Mataio 4; Luka 4–5

Vaaiga Aoao

Ina ua maea ona papatisoina le Faaola, sa alu o Ia i le vao, ina ia faatasi ma le Atua (tagai i Faaliliuga a Iosefa Samita, Mataio 4:1 [i le vaefaamatalaga o le Mataio 4:1 e]). Na faaosoosoina o Ia e Satani, ae na Ia teena nei faaosoosoga. I le taimi sa maua ai e Simona Peteru, Aneterea, Iakopo, ma Ioane le “au i’a tele lava” ina ua valaaulia latou e le Faaola e “tuu ifo ai o [latou] upega” (Luka 5:4, 6), na latou maua ai se vaaiga o mea e mafai ona latou faia pe a fesoasoani mai le Faaola. Ona filifilia ai lea e nei aufaifaiva e tuu uma a latou oloa ae mulimuli ia Iesu Keriso. Sa alu atu Nikotemo, o se Faresaio ma se “tupu o tagata Iutaia” (Ioane 3:1), i le po e fai atu i le Faaola ni fesili taua e uiga i le faaolataga.

Sauni e Aoao Atu

O faamatalaga nei e maua ai e faiaoga manatu i mea e manaomia ona latou tapena i ai mo lesona taitasi.

Mataio 4:1–11, Vaega 1

Faamoemoega o le lesona: O le a fesoasoani le lesona lenei e faailoa ai mataupu faavae e fesoasoani ia te i latou e mulimuli i le faataitaiga a le Faaola i le tetee atu i faaosoosoga a Satani.

Tapenaga mo tagata aoga: Valaaulia tagata aoga e mafaufau i faaosoosoga o latou feagai ai ma pe mafai faapefea e le Faaola ona fesoasoani ia i latou e teeena.

Fautuaga mo aoaoga e faatino i vitio: Toefatufatu i se pepa o faamatalaga [word processing] le siata o i le faaiuga o le lesona, faasoa le lau o lau komepiuta ia mafai ai e lau vasega ona vaai i ai, ona faatumu faatasi lea.

Mataio 4:1–11, Vaega 2

Faamoemoega o le lesona: O le a fesoasoani le lesona lenei i tagata aoga e mulimuli i faataitaiga a Iesu Keriso ma toe manatua ai mea moni mai tusitusiga paia e fesoasoani ia i latou e tetee atu ai i faaosoosoga i o latou olaga.

Tapenaga mo tagata aoga: Valaaulia tagata aoga e o mai tapenapena e faasoa ni fuaitau se tasi pe lua fuaitau o mau latou te lagonaina e mafai ona fesoasoani ia i latou e tetee atu ai i faaosoosoga. Afai e le mafai ona latou mauaina se fuaitau, fautuaina i latou e fesili i o latou matua, o isi tagata o o latou aiga, po o taitai o le Ekalesia.
Polokalama faatekinolosi mo le Atamai i Aoaoga Faavae: Valaaulia tagata aoga o loo mafai ona auina atu i lenei polokalam e mafai ona faaaoga i luga o telefoni feaveai e faaaoga iai mo lenei lesona.

Fautuaga mo aoaoga e faatino i vitio: Faaaoga le matapule talatalanoa e mafai ai ona fefaasoaai tagata aoga i mau e latou te lagona o le a fesoasoani latou te tetee atu ai i faaosoosoga. Mafaufau e sefe le talanoaga ae auina atu le lisi atoa o mau i tagata aoga mulimuli ane.

Luka 5:1–11

Faamoemoega o le lesona: O le a fesoasoani lenei lesona e fesoasoani e lagona ai e tagata aoga se manao e mulimuli ia Iesu Keriso ina ia mafai ai e Ia ona fesoasoani ia te i latou e ausiaina mea e tele atu nai lo mea e mafai ona latou ausiaina e aunoa ma Ia.

Tapenaga mo tagata aoga: Valaaulia le vasega e tatalo ia iloa le faamoemoega o le Atua mo o latou olaga. O tagata aoga o loo iai o latou faapaiaga faapeteriaka e mafai ona latou faitau iai ma vaai po o a ni mea e faaali mai e le Atua i le faamoemoe o latou olaga. Atonu e faamanuiaina isi mai i talanoaga ma o latou matua po o malamalamaaga i mau.

Ata: Sauni e faaali atu ata o tagata ua ausia mea tetele i o latou olaga ona sa fesoasoani le Atua ia malamalama i o latou faamoemoega (mo se faataitaiga, o Repeka, Maria, po o Iosefa Samita).

Fautuaga mo aoaoga e faatino i vitio: Mafaufau e faaali atu se ata o le Faaola o loo valaauina Peteru o se soo a o talanoaina le Luka 5:1–11.

Ioane 3:1–8

Faamoemoega o le lesona: O le a fesoasoani le lesona lenei i tagata aoga latou te malamalama ai ma lagonaina le taua o le toe fanau mai “i le vai ma le Agaga” ( Ioane 3:5) ina ia ulufale atu ai i le malo o le Atua.

Tapenaga mo tagata aoga: Valaaulia tagata aoga e omai tapenapena e talanoaina suiga ua latou faia pe ua faia foi e isi latou te iloa ia avea atili ai e faapei o Keriso.

Vitio: “Ou te Fiafia i Tama Ulavale” (10:48), i le saunoaga lea a Elder Yoon Hwan Choi o le Toafitusefulu na ia faasoa mai se tala e uiga i se vaega o tama talavou na suia o latou olaga ina ua latou liliu i le Atua. Matamata mai le taimi 0:00 agai le 4:34. (O lenei ata e maua i le ChurchofJesusChrist.org.)

Fautuaga mo aoaoga i luga o fesootaiga pueata i upega tafailagi: Mafaufau e valaauina tagata aoga e aumai se tasi o latou aiga po o se uo ua suia o latou olaga e ala i le taliaina o le Faaola e ala i le papatisoga ma le faamauga. Afai e le mafai ona auai mai lea tagata na latou filifilia, e mafai e tagata aoga ona faaali se ata o i latou ma faamatala la latou tala.

Atamai i Aoaoga Faavae: Ioane 3:5

Faamoemoea o le lesona: O lenei lesona o le a tuuina atu ai le avanoa i tagata aoga e faataitai le faaaogaina o auala mo le mauaina o le malamalama faaleagaga i le faaaogaina o le aoaoga faavae autu e tatau ona tatou fanau i le vai ma le Agaga Paia ina ia ulufale atu ai i le malo a le Atua.

Tapenaga mo tagata aoga: Valaaulia tagata aoga e o mai tapenapena e faasoa mai mea o le a latou aoao atu i se vasega Peraimeri e uiga i le Ioane 3:5 .

Anomea Anomea e tusitusi ai mo le gaoioiga o le ao tauloto (pe a mafai) po o se masini faaneionapo o loo iai le polokalama faatekinolosi o le Atamai i Aoaoga Faavae