Төгс эзэмших сургаалын давтлага 12

Ол мөн тэмдэглэ: 1 Коринт 6:19–20-оос Илчлэл 20:12

Hands of young man holding red marking pencil, while reading and studying open scriptures on lap. (horiz)

Төгс эзэмших сургаалын нэг зорилго бол төгс эзэмших сургаалын судрын хэсгүүдийн эшлэл, түлхүүр үг хэллэгийг олж, тэмдэглэхэд тань туслах явдал юм. Энэ хичээл нь Шинэ Гэрээний хоёр дахь хагасын төгс эзэмших сургаалын судрын 13 хэсгийг олж, тэмдэглэх боломжийг танд олгоно.

Төгс эзэмших сургаалын судрын хэсгүүдийг тэмдэглэх. Төгс эзэмших сургаалын судрын хэсгүүдийг тэмдэглэх нь судрын эдгээр хэсгийг илүү хялбархан санаж, олоход суралцагчдад тусална. Суралцагчдыг судрын хэсгүүдийг судрууд дээрх бусад тэмдэглэгээнээс ялгарахуйц аргаар тэмдэглэхийг бодож үзэхэд урь. Gospel Library аппликэйшныг ашигладаг суралцагчид мөн эдгээр судрын хэсэгт шошго (тэмдэглэгээ) үүсгэж болно.

Боломжит суралцах үйл ажиллагаа

Төгс эзэмших сургаалын судрын хэсгийн талаарх хичээлийг энэ давтлага хичээлийн оронд зааж болох юм. Төгс эзэмших сургаалын судрын хэсгийг авч үзэх хичээл бүрийг семинарын үеэр заасан байхад анхаарахын тулд бүсийн захирал эсвэл зохицуулагчийн өгсөн цагийн хуваарийг үзнэ үү.

Судрын эшлэл, түлхүүр үг хэллэг

Найз тань таныг судраас судалж, тэмдэглэл үйлдэж байхыг харсан гэж төсөөл. Олон тэмдэглэгээ бүхий хуудсыг хараад, тэр танаас яагаад судар дээрээ тэмдэглэгээ үйлдсэн болохыг асуув.

• Та найздаа юу гэж хариулах байсан бэ?

Суралцагчдад судар дээрээ тэмдэглэгэдэг өөр өөр аргаа болон яагаад энэ аргаар судартаа тэмдэглэснээ хуваалцах боломжийг олгох талаар бодож үз. Судар дээр тэмдэглэх зөв эсвэл буруу арга гэж байхгүйг суралцагчдад сануул.

Судар дээр тэмдэглэх эсвэл доогуур нь зурах нь судрын тодорхой хэсгийг бусдаас нь ялгах үр дүнтэй арга бөгөөд энэ нь танд тэдгээр судрын хэсгийг цаашид илүү хялбар олох боломжийг олгодог. Энэ хичээл танд Шинэ Гэрээний эхний хагас дээрх төгс эзэмших сургаалын судрын 13 хэсгийг олоод, тэмдэглэх боломжийг олгоно. Үүнийг хийхэд тусламж хэрэгтэй бол дараах хүснэгтийг судлах тэмдэглэлдээ хуулах талаар бодож үз.

Дараах хүснэгтийг үзүүлэх эсвэл хуулбарыг нь ангийнхантай хуваалцах талаар бодож үз.

