Atamai i Aoaoga Faavae: Efeso 2:19–20

Ua Faavae le Ekalesia ia Iesu Keriso ma Ana Aposetolo ma Perofeta

All the members of the First Presidency and the Quorum of the Twelve Apostles are seated or standing with the Christus Statue and statues of the Original Twelve at the Visitors’ Center in Rome, Italy. Front Left to Right: Dieter F. Uchtdorf, Jeffrey R. Holland, M. Russell Ballard, Dallin H. Oaks, Russell M. Nelson, Henry B. Eyring, David A. Bednar, Quentin L. Cook, D. Todd Christofferson, Gary E. Stevenson, Ronald A. Rasband, Neil L. Andersen, Dale G. Renlund, Gerrit W. Gong, Ulisses Soares

I lau suesuega o le Efeso 2, ua e aoao ai o le Ekalesia a Iesu Keriso o loo fausia i luga o se faavae o le au aposetolo ma perofeta ma o Iesu Keriso o le maa tulimanu autu. O lenei lesona e fesoasoani e faatupuina lou malamalama i nei aoaoga a o e ao tauloto le mau faasino ma fasifuaitau autu o le mau mo le Efeso 2:19–20, faamatala le aoaoga faavae, ma faaaoga aoaoga faavae ma mataupu faavae o le mauaina o le malamalama faaleagaga i se tulaga masani o le olaga.

Sauniuniga a le tagata aoga: Mafaufau e ta’u i le vasega le ata faataitai o le faaaogaaga mai lenei lesona ma valaaulia i latou e mafaufau loloto pe mafai faapefea ona latou faaaogaina mataupu faavae o le mauaina o le malamalama faaleagaga e fesoasoani ai i le latou uo.

Gaoioiga E Ono Mafai Ona Aoao Mai Ai

O lenei lesona i le fuaitau o le atamai i aoaoga faavae ua faatulagaina ia aoaoina pe a uma le “Efeso 2,” o le lesona faatatau mo le fuaitau o le atamai i aoaoga faavae Efeso 2:19–20 . Afai e manaomia le tuu o le lesona lenei o fuaitau o le atamai i aoaoga faavae i se isi vaiaso, ia mautinoa e aoao atu ai foi le lesona faatatau fai faatasi i le vaiaso foi lena.

Tauloto ma faamatala

Ina ia fesoasoani ia te oe e tauloto lenei mau faasino o le atamai i aoaoga faavae ma le fasifuaitau autu o le mau, tusi mea nei ia le itiiti ifo ma le faatolu i lau api faamaumau mo suesuega: “Efeso 2:19–20. O le Ekalesia ua ‘atiina ae i luga o le faavae o aposetolo ma perofeta, o Iesu Keriso lava ia o le maa tulimanu autu.’”

E mafai ona e tusia le fasifuaitau i se auala e faapupula mai ai foi lenei upumoni. Mo se faataitaiga, e mafai ona e tusia se pusa faatafafa e faataamilo i le fasifuaitau e faatusa i se faavae ma tusi ai se ata o se falelotu i ona luga. Pe, afai na e tusia se faataitaiga o lenei faavae mo le lesona talu ai, e mafai ona e tusia le fasifuaitau autu i luga po o talaane o lena ata.

Global Visual Library Low-Fidelity Symbol Knockout

A. Faitau le Efeso 2:19–20, ma mafaufau loloto i le savali o loo i ai.

E. Mafaufau i se fesili atonu o i ai a se tasi e uiga i perofeta ma aposetolo e mafai ona fesoasoani le Efeso 2:19–20 e tali ai. O nisi faataitaiga atonu o le “Aisea e i ai perofeta ma aposetolo i la outou ekalesia?” “O le a se mea o aoao mai e tusitusiga paia e uiga i perofeta ma aposetolo?” po o le “O le a le sootaga i le va o le Faaola ma perofeta ma aposetolo?” Tusi i lalo lau fesili.

