Zotërimi Doktrinor: Jakob [Bibël] 2:17–18

“Besimi; në Qoftë se S’ka Vepra, Është i Vdekur”

Pamja

two young men sharing Book of Mormon

Në një mësim të mëparshëm, ti mësove se ne tregojmë besim te Jezu Krishti nëpërmjet veprimeve tona të drejta. Ky mësim mund të të ndihmojë të mësosh përmendsh referencën e zotërimit doktrinor dhe frazën kyç të shkrimit të shenjtë për vargjet te Jakob [Bibël] 2:17–18, të shpjegosh doktrinën dhe t’i zbatosh parimet e marrjes së njohurisë shpirtërore në situata nga jeta reale.

Komunikim ndaj nxënësve që kontributet e tyre janë të vlerësuara dhe thelbësore. Kërkoni mënyra për ta ndihmuar çdo nxënës të ndihet i vlerësuar dhe i pranuar, dhe që kontributet e tij e bekojnë klasën. Kujtohuni t’i falënderoni nxënësit për pjesëmarrjen e tyre dhe t’i lejoni ata të dinë se ju e vlerësoni gatishmërinë e tyre për të kontribuuar.

Përgatitja e nxënësve: Ftojini nxënësit të mendojnë për një parim të ungjillit që e besojnë por mund ta kenë të vështirë të veprojnë sipas tij. Kërkojuni nxënësve të përsiatin se çfarë është ajo që mbase po i pengon të veprojnë sipas atij parimi.

Veprimtari të Mundshme të të Mësuarit

Ky mësim për fragmentin e zotërimit doktrinor është hartuar të jepet pas mësimit te “Jakob [Bibël] 2”, që është mësimi kontekstual për fragmentin e zotërimit doktrinor te Jakob [Bibël] 2:17–18 . Nëse ky mësim për fragmentin e zotërimit doktrinor duhet të zhvendoset në një javë tjetër, sigurohuni që të jepni gjithashtu mësimin përkatës kontekstual gjatë asaj jave.

Mëso përmendsh dhe shpjego

Ndihmojini nxënësit ta mësojnë përmendsh dhe ta shpjegojnë referencën e shkrimit të shenjtë dhe frazën kyç të shkrimit të shenjtë për vargjet te Jakob [Bibël] 2:17–18 . Veprimtaria e mëposhtme është një mënyrë për ta bërë këtë.

Shkruaj Jakob [Bibël] 2:17–18, Besimi; në qoftë se s’ka vepra, është i vdekur në një copë letër duke lënë njëfarë hapësire ndërmjet çdo fjale. Thuaje referencën e shkrimit të shenjtë dhe frazën kyç të shkrimit të shenjtë me zë të lartë. Më pas prite çdo fjalë dhe numër veçmas, përzieji ato dhe vendosi sërish sipas radhës. Thuaje shkrimin e shenjtë dhe referencën përsëri. Përsërite procesin derisa të mund ta thuash referencën e shkrimit të shenjtë dhe frazën kyç të shkrimit të shenjtë përmendsh pa ndihmën e asnjë cope letre.

Nëse funksionon më mirë për klasën tuaj, merreni parasysh të pritni disa komplete të këtyre letrave përpara orës mësimore dhe ta vendosni çdo komplet në një zarf që nxënësit të mund t’i përdorin individualisht, në grupe ose në dyshe.

Teksa lexon vargjet te Jakob [Bibël] 2:17–18 , rikujto nga mësimi i mëparshëm parimin se besimi i vërtetë te Jezu Krishti kërkon vepra të drejta.

Si mund ta shpjegosh këtë të vërtetë në një mënyrë që mund ta motivojë dikë tjetër të veprojë sipas besimit të tij ose të saj?

Ushtroje vënien në zbatim

Shqyrtoji tri parimet vijuese të marrjes së njohurisë shpirtërore. Më pas, shkruaj për çdo parim një fjali që e përmbledh kuptimin e tij me fjalët e tua. Nëse është e dobishme, shqyrtoji paragrafët 5–12 të pjesës “Marrja e Njohurisë Shpirtërore” te Dokumenti Bazë i Zotërimit Doktrinor (2022).

Vepro me besim.
Shqyrtoji konceptet dhe pyetjet me një këndvështrim të përjetshëm.
Kërko kuptueshmëri të mëtejshme nëpërmjet burimeve të caktuara në mënyrë hyjnore.

Të vepruarit në përputhje me bindjet tona mund të jetë e vështirë. Plaku Dejvid A. Bednar, i Kuorumit të Dymbëdhjetë Apostujve, tha: “Por ajo që dimë nuk pasqyrohet gjithmonë në atë që bëjmë” (“Më të Zellshëm dhe më të Përfshirë në Shtëpi”, Ensign ose Liahona, nëntor 2009, f. 17). Teksa i lexon skenarët vijues, mendo për arsyet që ne mund të mos veprojmë gjithmonë sipas parimeve të ungjillit që dimë.

