Atamai i Aoaoga Faavae: Ioane 3:5

Fanau i le Vai ma le Agaga e Ulu Atu ai i le Malo o le Atua

An eight year old girl and a priesthood holder standing together dressed in white baptismal clothing. The man is holding the girl’s arms in position for baptism. The image was photographed against a white background.

I se lesona talu ai, na e suesue ai i fetalaiga a le Faaola ia Nikotemo e uiga i le toe fanau mai faaleagaga e ala i sauniga o le papatisoga ma le faamauga. I lenei lesona e mafai ona e faataitai ai le faaaogaina o mataupu faavae o le mauaina o le atamai faaleagaga e faaaoga ai le aoaoga faavae autu e tatau ona tatou fananau i le vai ma le Agaga ia tatou ulu atu ai i le malo o le Atua.

Faailogaina o fuaitau o le atamai i aoaoga faavae. Valaaulia tagata aoga e maka fuaitau i se auala e tumatila ai mai isi faailoga ina ia mafai ai ona latou manatuaina gofie ma sueina nei fuaitau. E mafai e tagata aoga o loo faaaogaina le polokalama o le Gospel Library ona latou fatuina se ta’i faapitoa mo nei fuaitau.

Tapenaga mo tagata aoga: Valaaulia tagata aoga e tapenapena e faasoa mai se mea o le a latou aoao atu i se vasega Peraimeri e uiga i le Ioane 3:5 .

Gaoioiga e Mafai ona Fai e Aoao Mai Ai

Tauloto ma faamatala

Ua mamanuina lenei lesona ina ia aoao atu pe a maea le lesona e uiga i le Ioane 3:1–8, o le lesona faalematalalaga mo le fuaitau lenei o le atamai i aoaoga faavae. Afai e manaomia le tuu o le lesona lenei o le atamai i aoaoga faavae i se isi vaiaso ia taulima ai ia faasologa o taimi o le aoga, ia mautinoa e aoao atu ai foi le lesona faalematalalaga e o faatasi ai i le vaiaso foi lena.O le faamoemoe o lenei gaoioiga o le fesoasoani lea i tagata aoga latou te faamatalaina ia latou lava upu le aoaoga faavae autu o loo aoao mai i le Ioane 3:5 e tatau ona tatou fananau i le vai ma le Agaga ia tatou ulu atu ai i le malo o le Atua. Ia mautinoai e tofu tagata aoga ma se avanoa e faamatala atu ai lenei aoaoga faavae i se paga po o se vaega toalaiti. Faalogo lelei i a latou tali, ma faamalosiau atu ia i latou e faaleo a latou fesili pe afai o ia. Toe iloilo mataupuanomea mai le lesona e uiga i le Ioane 3:1–8 pe a manaomia.Valaaulia le vasega e faaaoga le gaoioiga mo tapenaga o tagata aoga e fesoasoani i a latou tali i lenei vaega o le lesona.

Manatu faapea ua talosagaina oe e aoao atu i se vasega Peraimeri ia mea moni ua aoao mai e le Ioane 3:5 : e tatau ona tatou fananau i le vai ma le Agaga ia tatou ulu atu ai i le malo o le Atua.

E faapefea ona e faamatala atu i le vasega Peraimeri le uiga o lenei aoaoga faavae? Ia aofia ai ni ou manatu e uiga i le matafaioi a le Faaola i lenei faagasologa, e pei ona aoao mai i le Alema 7:14 .

E mafai ona fesoasoani ia te oe lenei faatinoga e te manatua ai le fuaitau i le atamai i aoaoga faavae ma tauloto lona fasifuaitau autu o le mau. E mafai ona e faamaeaina se gaoioiga faapena i le polokalama o le Atamai i Aoaoga Faavae pe afai e mafai ona e mauaina. Faaaoga se penitala, tusi i totonu o lau api talaaga mo suesuega, “ Ioane 3:5 : Afai e le fanau se tasi i le vai ma le Agaga, e le mafai ona ulu atu o ia i le malo o le Atua.” Faitau ma toe faitau leotele le fasifuaitau pe fai faafia foi i lou mafaufau.Filifili ni upu se tolu pe fa ma tape ese uma o latou mataitusi sei vagana ai le mataitusi muamua o upu taitasi. Toe faitau faatolu pe faafa le fasifuaitauToe fai lenei gaoioiga seia totoe na o mataitusi muamua o upu taitaisi, e pei ona faaalia iinei: “I____ 3:_ A___ e l_ f____ s_ t___ i l_ v__ m_ l_ A____, e l_ m____ o__ s__ o i_ i l_ m____ o l_ A___.”Toe faitau ma saga faitau e faaaoga ai uluai mataitusi, ona taumafai lea e faitau e aunoa ma lou autilo i ai.

