Zotërimi Doktrinor: Lluka 24:36–39

“Një Frymë Nuk ka Mish e Eshtra, si po Shihni se Unë Kam”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Në studimin tënd të vargjeve te Lluka 24:1–9, 36–48, ti mësove rreth Ringjalljes së Shpëtimtarit. Duke përdorur fragmentin e zotërimit doktrinor nga Lluka 24:36–39, ky mësim do të të ndihmojë ta rritësh zotërimin për doktrinën e ringjalljes duke mësuar përmendsh referencën dhe frazën kyç të shkrimit të shenjtë, duke shpjeguar doktrinën dhe duke zbatuar në një situatë nga jeta reale parimet e marrjes së njohurisë shpirtërore.

Administrimi i kohës. Veprimtaritë për përsëritjen e zotërimit doktrinor duhet të jenë të shkurtra dhe të efektshme. Jini të disiplinuar ndërsa i administroni këto veprimtari përsëritëse në mënyrë që ato të mos marrin shumë kohë.

Përgatitja e nxënësve: Ftojini nxënësit të reflektojnë rreth asaj që mësuan dhe ndien ndërsa studiuan Ringjalljen e Shpëtimtarit te Lluka 24:1–9, 36–48 .

Veprimtari të Mundshme të të Mësuarit

Mëso përmendsh dhe shpjego

Kujto që pas vuajtjes së Shpëtimtarit në Gjetseman dhe vdekjes në kryq, trupi i Tij u zbrit nga kryqi dhe u vendos në një varr. Tri ditë më pas, Jezu Krishti u ringjall. Lexo fragmentin e zotërimit doktrinor te Lluka 24:36–39 dhe nënvizo fjalët ose frazat e rëndësishme që Shpëtimtari u dha mësim dishepujve të Tij pas Ringjalljes.

Përfytyro sikur të të kërkohet të japësh përgjigje për pyetjen vijuese nga pjesa “Pyetje dhe Përgjigje” e revistës Për Forcën e Rinisë. Merr parasysh atë që mund të tregosh me vetëm 2–3 fjali.

Nëse pjesa “Pyetje dhe Përgjigje” e revistës Për Forcën e Rinisë është e panjohur për nxënësit, merreni parasysh të tregoni shembuj nga botimet e fundit.

• Çfarë ka kaq të veçantë Ringjallja e Jezu Krishtit?

Jepuni një mundësi nxënësve që të mësojnë përmendsh referencën për fragmentin e zotërimit doktrinor te Lluka 24:36–39 dhe frazën kyç shoqëruese të tij të shkrimit të shenjtë. Më poshtë është një shembull se si ta bëni këtë.

Për të ushtruar mësimin përmendsh të kësaj reference dhe frazës kyç të shkrimit të shenjtë, ndaje një faqe në ditarin tënd të studimit në katër pjesë. Shkruaj referencën dhe një nga frazat (siç tregohet më poshtë) në secilën pjesë. Merre parasysh të vizatosh një figurë të thjeshtë përkatëse ose ikonë për të përfaqësuar secilën nga katër pjesët e referencës së shkrimit të shenjtë dhe frazës kyç. Ushtroje përsëritjen e secilës prej tyre derisa të mund t’i thuash të gjitha përmendsh pa i parë.

• Lluka 24:36–39

• Sepse një frymë

• nuk ka mish e eshtra,

• si po shihni se unë kam

Ushtroje vënien në zbatim

Ndihmojini nxënësit t’i përsëritin parimet e marrjes së njohurisë shpirtërore duke kryer veprimtarinë vijuese në rreth 3–5 minuta. Merreni parasysh t’u kërkoni atyre të raportojnë nëse ishin në gjendje t’i renditnin tre parimet përmendsh dhe ftojini ata që janë të gatshëm të tregojnë se si këto parime janë përdorur ose mund të përdoren në jetën e tyre.

Shqyrto shkurtimisht paragrafët 5–12 te pjesa “Marrja e Njohurisë Shpirtërore” e materialit Dokumenti Bazë i Zotërimit Doktrinor (2022). Një mënyrë për ta bërë këtë mund të jetë që të shohësh nëse mund t’i rendisësh të tre parimet përmendsh. Më pas, në ditarin tënd të studimit, mbaj shënim se si ti i ke përdorur, ose mund t’i përdorësh, këto parime në jetën tënde.

