Иохан 4, 2-р хэсэг
Амийн ус
Есүс худаг дээр нэгэн самари эмэгтэйд Өөрийн өгч буй амийн усны талаар заав. Энэ хичээл нь Аврагчийн өгдөг амийн ус гэж юу болох, яагаад танд хэрэгтэй, үүнийг та хэрхэн хүлээн авч болох талаар илүү сайн ойлгоход туслах зорилготой.
Үйл ажиллагааг хэрэгцээ шаардлагад нийцүүлэх. Эдгээр тоймыг ягштал дагаж мөрдөх албагүй. Оронд нь, эдгээрийг сүнслэг өдөөлтийг урин авчрах санаа оноо авах эх сурвалжаа болгон ашигла. Суралцагчдынхаа хэрэгцээний талаар тунгаан бодож, Тэнгэр дэх Эцэгээсээ удирдамж заавар авахаар залбирахдаа та эдгээр эх сурвалжийг тэрхүү хэрэгцээ шаардлагад нь илүү сайн тохируулан өөрчлөх удирдамжийг авах болно.
Суралцагчийн бэлтгэл: Суралцагчдыг сүнслэг байдлын хувьд уналтад орсон үеэ сүнслэг байдлын хувьд сэтгэл хангалуун байсан үетэйгээ харьцуулахад урь. Ялгаа нь юундаа байсан бэ?
Боломжит суралцах үйл ажиллагаа
Аз жаргал, амжилт ололтод хүрэх зам
Ахлагч Корбрижийн дараах мэдэгдлийг хуваалцаад, дараах асуултуудыг ярилцах замаар хичээлийг эхлүүл. Эхний асуултад өгсөн суралцагчдын хариултуудаар самбар дээр жагсаалт үүсгэх талаар бодож үз.
Далын ахлагч Лорэнс И.Корбриж ийн заасан.
ЗурагOfficial Portrait of Elder Lawrence E. Corbridge. Photographed March 2017.Аз жаргал, амжилт ололтод хүргэх цорын ганцхан зам байдаг. [Есүс Христ] бол тэр зам мөн. Үүнээс бусад нь ямар ч зам байлаа гэсэн мунхаглал юм.
Тэр амийн усны худгийг өгдөг. Бид үүнээс ууж, хэзээ ч дахин цангахгүй байж болно эсвэл уухгүй байж, мунхаг, цангасан хэвээр үлдэж болно.
(Лорэнс И.Корбриж, “Зам,” Ensign, Nov. 2008, 34 эсвэл 2008 оны 10-р сарын Ерөнхий чуулган, 42)
-
Сүнслэг байдлын хувьд цангааг нь тайлдаггүй, таашаал өгдөггүй ямар ямар зүйл рүү хүмүүс заримдаа хандан аз жаргал, сэтгэл ханамжийг авах гэдэг вэ?
-
Яагаад хүмүүс заримдаа мөнхийн сэтгэл ханамжийг өгдөггүй зүйлс рүү ханддаг гэж та бодож байна вэ?
-
Мөнхөд үргэлжлэх аз жаргал, сэтгэл ханамжийг авчирдаг ямар зүйлийг Есүс Христ санал болгодог вэ?
Суралцагчдад дараах зүйлсийн талаар бодох боломжийг олгон, өөрсдийн амьдралыг үнэлж дүгнэхэд урь.
Эдгээр асуулт таны амьдралтай хэрхэн хамаатай болох талаар бод. Үнэндээ аз жаргал, сэтгэл ханамж өгдөггүй ч эдгээр мэдрэмжийг авахын тулд ханддаг зүйлс танд бий юү? Зөвхөн Есүс Христээс хүлээн авах боломжтой мөнхийн амар амгалан, аз жаргалыг мэдэрч байсан ямар туршлага танд байдаг вэ?
Амийн ус
Есүс нэгэн самари эмэгтэйд “Их Эзэн Есүс Христ ба Түүний сургаалын бэлгэдэл” (Судруудын удирдамж, “ Амийн Ус ,” scriptures.ChurchofJesusChrist.org) болох амийн усны тухай Иохан 4 -өөс заасан өмнөх хичээлээ эргэн сана.
