Төгс эзэмших сургаал: Иохан 3:16

Есүс Христийн Цагаатгал

Jesus Christ kneeling as He prays and atones in the Garden of Gethsemane. Christ is depicted wearing red and blue robes. He has His hands clasped and is resting them on a large rock. A small stream of light coming through the darkened and cloudy background shines on the face of Christ. Light emanates around Christ’s head.

Өмнөх хичээлээр, Хүүгээ бидний Аврагч, Гэтэлгэгч болгохоор илгээснээр Тэнгэрлэг Эцэг биднийг гүн гүнзгий хайрладгаа харуулсан талаар бид сурсан. Энэ хичээл нь танд эшлэл, судрын түлхүүр үгийг цээжилж, сургаалыг тайлбарлаж, сүнслэг мэдлэг олж авах зарчмуудыг бодит амьдрал дээр хэрэгжүүлэх замаар энэхүү сургаалыг илүү төгс эзэмших боломжийг олгоно.

Суралцагчийн бэлтгэл: Суралцагчдыг хэрэв тэд бүрэн цагийн номлогчид байсан бол Есүс Христийн тухай, Түүний Цагаатгалын талаар хэн нэгэнд хэрхэн заах байснаа бодоход урь.

Боломжит суралцах үйл ажиллагаа

Энэ хичээл нь энэхүү төгс эзэмших сургаалын судрын хэсгийн хам сэдвийн талаар хичээлийн дараа заах зориулалттай (“Иохан 3:14–17”). Хэрэв сургуулийн хуваарьт тохируулах үүднээс энэхүү төгс эзэмших сургаалын талаарх хичээлийг өөр долоо хоног руу шилжүүлэх шаардлагатай бол энэ судрын хэсэгт зориулсан “Иохан 3:14–17” хичээлийг тухайн долоо хоногт заасан байхад анхаар.

Цээжил мөн тайлбарла

Хичээл эхлэхээс өмнө, Иохан 3:16 -д зориулсан судрын түлхүүр үг хэллэгүүдийг доор үзүүлснээр хооронд нь холин самбарт бич. Судрын шүлгүүдийг зөв дарааллаар нь судлах тэмдэглэлдээ бичихийг эсвэл хүсвэл үгсийг зөв дарааллаар, судрын зөв эшлэлтэй нь хамт самбарт гарч ирэн бичихийг суралцагчдаас хүс. Шаардлагатай бол ангийнхнаас туслахыг хүсэж болно.

Дараах нь Иохан 3:16 -ийн судрын эшлэл, түлхүүр үг хэллэгийн хослуулсан хувилбар юм. Судлах тэмдэглэлдээ судрын зөв эшлэл, түлхүүр үг хэллэгийг зөв дарааллаар бич.

Бурхан цорын ганц тул Хүүд итгэдэг бүхэн мөхөхгүй амьтай байх болно 16 Ертөнцийг Иохан үнэхээр хайрласандаа Хүүгээ өгсөн харин мөнх 3

Та үг хэллэгийг зөв дарааллаар тавьсныхаа дараа судрын эшлэл, түлхүүр үг хэллэгийг цаг гарган цээжил.

Төгс эзэмших сургаалын судрын хэсэгт заагдсан сургаалыг тайлбарлах боломжийг суралцагчдад олго. Үүнийг хэрхэн хийхийг дараах жишээгээр харуулав.

Өөрийгөө бүрэн цагийн номлогч гэж төсөөл. Таныг Есүс Христийн Цагаатгалын тухай хэзээ ч сонсож байгаагүй найрсаг хос гэртээ урьжээ. Өөрийн Хүүг илгээсэн Бурханы хайрын тухай өмнөх хичээлээр мэдэж авсан зүйл дээрээ тулгуурлан та энэ хостой юу хуваалцах байсан бэ?

Энэ жишээг хамтрагчтайгаа жүжиглэн тоглоход суралцагчдыг урьж болно эсвэл хэдэн суралцагчийг ангийнхны өмнө жүжиглэн үзүүлэхэд урь.

Амьдралд хэрэгжүүлэх үйл ажиллагаа

Цаг гарган дараах үйл ажиллагаагаар дамжуулан сүнслэг мэдлэг олж авах зарчмыг давт.

Эдгээр мэдэгдлийг самбарт бичээд, суралцагчдыг самбарын өмнө гарч ирэн, дутуу үгсийг нөхөж бичихийг хүсэж болох юм.

Дараах хэллэг тус бүрийн хоосон зайг нөхөж бич.

Итгэлээр ү____.

Утга санаа, а________ м______ т__________ нь шинжлэн судлах.

Т_______ томилогдсон э________ дамжуулан илүү гүн гүнзгий ойлголт олж авахыг эрэлхийлэх.

Зарчим тус бүр дээр нэг суралцагчийг сайн дураараа гарч ирэн тухайн зарчим ямар утгатай болохыг 30 секундэд тайлбарлахад урь.

Дараах жишээг эргэцүүлэн бод.

