeson Atit Qiellor dhe Jezu Krishtit. A beson se Ata do t’i mbajnë premtimet e Tyre ndaj teje? A beson se Ata do të jenë me ty gjatë kohëve të vështira? A do t’u mirëbesoje Atyre aq sa t’i lejoje të të udhërrëfejnë çdo ditë? Përse po ose përse jo?Teksa e studion këtë mësim, kërko ndodhi që mund të të ndihmojnë ta rritësh besimin tënd se Ati Qiellor dhe Jezu Krishti do t’i përmbushin premtimet e Tyre ndërsa ti përpiqesh t’u shërbesh Atyre.
Pali kthehet në Jerusalem
Pas udhëtimit të tij të tretë misionar, Pali u kthye në Jerusalem për të dëshmuar për Krishtin. Atë e tërhoqi zvarrë në tempull një grup judenjsh që donin ta vrisnin, por u shpëtua nga ushtarët romakë. Atë e çuan në shkallaret e Fortesës Antonia dhe e lejuan të fliste (shih Veprat e Apostujve 21). Pali dëshmoi për kthimin e tij në besim te Jezu Krishti dhe për udhëzimet e Shpëtimtarit për t’u predikuar johebrenjve. Judenjtë u zemëruan sërish dhe Palin e kthyen në fortesë për sigurinë e tij (shih Veprat e Apostujve 22 ; 23:1–10).
Çfarë mund të mësojmë rreth Shpëtimtarit nga ajo që Ai tha dhe bëri në këtë varg?
Nxënësit mund të përcaktojnë të vërteta si këto në vijim: Ai na njeh me emër. Ai na ngushëllon dhe na nxit. Ai është me ne gjatë sfidave tona.
Merreni parasysh t’i ftoni nxënësit të reflektojnë për përvojat e tyre duke përdorur pyetjen në vijim.
Kur e ka demonstruar Shpëtimtari një nga këto të vërteta në jetën tënde ose në jetën e dikujt që ti njeh?
Nëse nxënësve u nevojitet ndihmë për të menduar për përvojat, merreni parasysh të tregoni një përvojë vetjake ose një shembull në shkrimet e shenjta që i ilustron këto të vërteta, si Vegimi i Parë i Jozef Smithit (shih Joseph Smith – Historia 1:14–20).
Premtimet e Shpëtimtarit
Përvoja e Palit është një shembull i Shpëtimtarit që përmbush premtimin e Tij për të qenë me Apostujt ndërsa ata predikonin ungjillin (shih Mateu 28:19–20).
Në ditarin tënd të studimit, krijo një tabelë si ajo më poshtë. Gjatë gjithë këtij mësimi, renditi premtimet e Zotit në anën e majtë të tabelës dhe përmbushjen e atyre premtimeve në të djathtë.
Merreni parasysh ta vizatoni tabelën në dërrasë dhe ta plotësoni si klasë. Ftojini nxënësit të krijojnë një tabelë edhe në ditarin e tyre të studimit.
Premtimet
Përmbushja e premtimeve
Jezusi do të ishte me Apostujt ndërsa ata predikonin ungjillin (shih Mateu 28:19–20).
Shpëtimtari u bëri premtime të tjera Apostujve të Tij.
Lexo te Mateu 10:18–20 dhe Marku 16:17–18 .Përcakto premtimet e Shpëtimtarit dhe shkruaji ato në kolonën majtas të tabelës tënde.
Çfarë të mësojnë këto premtime rreth Jezu Krishtit?
Pali vazhdon të dëshmojë për Krishtin
Lexoji përmbledhjet vijuese dhe përsiat mënyrën se si do të ndiheshe po të ishe në vendin e Palit. Më pas lexoji vargjet e renditura pas çdo situate për të parë se si veproi Pali dhe se si premtimet e Zotit u përmbushën. Shtoji premtimet e përmbushura që gjen në anën e djathtë të tabelës në ditarin tënd të studimit.
Ti do të mësosh më shumë rreth këtyre ndodhive në mësimet e ardhshme.
Çfarë premtimesh pe të përmbushen?