Танаас ариун ёслолын цуглаан дээр, Есүс Христийн өгдөг амийн усны тухай үг хэлэхэд бэлдэхийг хүссэн гэж төсөөл. Хэлэх үгийнхээ нэг хэсэг болгон (1) амийн ус гэж юу болох, (2) яагаад бидэнд хэрэгтэйг, (3) бид үүнийг Аврагчаас хэрхэн хүлээн авч болохыг тодорхойлохыг танаас хүссэн байна. Дараах судар, мэдэгдэл, асуултуудаас гадна өөрт олдсон аливаа нэмэлт тусламжийг ашиглан бодол санаагаа цэгцлэн, хэлэх үгээ бэлд.
Суралцагчдыг хэлэх үгээ бэлдэх хооронд эргэн харахын тулд ашиглаж болох дараах тараах материалыг үзүүл эсвэл өг.
Амийн ус
Дараах судрын үг хэллэг, мэдэгдлийг уншаад, Есүс Христийн өгдөг амийн усны талаарх ойлголтыг олж мэд.
Арван хоёр Төлөөлөгчийн Чуулгын ахлагч Дэвид A.Бэднар ийн заасан.
ЗурагElder David A. Bednar, Quorum of the Twelve Apostles official portrait. 2020.[ Иохан 4:10 ]-т дурдсан амийн ус бол Их Эзэн Есүс Христийг, мөн Түүний сайн мэдээг хэлж байгаа юм. Амьдралыг ус тэтгэдгийн адил мөнх амьдралыг хүлээн авахад Аврагч, Түүний сургаал, ёслолууд амин чухал. Амийн ус танд болон надад тасралтгүй үргэлжлэх сүнслэг өсөлт, хөгжлийг тэтгэхийн тулд өдөр бүр хэрэгтэйСудрууд нь Христийн үгийг агуулдаг бөгөөд энэ нь хүссэн үедээ, удаан хугацаанд, шимтэн залгиж болох амийн усны нөөц юм. Та, бид ариун судруудад агуулагдсан Христийн үгсийг уншиж ( Мозая 1:5 -ыг хар), суралцаж [ Сургаал ба Гэрээ 26:1-ийг үзнэ үү] , судалж ( Иохан 5:39 ; Алма 17:2 -ыг үзнэ үү) мөн үүн дээр найрласнаар ( 2 Нифай 32:3 -ыг үзнэ үү) ‘амийн усны усан оргилуур’ болох Христ рүү харж ( 1 Нифай 11:25 ; Ифер 8:26 ; 12:28 -тай харьцуул), Түүнд ирэх ёстой. Ингэснээр бид мөнх бус аяллынхаа явцад сүнслэг удирдамж заавар, хамгаалалтыг хүлээн авна.
(David A. Bednar, “A Reservoir of Living Water” [Church Educational System fireside for young adults, Feb. 4, 2007], 1, broadcasts.ChurchofJesusChrist.org)
Арван хоёр Төлөөлөгчийн Чуулгын ахлагч Жозэф Б.Вөртлин (1917–2008) ийн заасан.
ЗурагLast official portrait of Elder Joseph B. Wirthlin of the Quorum of the Twelve Apostles, 2004. Died December 1, 2008.Олон хүн Есүс Христийн сайн мэдээний найрын ширээнд суудаг ч өмнө нь тавьсан зоогноос ам хүрэх төдий амсдаг. Тэд магадгүй дадаж сурснаараа цуглаанд сууж, судраа харсан төдий болж, нөгөө л нэг залбирлаа давтаж байж болох ч зүрх сэтгэл нь алсын холд байдаг. Хэрэв тэд шударгаар хэлэх байсан бол Ариун Сүнсний бурханлаг гайхамшиг, гайхалтай тохинууллын оронд хөрш айлын талаарх сүүлийн үеийн цуу яриа, хувьцааны зах зээлийн чиг хандлага, өөрсдийн дуртай ТВ-ийн шоуг илүү их сонирхож байгаагаа хүлээн зөвшөөрөх байсан.Та нар энэ амийн уснаас хүртэж, мөнх амьдралд хүргэх бурханлаг булаг дотор тань бургилан оргилж буйг мэдрэхийг хүсэж байна уу?Тэгвэл бүү ай. Бүх зүрх сэтгэлээрээ итгэ. Бурханы Хүүд итгэх гуйвшгүй итгэлийг хөгжүүл. Чин сэтгэлийн залбирлаар зүрх сэтгэлээ уудлан илчил. Түүний тухай мэдлэгээр оюун ухаанаа дүүргэ. Сул талаа орхи. Цэвэр ариун байж, зарлигуудад нийцүүлэн амьдар.
