Efeso

Vaaiga Aoao

I lana tusi i Efeso, na talanoa atu ai Paulo i Tagata Nuu Ese o le Ekalesia (tagai i le Efeso 2:11) o e atonu o ni tagata faatoa liliu mai (tagai i le Efeso 1:15). Sa ia aoao atu ni mataupu faavae faaolaina se tele, e aofia ai le ala e tuufaatasia ai i tatou e le Faaola, o le taua o perofeta ma aposetolo, o le faataitai o o tatou sootaga i le Faaola, ma le tetee atu i malosiaga o le amioleaga.

Sauni e Aoao Atu

O faamatalaga nei e tuuina atu ai i faiaoga ia manatu i mea e ono manaomia ona muai saunia mo lesona taitasi:

Efeso 2–5

Faamoemoega o le lesona: O lenei lesona ua faamoemoe e fesoasoani i tagata aoga e aoao ai pe faapefea ona maua upumoni mai tusitusiga paia o le a fesoasoani ia i latou i o latou olaga ma aumaia faalatalata atili ai i latou i le Faaola.

• Sauniuniga a le tagata aoga: Valaaulia tagata aoga e suesue i tusitusiga paia i le va o le taimi lenei ma le isi vasega, ma vaavaai mo upumoni o loo aoao mai e tusitusiga paia. Valaaulia i latou e mafaufau loloto i auala eseese e mafai ona latou faailoa mai ai nei upumoni.

• Vitio: “Flecks of Gold” (3:16; matamata mai le faailotaimi 0:00 seia oo i le 2:26).

• Fautuaga faafaiaoga mo fesootaiga i vitio: A uma ona fai e tagata aoga a latou pepa faalauiloa o i ai se savali, valaaulia i latou e filifili le vaaiga i le potu-ata ina ia mafai ona latou vaai ai i tagata uma o le latou vasega. Valaaulia tagata aoga uma e faaali mai a latou pepa faalauiloa o i ai se savali ina ia mafai ona vaai i ai le vasega atoa. Fai i se tagata aoga e filifili se pepa faalauiloa o i ai se savali e foliga manaia ia i latou, ona valaaulia lea o le tagata na faia le pepa faalauiloa o i ai se savali e faamalamalama mai. A o faamatala mai e le tagata aoga, atonu e fesoasoani mo le vasega le filifili le vaaiga a le failauga ina ia mafai ona latou vaai manino i le pepa faalauiloa o i ai se savali. Ona valaaulia lea o le tagata lea faatoa faasoa mai e filifili se isi pepa faalauiloa o i ai se savali e foliga manaia ia i latou ma fai atu i le tagata aoga na faia e sosoo lona faasoa mai. Faaauau ona fai faapea pe a manaomia.

Efeso 2

Faamoemoega o le lesona: O lenei lesona ua faamoemoe e fesoasoani i tagata aoga ia iloa ma saili faamanuiaga o loo maua ona o loo taitaia e Iesu Keriso Lana Ekalesia i aso nei e ala i perofeta ma aposetolo.       

• Sauniuniga a le tagata aoga: Valaaulia tagata aoga e mafaufau loloto i le fesili “Faamata e faape’i lo’u olaga e aunoa ma perofeta ma aposetolo o e ua valaauina e Iesu Keriso e taitaia Lana Ekalesia?”

• Anomea mo le vasega: Mo le gaoioiga O, ia i ai ni kopi o le tamaitusi Mo le Malosi o le Autalavou (2011) o loo maua mo tagata aoga o e e le mafai ona maua le lomiga faatekinolosi i le Potu o le Talalelei.

• Vitio: “Upusii mai Le Keriso Soifua: O Molimau a Aposetolo” (2:45); “O Loo Soifua o Ia: O Molimau ia Iesu Keriso” (2:10)

• Fautuaga faafaiaoga mo fesootaiga i vitio: E mafai e tagata aoga ona faaaoga se polokalama faatekinolosi po o se polokalama o loo i ai i luga o a latou telefoni po o komepiuta e fatu ai i auala faatekinolosi se faatusa o le Efeso 2:19–21 . Ona mafai lea ona latou faasoa mai a latou lau e faaali ma faamatala mai ai mea na latou fatuina ma faasoa mai po o a mea na fesoasoani le latou faatusa ia i latou e malamalama ai e uiga ia Iesu Keriso ma Lana Ekalesia.

Atamai i Aoaoga Faavae: Efeso 2:19–20

Faamoemoega o le lesona: O lenei lesona ua faamoemoe e faateleina ai le tomai o tagata aoga i aoaoga i le Efeso 2 a o latou taulotoina le mau faasino ma le fasifuaitau autu o le mau mo le Efeso 2:19–20, faamatala le aoaoga faavae, ma faaaoga le aoaoga faavae ma mataupu faavae o le mauaina o le malamalama faaleagaga i se tulaga masani o le olaga.