Përse është me rëndësi për ty që Jezu Krishti i përmbush premtimet e Tij?
Si ndikon dijenia që Shpëtimtari i mban premtimet e Tij në ndjenjat e tua kundrejt Atij dhe në dëshirën tënde për ta dëgjuar dhe ndjekur Atë?
Edhe pse Perëndia na fton të përpiqemi t’i shërbejmë Atij, Ai nuk pret që ne të bëhemi të përsosur përpara se Ai t’i përmbushë premtimet e Tij ndaj nesh. Edhe pse Pali përjetoi shumë sfida (shih 2 Korintasve 11:23–27) dhe nuk ishte i përsosur (shih 1 Timoteut 1:15), Perëndia gjithsesi i përmbushi premtimet e Tij ndaj Palit.
Premtimet e përmbushura në jetën tënde
Mendo për premtimet që Ati Qiellor dhe Jezu Krishti të kanë bërë.
Plaku Dejvid A. Bednar, i Kuorumit të Dymbëdhjetë Apostujve, dha mësim:
Pamja
Elder David A. Bednar, Quorum of the Twelve Apostles official portrait. 2020.
“Të gjitha premtimet e çmueshme dhe shumë të mëdha që Ati Qiellor u ofron fëmijëve të Tij, nuk mund të llogariten apo të përshkruhen tërësisht. Megjithatë, edhe [një] list[ë] e pjesshme e bekimeve … duhet ta bëjë secilin prej nesh të ‘qëndroj[ë] plot habi’ dhe ‘të b[jerë] përtokë dhe … ta adhuro[jë] Atin’ në emrin e Jezu Krishtit.”
(Dejvid A. Bednar, “Premtimet e Çmueshme dhe Shumë të Mëdha”, Ensign ose Liahona, nëntor 2017, f. 91.)
Burimet vijuese përmbajnë premtimet që Ati Qiellor dhe Jezu Krishti na kanë bërë.
Zgjidh disa nga këto burime për t’i studiuar. Ndërsa i përcakton premtimet, shtoji ato në anën e majtë të tabelës në ditarin tënd të studimit.
Çfarë të mësojnë këto premtime rreth dëshirave të Shpëtimtarit për ty?
Shiko listën e premtimeve që përcaktove. Kërko ndikimin e Frymës së Shenjtë ndërsa përsiat se si Ati Qiellor dhe Jezu Krishti mund t’i kenë përmbushur këto premtime në jetën tënde. Në kolonën djathtas të tabelës në ditarin tënd të studimit, shto një përshkrim të shkurtër të mënyrës se si Ata e përmbushën një nga ato premtime ose ndonjë premtim tjetër që të vjen në mendje. Për shembull, të ndierit e ndikimit të Frymës së Shenjtë mund të jetë një përmbushje e premtimeve të bëra në lutjet e sakramentit (shih Moroni 4:3 ; 5:2). Ti mund të shkruash gjithashtu se si Ati Qiellor dhe Jezu Krishti i përmbushën premtimet e Tyre ndaj dikujt që ti njeh.
Përsiat se si këta shembuj mund ta rritin besimin tënd që Ati Qiellor dhe Jezu Krishti do t’i përmbushin premtimet e Tyre në të ardhmen.
Jepuni nxënësve kohë të mjaftueshme për ta plotësuar tabelën e tyre. Ftojini ata të tregojnë përvoja ose të japin dëshmi vetjake që e kanë rritur besimin e tyre nga fakti se Ati Qiellor dhe Jezu Krishti i përmbushin premtimet e Tyre.
Komente dhe Informacion për Rrethanat
Përse duhet ta vendosim mirëbesimin tonë te Zoti?
Plaku Stenli G. Ellis, i Të Shtatëdhjetëve, shpjegoi:
Pamja
Official Portrait of Elder Stanley G. Ellis. Photographed in March 2017.
“Vëllezër dhe motra, ne mund ta kemi besimin për t’i mirëbesuar Atij! Ai do më të mirën për ne (shih Moisiu 1:39). Ai do t’u përgjigjet lutjeve tona (shih Doktrina e Besëlidhje 112:10). Ai do t’i mbajë premtimet e Tij (shih Doktrina e Besëlidhje 1:38). Ai ka fuqinë t’i mbajë ato premtime (shih Alma 37:16). Ai di gjithçka! Dhe më e rëndësishmja, Ai e di se cila është më e mira (shih Isaia 55:8–9).”