(Joseph B. Wirthlin, “The Abundant Life,” Ensign эсвэл Liahona, May 2006, 100)
Эдгээр болон бусад эх сурвалжаас сурч мэдсэн зүйл дээрээ тулгуурлан хэлэх үгийнхээ тоймыг гаргаж эхэл. Та тоймдоо дараах асуултуудад хариулсан байхад анхаар. Мөн хэлэх үгэндээ Есүс Христийн тухай бодол санаагаа хэрхэн илэрхийлэхээ бод. Аврагчийн амийн уснаас хүртэж байсан хувийн туршлагаа мөн тэдгээр нь танд хэрхэн нөлөөлсөн тухай хуваалцаж болох юм.
-
Есүс Христийн өгдөг амийн ус гэж юу вэ?
-
Яагаад бидэнд Аврагчийн амийн ус хэрэгтэй вэ?
-
Бид Аврагчаас амийн усыг хүлээн авахын тулд юу хийж болох вэ?
-
Аврагч хүн бүрийг амийн уснаас нь хүртээсэй хэмээн хүсдэг болохыг мэдэх нь Түүний тухай бодох бодолд тань хэрхэн нөлөөлж байна вэ?
Хүсвэл бэлдсэн үгээ хуваалцах боломжийг хэдэн суралцагчид олгож болно.
Тэднийг хэлэх үгээ хуваалцаж дууссаны дараа ангийн үлдсэн суралцагчдад суралцах явцдаа Ариун Сүнснээс хүлээн авсан аливаа ойлголт, сэтгэгдлээ хуваалцаж, ярилцах боломж олго. “Сурч мэдсэн зүйлсээс тань юу танд онцгой санагдсан бэ?,” “Өөрийнх нь өгдөг амийн уснаас илүү их уухын тулд юуг хийхэд Аврагч таныг урьж болох вэ?” гэх мэтчилэн асууж, хэлэлцүүлгийг хөтлөн явуулж болох юм.
Тайлбар ба нөхцөл байдлын талаарх мэдээлэл
Есүс Христийн өгдөг амийн ус ариун ёслолтой хэрхэн холбоотой вэ?
Хүүхдийн хэсгийн ерөнхий ерөнхийлөгчийн зөвлөлийн хоёрдугаар зөвлөхөөр үйлчилж байхдаа Шэрил А.Эсплин эгч ийн заасан.
ЗурагFinal official portrait of Cheryl A. Esplin, second counselor in the Primary general presidency, 2011. Released as second counselor and sustained as first counselor at the April 2015 general conference. Released at the April 2016 general conference.Талх ба ус нь бидэнд Аврагчийн бие махбодын болон цусны золиосыг сануулаад зогсохгүй, эдгээр бэлгэдэл нь Тэрээр үргэлж бидний “амийн талх” ба “амийн ус” байх болно гэдгийг сануулдаг учраас бидний шархадсан бодгалиуд эдгээгдэж чадна [ Иохан 6:48 ] ба “амийн ус” [ Иохан 4:10].
Есүс нифайчуудад ариун ёслолыг адислан түгээсний дараа:
“Энэ талхыг идэх тэр нь өөрийн бодгалийн төлөө миний биеийг идэх ажгуу; мөн энэ дарсыг уух тэр нь өөрийн бодгальд миний цусыг уух ажгуу; мөн түүний бодгаль хэзээ ч өлсөж, бас цангахгүй, харин ханасан байх болно.