• Sauniuniga a le tagata aoga: Mafaufau e ta’u i le vasega le gaoioiga faataitai mai lenei lesona ma valaaulia i latou e mafaufau loloto pe mafai faapefea ona latou faaaogaina mataupu faavae o le mauaina o le malamalama faaleagaga e fesoasoani ai i le latou uo.

• Anotusi e faaali atu: O le siata mai le gaoioiga faataitai, pe saunia se pepa mo tagata aoga e i ai fesili mai le siata.

• Fautuaga faafaiaoga mo fesootaiga i vitio: Ina ia fesoasoani i tagata aoga e faamalamalama le Efeso 2:19–20, mulimuli i laasaga A ma le E mai le lesona. Nai lo le tusiaina i lalo e tagata o le vasega o tali i le laasaga I, mafaufau e vaevae le vasega i ni vaega toalaiti tuu eseese ma atofa atu i vaega taitasi se fesili faapitoa mai le laasaga I. Valaaulia vaega taitasi e talanoaina pe faapefea ona latou taliina le fesili ma saunia se tala faatino o le tulaga faataitai e tuuina atu i le vasega atoa. Fautuaina vaega e faaaofia tagata aoga taitasi i le tala faatino.

Efeso 5:21–33; 6:1–4

Faamoemoega o le lesona: O lenei lesona ua faamoemoe e fesoasoani i tagata aoga ia mulimuli i le faataitaiga a le Faaola e faalelei atili ai a latou sootaga ma isi.

• Sauniuniga a le tagata aoga: Valaaulia tagata aoga e mafaufau e uiga i tagata o o latou aiga ma faailoa mai se mea se tasi latou te fiafia i ai e uiga ia i latou taitoatasi.

• Anotusi e faaali atu: Ata o le Faaola o loo faaali atu ai o Ia a o taulimaina tagata o lona aiga ma le alofa ma le faaaloalo.

• Fautuaga faafaiaoga mo fesootaiga i vitio: Ina ia fesoasoani i tagata aoga e faamaea le gaoioiga sauniuni a le tagata aoga, e mafai ona valaaulia i latou e aumai se tagata o lo latou aiga i luga o se talanoaga mo fesootaiga i vitio pe faaali se ata o lena tagata o lo latou aiga i le taimi o le valaau ma faasoa mai se mea se tasi latou te fiafia i ai e uiga i lena tagata o le aiga.

Efeso 6:10-24

Faamoemoega o le lesona: O lenei lesona ua faamoemoe e fesoasoani i tagata aoga ia malamalama i mea ua saunia e le Atua e puipuia ai i latou mai mea leaga o le lalolagi, iloilo a latou sauniuniga faaleagaga o i ai nei, ma fai se fuafuaga e faalelei atili ai o latou puipuiga faaleagaga.

• Sauniuniga a le tagata aoga: Valaaulia tagata aoga e iloilo ma faamaea le gaoioiga ua faaautuina “O le ofutau o le Atua o le a fesoasoani e puipuia au mai le leaga” i le Sau Mulimuli Mai ia te A’u—Mo Tagata Taitoatasi ma Aiga ma o mai saunia e faasoa mai mea sa latou aoaoina e uiga i le ofutau o le Atua (tagai i le “Oketopa 2–8. Efeso: ‘Ina ia Fa’a’atoatoaina ai le Au Paia,’” Sau, Mulimuli Mai ia te A’u—Mo Tagata Taitoatasi ma Aiga: Feagaiga Fou 2023).

• Pepa e tufa atu: Ata o le tagata o loo ofu i le ofutau

• Vitio: “O Le Ofutau o le Atua” (2:02) po o le “Oofu i le Ofutau Atoatoa o le Atua” (3:10; matamata mai le faailotaimi 0:28 i le 2:24).

• Fautuaga faafaiaoga mo fesootaiga i vitio: Mafaufau e muai lafo se feau tusitusi po o se imeli ia se kopi o le pepa e tufa atu i tagata aoga. Afai e te iloa se tagata aoga e fiafia e tusi ata, mafaufau e fai muamua i ai e tusi se ata o le ofutau. Ona fai lea o le latou ata tusi e fai ma pepa e tufa atu mo le vasega. I se isi faiga, mafaufau e faaali le pepa e tufa atu i luga o le lau. Ma, a uma ona faitau e le vasega le Efeso 6:14–18, valaaulia i latou e faaaoga le vaega o faamatalaga faaopoopo e faailoa mai ai vaega eseese o le ofutau.