Fakataukei Fakatokāteliné: Mātiu 11:28–30
“Haʻu kiate au … pea Te u Foaki ʻa e Fiemālié kiate Kimoutolu”
Kapau te tau haʻu kia Sīsū Kalaisi, te Ne fakamaʻamaʻa ʻetau ngaahi kavengá pea ʻomi ʻa e fiemālié kiate kitautolu.ʻE ʻoatu ʻe he lēsoni ko ʻení ha faingamālie ke ke fakamatalaʻi ai e mahino ʻokú ke maʻu ki he tokāteline ko ʻení ʻaki hono fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ki ha tūkunga tatau mo e ngaahi aʻusia ʻokú ke maʻu ʻi hoʻo moʻuí.
Fakataukei fakatokāteline ʻo fakafou ʻi he fakahā. Naʻe vahevahe ʻe ʻEletā Kimi B. Kalake ʻo e Kau Fitungofulú ʻa e meʻá ni fekauʻaki mo e fakataukei fakatokāteliné: “ʻOku ou fakaʻamu ke mou ʻiloʻi mo ongoʻi ʻi homou lotó kuo ʻomi ia ʻi he fakahā mei he ʻEikí; Ko ha mana ia. Kuó u faʻa fakakaukau ki he founga naʻe hoko aí mo e taimi naʻe hoko mai aí pea mo e ʻuhinga naʻe hoko mai aí. Kuó u mamata ki he Fakataukei Fakatokāteliné ʻi he puipuituʻa lahi ange ʻo e ako ʻa e Siasí pea mo e ngāue maʻongoʻonga ʻa e ʻEikí ʻi he māmaní” (Kim B. Clark, “Fakataukei Fakatokāteliné mo e Ako Loloto” [efiafi mo ha Taki ma’u Mafai, Fepueli. 17, 2017], broadcasts.ChurchofJesusChrist.org).
Teuteu ʻa e tokotaha akó: Fakaafeʻi e kau akó ke akoako ako maʻuloto ʻa e potufolofola fakataukei fakatokāteliné mo e kupuʻi lea mahuʻinga ki he Mātiu 11:28–30 (pe ko e potu folofolá kakato kapau ʻe lava ʻe he kau akó). Kole ange ke nau fakakaukau ki he founga te nau lava ai ʻo fakaʻaongaʻi e meʻa kuo nau ako fekauʻaki mo e malava ʻe Sīsū Kalaisi ke toʻo ʻenau kavengá kapau te nau haʻu kiate Ia.
Ngaahi Polokalama Ako ʻOku Ala Fakahokó
ʻOku teuteuʻi ʻa e lēsoni fakataukei fakatokāteline ko ʻení ke akoʻi hili ʻa e lēsoni “Mātiu 11:28–30,” ʻa ia ko e lēsoni fakaʻuhinga ia ki he potu folofola fakataukei fakatokāteline Matthew 11:28–30 . Kapau ʻoku fiemaʻu ke hiki e lēsoni fakataukei fakatokāteline ko ʻení ki ha uike kehe, fakapapauʻi ke akoʻi e lēsoni fekauʻaki mo iá lolotonga e uike ko iá.
Ako maʻuloto mo fakamatalaʻi
ʻOange ha faingamālie ki he kau akó ke ako maʻuloto ʻa e fakamoʻoni fakafolofolá mo e kupuʻi lea mahuʻinga ki he Mātiu 11:28–30 (ʻE lava ke fakaafeʻi ʻa e kau akó ke ako maʻuloto ʻa e potufolofolá kakato kapau ʻe lava.)
Ko e fili ʻe taha ko hono hiki ʻeni ʻi he palakipoé pea fakaafeʻi leva e kau akó ke nau akoako lea ʻaki fakakalasi pe ʻiate kinautolu pē ʻa e leá.
“Matthew __:28–__: Come unto m_, a__ ye that l____ a__ are heavy l____, and I will g___ you r___.”
ʻE lava foki ke tokoni atu ʻa e app Fakataukei Fakatokāteliné ke ke ako maʻuloto ʻa e kupuʻi lea mahuʻinga ko ʻení.
Fakamatala’i e moʻoní
ʻOange ha faingamālie ki he kau akó ke nau fakamatalaʻi ʻa e tokāteline naʻe akoʻi ʻi he lēsoni kimuʻá kapau te tau haʻu kia Sīsū Kalaisi, te Ne fakamaʻamaʻa ʻetau ngaahi kavengá mo ʻomi ha fiemālie kiate kitautolu.