Эдүгээ, цугласан олон бүгд идэж мөн уухад, болгоогтун, тэд Сүнсээр дүүргэгдэв” [ 3 Нифай 20:8–9 ] хэмээн хэлсэн.
Христ энэ үгээрээ Сүнс бидний бодгалиудыг эдгээж, шинэчилдэг гэдгийг бидэнд заадаг. Ариун ёслолын амлагдсан адислал нь бид “түүний Сүнсийг өөрсөдтэйгөө үргэлж хамт байлга[х]” [ Сургаал ба Гэрээ 20:77? ] амлалт юм.
(Шэрил А.Эсплин, “Ариун ёслол бол бодгалийг шинэчлэгч,” Ensign, Nov. 2014, 13 эсвэл 2014 оны 10-р сарын Ерөнхий чуулган, 14)
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb3%2Ffa%2Fb3fa3a7ffd8209ee1dd2bb8470e9e4a6e63fc07b%2Fb3fa3a7ffd8209ee1dd2bb8470e9e4a6e63fc07b.jpeg/full/!250,/0/default)
Аврагчийн амийн ус хэрхэн надад дэлхийн хорт нөлөөг ялан дийлэхэд туслах вэ?
Тэргүүн Зөвлөлийн ерөнхийлөгч Жэймс Э.Фауст (1920–2007) ийн заасан.
ЗурагLast official portrait of President James E. Faust, Second Counselor in the First Presidency, 2001. Died 10 August 2007.Бидний амьдралд ирдэг сүнслэг бохирдлын ихэнх нь бэлгийн харьцааг ичгүүр сонжуургүй үзүүлсэн эсвэл хүмүүний хамгийн муу муухай зан чанарыг ил тод дүрслэн харуулдаг интернэт, компьютер тоглоом, телевизийн шоу, кино зэргээр дамжин ирдэг. Бид ийм орчинд амьдардаг тул сүнслэг хүч чадлаа бэхжүүлэх хэрэгтэй.
Инос бодгаль нь өлсөж, бүхэл өдөр, шөнийн турш бодгалийнхаа төлөө гуйсан талаар өгүүлдэг [ Инос 1:4 -ийг үзнэ үү]. Тэрээр сүнслэг үнэний цангааг тайлдаг сүнслэг тэжээлийг хүсэж байв. Дэлхийн Аврагч Самарид худгийн дэргэдэх нэгэн эмэгтэйд хэлсэнчлэн, “Харин Миний өгөх уснаас уух хэн ч хэзээ ч цангахгүй. Харин Миний өгөх ус тэр хүний дотор мөнх амь өөд оргилох булгийн ус болно” ( Иoхан 4:14).
(James E. Faust, “Spiritual Nutrients,” Ensign эсвэл Liahona, Nov. 2006, 55)
Нэмэлт суралцах үйл ажиллагаа
Хичээлийг эхлүүлэх өөр арга
Энэ хичээлийн эхэнд өгсөн ахлагч Корбрижийн мэдэгдлийг ашиглахын оронд аз жаргал, сэтгэл ханамжийг олж авахын тулд Есүс Христээс өөр зүйл рүү хандсан хүмүүсийн мэдэрдэг хоосон мэдрэмжийг үзүүлсэн дараахтай адил жишээг суралцагчидтай хуваалцаж болох юм.
Дараах жишээг эргэцүүлэн бод.Үүнд:Скотт сэтгэл ханамж авч, таашаал мэдрэхийн тулд зугаа цэнгэл, материаллаг эд зүйлс, тэр ч бүү хэл заримдаа нүгэлт үйлдэл хийдэг байна. Хэдийгээр Скотт эдгээрээр дамжуулан заримдаа сэтгэл ханамж авдаг ч дараа нь үргэлж эл хуль оргиж, өөр шинэлэг зүйл хүсдэг байлаа.
-
Хоосон хөндий, таагүй мэдрэмжээсээ салахад Скоттод туслахын тулд та түүнд ямар зөвлөгөө өгөх байсан бэ?
-
Есүс самари эмэгтэйд худгийн дэргэд зааж байгаа талаар өгүүлсэн цэдгээс та Скоттод тус болох ямар зүйлийг олж мэдсэн бэ?