Gjoni 13

“Ta Doni Njëri-Tjetrin”

Jesus washing Peter’s feet. Outtakes show similar scenes.

Pas marrjes së darkës së Pashkës judease, Jezusi u lau këmbët dishepujve të Tij. Ai i mësoi ata rreth shërbimit dhe dashurisë për njëri-tjetrin. Ky mësim mund të të nxitë të kërkosh lumturi nëpërmjet shërbimit dhe dashurisë ndaj të tjerëve ashtu siç bëri Jezusi.

Nxitja e përgjigjeve të shumëfishta për pyetjet. Shmangeni prirjen për të pranuar vetëm një përgjigje për një pyetje dhe më pas të vazhdoni me mësimin. Ftojini nxënësit e tjerë të përgjigjen ose të komentojnë për një përgjigje të mëparshme. Kërkoni udhërrëfimin e Shpirtit teksa i ftoni nxënësit të marrin pjesë në diskutime.

Përgatitja e nxënësve: Ftojini nxënësit të gjejnë një mundësi për të shërbyer ose për të treguar dashuri si e Krishtit për një person tjetër.

Veprimtari të Mundshme të të Mësuarit

Përpjekja për të qenë si Jezusi

Këndo ose lexo fjalët e këngës “Përpiqem t’Jem si Jezusi” (Libri i Këngëve të Fëmijëve,f. 40–41). Ndërsa e bën këtë, mendo rreth arsyeve përse ti dëshiron të jesh më i ngjashëm me Jezusin.

Merreni parasysh t’i ftoni nxënësit të tregojnë mendimet apo ndjenjat që patën teksa kënduan ose lexuan këngën ose panë materialin filmik. Bëni pyetjet vijuese duke përdorur pyetjen e parë për të bërë ftesë për vetëreflektim më tepër sesa për diskutim.

Në çfarë mënyrash po mundohesh të jesh i ngjashëm me Jezusin?
Çfarë ndryshimesh ke parë në jetën e njerëzve teksa ata janë përpjekur të bëhen si Jezusi? Po në jetën tënde?

Teksa merr pjesë në këtë mësim, kushtoju vëmendje nxitjeve nga Fryma e Shenjtë që mund të të frymëzojnë të ndjekësh më mirë shembullin dhe mësimet e Shpëtimtarit.

“Ju kam dhënë shembullin”

Merreni parasysh të paraqitni një figurë që nga fillimi i këtij mësimi për t’i ndihmuar nxënësit të përfytyrojnë atë që po ndodh në këtë rrëfim të shkrimeve të shenjta.

Afër fundit të jetës së Shpëtimtarit, Ai i mblodhi Apostujt e Tij së bashku për darkën e Tij të fundit të Pashkës judease. Ngjarjet e kësaj mbrëmjeje shpesh quhen Darka e Fundit.

Lexo te Gjoni 13:1–11 , duke kërkuar atë që bëri Jezusi pasi Ai dhe Apostujt e Tij mbaruan së ngrëni darkën e Pashkës judease.

Do të ketë mundësi për t’i trajtuar ngjarjet e tjera që ndodhën gjatë darkës së Pashkës judease, në mësimet e tjera për këtë javë.

Mund të jetë e dobishme të dish se gjatë kohëve të Dhiatës së Re, zakonisht njerëzit i kishin këmbët shumë të ndotura për shkak se vishnin sandale dhe ecnin më së shumti në rrugë me dhe. Larja e këmbëve të të tjerëve kryhej zakonisht nga shërbëtorët e nivelit më të ulët.

Çfarë mëson për karakterin e Jezusit nga veprimi i Tij i larjes së këmbëve të Apostujve?
Si mund të ishe ndier apo mund të kishe reaguar nëse Jezusi do të të kishte dhënë këtë lloj shërbimi të përulur?

Nëpërmjet larjes së këmbëve të Apostujve të Tij, Shpëtimtari jo vetëm që kreu një veprim të bukur shërbimi, por Ai gjithashtu themeloi një ordinancë të shenjtë (shih Bruce R. McConkie, Doctrinal New Testament Commentary [1965], 1:708–709). Kjo ordinancë u rivendos në periudhën tonë të kujdestarisë së ungjillit nëpërmjet Profetit Jozef Smith (shih Doktrina e Besëlidhje 88:74–75, 137–141 ; Saints [Shenjtorët], 1:166). Për shkak se kjo është një ordinancë e shenjtë që përmendet rrallëherë nga profetët dhe apostujt, mësuesit nuk duhet të diskutojnë se si kryhet kjo ordinancë në ditët tona. Mësuesit dhe nxënësit nuk duhet të marrin pjesë në asnjë veprimtari që lidhet me larjen e këmbëve të njëri-tjetrit. Përkundrazi, theksoni shembullin e madh të dashurisë së Shpëtimtarit duke u shërbyer dishepujve të Tij në këtë mënyrë.

