A large crowd of people being baptized in a river at the day of Pentecost.
Para vdekjes së Tij, Jezusi u tha Apostujve të Tij se pasi Ai të largohej, Ati do t’u dërgonte “Ngushëlluesi[n], Frym[ën] e Shenjtë” (Gjoni 14:26). Siç ishte premtuar, Fryma e Shenjtë erdhi tek të Dymbëdhjetë Apostujt në një mënyrë të mrekullueshme në ditën e Rrëshajëve. Qëllimi i këtij mësimi është të të ndihmojë ta thellosh kuptueshmërinë tënde për mënyrat se si Fryma e Shenjtë mund të të bekojë dhe të të ndihmojë të mësosh se si t’i ftosh ato bekime në jetën tënde.
Njohja e Frymës së Shenjtë. Kërkoni mundësi për t’i ndihmuar nxënësit të dallojnë se si Fryma e Shenjtë vepron në jetën e tyre vetjake. Ju mund të përdorni shembuj nga shkrimet e shenjta dhe t’i ftoni nxënësit të reflektojnë mbi përvojat e tyre.
Përgatitja e nxënësve: Ftojini nxënësit të diskutojnë me një të afërm mënyrat se si ata e kanë vënë re që Fryma e Shenjtë është me ta në jetën e tyre. Gjithashtu, ftojini nxënësit të vijnë të përgatitur me çfarëdo pyetje që mund të kenë rreth Frymës së Shenjtë.
Veprimtari të Mundshme të të Mësuarit
Zgjerimi i aftësive tona
Përcakto se në ç’masë bie dakord me thënien vijuese në një shkallë nga një deri në shtatë dhe shënoje përgjigjen tënde në ditarin tënd të studimit: Jam i/e sigurt se mund ta dalloj se kur e ndiej Frymën e Shenjtë në jetën time.
Pamja
Diagram with words Strongly Disagree and Strongly Agree.
Kjo mund të jetë një mundësi e mirë që t’i ftoni nxënësit të bëjnë çdo pyetje që kanë rreth Frymës së Shenjtë që ka dalë gjatë përgatitjes së tyre si nxënës, ose që ata mund ta kenë në mendje.
Çfarë pyetjesh ke për Frymën e Shenjtë?
Në ditarin tënd të studimit, shkruaj titullin “Mënyrat se si Fryma e Shenjtë mund të më ndihmojë”. Ji gati të shtosh elemente në listë gjatë gjithë mësimit.
Merreni parasysh ta shkruani këtë titull në tabelë dhe të shtoni ide nën të gjatë të gjithë mësimit.
Teksa studion sot, ti do të shohësh shembuj të mënyrës se si Fryma e Shenjtë vepron në jetën e njerëzve. Mendo rreth asaj se çfarë mund të mësosh ti nga këta shembuj për mënyrën se si Fryma e Shenjtë mund të veprojë në jetën tënde. Një e vërtetë që theksohet nga këta shembuj, është që nëpërmjet Frymës së Shenjtë, Ati Qiellor na ndihmon të vijmë te Jezu Krishti.
Fryma e Shenjtë derdhet në ditën e Rrëshajëve
Përpara vdekjes së Tij, Jezusi u mësoi dishepujve të Tij se Ati Qiellor do t’u dërgonte atyre Frymën e Shenjtë pasi Ai të largohej nga toka. Ai dëshmoi se Fryma e Shenjtë do të ofronte ngushëllim, do të jepte drejtim dhe do të dëshmonte për Të (shih Gjoni 14:16,26 ; 15:26).
Idetë e mësimdhënies të renditura më poshtë paraqesin një metodë për t’i ndihmuar nxënësit të studiojnë dhe të diskutojnë për vargjet nga Veprat e Apostujve 2 . Një metodë tjetër mund të ishte t’i ndani nxënësit në tri grupe dhe t’i ftoni grupet të studiojnë vargjet vijuese:
Pasi t’i studiojnë vargjet, nxënësit mund të diskutojnë pyetjet vijuese:
Në vargjet që studiuat, në ç’mënyrë vutë re që Fryma e Shenjtë i ndihmonte njerëzit?
Çfarë ju ndihmojnë të kuptoni këto vargje rreth dëshirave të Atit Qiellor për ne?
Si mund të na ndihmojë Fryma e Shenjtë në mënyra të ngjashme?
Pas një kohe të mjaftueshme, ftoni vullnetarë nga grupe të ndryshme që të raportojnë për gjetjet e tyre dhe t’ia tregojnë përgjigjet e tyre klasës.
