Përsëritja 16 e Zotërimit Doktrinor

Mësoji Përmendsh Referencat dhe Frazat Kyç të Shkrimeve të Shenjta

Mbajtja mend e fragmenteve të shkrimeve të shenjta dhe të asaj që jepet mësim në to mund të të ndihmojë në shumë mënyra. Ky mësim ka për qëllim të të ndihmojë të mësosh përmendsh disa nga referencat e shkrimit të shenjtë për zotërimin doktrinor të Dhiatës së Re dhe frazat kyç të shkrimit të shenjtë.

Përdorimi i larmisë për t’i angazhuar nxënësit. Përdorimi i larmisë së strategjive të mësimdhënies mund t’i ndihmojë nxënësit të mësojnë me më tepër efektshmëri. Përshtateni materialin e mësimit në mënyrë që të jetë përfshirës për nxënësit dhe t’i ndihmojë ata të mësojnë sa më mirë.

Përgatitja e nxënësve: Ftojini nxënësit të lexojnë një ose dy nga fragmentet e zotërimit doktrinor që kanë studiuar. Sfidojini ata të mësojnë përmendsh referencën e shkrimit të shenjtë dhe frazën kyç të shkrimit të shenjtë ose, nëse është e mundur, të gjithë fragmentin e zotërimit doktrinor.

Veprimtari të Mundshme të të Mësuarit

Mund të jetë e nevojshme të jepet një mësim për fragmentet e zotërimit doktrinor në vend të këtij mësimi përsëritjeje. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që çdo mësim për fragmentin e zotërimit doktrinor, të jepet gjatë zhvillimit të seminarit.

• Përse mund t’i mësosh përmendsh disa nga elementet vijuese: tekst këngësh, një orar ose fakte për sportistë ose artistë?

• Cilët janë shembuj të tjerë të gjërave që ti mëson përmendsh? Përse i mëson përmendsh ato?

Merreni parasysh të tregoni një shembull vetjak të mësimit përmendsh të diçkaje dhe arsyeve për ta mësuar përmendsh atë.

• Cilat janë disa arsye për të mësuar përmendsh shkrime të shenjta?

Lexo pohimin vijues nga Plaku Riçard G. Skot (1928–2015), i Kuorumit të Dymbëdhjetë Apostujve, ose shih materialin filmik “Ai Jeton” [“Ai Jeton”], në dispozicion në ChurchofJesusChrist.org, nga kodi kohor 05:27 deri në 06:05. Kërko të paktën tri bekime që mësimi përmendsh i shkrimeve të shenjta mund të na japë.

“Ju sugjeroj të mësoni përmendsh shkrime të shenjta që jua prekin zemrën dhe jua mbushin shpirtin me kuptueshmëri. Kur shkrimet e shenjta përdoren ashtu siç Zoti bëri që të shënoheshin, ato kanë fuqi të brendshme e cila nuk përcillet kur parafrazohen. Ndonjëherë, kur në jetën time kam një nevojë madhore, unë i përsërit me mendje shkrimet e shenjta që më kanë dhënë forcë. Ka ngushëllim të madh, drejtim dhe fuqi që rrjedh nga shkrimet e shenjta, sidomos nga fjalët e Zotit.”

(Richard G. Scott, “He Lives”, Ensign, nëntor 1999, f. 87–88.)

• Cilat janë disa bekime që ke përjetuar nga mësimi përmendsh i shkrimeve të shenjta ose i frazave kyç nga shkrimet e shenjta?

• Si të ka ndihmuar mësimi përmendsh i fjalëve të Zotit të shënuara në shkrimet e shenjta të ndihesh më pranë Atit Qiellor dhe Jezu Krishtit?

Nëse nxënësve u nevojitet ndihmë e mëtejshme për të kuptuar dobitë e të mësuarit përmendsh të shkrimeve të shenjta, merreni parasysh të lexoni artikullin “Why Memorize Scriptures?” (Jared R. Moon, New Era, shtator 2014 f. 17).