Lexo te Gjoni 13:12–17 , duke kërkuar mësime që mund t’i mësosh nga fjalët e Shpëtimtarit.

Çfarë mëson nga mësimet e Shpëtimtarit në këto vargje?
Kur ke përjetuar lumturi duke ndjekur shembullin e shërbimit të Jezusit?

“Ta doni njëri-tjetrin”

Pasi u lau këmbët Apostujve të Tij, Shpëtimtari shpenzoi kohë për t’u dhënë mësim atyre. Lexo te Gjoni 13:34–35 për të zbuluar doktrinën e rëndësishme që Ai dha mësim.

Ndihmojini nxënësit të identifikojnë një të vërtetë të ngjashme me atë në vijim: Që të jemi dishepuj të vërtetë të Jezu Krishtit, ne duhet ta duam njëri-tjetrin ashtu siç Ai na do ne.

Disa nxënës mund ta kenë të vështirë ta duan dikë që i ka lënduar. Kërkoni drejtimin e Frymës së Shenjtë për të ditur se cilat përshtatje mund të nevojitet të bëhen për t’i ndihmuar nxënësit ta ndiejnë dashurinë e Jezu Krishtit për ta dhe për të tjerët.

Çfarë mendimesh, ndjenjash apo pyetjesh ke teksa lexon dhe mendon për këto vargje?

Merreni parasysh t’i ftoni nxënësit të kryejnë veprimtarinë vijuese në dyshe ose në grupe të vogla. Nxënësit mund të shtojnë shembujt e tyre në një listë në tabelë.

Mendo për ndodhi nga shkrimet e shenjta në të cilat Shpëtimtari tregoi dashuri ndaj të tjerëve.

Si tregoi Jezu Krishti dashuri në mënyra të ndryshme për njerëz të ndryshëm?

Gjej pak kohë për të menduar dhe për të shkruar se kur ose si e ndien dashurinë e Jezusit për ty. Merre parasysh të qëndrosh në heshtje dhe t’i kërkosh Atit Qiellor të të ndihmojë t’i dallosh këto raste.

Si ndikon dallimi dhe të ndierit e dashurisë së Shpëtimtarit për ty në dëshirën tënde për të treguar dashuri ndaj të tjerëve?

Disa nxënës mund të kenë vështirësi të mendojnë se si Shpëtimtari tregon dashuri ndaj tyre në mënyra vetjake. Merreni parasysh të tregoni shembuj të mënyrës se si Ai tregon dashuri, si për shembull duke dhënë falje, duke i ndihmuar ata ta kuptojnë vlerën e tyre ose duke i lejuar ata të dinë se Ai e kupton atë që po përjetojnë. Merreni parasysh të tregoni një përvojë vetjake për t’i ndihmuar nxënësit të shohin se Ai vazhdon të tregojë të njëjtën mirëdashje për ne që tregoi në ndodhitë nga shkrimet e shenjta. Mund të jetë gjithashtu e dobishme të tregoni mesazhin e Plakut Diter F. Uhtdorf në materialin filmik “Mënyra se si e Dëgjoj Unë Atë: Plaku Diter F. Uhtdorf” #DëgjojeAtë (2:01), në dispozicion në https://www.youtube.com/watch?v=GummJosSVpU.

Kini parasysh që mësimi i radhës “Vlerësoni të Mësuarit Tuaj” do të ndjekë ecurinë e këtij plani. Nëse bëhen përshtatje këtu, sigurohuni të përshtatni mësimin “Vlerësoni të Mësuarit Tuaj” në përputhje me këtë.

Bëj një plan të mënyrës se si mund ta ndjekësh shembullin e Shpëtimtarit për tʼi dashur dhe për tʼu shërbyer të tjerëve, si edhe të kohës kur dëshiron ta bësh atë. Mund të jetë e dobishme të mendosh për idetë vijuese ndërsa bën një plan.

Bëj sot diçka për një pjesëtar/e të familjes, mik/e ose dikë në komunitet.
Bëj diçka për të treguar dashuri dhe dashamirësi ndaj dikujt që është i ndryshëm nga ti ose edhe ndaj dikujt me të cilin ke pasur vështirësi të komunikosh në të kaluarën.
Identifiko dikë për të cilin/ën ndien mbresën të tregosh dashuri ose respekt më të madh.
Merre parasysh se si mund ta ftosh dashurinë e Shpëtimtarit në përpjekjet e tua.

Komente dhe Informacion për Rrethanat

Gjoni 13:26 . Çfarë është një kafshatë?

“Kafshata” e përshkruar te Gjoni 13:26 ishte një copë buke e vogël që ata që darkonin e përdornin për të mbledhur lëng mishi dhe mish nga një tas. Meqë ishte një gjest mirësie dhe respekti që një mikpritës ta ngjyente kafshatën dhe tʼia jepte atë një mysafiri në darkë, me anë të këtij veprimi Shpëtimtari i paraqiti Judës një ofertë miqësie, mbase një mundësi të fundit që ai të braktiste tradhtinë e planifikuar.