Rrëshaja është një festë judease që ndodh 50 ditë pas festës së Pashkës. Judenjtë nga vendet përqark do të udhëtonin për në Jerusalem për këtë festë që kremtonte të korrën e parë të stinës (shih Udhëzuesi për Shkrimet e Shenjta, “ Rrëshajë ”, scriptures.ChurchofJesusChrist.org). Lexo te Veprat e Apostujve 2:1–8 , duke kërkuar mënyrën se si premtimi i Shpëtimtarit për marrjen e Frymës së Shenjtë nga Apostujt u përmbush në këtë ditë. (Vër re që “gjuhë, si prej zjarri” te vargu3 i referohet një shfaqjeje të dukshme të pranisë së Frymës.)
Te vargjet 4–8 , Apostujt po përjetonin dhuratën e gjuhëve, “një dhuratë e Frymës së Shenjtë që lejon individë të frymëzuar të flasin, të kuptojnë ose intepretojnë gjuhë të panjohura” (Udhëzuesi për Shkrimet e Shenjta, “ Gjuhë(vë), Dhuratë e ”, scriptures.ChurchofJesusChrist.org).
Si i bekoi Fryma e Shenjtë dishepujt dhe ata që i dëgjonin?
Si mendon se e përmirësoi dhurata e gjuhëve aftësinë e Apostujve për të ndihmuar të tjerët të vijnë te Krishti?
Si mund ta përjetojmë këtë dhuratë sot?
Merre parasysh t’i shtosh idetë nga vargjet që ke studiuar deri tani, te lista që krijove në ditarin tënd të studimit.
Pjetri dëshmon për Jezu Krishtin
Ne mund të shohim një mënyrë tjetër se si Fryma e Shenjtë mund të na ndihmojë duke parë guximin me të cilin Pjetri dha mësim dhe dëshmoi.
Duke mbajtur në mendje që ngjarjet e përshkruara te Veprat e Apostujve2 ndodhën jo shumë kohë pasi Jezusi u kryqëzua, lexo te Veprat e Apostujve 2:22–24, 32–33,36 dhe kërko mënyrën se si Fryma e Shenjtë e ndihmoi Pjetrin në këtë rrethanë të predikonte me kurajë dhe guxim për Jezu Krishtin. (Shih edhe Veprat e Apostujve 3:12–20 .)
Çfarë pe?
Çfarë mëson nga ky rrëfim rreth mënyrës se si Fryma e Shenjtë mund të të ndihmojë? (Shih edhe te Veprat e Apostujve 1:8 ; 4:31 .)
Shtoji mendimet e tua në listën tënde në ditarin e studimit.
Merreni parasysh t’i ftoni nxënësit të mendojnë dhe të tregojnë përvoja kur Fryma e Shenjtë i ka ndihmuar ata t’i mësojnë të tjerët rreth Jezu Krishtit ose të dëshmojnë me guxim. Merreni parasysh të tregoni edhe një shembull vetjak.
Ndikimi i mësimeve të Pjetrit tek të tjerët
Fryma e Shenjtë pati një ndikim tek ata që i dëgjuan mësimet e Pjetrit për Jezu Krishtin. Lexo te Veprat e Apostujve 2:37–38,41 , duke kërkuar mënyrën se si Fryma e Shenjtë i ndihmoi këta njerëz. Fjala pikëlluan nga vargu37 do të thotë të shkaktosh hidhërim ose keqardhje dhe sugjeron se njerëzit dëshironin të ndryshonin.
Çfarë të bëri përshtypje në këto vargje?
Si i ndihmoi “pikëll[imi] në zemër” këta njerëz që të afroheshin më pranë Jezu Krishtit? ( Vargu37 .)
Krahaso atë që u ndodhi njerëzve që Pjetri u dha mësim, me premtimin që Perëndia u bëri shërbëtorëve të Tij te Doktrina e Besëlidhje 100:5–8 .
Cilët janë disa shembuj të ndryshimeve që Fryma e Shenjtë mund të na frymëzojë të bëjmë, të cilat do të na ndihmonin të afrohemi më pranë Jezu Krishtit?
Ftojini nxënësit të mendojnë dhe të tregojnë përvoja kur Fryma e Shenjtë i frymëzoi ata të bënin ndryshime që i afruan më pranë Jezu Krishtit. Nxitini ata të tregojnë shembuj që nuk janë tepër vetjakë. Merreni parasysh të tregoni edhe një shembull vetjak.
Nëse është e mundur, mund të jetë gjithashtu e dobishme të ftoni në klasë një të kthyer në besim kohët e fundit dhe t’i kërkoni që për disa minuta të tregojë përvojat e tij me mënyrën se si Fryma e Shenjtë e ndihmoi atë të afrohej më pranë Jezu Krishtit dhe Kishës së Tij. Përpara se ta bëni këtë gjë, kujtohuni të merrni miratimin nga bashkërenduesi vendor i SeI-së si edhe nga udhëheqësi vendor i priftërisë së personit.
Ftojini nxënësit ta shqyrtojnë listën që krijuan në ditarët e tyre të studimit. Pyetjet në vijim mund t’i ndihmojnë nxënësit të diskutojnë dhe ta përvetësojnë atë që ata mësuan. Dëshmoni për të vërtetat që janë diskutuar në këtë mësim.