Kartat e ilustrimit

Një mënyrë për t’i mësuar përmendsh referencat dhe frazat kyç të shkrimeve të shenjta është të përdorni karta ilustrimi. Për të krijuar karta ilustrimi, palos në gjysmë një fletë letre bosh dhe më pas sërish në gjysmë për të krijuar katër ndarje. Shpalose letrën dhe prite te vijat e palosura për të bërë katër karta.

Nëse nevojitet, zëvendësojini referencat dhe frazat kyç në vijim të shkrimit të shenjtë me referencat dhe frazat kyç të fragmenteve të zotërimit doktrinor që nxënësit kanë studiuar.

Shkruaje secilën nga referencat vijuese në një anë të secilës kartë. Në anën tjetër, shkruaj frazën kyç të shkrimit të shenjtë.

Referenca	Fraza Kyç e Shkrimit të Shenjtë
Efesianëve 1:10	“Kur të plotësoheshin kohërat, t’i sillte në një krye të vetëm, në Krishtin, të gjitha gjërat.”
Efesianëve 2:19–20	Kisha është “ndërtuar mbi themelin e apostujve dhe të profetëve, duke qenë Jezu Krishti vetë guri i qoshes”.
2 Thesalonikasve 2:1–3	“Dita e Krishtit … nuk do të vijë, pa ardhur më parë rënia.”
2 Timoteut 3:15–17	“Shkrimet e shenjta … mund të të bëjnë të ditur për shpëtimin.”

Bëhu krijues që të të ndihmojë të mësosh përmendsh. Zgjidh një nga idetë vijuese ose krijo një ide tënden.

• Bëji vetes një detyrë kontrolli: Mbaji kartat ilustruese në mënyrë që të mund të shohësh vetëm referencën ose frazën kyç të shkrimit të shenjtë. Mundohu të thuash frazën kyç ose referencën përkatëse të shkrimit të shenjtë. Përsërite këtë disa herë me çdo referencë dhe frazën përkatëse.

• Përsëritja e tekstit: Dërgoja me mesazh një referencë shokëve në klasën e seminarit dhe shih se kush të përgjigjet me frazën kyç të saktë.

• Veprimtaria e përkimit: Bëhu dyshe me një shok tjetër të klasës ose pjesëtar të familjes. Kërkoji një personi që t’i vendosë kartat e tij me pamje nga referenca dhe një personi tjetër t’i vendosë kartat e tij me pamje nga fraza kyç e shkrimit. Përkoje frazën kyç të shkrimit të shenjtë me referencën përkatëse duke e vendosur kartën me frazën kyç të shkrimit të shenjtë sipër kartës së referencës.

• Përdor programin kompjuterik: Përdor programin kompjuterik Zotërimi Doktrinor për të të ndihmuar të mësosh përmendsh.

Merreni parasysh t’i ndani nxënësit në grupe me nga katër. Ftojeni çdo grup të përdorë një grup me karta ilustrimi dhe ta ndajnë këtë grup me anëtarët e grupit. Lexojini klasës një frazë kyç të shkrimit të shenjtë. Nxënësi i çdo grupi i cili ka kartën e ilustrimit me referencën e përkimit duhet t’ia kalojë më pas kartën mësuesit. Sfidojeni çdo grup që t’i sjellë mësuesit kartën e saktë brenda një afati kohor (për shembull, pesë sekonda). Nxitini nxënësit t’i ndihmojnë anëtarët e tjerë të skuadrës së tyre. Nxënësit mund të ftohen gjithashtu t’i shkëmbejnë kartat me një person tjetër në grupin e tyre për t’i ndihmuar ata të mësojnë të gjitha referencat dhe frazat kyç të shkrimit të shenjtë.

Zgjidh një nga fragmentet e zotërimit doktrinor.

• Përse do të doje që ta mësoje përmendsh këtë fragment ose frazë kyç të shkrimit të shenjtë?

• Si mund të ndihmojë kjo në thellimin e kuptueshmërisë tënde rreth Jezu Krishtit dhe ungjillit të Tij?

Nëse ka mbetur pak kohë, nxënësit mund të bëjnë karta ilustrimi për referenca të tjera dhe frazat kyç përkatëse nga shkrimi i shenjtë.