Tani ushtro përdorimin e parimeve të marrjes së njohurisë shpirtërore dhe doktrinës së dhënë mësim te Lluka 24:36–39 duke lexuar skenarin më poshtë dhe duke iu përgjigjur pyetjeve që vijojnë.

Merreni parasysh ta përshtatni skenarin vijues për ta bërë atë më të përshtatshëm për nxënësit.

Një nga miqtë e tu të ngushtë, Fredi, ka rënë dakord të marrë në shtëpinë tënde mësimet nga misionarët. Fredi dhe familja e tij është transferuar së fundmi në qytetin tënd dhe ai nuk ka kuptueshmëri apo njohuri të mëparshme rreth Jezu Krishtit. Kur i jepet mësim plani i shpëtimit dhe roli i Jezu Krishtit, Fredi duket në siklet, por nuk thotë asgjë. Më vonë, pasi misionarët largohen, ai të tregon se nuk beson në konceptin e ringjalljes dhe të jetës pas vdekjes.

Pyetjet vijuese kanë për qëllim t’u japin nxënësve mundësi ta ushtrojnë vetë përdorimin e parimeve të marrjes së njohurisë shpirtërore. Pavarësisht nëse këto pyetje diskutohen si klasë ose në grupe të vogla, sigurohuni që t’i dëgjoni me kujdes nxënësit për të matur aftësinë e tyre për t’i përdorur vetë këto parime. Nëse nxënësit kanë nevojë për ndihmë, merreni parasysh t’u bëni atyre pyetje si ato nën titujt e çdo parimi të renditur më poshtë.

• Çfarë mund të bëje ose të thoje për ta ndihmuar Fredin të kuptojë dëshirën tënde për ta ndihmuar atë?

• Çfarë pyetjesh mund të bësh për ta kuptuar më mirë atë që Fredi beson apo përse e beson atë?

• Si mund ta përdorësh secilin prej tre parimeve të marrjes së njohurisë shpirtërore për ta ndihmuar Fredin?

Vepro me besim

• Si mund të veprosh me besim në këtë situatë?

• Çfarë mund t’i tregosh Fredit rreth të vepruarit me besim? Përse është ky një hap i rëndësishëm në gjetjen e përgjigjeve për pyetjet e tij?

Shqyrtoji konceptet dhe pyetjet me një këndvështrim të përjetshëm

• Çfarë pyetjesh mund të bësh apo për çfarë të vërtetash të përjetshme mund t’i dëshmosh Fredit ndërsa mundohesh ta ndihmosh atë ta shohë shqetësimin e tij nga këndvështrimi i përjetshëm?

• Si mund ta ndihmojë kjo Fredin të nisë ta kuptojë këtë gjë nga këndvështrimi i përjetshëm?

• Çfarë të ka ndihmuar ty të kuptosh Ringjalljen e Shpëtimtarit dhe rolin e tij në planin e shpëtimit?

Kërko kuptueshmëri të mëtejshme nëpërmjet burimeve të caktuara në mënyrë hyjnore

• Çfarë shkrimesh të shenjta specifike nga Lluka 24 mund të përdorësh kur i përgjigjesh Fredit? Çfarë burimesh të tjera mund të shqyrtosh përpara se të përgjigjesh? (Disa nga materialet që studiove te mësimi i mëparshëm nga Lluka 24, mund të ndihmojnë.)

• Ku tjetër do ta referoje Fredin nëse ai do të donte të studionte më tepër vetë?

Pasi nxënësit të kenë pasur kohë për t’i zbatuar parimet e marrjes së njohurisë shpirtërore, ftojini ata të reflektojnë mbi mënyrën se si ndihen se dolën. Merreni parasysh t’u kërkoni nxënësve të tregojnë përvojat e tyre të zbatimit të këtyre parimeve në jetën e tyre. Ftojini ata të tregojnë kuptimin që kanë këto parime për ta.

Përsëritje e Zotërimit Doktrinor

Përdoreni veprimtarinë vijuese të përsëritjes gjatë një mësimi që do të jepet në një kohë të mëvonshme.Paraqitini katër pjesët vijuese të referencës së shkrimit të shenjtë dhe frazën kyç për vargjet te Lluka 24:36–39 siç tregohet.

nuk ka mish e eshtra,

Sepse një frymë

Lluka 24:36–39

si po shihni se unë kam

Ftojini nxënësit ta shkruajnë këtë referencë të shkrimit të shenjtë dhe frazën kyç sipas renditjes së saktë në ditarin e tyre të studimit.