Një e re dëshiron t’i lexojë shkrimet e saj të shenjta çdo ditë. Ndonjëherë ajo e humb shtysën kur nuk e kupton ose gjen kuptimin në atë që po lexon.
Një e re e paguante me besnikëri të dhjetën që fëmijë. Tani që është më e rritur dhe ka një punë të qëndrueshme, sasia e të dhjetës që pritet prej saj është më shumë nga sa ajo ka dhënë më parë dhe është më e vështirë për t’u paguar.
Një i ri ka mësuar rreth Jezu Krishtit dhe Shlyerjes së Tij për vite. Ai beson se Jezusi vuajti për mëkatet e njerëzimit dhe se mëkatet e tij mund të falen. Ai pati një përvojë kuptimplotë me pendimin në të kaluarën. Megjithatë, ai e gjen veten duke kaluar periudha të gjata kohe pa menduar për pendimin.

Zgjidh një nga situatat më lart ose mendo për një parim tjetër të ungjillit tek i cili beson, por e ke të vështirë të veprosh sipas tij. Shkruaj se si ti ose personi në situatën e zgjedhur prej teje mund t’i përdorë tri parimet e marrjes së njohurisë shpirtërore për ta trajtuar situatën.

Nëse do të doje njëfarë ndihme për zbatimin e këtyre parimeve në situatën që zgjodhe, merre parasysh t’u përgjigjesh disa ose të gjitha pyetjeve vijuese.

Parimi 1: Vepro me besim

Në të kaluarën, mbi cilin parim të ungjillit ke vepruar me besim?
Çfarë mësove rreth Jezu Krishtit nga ajo përvojë që mund të të ndihmojë në këtë situatë?

Parimi 2: Shqyrtoji konceptet dhe pyetjet me një këndvështrim të përjetshëm

Si mendon se e sheh Ati Qiellor këtë situatë? Në ç’mënyra mund të ndihmojë Ai?
Si mund të çojë të vepruarit sipas këtij parimi në bekime tani dhe në përjetësi?

Parimi 3: Kërko kuptueshmëri të mëtejshme nëpërmjet burimeve të caktuara në mënyrë hyjnore

Si mund të ndihmojnë vargjet te Jakob [Bibël] 2:17–18 në këtë situatë? Cilat shkrime të shenjta të tjera ose biseda të konferencave të përgjithshme mund të të ndihmojnë ta kuptosh më mirë dhe të ndihesh i motivuar për ta jetuar këtë parim? (Për shembull, shiko tek Alma 32:27–28 .)
Mund të jetë shpesh e dobishme t’i diskutosh këto çështje me një mik të besuar, pjesëtar të familjes ose udhëheqës të Kishës. Me kë mund të dojë Zoti që ta diskutosh këtë situatë?

Përpiquni të krijoni një mjedis ku nxënësit ndihen të sigurt t’i diskutojnë mendimet dhe shqetësimet e tyre. Ftojini disa nxënës të tregojnë një ose disa mënyra se si ata do t’i përdornin parimet e marrjes së njohurisë shpirtërore si ndihmë në situatën e tyre pa treguar asgjë tepër vetjake. Nëse është e dobishme, bëni pyetje për ndjekjen e ecurisë si: “Përse do të ndihmonte ai parim?” dhe “A ka dikush tjetër në klasë ide ose përvoja që mund të jenë të dobishme në këtë situatë?”

Gjej një çast për të përsiatur për atë që ke mësuar nëpërmjet këtij mësimi. Nëse përcaktove një të vërtetë të ungjillit sipas së cilës ti personalisht e ke të vështirë të veprosh, vlerëso me sinqeritet nëse planifikon të veprosh sipas saj tani. Nëse nuk planifikon të veprosh tani, mendo për pengesat që ke në rrugën tënde dhe se si Zoti mund të të ndihmojë.

Mund të jetë e dobishme t’i diskutoni pyetjet në paragrafët më lart si klasë. Dëshmoni për gatishmërinë e Zotit për të ndihmuar dhe bekimet që vijnë teksa veprojmë me besim te Jezu Krishti.

Përsëritja e zotërimit doktrinor

Gjatë një mësimi të ardhshëm, ndihmojini nxënësit ta shqyrtojnë këtë fragment të zotërimit doktrinor dhe frazën kyç të shkrimit të shenjtë. Merreni parasysh t’i vendosni nxënësit në dyshe dhe t’u kërkoni atyre ta shikojnë shpejt referencën e shkrimit të shenjtë dhe frazën kyç të shkrimit të shenjtë: “Jakob [Bibël] 2:17–18, Besimi; në qoftë se s’ka vepra është i vdekur”. Më pas ftojini ata të thonë me radhë një fjalë ose një numër. Për shembull, nxënësi i parë do të thoshte “Jakob”, nxënësit i dytë do të thoshte “dy” e kështu me radhë. Ata do të vazhdonin me radhë derisa ta thoshin të gjithë referencën dhe frazën kyç të shkrimit të shenjtë. Më pas ata mund të ndryshojnë radhën se kush thotë fjalën e parë dhe ta përsëritin ushtrimin.

Veprimtari Plotësuese të të Mësuarit 

Krahas dy pyetjeve që vijnë pas pikës “Parimi 3: Kërko kuptueshmëri të mëtejshme nëpërmjet burimeve të caktuara në mënyrë hyjnore”, merreni parasysh t’i ftoni nxënësit të gjejnë disa minuta për të kërkuar tema te Gospel Library [Biblioteka e Ungjillit] te ChurchofJesusChrist.org (siç është studimi i shkrimit të shenjtë, e dhjeta ose pendimi) në lidhje me skenarin që zgjodhën t’i përgjigjen. Nxënësit mund ta përdorin atë që mësojnë për t’iu përgjigjur skenarit të zgjedhur prej tyre.