Шинэ Гэрээний төгс эзэмших сургаал: 1 Коринт–Илчлэл

1 Коринт 6:19–20	“Та нарын бие бол Ариун Сүнсний сүм.”
1 Коринт 11:11	“Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”
1 Коринт 15:20–22	“Адам дотор бүгд үхдэгчлэн, Христ дотор бүгд амьд болгогдоно.”
1 Коринт 15:40–42	Амилалтад алдар суугийн гурван зэрэг бий.
Ефес 1:10	“Цагийн дүүрлийг гүйцэлдүүлэхийн тулд … бүх юмсыг Христ дотор нэгтгэх зорилго байжээ.”
Ефес 2:19–20	Сүм “элч нар болон эш үзүүлэгчдийн суурин дээр босгогдож байгаа бөгөөд Христ Есүс Өөрөө булангийн чулуу нь ажээ.”
2 Тесалоник 2:1–3	“Эхлээд урвалт гарахаас нааш Христийн өдөр ирэхгүй.”
2 Тимот 3:15–17	“Ариун судрууд мэргэн ухааныг чамд өгөх чадалтай.”
Еврей 12:9	Тэнгэрлэг Эцэг бол “сүнсний Эцэг” болой.
Иаков 1:5–6	“Харин та нарын хэн нэг нь мэргэн ухаанаар дутвал, Бурханаас гуйг.”
Иaков 2:17–18	“Итгэл нь хэрэв үйлсгүй бол өөрөө үхмэл юм.”
1 Петр 4:6	“Сайн мэдээ нь үхэгсдэд ч хүртэл тунхаглагдсан.”
Илчлэл 20:12	“Үхэгсэд үйлсийнхээ дагуу … шүүгдэв.”

Doctrinal Mastery

Суралцагчдад дагах боломж олгон дараах гурван зааварчилгааг харуул. Суралцагчдыг ангиараа явж, хамтрагчтайгаа ажиллан, өмнөх хүснэгт дээрх төгс эзэмших сургаалын судрын 13 хэсэг болон түлхүүр үг хэллэгүүдийг олж, хүсвэл тэмдэглэхэд урь. Суралцагчид хоёр минут болоод хамтрагчаа солино.

Эхний асуулт “Та ямар төрлийн дуу сонсдог вэ?”, “Та ямар спортоор хичээллэх дуртай вэ?” гэх зэрэг хэдэн асуултыг суралцагчдад өгөх талаар бодож үз.

1. Бие биетэйгээ илүү сайн танилцахын тулд асуулт тавь.

2. Төгс эзэмших сургаалын судрын хэсгийг, боломжтой бол судрын түлхүүр үг хэллэгийг олоход бие биедээ тусал. Судрын хэсгүүдийг тэмдэглэх талаар бодож үз.

3. Судрын түлхүүр үг хэллэг дэх үнэн яагаад чухал гэж бодож байгаагаа хуваалц.

Суралцагчдыг хийж дуусахад нь судрын эдгээр эшлэл, түлхүүр үг хэллэгийг цээжилж эхлэхэд тэднийг урамшуул.

Нэмэлт суралцах үйл ажиллагаа

Өөр үйл ажиллагаа

Энэ хичээлд оролцоход нь суралцагчдад туслах өөр нэг арга зам бол төгс эзэмших сургаалын судрын хэсэг бүртэй илүү ойр холбоотой асуултуудыг цаасан дээр бичих явдал юм. Суралцагчид хосоороо ажиллах эдгээр асуултад хариулж болно. Зарим төгс эзэмших сургаалын судрын хэсгийн хувьд энэ нь ямар байх жишээнүүдийг дурдъя.

1 Коринт 6:19–201 Коринт 6:19–20 -ийг ол. “Таны бие бол Ариун Сүнсний ариун сүм юм” гэсэн судрын түлхүүр үг хэллэгийг тэмдэглэх талаар бодож үз. Судар дээрээ энэ судрын түлхүүр үг хэллэгийг тэмдэглэсэн байхад анхаар.

• Та аль ариун сүмд хамгийн дуртай вэ? Яагаад?

• Таны бие яагаад ариун сүмтэй адилхан гэж та бодож байна вэ?

1 Коринт 11:111 Коринт 11:11 -ийг ол. “Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм” гэсэн судрын түлхүүр үг хэллэгийг тэмдэглэх талаар бодож үз. Судар дээрээ энэ судрын түлхүүр үг хэллэгийг тэмдэглэсэн байхад анхаар.

• Та хүчирхэг гэрлэлтийн сайн жишээг хэнээс олж харж байсан бэ?

• Яагаад эрэгтэй, эмэгтэй хүмүүсийн хоорондын гэрлэлт Тэнгэрлэг Эцэгийн хувьд чухал гэж та боддог вэ?