Үйлс 2

“Ариун Сүнсээр дүүргэгдсэн”

Зураг

A large crowd of people being baptized in a river at the day of Pentecost.

Есүс нас барахаасаа өмнө төлөөлөгчдөдөө Өөрийг нь явсны дараа Эцэг нь “Туслагч буюу Ариун Сүнс” (Иохан 14:26)-ийг илгээх болно гэдгийг хэлсэн. Амласны дагуу Ариун Сүнс Пентекостын өдөр арван хоёр төлөөлөгчид гайхамшигт арга замаар иржээ. Энэ хичээлийн зорилго бол Ариун Сүнсний таныг адислах арга замын талаарх ойлголтыг гүнзгийрүүлж, тэдгээр адислалыг амьдралдаа хэрхэн урьж авчирч болох талаар сурч мэдэхэд тань туслах явдал юм.

Ариун Сүнсийг таньж мэдэх. Ариун Сүнс тэдний хувийн амьдралд ямар үүрэг гүйцэтгэдгийг таньж мэдэхэд суралцагчдад туслах боломжуудыг хайж ол. Та судрын жишээг ашиглаж, өөрсдийн туршлагыг тунгаан бодоход суралцагчдыг урьж болно.

Суралцагчийн бэлтгэл: Суралцагчдыг Ариун Сүнс амьдрал дээр тэдэнтэй хамт байгааг олж харсан нэг арга замаа хайртай хэн нэгэнтэйгээ ярилцахад урь. Түүнчлэн суралцагчдыг Ариун Сүнсний талаар асууж болох аливаа асуултаа бэлдэж ирэхэд урь.

Боломжит суралцах үйл ажиллагаа

Өөрсдийн ур чадварыг өргөжүүлэх

Та “Би амьдралдаа Ариун Сүнсийг мэдэрч байгаагаа таньж чадна гэдэгтээ итгэлтэй байна” гэсэн мэдэгдэлтэй хэр санал нийлж байгаагаа нэгээс долоо хүртэл оноогоор тодорхойлоод, судлах тэмдэглэлдээ хариултаа бичиж тэмдэглэ.

Зураг

Diagram with words Strongly Disagree and Strongly Agree.

Энэ нь суралцагчийн бэлтгэлийн үеэр гарч ирсэн эсвэл өөр үед санаанд нь орж ирсэн Ариун Сүнсний талаар байгаа аливаа асуултаа тавихад суралцагчдыг урих сайхан боломж байж болох юм.

Ариун Сүнсний талаар танд ямар асуулт байдаг вэ?

Судлах тэмдэглэлдээ “Ариун Сүнс надад тусалж чадах арга зам” гэсэн гарчгийг бич. Хичээлийн туршид жагсаалт дээр нэмэхэд бэлэн бай.

Энэ гарчгийг самбарт бичээд, хичээлийн туршид доор нь ойлголтоо нэмэх талаар бодож үз.

Өнөөдөр судалж байхдаа та Ариун Сүнс хүмүүсийн амьдралд ямар үүрэг гүйцэтгэдэг жишээг олж харна. Ариун Сүнс амьдралд тань ямар үүрэг гүйцэтгэж чадах талаар юуг эдгээр жишээнээс суралцаж болохоо бод. Эдгээр жишээнд Тэнгэрлэг Эцэг бидэнд Ариун Сүнсээр дамжуулан Есүс Христэд ирэхэд тусалдаг гэх үнэнийг онцолсон болно.

Пентекостын өдөр Ариун Сүнс дээрээс цутгав

Есүс нас барахаасаа өмнө төлөөлөгчдөдөө дэлхий ертөнцийг орхин одсоных нь дараа Эцэг тэдэнд Ариун Сүнсийг илгээх болно гэдгийг заасан. Тэрээр Ариун Сүнс тайтгаруулж, удирдамж заавар өгч, Түүнийг гэрчлэх болно гэдгийг гэрчилсэн байна ( Иохан 14:16, 26 ; 15:26 -г үзнэ үү).