Гэртээ хоёр удаа дараалан оройтож ирснийх нь дараа Сарайтай эцэг эх нь нухацтай ярилцжээ. Эцэг эх нь түүнд итгэхээ больж байгааг тэр мэдэж байв. Мөн эцэг эх нь мэдэх л юм бол улам итгэхээ болино гэдгийг мэдэж байгаа зарим сонголтыг тэр хийсэн байлаа. Сарай гэмшиж байсан ч яг одоо бол эдгээр асуудлыг болоогүй юм шиг өнгөрөөх нь амархан санагдаж байв. Түүнчлэн сүнслэг зүйлсийг мэдэрч, хийхэд улам л хэцүү болж байгаа нь Тэнгэрлэг Эцэг бодит биш эсвэл Тэр түүний хийсэн сонголтоос болж нүүрээ буруулсан байх гэсэн бодлыг төрүүлэх болжээ. Яг одоо Сарай юу хийхээ эсвэл хаашаа хандахаа мэдэхгүй байна.”

Үүнийг хүнд нөхцөл байдал болгоход Сарайд юу нөлөөлсөн бэ?
Хэрэв та Сарайгийн оронд байсан бол таны хувьд юу хамгийн чухал асуулт, асуудал байх байсан бэ?

Сүнслэг мэдлэг олж авах зарчмууд хэрхэн энэ нөхцөл байдлаасаа гарахад Сарайд тусалж болохыг бодож үз. Шаардлагатай бол эдгээр зарчмын талаар илүү дэлгэрэнгүй мэдэхийн тулд цаг гарганТөгс эзэмших сургаалыг судлах үндсэн материал (2022)-ын“Сүнслэг мэдлэг олж авах” хэсгийн 5–12 дахь догол мөрийг эргэн харж болох юм.

Итгэлээр үйлдэх

Суралцагчдад дараах үйл ажиллагааг хамтрагчтайгаа, жижиг бүлгээр эсвэл ангиараа хийхийн аль нь хамгийн тустай байж болохыг шийд.

Энэ нөхцөлд Сарай итгэлээр үйлдэхийн тулд юу хийж болох вэ?
Итгэлээр үйлдэх нь түүнд хэцүү санагдвал та түүнд туслахын тулд юу гэж хэлэх байсан бэ?

Утга санаа, асуултыг мөнхийн талаас нь шинжлэн судлах

Хийсэн сонголтоосоо болж эцэг эхтэйгээ мөн Бурхантай харилцах харилцаа нь муудаж байгаа мэт Сарайд санагдаж байв. Эцэг эхтэйгээ болон Бурхантай нээлттэй байх нь асуудлыг улам хүндрүүлэх юм шиг санагдаж байлаа.

Сарайгийн харах өнцөг яагаад буруу буюу дутуу байна вэ?
Сарайд эргүүлэн сануулах хэрэгтэй байж болох, Тэнгэрлэг Эцэг, Есүс Христ, авралын төлөвлөгөө зэргийн талаар та ямар зүйлийг мэдэх вэ?
Хэрэв та Сарайгийн ээж эсвэл аав байсан бол түүний талаар юу гэж бодох байсан гэж бодож байна? Асуудалд орсон охин тань таны зүрх сэтгэлийн талаар юуг мэдээсэй гэж та хүсэх байсан бэ?

Тэнгэрээс томилогдсон эх сурвалжаар дамжуулан илүү гүн гүнзгий ойлголт олж авахыг эрэлхийлэх

Цаг гарган Сарайд тус болж болох Сүмийн удирдагчдын мэдэгдэл эсвэл судрын хэсгүүдийг хайж ол. Шаардлагатай бол өөрт тань туслах Судруудын удирдамж эсвэл Gospel Topics зэрэг эх сурвалжуудыг ашиглаж болох юм (ChurchofJesusChrist.org-ийг үзнэ үү). Түүнчлэн өмнөх хичээлээр судалсан Иохан 3:14–17 эсвэл Сургаал ба Гэрээ 18:10–11 гэх мэт зарим судрыг ашиглах нь тустай байж болно.

Шаардлагатай бол энэ жишээтэй холбогдох судруудыг хаанаас олж болохыг мэдэхэд суралцагчдад тусал. Өмнөх хичээлийн тараах материал дээрх судрын хэсгийн жагсаалтыг харуулах нь тустай байж болно.

Хийж дууссаных нь дараа сайн дураараа хуваалцахад суралцагчдыг урь. Ангийн хэлэлцүүлгийг илүү үр дүнтэй болгохын тулд дараах асуултуудыг тавьж болох юм.

Та Сарайд тусалж болох Есүс Христийн талаарх ямар зүйлийг олж мэдсэн бэ?
Суралцсан зүйлсийн тань дунд Сарайд туслах дор хаяж ямар хоёр тодорхой үг хэллэг байна вэ? Яагаад?

Хувийн амьдралд нь тус болох ямар зүйлийг энэ хичээлээс олж мэдсэнээ хуваалцахад суралцагчдыг урьж болно. Ярилцсан үнэнүүдийнхээ талаар гэрчил.

Давтах

Дараах давтах үйл ажиллагааг дараагийн хичээлийн үеэр ашиглах нь зүйтэй.

“Бурхан ертөнцийг үнэхээр хайрласандаа цорын ганц Хүүгээ өгсөн” гэдэг нь Иохан 3:16 дээрх судрын түлхүүр үг хэллэг юм.Энэхүү судрын эшлэл, түлхүүр үг хэллэгийг хоёуланг ангиараа давтахад урих замаар суралцагчдад давтахад нь тусал. Хэд хэдэн удаа давтсаныхаа дараа өнөөг хүртэл судалсан төгс эзэмших сургаалын бусад судрын хэсэг, түлхүүр үг хэллэгийг суралцагчид давтаж болно.