Cilat nga bekimet e Frymës së Shenjtë të lanë më shumë mbresa?
Përse është Fryma e Shenjtë thelbësor për të na ndihmuar që të afrohemi te Jezu Krishti dhe t’i sjellim të tjerët tek Ai?
Çfarë hapash mund të hedhësh për të gëzuar më plotësisht bekimet e Frymës së Shenjtë?
Komente dhe Informacion për Rrethanat
Si na ndihmon Fryma e Shenjtë të afrohemi më pranë Atit Qiellor dhe Jezu Krishtit?
Presidenti Dallin H. Ouks, i Presidencës së Parë, dha mësim:
Pamja
Official Portrait of President Dallin H. Oaks taken March 2018.
“Misioni i Frymës së Shenjtë është të dëshmojë për Atin dhe Birin (shih Gjoni 15:26 ; 2Nefi 31:18 ; 3Nefi 28:11), që të na drejtojë ne tek e vërteta (shih Gjoni 14:26 ; 16:13) dhe të na tregojë neve gjëra që duhet t’i shohim (shih 2Nefi 32:5). Kjo linjë vetjake e komunikimit me Atin tonë Qiellor nëpërmjet Shpirtit të Tij të Shenjtë është burimi i dëshmisë sonë për të vërtetën, për njohurinë tonë dhe për drejtimin tonë vetjak nga një Atë Qiellor i dashur. Është një karakteristikë thelbësore e planit të Tij të mrekullueshëm të ungjillit, që e lejon secilin nga fëmijët e Tij të marrë një dëshmi vetjake për vërtetësinë e tij.”
(Dallin H. Ouks, “Dy Linja Komunikimi”, Ensign ose Liahona, nëntor 2010, f. 83.)
Presidenti M. Rasëll Ballard, i Kuorumit të Dymbëdhjetë Apostujve, dëshmoi:
Pamja
Official portrait of President M. Russell Ballard of the Quorum of the Twelve Apostles, 2004.
“Kur individët … e ndiejnë Shpirtin që vepron me ta ose kur shohin provë të dashurisë dhe mëshirës së Zotit në jetën e tyre, ata lartësohen e forcohen shpirtërisht dhe rritet besimi i tyre në Të”.
(M. Russell Ballard, “Now Is the Time”, Ensign, nëntor 2000, f. 75.)
Cila është ndjesia që krijon Fryma e Shenjtë dhe si mund ta ftosh atë?
Veprimtari Plotësuese të të Mësuarit
Mënyrë alternative për të filluar mësimin
Në bisedën e tij në konferencën e përgjithshme në prill 2017, Plaku Geri E. Stivenson, i Kuorumit të Dymbëdhjetë Apostujve, tregoi historinë e kohës kur ai iu bashkua një familjeje të re për mbrëmjen e shtëpisë. Shfaqni materialin filmik “Si Ju Ndihmon Fryma e Shenjtë?” nga kodi kohor 00:00 deri në 01:15. Ky material filmik ndodhet në ChurchofJesusChrist.org.
Pasi ta shohin materialin filmik, ftojini nxënësit të mendojnë për mënyrën se si do t’i përgjigjeshin pyetjes së djalit të vogël.
Gjetja e kohës për Frymën e Shenjtë
Për shkak të ngarkesës së jetës, mund të jetë e vështirë të lëmë mënjanë kohë për ta lejuar Frymën e Shenjtë të na bekojë me frymëzim.
Doktrina e Krishtit mund të më ndihmojë të marr Frymën e Shenjtë dhe të vij te Krishti
Mund t’i ftoni nxënësit të lexojnë nga Veprat e Apostujve 2:38 , duke kërkuar përgjigjen e Pjetrit ndaj turmës që e pyeti: “Ç’duhet të bëjmë?” ( Veprat e Apostujve 2:37 .) Merreni parasysh të bëni pyetjet në vijim:
Si zbatohen këta hapa te dikush që është pagëzuar tashmë?
Për t’i ndihmuar nxënësit të kuptojnë më mirë përgjigjen për pyetjen e dytë, merreni parasysh thënien në vijim nga Plaku Dejll G. Renland, i Kuorumit të Dymbëdhjetë Apostujve: “Ne mund të përsosemi … vazhdimisht … duke ushtruar besim në [Krisht], duke u penduar, duke marrë sakramentin për të përtërirë besëlidhjet dhe bekimet e pagëzimit dhe duke e marrë Frymën e Shenjtë si një shoqërues të vazhdueshëm në një shkallë më të madhe. Ndërsa bëjmë kështu, ne bëhemi më shumë si Krishti dhe durojmë deri në fund, me gjithçka që ajo përfshin” (“Shenjtorët e Ditëve të Mëvonshme Vazhdojnë të Përpiqen”, Ensign ose Liahona, maj 2015, f. 56).