Доор жагсаасан хичээлийн заах санаанууд нь Үйлс 2 дээрх шүлгүүдийг судалж, ярилцахад суралцагчдад туслах нэг арга барилыг толилуулсан болно. Өөр нэг арга барил бол суралцагчдыг гурван бүлэгт хуваагаад, дараах шүлгүүдийг судлахад урьж болно.

1-р бүлэг— Үйлс 2:1–8
2-р бүлэг— Үйлс 2:22–24, 32–33, 36
3-р бүлэг— Үйлс 2:37–41

Шүлгүүдийг судалсныхаа дараа суралцагчид дараах асуултуудыг авч ярилцаж болно.

Таны судалсан шүлгэн дээр, Ариун Сүнс хүмүүст тусалж байгааг та хэрхэн анзаарсан бэ?
Эдгээр шүлэг нь танд Тэнгэрлэг Эцэгийн бидний төлөө хүсдэг зүйлийн талаар ойлгоход хэрхэн тусалж байна вэ?
Ариун Сүнс хэрхэн бидэнд үүнтэй адилхан арга замаар тусалж болох вэ?

Хангалттай цаг гаргаж өгсний дараа, өөр өөр бүлгээс сайн дураараа гарч ирэн олж мэдсэн зүйлсээ тайлагнаж, хариултаа ангийнхантайгаа хуваалцахад суралцагчдыг урь.

Пентекост гэдэг нь Алгасал баярын найраас хойш 50 хоногийн дараа болдог иудейчүүдийн баяр юм. Эргэн тойрны улс орны иудейчүүд улирлын анхны ургац хураалтыг тэмдэглэдэг энэхүү баярт оролцохоор Иерусалим руу ирдэг байв (Судруудын удирдамж, “ Пентекост ,” scriptures.ChurchofJesusChrist.org-ийг үзнэ үү). Үйлс 2:1–8 -ыг уншаад, төлөөлөгчид Ариун Сүнсийг хүлээн авах тухай Аврагчийн амлалт энэ өдөр хэрхэн биелсэн болохыг олж мэд. ( 3-р шүлэг дэх “галынх мэт хуваагдсан хэлүүд” гэдэг нь Сүнсний оршихуйн үзэгдэх илэрхийллийг хэлж байгааг анхаар.)

4–8-р шүлэгт төлөөлөгчид “хүмүүст мэдэхгүй хэлээрээ ярьж, ойлгож, тайлбарлах боломжийг олгодог Ариун Сүнсний бэлэг” буюу хэлний бэлгийг хүртсэн тухай гардаг (Судруудын удирдамж, “ Хэлний бэлэг ,” scriptures.ChurchofJesusChrist.org).

Ариун Сүнс шавь нарыг болон тэднийг сонсож байсан хүмүүсийг хэрхэн адисалсан бэ?
Хэлний бэлэг Христэд ирэхэд бусдад туслах төлөөлөгчдийн чадварыг хэрхэн сайжруулсан гэж та бодож байна вэ?
Өнөөдөр бид энэ бэлгийг хэрхэн мэдэрч чадах вэ?

Өнөөг хүртэл судалсан шүлгүүдээс олж авсан ойлголтоо судлах тэмдэглэл дэх жагсаалтдаа нэмэхийг бодож үз.

Петр Есүс Христийг гэрчлэв

Петрийн зоригтой зааж, гэрчилж байсныг харснаар Ариун Сүнсний бидэнд тусалдаг өөр нэг аргыг харж болно.

Үйлс 2 -т дүрслэгдсэн үйл явдлууд Есүсийг цовдлогдсоны дараахан болсон гэдгийг санан Үйлс 2:22–24, 32–33, 36 -г уншаад, Ариун Сүнс энэ нөхцөл байдалд Петрт Есүс Христийн талаар зоригтойгоор номлоход нь хэрхэн тусалсныг олж мэд. (Мөн Үйлс 3:12–20 -ийг үзнэ үү.)

Та юу олж харсан бэ?
Та энэ түүхээс Ариун Сүнс танд хэрхэн тусалдаг талаар юу сурч мэдсэн бэ? (Мөн Үйлс 1:8 ; 4:31 -ийг үзнэ үү.)

Бодол санаагаа судлах тэмдэглэл дээрх жагсаалтдаа нэм.