I. I le faaaogaina o le Efeso 2:19–20, tusi le mea o le a e fai atu e tali ai le fesili.

Nai lo le valaaulia o tagata aoga e tusi a latou tali mo le laasaga I, mafaufau e fai atu ia i latou e galulue i paga ma tali fesili a le tasi ma le isi. Faalogo i a latou tali ma iloilo po o le a le lelei o le malamalama o tagata aoga. Afai e tatau ai, toe faamanatu le Efeso 2:19–20 faatasi ma tagata aoga ma soo se anomea e tatau ai mai le lesona o le “Efeso 2”.

Faataitai le faaaogaina

I le taimi o le gaoioiga lenei, iloilo le malamalama o tagata aoga i mataupu faavae o le mauaina o le malamalama faaleagaga, ma fesoasoani ia i latou pe a manaomia.

O le gaoioiga lenei e mafai ona fesoasoani ia te oe e toe faamanatu ai mataupu faavae o le mauaina o le malamalama faaleagaga. Faafetaui faamatalaga taitasi ma le mataupu faavae talafeagai o le mauaina o le malamalama faaleagaga.  Afai e manaomia, faaaoga parakalafa 5–12 o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae (2022) e fesoasoani ia te oe.  

1. O tagata e saili ma le faamaoni i le upumoni e tatau ona faaeteete i punaoa le faatuatuaina o faamatalaga. 

2. A o tatou faamaoni i le upumoni ma le malamalama ua uma ona tatou mauaina, o le a tatou maua atili ai.

3. A o tatou mauaa ai i lo tatou talitonuga i lo tatou Tama Faalelagi ma Lana fuafuaga o le faaolataga, e mafai ona tatou vaai manino atili atu i mataupu eseese. 

a. Faatino i le faatuatua.

e. Iloilo manatu faavae ma fesili ma se vaaiga e faavavau.

i. Saili le malamalama atili e ala i punavai ua tofia faalelagi.

Valaaulia ni nai tagata aoga e faasoa mai se tasi o pea na latou faafetauia ma faamatala mai pe aisea e mafai ai ona fesoasoani le faamatalaga faapitoa na latou filifilia ia i latou e maua ai le malamalama faaleagaga.

Manatu e faapea ua maua e lau uo mamae o Estelle se lagona feteenai. E i ai sana molimau e uiga i perofeta ma aposetolo, ae e tetee o ia i se aoaoga o iai nei a le Ekalesia. O le mea moni, e i ai ona lagona malolosi e faasaga i ai. Ua ia fesili atu ia te oe mo se fesoasoani ia iloa le mea e fai. I lena taimi e te le o iloa se tala e fai atu, ae ua e filifili e mulimuli i mataupu faavae o le mauaina o le malamalama faaleagaga sa e faaaogaina i le seminare e sauniuni ai e fesoasoani i lau uo.

Faaaoga le siata lenei e toe manatunatu ai i ou lava mafaufauga ma lagona e uiga i perofeta ma aposetolo ma pe mafai faapefea ona e fesoasoani ia Estelle.

Mafaufau e tusi le faamatalaga lenei i luga o le laupapa po o le saunia o fesili i luga o se fasipepa e faaaoga e tagata aoga.

Na faapefea ona ou aoao e faalagolago ma mulimuli i aposetolo ma perofeta?	E mafai faapefea ona ou fesoasoani i la’u uo?
O a ni aafiaga na ou mauaina ina ua ou faatinoina ma le faatuatua ia Iesu Keriso e mulimuli i Ana aposetolo ma perofeta? O le fea o aafiaga e ono fesoasoani e faasoa atu ai ia Estelle?	O a fesili e mafai ona ou fai atu ia Estelle e fesoasoani ai ia te ia e mafaufau i le ala atonu o finagalo ai le Alii ia te ia e faatino i le faatuatua?
O le a se mea ua uma ona ou iloa e uiga i le Tama Faalelagi, Lana fuafuaga, ma le ala Na te feutagai ai ma Lana fanau e ono fesoasoani ia Estelle i lenei tulaga?	O a ni fesili e mafai ona ou fai atu ia Estelle e fesoasoani ai ia te ia ia vaai i lona atugaluga ma se vaaiga e faavavau?
O a punavai ua tofia faalelagi ua fesoasoani ia te au e faalagolago ai i aposetolo ma perofeta? Na faapefea ona latou fesoasoani ia te au?	O a punavai ua tofia faalelagi o le a ou fautuaina Estelle e tapa atu i ai?

