Vlerësoni të Mësuarit Tuaj 5

Mateu 21–26; Marku 11–14; Lluka 19–21; Gjoni 12–13

Young woman sitting on a bed reading scriptures.

Ky mësim ka për qëllim të të ndihmojë të vlerësosh synimet që ke vendosur dhe rritjen vetjake që ke përjetuar gjatë studimit tënd të Dhiatës së Re.

Përgatitja e nxënësve: Ftojini nxënësit të mendojnë për disa nga mësimet dhe përvojat e fundit që kanë pasur si rezultat i atyre mësimeve.

Veprimtari të Mundshme të të Mësuarit

Ky mësim ka për qëllim t’i ndihmojë nxënësit të vlerësojnë synimet që kanë vendosur, aftësinë e tyre për të shpjeguar mësimet në Dhiatën e Re, ose mënyrën se si qëndrimet, dëshirat dhe aftësia e tyre për ta jetuar ungjillin po ndryshojnë. Studimi si klasë i pjesëve Mateu 21–26; Marku 11–14; Lluka 19–21; Gjoni 12–13 mund të ketë theksuar të vërteta të ndryshme nga ato në veprimtaritë vijuese. Nëse po, veprimtaritë mund të përshtaten për t’i përfshirë ato të vërteta.

Çfarë ke mësuar?

Gjej një çast për të menduar për atë që ke mësuar së fundmi nga studimi yt i Dhiatës së Re. Figurat në vijim mund të të ndihmojnë. Mund të jetë gjithashtu e dobishme t’u referohesh shënimeve të tua më të fundit në ditarin tënd të studimit. Veprimtaria vijuese mund të të ndihmojë të vlerësosh rritjen tënde si rezultat i asaj që po mëson.

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Jesus washing Peter’s feet. Outtakes show similar scenes.

The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

Nëse dëshironi, merreni parasysh t’i lejoni nxënësit të përgjigjen për pyetjet vijuese në dyshe ose në grupe të vogla.

• Çfarë ke mësuar së fundmi për Jezu Krishtin që ka qenë më kuptimplotë për ty? Cilat ndodhi nga shkrimet e shenjta të ndihmuan të arrish te kjo njohuri për Të?

• Cilat veprime ke ndërmarrë për t’u bërë një dishepull më i përkushtuar i Jezu Krishtit?

• Çfarë hap/a tjetër mund të ndërmarrësh për t’u përmirësuar si një pasues i Shpëtimtarit?

Duaje Perëndinë dhe duaje të afërmin tënd

Ti studiove së fundmi mësimin e Jezusit që dy urdhërimet më të mëdha janë që ta duam Perëndinë me gjithë zemrën, shpirtin dhe mendjen tonë dhe ta duam të afërmin si vetveten (shih te Mateu 22:36–39).

Merreni parasysh t’i ftoni nxënësit të diskutojnë për pyetjen në vijim me një partner.

• Përse mendon se këto janë dy urdhërimet më të mëdha?

Gjithashtu, ti ke mësuar së fundmi për Jezu Krishtin që lan këmbët e dishepujve të Tij dhe u jep atyre një urdhërim të ri për të dashur njëri-tjetrin ashtu si Ai i deshi ata (shih te Gjoni 13).

Lejoni disa nxënës të përgjigjen për pyetjet në vijim. Merreni parasysh të bëni pyetje për ndjekjen e ecurisë për t’i lejuar nxënësit të tregojnë përvojat që kanë pasur ndërsa kanë vepruar sipas planit të tyre.

• Si ishte përvoja jote e të vepruarit sipas mësimeve të Shpëtimtarit?

• Çfarë ndjeve për dashurinë e Jezu Krishtit për ty dhe për të tjerët ndërsa iu përgjigje ftesave të dhëna në klasë?

• Çfarë do të doje të bëje ose të vazhdoje të bëje si rezultat i mësimeve të Shpëtimtarit?

Mund të jetë e dobishme të ndiqni ecurinë me nxënësit për planet e tyre sërish në të ardhmen e afërt. Dëshmoni për bekimet që vijnë teksa përpiqemi fort ta duam Perëndinë dhe t’i duam të tjerët ashtu si i do Shpëtimtari.

Ardhja e Dytë e Jezu Krishtit

Gjatë kësaj pjese të mësimit, merreni parasysh të paraqitni që nga fillimi i mësimit paraqitjen e Ardhjes së Dytë të Jezu Krishtit.

Një mënyrë e shkëlqyer për të thjeshtuar mësimet e ungjillit është t’i shpjegosh ato si për nivelin e një fëmije. Për të të ndihmuar të kuptosh aspekte të rëndësishme të Ardhjes së Dytë të Shpëtimtarit me fjalët e tua, shkruaj një përmbledhje sikur të ishe duke e shkruar atë për një fëmijë.

Nxënësit mund të punojnë vetë ose në dyshe për të shkruar një përmbledhje.

Kujtoni që në mësimin e mëparshëm, nxënësit mund të kenë kaluar shumë kohë duke studiuar se si të shmangin pështjellimin, dyshimin dhe frikën për Ardhjen e Dytë. Mund të jetë e dobishme t’u kërkoni nxënësve të kujtojnë atë që mësuan gjatë studimit te Joseph Smith – Mateu përpara se të fillojnë të shkruajnë përmbledhjet e tyre.

Qëllimi i përmbledhjes sate është të përgjigjesh për dy pyetje:

• Çfarë mund të bëjmë që të jemi të përgatitur për Ardhjen e Dytë të Jezu Krishtit?

• Përse do të jetë Ardhja e Dytë e Shpëtimtarit e lavdishme? (Kujto që në mësimin e mëparshëm, ti mund të kesh lexuar ftesën e Plakut Nil L. Andersen për të përfytyruar dhe përsëritur ngjarjet e lavdishme që rrethojnë Ardhjen e Dytë [shih “Ardhtë Mbretëria Jote”, Ensign ose Liahona, maj 2015, f. 122].)

Burimet në vijim mund të të ndihmojnë të përsërisësh atë që ke mësuar.

• Joseph Smith – Mateu 1:22–23, 28–36 , si edhe shënimet e tua në ditarin tënd të studimit

• “ Shenj(a) të Kohërave ” (Udhëzuesi për Shkrimet e Shenjta, scriptures.ChurchofJesusChrist.org)

• “ Ardhje e Dytë e Jezu Krishtit ” (Udhëzuesi për Shkrimet e Shenjta)

Nxënësit mund t’ia tregojnë përmbledhjen e tyre një partneri, ose një apo dy nxënës mund të dalin vullnetarë për të lexuar përmbledhjet e tyre përpara klasës.