Ариун Сүнс тэдэнд Есүс Христийн талаар бусдад заахад нь эсвэл эр зоригтойгоор гэрчлэхэд нь тусалж байсан туршлагынхаа талаар бодож мөн хуваалцахад суралцагчдыг урих талаар бодож үз. Мөн хувийн жишээгээ хуваалцах талаар бодож үз.

Петрийн сургаалын бусдад үзүүлсэн нөлөө

Ариун Сүнс Есүс Христийн талаарх Петрийн сургаалыг сонссон хүмүүст нөлөөлсөн. Үйлс 2:37–38, 41 -ийг уншаад, Ариун Сүнс эдгээр хүнд хэрхэн тусалсан тухай олж мэд. 37-р шүлэг дэх хөндсөн гэдэг үг нь уй гашуу эсвэл зовлон шаналал мэдрэх гэсэн утгатай бөгөөд хүмүүс өөрчлөгдөхийг хүсэж байсныг илэрхийлдэг.

Энэ шүлгээс юу нь танд онцгой санагдсан бэ?
“Зүрхээ хөндүүлсэн нь” Есүс Христэд ойртоход эдгээр хүнд хэрхэн тусалсан бэ? ( 37-р шүлэг).

Петрийн заасан хүмүүст тохиолдсон зүйлийг Сургаал ба Гэрээ 100:5–8 -д Бурханы үйлчлүүлэгчдэдээ өгсөн амлалттай харьцуул.

Биднийг Есүс Христ рүү ойртоход туслах Ариун Сүнсний хийхэд өдөөдөг өөрчлөлтийн ямар ямар жишээ байна вэ?

Ариун Сүнсний тэднийг Есүс Христэд ойртуулсан өөрчлөлтүүдийг хийхэд өдөөж байсан туршлагуудын талаар бодож, хуваалцахад суралцагчдыг урь. Хэт хувийн биш жишээгээ хуваалцахад тэднийг урамшуул. Мөн хувийн жишээгээ хуваалцах талаар бодож үз.

Боломжтой бол саяхан хөрвөгдсөн хүнийг ангид уриад, Ариун Сүнс хэрхэн тэдэнд Есүс Христэд болон Түүний Сүмд ойртоход тусалсан талаарх туршлагаа хуваалцахад цөөн хэдхэн минут зарцуулахыг хүс. Үүнийхээ өмнө орон нутгийн Институт, семинарын зохицуулагчаас гадна тухайн хүний санваарын удирдагчаас нь зөвшөөрөл авахаа бүү март.

Үйлс 2:37–38, 41 -ээс олж авсан ойлголтуудаа судлах тэмдэглэл дээрх жагсаалтдаа нэмэх талаар бодож үз.

Судалсан зүйлээ эргэцүүлэн бодох

Суралцагчдыг судлах тэмдэглэлдээ гаргасан жагсаалтаа эргэж харахад урь. Дараах асуултууд нь сурч мэдсэн зүйлээ ярилцаж, өөрийн болгоход тусалж болох юм. Энэ хичээлээр ярилцсан үнэнийг гэрчил.

Ариун Сүнсний ямар ямар адислал танд хамгийн их сэтгэгдэл төрүүлсэн бэ?
Ариун Сүнс яагаад бидэнд Есүс Христэд ирж, бусдыг Түүнд авчрахад туслахад нэн чухал үүрэг гүйцэтгэдэг вэ?
Ариун Сүнсний адислалыг илүү бүрэн дүүрэн хүртэхийн тулд та ямар алхмуудыг хийж болох вэ?

Тайлбар ба нөхцөл байдлын талаарх мэдээлэл

Ариун Сүнс бидэнд Тэнгэрлэг Эцэгт болон Есүс Христэд илүү ойртоход хэрхэн тусалдаг вэ?

Тэргүүн Зөвлөлийн ерөнхийлөгч Даллин Х. Өүкс ийн заажээ.

Зураг
Official Portrait of President Dallin H. Oaks taken March 2018.