Afai e manaomia e tagata aoga se fesoasoani i fesili e fesoasoani ai ia Estelle ia vaai i lona atugaluga ma se vaaiga e faavavau, mafaufau e faaaoga faataitaiga nei:

O le a se mea ua e iloa e uiga i le matafaioi a perofeta ma aposetolo i le ata o le faaolataga a le Tama Faalelagi?
O a ni ou popolega e uiga i lenei aoaoga patino? O a mataupu faavae i le talalelei a Iesu Keriso e mafai ona fesoasoani e te malamalama atili ai?
E mafai faapefea e le faaiuga e mulimuli i perofeta ma aposetolo, pe le mulimuli ai foi ia i latou, ona aafia ai oe i le aluga o taimi? E mafai faapefea ona aafia ai lou sootaga ma lou Tama Faalelagi?

Afai e manaomia e tagata aoga le fautuaina atu o punavai ua tofia faalelagi mo Estelle e suesue ai, mafaufau e valaaulia i latou e faitau le Mataupu Faavae ma Feagaiga 21:4–6 ma le 1 Nifae 2:11, 16, 19 . E mafai foi ona valaaulia i latou e faitau le saunoaga a Peresitene Henry B. Eyring e uiga i le mulimuli i fautuaga a perofeta ma aposetolo i lana lauga “Finding Safety in Counsel” (Ensign, Me 1997, 25), o loo maua i le ChurchofJesusChrist.org.

Valaaulia tagata aoga e fai ni ata faatino i ni paga po o vaega toalaiti e faataitai ai mea latou te ono fai atu ai ia Estelle. E mafai foi e tagata aoga ona tusi se ata komi puupuu e i ai ata o tagata faafasilaau ma tusitusiga o tala o loo tautatala ai i totonu o ni lio.

Mafaufau e fai atu fesili tulitatao e pei o le “O a ni auala e te lagona ai le mautinoa e faaaoga ai mataupu faavae o le mauaina o le malamalama e fesoasoani ai i isi? Aisea?” “O a vaega o le a e manaomia ai nisi fesoasoani po o faatinoga?”

Faamalo atu i tagata aoga i auala o loo latou faaaogaina ai mataupu faavae o le mauaina lelei o le malamalama faaleagaga ma auala o loo latou alualu ai i luma.

Mafaufau e faasoa atu se aafiaga po o se molimau patino ia faamalosiau ai i tagata aoga.

Toe faamanatuina o le atamai i aoaoga faavae

Faaaoga se gaoioiga e pei o lenei e toe faamanatu ai lenei fuaitau o le atamai i aoaoga faavae i se lesona o le a sosoo ai.

I luga o le laupapa, tusi ai se ata faigofie o se falelotu e i ai ma se pusa faatafafa i ona lalo ifo e faatusa iai le faavae. I totonu o lenei pusa faatafafa, tusi ai mea nei: Efeso _:19–20, O le Ekalesia o loo ua “atiina ae i luga o le __________________ o __________________ma __________________ ma o Iesu Keriso lava ia o le __________________ _________.” Valaaulia le vasega e faatumu avanoa. Faauma le toe faamanatu lenei e ala i le valaaulia o tagata aoga e tauloto i ni nai taimi le mau faasino ma le fasifuaitau autu o le mau, ma tape ese ni nai upu i taimi taitasi.

Galuega Faatino Faaopoopo e Aoao Mai Ai

O se isi vaaiga faataitai

Mafaufau e faaaoga le ata faataitai lenei e sui tulaga i le ata faataitai o i le lesona:

Vaai faalemafaufau e faapea o loo talitonu pea lau uo mamae o Estelle ma lona aiga ia Iesu Keriso ma le Tusi Paia ae o loo mafaufau e o ese mai i le Ekalesia ona latou te le ioe i nisi o mea o loo aoao mai e le perofeta ma aposetolo i le taimi nei. Ua fesili atu Estelle ia te oe mo se fesoasoani ia ona iloa le mea e fai.