Faataitai le faaaogaina

Faaali atu le gaoioiga lenei i luga o le laupapa. Ia tuu atu se avanoa mo tagata aoga e tuu mai ai ni faamatalaga pupuu e uiga i le mauaina o le malamalama faaleagaga. Ia mautinoa ua lava le malamalama o le vasega i na mataupu faavae ona faagasolo lea o le lesona.

Manatu faapea e i ai sau uo e igoa ia Meka e auai i le Ekalesia, ao lona tina e leai. E talitonu lona tina ia Iesu Keriso ma le Tusi Paia ae peitai e le auai i se lotu. Ua fesili atu Meka “Mata e le mafai ona alu lo’u tina i le lagi e aunoa ma le papatiso pe a ola o ia i se “olaga lelei?”

O a ni mafuaaga e ono fai ai e Meka lenei fesili?
Aisea e taua ai ona e malamalama muamua i mafuaaga o le fesili faatoa e fesoasoani lea ia te ia e sueina se tali?

Ina ia e fesoasoani ia Meka ia maua se tali i lana fesili e uiga i le papatisoga, e mafai ona e faaaogaina mataupu faavae o le mauaina o le malamalama faaleagaga.

Mafaufau pe sili le gaoioiga lea mo tagata aoga e fai ai e i latou lava, pe faia ma se paga po o ni vaega toalaiti. Ia iloatino le maualuga o lo latou malosi ma le taulaiga ma filifili le auala e fetaui ma o latou manaoga.

Faatino i le faatuatua

Faitau i parakalafa 5–7 i le vaega ua faaigoaina o le “Mauaina o le Malamalama Faaleagaga” i le Pepa Autu o le Atamai i Aoaoga Faavae (2022). Mafaufau e vase se laina i lalo o upu po o fasifuaitau e aoga mo lenei ata faataitai.

O a upu po o fasifuaitau na e vaseina? E faapefea ona e faaaogaina i le ata faataitai lenei?

E mafai ona aoga le fai atu o fesili tulitatao, e pei o le “O a ni mea patino e mafai ona e valaaulia Meka e fai e faatino ai i le faatuatua?”

Iloilo manatu faavae ma fesili ma se vaaiga e faavavau

Faitau i parakalafa 8–10 i le vaega lava e tasi o le Pepa Autu o le Atamai i Aoaoga Faavae. Mafaufau e vase upu po o fasifuaitau e fesoasoani e faaaoga i lenei ata faataitai.

O a upu po o fasifuaitau na e vaseina? E faapefea ona e faaaogaina i lenei ata faataitai?

A manaomia, mafaufau e fai ni isi fesili tulitatao, e pei o le “O le a le matafaioi a le papatisoga ma le faamauga i le ata o le faaolataga?”

Saili le malamalama atili e ala i punavai paia ua atofaina

Faitau i parakalafa 11–12 i le vaega lava e tasi o le Pepa Autu o le Atamai i Aoaoga Faavae. Mafaufau e vase se laina i lalo o upu po o fasifuaitau e aoga mo lenei ata faataitai.

O a upu po o fasifuaitau na e vaseina? E mafai faapefea ona e faaaogaina i nei ata faataitai?

A faapea e mafai ona fesoasoani i tagata aoga, mafaufau e fai atu fesili tulitatao, e pei o le “E faapefea ona e faaaogaina le aoaoga faavae o loo aoao mai i le Ioane 3:5 e fesoasoani ai ia Meka?” po o le “O a ni isi punaoa paia ua atofaina e mafai ona ou faasino ia Meka? E mafai faapefea ona fesoasoani iai nei punaoa?”Valaaulia le vasega e faamatala mai pe faapefea ona latou faaaogaina mataupu faavae e uiga o le mauaina o le malamalama faaleagaga e fesoasoani ia Sina ia malamalama lelei atu i le taua o le papatisoga. Mafaufau e fesili i le vasega e faatino lenei gaoioiga i paga, e tofu le paga ma le avanoa e avea ai o ia ma Sina. A manaomia, fesoasoani i tagata aoga e faamatala le aoaoga faavae ma faaaoga mataupu faavae mo le mauaina o le malamalama faaleagaga.

Iloiloga o le Atamai i Aoaoga Faavae

I se isi vasega mulimuli ane, toefaamanatu le mau o le atamai i aoaoga faave ma fasifuaitau autu o mau e ala i le valaaulia o tamaiti aoga e toe fai mai le gaoioiga o mataitusi muamua o loo faamalamalama atu i le lesona lenei.