Ариун Сүнсний үүрэг бол Эцэг, Хүүг гэрчлэх ( Иохан 15:26 ; 2 Нифай 31:18 ; 3 Нифай 28:11 -ийг үзнэ үү), биднийг үнэн рүү хөтлөх ( Иохан 14:26 ; 16:13 -ыг үзнэ үү) болон бидний хийх ёстой бүх зүйлийг бидэнд харуулах явдал юм ( 2 Нифай 32:5 -ыг үзнэ үү). Ариун Сүнсээр дамжуулан Тэнгэрлэг Эцэгтэйгээ харилцах энэ хувийн суваг нь үнэний тухай бидний гэрчлэл, мэдлэг болон энэрэл хайраар дүүрэн Тэнгэрлэг Эцэгээсээ авдаг хувийн удирдамжийн маань эх сурвалж юм. Энэ нь Түүний сайн мэдээний төлөвлөгөөний салшгүй нэгэн хэсэг бөгөөд Түүний хүүхэд бүрд үнэний тухай хувийн гэрчлэлтэй болох боломжийг олгодог.

(Даллин Х.Өүкс, “Харилцааны сувгууд,” Ensign, Nov. 2010, 83 эсвэл 2010 оны 10-р сарын Ерөнхий чуулган, 91)

Арван хоёр Төлөөлөгчийн Чуулгын ерөнхийлөгч М. Рассэлл Баллард ийн гэрчилжээ.

Зураг
Official portrait of President M. Russell Ballard of the Quorum of the Twelve Apostles, 2004.

Хувь хүмүүс … Сүнс өөрсөдтэй нь ажиллаж буйг мэдрээд эсвэл амьдралдаа Их Эзэний хайр, нигүүлслийн нотолгоог хараад, сүнслэгээр сэнхрэн, хүчирхэгжиж, Түүнд итгэх итгэл нь өсөн нэмэгддэг.

(M. Russell Ballard, “Now Is the Time,” Ensign, Nov. 2000, 75)

Ариун Сүнстэй байхад ямар мэдрэмж төрдөг вэ мөн та түүнийг хэрхэн урин авчирдаг вэ?

“Feeling the Holy Ghost” (3:17) видео нь хүмүүс Ариун Сүнсийг ямар арга замаар мэдэрдэг жишээнүүдийг өгдөг. Энэ видео ChurchofJesusChrist.org дээр тавигдсан байгаа.

ChurchofJesusChrist.org дээрх “Feeling the Holy Ghost” (2:56) видео нь Ариун Сүнсийг хэрхэн урих жишээнүүдийг өгдөг.

Нэмэлт суралцах үйл ажиллагаа

Христийн сургаал надад Ариун Сүнсийг хүлээн авч, Христ рүү очиход тусална

Суралцагчдыг Үйлс 2:38 -ыг уншаад, “Бид одоо яах вэ?” гэх цугларсан олны тавьсан асуултад өгсөн Петрийн хариултыг олж мэд ( Үйлс 2:37). Дараах асуултуудыг тавих талаар бодож үз.

38-р шүлэгт Петр ямар алхмуудыг дүрсэлсэн бэ?
Эдгээр алхам нь аль хэдийн баптисм хүртсэн хүнд хэрхэн хамаарах вэ?

Хоёр дахь асуултад өгсөн хариултыг илүү сайн ойлгоход суралцагчдад туслах үүднээс Арван хоёр Төлөөлөгчийн Чуулгын ахлагч Дэйл Г. Рэнландын дараах мэдэгдлийг ашиглах талаар бодож үз. “Бид [Христэд] итгэх итгэлээ хөгжүүлж, нүглээ наманчилж, баптисмын гэрээнүүд болоод адислалуудаа шинэчлэхийн тулд ариун ёслолоос хүртэж, Ариун Сүнсийг байнга мөнхийн хамтрагчаа болгон хүлээн авах зэргээр Христийн сургаалд … төгөлдөржинө. Бид эдгээрийг үйлдсэнээр Христтэй илүү адил болж, эцсээ хүртэл тэвчдэг” (“Хожмын үеийн гэгээнтнүүд шантралгүй хичээсээр байдаг,” Ensign, May 2015, 56 эсвэл 2015 оны 4-р сарын Ерөнхий чуулган, 43).