Si mund t’i ndihmojmë të tjerët të ndiejnë dashurinë e Jezu Krishtit nëpërmjet shërbimit tonë për ta?

Presidenti Henri B. Ajring tregoi historinë vijuese:

“U caktova të vizitoja një mbledhje sakramenti në një qendër përkujdesjeje. M’u kërkua të shpërndaja sakramentin. Në vend që të mendoja për procesin ose saktësinë e mënyrës se si e shpërndava sakramentin, përkundrazi vështrova fytyrën e secilit prej të moshuarve. I pashë shumë prej tyre duke qarë. Një zonjë më kapi mëngën, vështroi lart dhe tha me zë të lartë: ‘O, faleminderit, faleminderit’.

Zoti e kishte bekuar shërbimin tim të dhënë në emrin e Tij. Atë ditë unë isha lutur që të vinte një mrekulli e tillë, në vend që të lutesha se sa mirë mund ta bëja pjesën time. U luta që njerëzit të ndienin dashurinë e Zotit nëpërmjet shërbimit tim plot dashuri. Kam mësuar se ky është çelësi për t’u shërbyer të tjerëve dhe për t’i bekuar ata në emrin e Tij.”

(Henri B. Ajring, “Bekoni në Emrin e Tij”, Liahona, maj 2021, f. 69)

Veprimtari Plotësuese të të Mësuarit

A line with arrows marked with the words “How Happy am I?”

Si mund të tregoni që jeni i krishterë?

Në fillim të pjesës “Ta doni njëri-tjetrin”, veprimtaria vijuese mund t’i ndihmojë nxënësit të përfshihen sërish në mësim:

Pyetini nxënësit nëse i kanë akuzuar ndonjëherë se nuk ishin të krishterë ose dishepuj të vërtetë të Jezu Krishtit, ngaqë ata janë anëtarë të Kishës së Jezu Krishtit të Shenjtorëve të Ditëve të Mëvonshme. Nëse ndonjë nxënës është akuzuar, pyeteni se si ka reaguar ndaj asaj situate. Ftojini anëtarët e klasës të diskutojnë pyetjet në vijim:

Si mund të përgjigjeshit nëse dikush ju thoshte se ju nuk jeni i krishterë?

Cilat janë disa mënyra se si mund të tregoni që jeni ndjekës i Jezu Krishtit?

Gjoni 13:35 . “Prej kësaj do t’ju njohin të gjithë që jeni dishepujt e mi”

Merreni parasysh të theksoni të vërtetën te Gjoni 13:34 që kur e duam njëri-tjetrin sikurse Jezu Krishti na do, të tjerët do ta dinë se ne jemi dishepujt e Tij.

Për ta ilustruar këtë të vërtetë, tregoni historinë në vijim të rrëfyer nga Plaku Pol E. Kolliker ndërkohë që shërbente si anëtar i Të Shtatëdhjetëve:

“Dy misionarë të rinj trokitën në një derë me shpresën që të gjenin dikë për të pranuar mesazhin e tyre. Dera u hap dhe një burrë trupmadh i përshëndeti ata me një zë antipatik: ‘Mendova se ju thashë të mos trokitni më në derën time. Ju paralajmërova më parë se, nëse do të vinit përsëri, kjo nuk do të ishte një përvojë e këndshme. Tani më lini të qetë.’ Ai me ngut mbylli derën.

Kur misionarët u larguan, misionari më i vjetër e më me përvojë vendosi dorën mbi shpatullën e misionarit më të ri për ta ngushëlluar dhe për t’i dhënë zemër. Pa u vënë re nga ata, burri i pa nga dritarja për t’u siguruar se ata e kishin kuptuar mesazhin e tij. Ai priste që t’i shihte ata tërësisht të qeshur dhe të bënin shaka me përgjigjen e tij të shkurtër e të pasjellshme për vizitën e tyre në tentativë. Megjithatë, ndërsa ai pa shprehjen e mirësisë midis dy misionarëve, zemra e tij u zbut në çast. Ai e hapi sërish derën dhe u kërkoi misionarëve të ktheheshin e të ndanin mesazhin e tyre me të.

… Ky parim i të pasurit të dashurisë për njëri-tjetrin dhe zhvillimit të aftësisë sonë për të qenë me përqendrimin te Krishti në mënyrën si mendojmë, flasim dhe veprojmë, është thelbësor për t’u bërë dishepuj të Krishtit.”

(Pol E. Kolliker, “Ai me të Vërtetë na Do”, Ensign ose Liahona, maj 2012, f. 17)

Ftojini nxënësit të marrin parasysh se përse ky ndërveprim midis misionarëve pati një ndikim aq të madh te ky burrë.