(Stenli G. Ellis, “A i Mirëbesojmë Atij? Vështirësia Është e Mirë”, Ensign ose Liahona, nëntor 2017, f. 114.)
Përse duhet të përpiqem t’i shërbej Perëndisë?
Motra Elein L. Xhek, ish-Presidente e Përgjithshme e Shoqatës së Ndihmës, shpjegoi:
Pamja
Portrait of Elaine L. Jack, Relief Society general president from 1990-1997.
“Si nënë e re më kujtohet që i thashë djalit tim më të vogël, Gordonit, kur ai u rrëzua nga biçikleta e tij dhe u përball jo vetëm me gjunjët e rrjepur, por edhe me humbjen e vetëbesimit: ‘Unë jam këtu’. Unë i thosha ndërsa i hidhja krahët për ta ngushëlluar: ‘Unë jam këtu’. A nuk na kujton kjo Zotin që është me ne gjithmonë? (Shih Mateu 28:20 .) Ai nuk është vetëm në kishë, në tempull ose kur ne gjunjëzohemi te shtrati ynë. Ai është ‘këtu’ kur ne jetojmë sipas mësimeve të Tij.”
(Elaine L. Jack, “Ponder the Path of Thy Feet”, Ensign ose Liahona, nëntor 1993, f. 100.)
Veprat e Apostujve 23:11 . Zoti i dinte sakrificat dhe sprovat e Palit dhe ishte me Të. A do të bëjë Ai të njëjtën gjë për mua?
Motra Sheron Iubank, Këshilltare e Parë në Presidencën e Përgjithshme të Shoqatës së Ndihmës, dha mësim:
Pamja
Official Portrait of Sister Sharon Eubank. Photographed in 2017.
“Unë dëshmoj se ju jeni shumë të dashur [për Të]. Zoti e di se sa shumë po përpiqeni. Ju po përparoni. Mos u ndalni! Ai i sheh të gjitha sakrificat tuaja të patreguara dhe i llogarit ato për dobinë tuaj e për dobinë e atyre që ju i doni. Puna juaj nuk është e pavlerë. Ju nuk jeni vetëm. Vetë emri i Tij, Emanuel, do të thotë ‘Zoti me ne’. Sigurisht që Ai është me ju.”
(Sheron Iubank, “Krishti: Drita që Shkëlqen në Errësirë”, Ensign ose Liahona, maj 2019, f. 76.)
Si mund t’i kuptoj më mirë ngjarjet te Veprat e Apostujve 22–23, 26–28?
Veprimtari Plotësuese të të Mësuarit
Pali si një lloj i Krishtit
Ndërsa nxënësit i hedhin një vështrim të përgjithshëm ngjarjeve te Veprat e Apostujve 22–23, 26–28, merreni parasysh t’i ftoni ata të kërkojnë mënyrat se si Pali ishte si Krishti. Mendoni për mënyra për t’i ndihmuar ata të shohin se si Pali si dhe Jezu Krishti u akuzuan në mënyrë të rreme dhe kryen mrekulli. Më pas nxënësit mund të diskutojnë për mënyrën se si përvojat e Palit e ndihmuan atë të bëhej më i ngjashëm me Shpëtimtarin.
Amoni dhe Bijtë e Mosias
Merreni parasysh t’i krahasoni përvojat e bijve të Mosias me përvojat e Palit dhe premtimet e përmbushura të Zotit. Nxënësit mund të lexojnë te Mosia 28:6–8 dhe të gjejnë premtimin e Zotit. Ftojini nxënësit të kërkojnë për mënyrën se si Zoti i përmbushi premtimet e Tij ndërsa ata shohin një pjesë ose të gjithë materialin filmik “Amoni i Shërben dhe i Jep Mësim Mbretit Lamoni: Alma 17–19” (23:04) që mund të gjendet në ChurchofJesusChrist.org.