Galuega 6–9

Vaaiga Aoao

Sa faia e Setefano ni vavega tetele i le mana o le Atua, ae sa fetōgia o ia e tagata Iutaia mo lana molimau ia Iesu Keriso. Sa aoao atu e Filipo se tagata Aitiope e uiga ia Iesu i se auala na taitai atu ai o ia e talitonu ma papatisoina. A o malaga atu Saulo i Tamaseko e faaauau ona sauāina le Au Paia, sa faaali atu e Iesu o Ia lava ia Saulo (taga’i i le Galuega 9:3–5). Mulimuli ane, sa fesoasoani Iesu ia Anania e vaai ia Saulo e pei ona Ia silasila atu ia te ia (Saulo).

Sauni e Aoao Atu

O nei faamatalaga e tuuina atu ai i faiaoga ia latou iloa ai po o a ni mea e ao ona saunia mamao i ai mo lesona taitasi.

Galuega 6–7

Faamoemoega o le lesona: O lenei lesona e mafai ona fesoasoani i tamaiti a’oga e mafaufau loloto ai i auala e mafai ona latou faamanuiaina ai isi e ala i le taumafai e mulimuli i le Tama Faalelagi ma Iesu Keriso, avea e faapei o i La’ua, ma molimau atu e uiga ia i La’ua.

Sauniuniga a le tamaitiiti a’oga: Valaaulia tamaiti a’oga e iloilo a latou sini mo le polokalama a Tamaiti ma le Autalavou ma mafaufau pe o faapefea ona avea atili i latou e faapei o le Faaola.

Vitiō: “The Martyrdom of Stephen” (5:42; maimoa mai le faailotaimi 3:25 seia oo i le 5:34)

Ata: Ata o Setefano

Fautuaga faafaiaoga i feutaga’iga faa-vitiō: Pe a valaaulia tamaiti a’oga e faatino-faataitai le i ai i se aufono a le uarota, atonu e tatau le tuu o tamaiti a’oga se toatasi pe toalua e vaaia le aufono ma fai atu ia i latou e faamautinoa ia auai tagata uma. Afai o le a sili atu ona aogā le i ai o ni aufono e sili atu ma le tasi, mafaufau e tuu aufono taitasi i se potu faapitoa mo na o i latou lava.

Galuega 8

Faamoemoega o le lesona: O lenei lesona ua faamoemoe e fesoasoani i tamaiti a’oga e mafaufau loloto ai pe mafai faapefea ona latou faaaogaina tusitusiga paia e fesoasoani ai i isi ia talitonu ma o mai ia Iesu Keriso.

Sauniuniga a le tamaitiiti a’oga: Valaaulia tamaiti a’oga e mafaufau e uiga i meafaigaluega po o tomai faaleagaga na fesoasoani ia i latou e tuputupu malosi atili ai i le talalelei. O le a latou maua se avanoa e faasoa mai ai o latou manatu i le taimi o le lesona.

Aitema: O se samala ma fao, o se sikulu-kalaiva ma sikulu, po o isi meafaigaluega

Fautuaga faafaiaoga i feutaga’iga faa-vitiō: A uma ona suesue e tamaiti a’oga le Isaia 53:3 –9 ma tali fesili e lua e uiga i lena fuaitau, mafaufau e faatino-faataitai faatasi o se vasega. Ia faia e avea oe ma se eunuka, ma fai atu i le vasega e fesoasoani ia te oe ia malamalama i nei fuaiupu. Faamalosi’au i ni tamaiti a’oga toaitiiti e faasoa mai o latou manatu.

Galuega 8:1–3; 9:1–20

Faamoemoega o le lesona: O lenei lesona ua faamoemoe e fesoasoani i tamaiti a’oga e mafaufau loloto ai i mea e faia e le Alii e fesoasoani ai ia i latou ia suia mo le lelei sili atu ma saili ia iloa mea e finagalo o Ia latou te faia.

Sauniuniga a le tamaitiiti a’oga: Valaaulia tamaiti a’oga e talanoa i se tagata o le aiga po o se uo e uiga i auala ua valaaulia ma fesoasoani ai Iesu Keriso ia i tatou ia suia.

Aitema: O se mapu po o se polo
Vitiō: “The Road to Damascus” (5:21); “His Grace: Change Is Possible through Christ” (3:29)

Fautuaga faafaiaoga i feutaga’iga faa-vitiō: Valaaulia se tamaitiiti a’oga e sau saunia ma se mapu i le vasega. I le amataina ai o le lesona, fai atu i le tamaitiiti a’oga e faataavale le mapu i se auala e mafai ona vaai i ai le vasega. Ona fai atu lea o fesili muamua e lua o le lesona.

Galuega 9:10–31

Faamoemoega o le lesona: O lenei lesona ua faamoemoe e fesoasoani ai i tamaiti a’oga ia iloa le gafatia o isi o loo silafia e le Alii e ui lava i ni o latou vaivaiga ma mea sese ua tuana’i.

Sauniuniga a le tamaitiiti a’oga: Valaaulia tamaiti a’oga e mafaufau loloto i le fesili lenei: “E mafai faapefea ona suia le matou mafutaga ma lou aiga po o uo pe afai ou te vaai ia i latou e pei ona silasila le Faaola ia i latou?”

Vitiō: “The Road to Damascus” (5:21; vaavaai mai le taimi 1:55 i le 5:21)

Fautuaga faafaiaoga i feutaga’iga faa-vitiō: I le latalata ai i le faaiuga o le lesona, e tolu ni fesili, o le fesili muamua o le “O le a se mea e mafai ona e faia e te vaai atili ai i tagata e faapei ona faia e le Tama Faalelagi ma Iesu Keriso?” Mafaufau e faaali atu fesili uma nei e tolu ma valaaulia tamaiti a’oga e filifili se fesili se tasi ma mafaufau loloto i a latou tali. Ona fai atu lea i ni tamaiti a’oga toatele e faasoa mai a latou fesili ma tali.

Atamai i Aoaoga Faavae Toe Faamanatu 13

Faamoemoega o le lesona: O le lesona lenei ua faamoemoeina e fesoasoani i tamaiti a’oga e tauloto mau faasino ma fasifuaitau autū o mau mo nisi o fuaitau o le atamai i aoaoga faavae mo le Feagaiga Fou.

Sauniuniga a le tamaitiiti a’oga: Valaaulia tamaiti a’oga e faataitai le taulotoina o fasifuaitau autū o le atamai i aoaoga faavae ma mau faasino i se auala e aogā ai mo i latou. Mafaufau e tuuina atu le siata mai lenei lesona, pe valaaulia i latou e faaaoga le polokalama o le Atamai i Aoaoga Faavae pe a maua.

Siata: O le siata o le atamai i aoaoga faavae e faaali i luga o le laupapa pe tufa atu

Fautuaga faafaiaoga i feutaga’iga faa-vitiō: E mafai ona valaaulia tamaiti a’oga e saili mo ata nai lo o le tusia o ata. Ona mafai lea ona valaaulia i latou e faasoa mai a latou lau komepiuta e faaali mai ai mea ua latou mauaina. E mafai e tagata o le vasega ona mate fuaitau autū o le atamai i aoaoga faavae ma fuaitau e fetaui ma ata.