Ko e founga ʻe taha ke fai ai ʻení ko hono fakaʻaliʻali e fakatātā ko ʻení pea fakaafeʻi e kau akó ke nau fakamanatuʻi pe ko e hā ʻa e haʻamonga pe fakamatalaʻi hono fakaʻaongaʻi ʻo e haʻamongá.
Manatuʻi pe ko e hā ʻa e haʻamonga (vakai ki he fakatātā ko ʻení). Toe vakaiʻi ʻa e Mātiu 11:28–30 , ʻo kumi e ngaahi moʻoni naʻe akoʻi ʻe he Fakamoʻuí.
ʻI heʻetau lave ki he fakatātā ʻo e haʻamongá, fakamatalaʻi ange ʻa e founga ʻe lava ke tokoniʻi ai kitautolu ʻe he Fakamoʻuí ʻi heʻetau ngaahi kavengá. Fakapapauʻi ke fakakau hotau fatongiá ʻi heʻetau ngāue fakataha mo Kalaisí.
Akoako hono fakaʻaongaʻí
Kapau ʻoku fie maʻu ke toe vakaiʻi ʻe he kau akó ʻa e ngaahi tefitoʻi moʻoni ʻo hono maʻu ʻo e ʻilo fakalaumālié, fakakaukau ke fakaafeʻi kinautolu ke nau ngāue fakakulupu tautau toko tolu. ʻI he ngaahi kulupu tautau toko tolú, ʻe lava ke kumi ʻe he mēmipa takitaha ʻo e kulupú ha tefitoʻi moʻoni kehe. ʻE lava leva ke fakaʻaongaʻi ʻe he tokotaha takitaha ʻenau lea pē ʻanautolu ke fakamatalaʻi ʻa e tefitoʻi moʻoní ki heʻenau kulupú. Hili iá pea fakaʻaliʻali pe tufa ʻa e ʻekitivitī ko ʻení, pea kole ki he kau akó ke nau fakatauhoa ʻa e tefitoʻi moʻoní mo hono fakamatalá. (Ko e ngaahi tali tonú ʻeni: 1. C; 2. A; 3. B.)
Kapau ʻe fiemaʻu, toe vakaiʻi e ngaahi tefitoʻi moʻoni ʻo hono maʻu ʻo e ʻilo fakalaumālié ʻaki hono ako e palakalafi 5–12 ʻo e konga “Ko Hono Maʻu ʻo e ʻIlo Fakalaumālié” ʻi he Fakamatala ki he ʻElito ʻo e Fakataukei Fakatokāteliné (2020). Fakatauhoa ʻa e sētesí mo e tefitoʻi moʻoni totonu ki hono maʻu ʻo e ʻilo fakalaumālié.
1. ʻE lava ke maluʻi kitautolu mei he fakamatala halá pea mo kinautolu ʻoku nau feinga ke fakaʻauha ʻetau tuí ʻaki e ako ke ʻiloʻi pea fakaʻehiʻehi mei he ngaahi maʻuʻanga tokoni ʻoku taʻefalalaʻangá.
2. ʻI heʻetau feinga ke fakatupulaki ʻa e mahino ʻoku tau maʻú pea fakaleleiʻi ha ngaahi palopalema, ʻoku mahuʻinga ke tau falala ki he fakamoʻoni ʻa ia kuo tau ʻosi maʻu kau kia Sīsū Kalaisí, ko hono Fakafoki Mai ʻo ʻEne ongoongoleleí, mo e ngaahi akonaki ʻo ʻEne kau palōfita kuo fakanofó.
3. ʻOku tau fekumi ki he tokoni ʻa e Laumālie Māʻoniʻoní kae lava ke tau vakai ki ha ngaahi meʻa ʻo hangē ko e ʻafio ki ai ʻa e ʻEikí.
A. Ngāue ʻi he tui.
E. Vakaiʻi e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.
F. Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.
Fokotuʻutuʻú
ʻE ala tokoni ke fakaafeʻi e kau akó ke nau fakamanatu e ngaahi kavenga naʻa nau fakakaukau ki ai ʻi he lēsoni kimuʻá.
ʻI ha foʻi sētesi ʻe ua pe tolu, faʻu ha fakatātā ʻo ha tokotaha faʻu foʻou ʻi ho toʻú ʻoku lolotonga mafasia ʻi ha kavenga. Fakakau ha hingoa, kavenga pau, mo ha fakaikiiki ʻe taha pe ua fekauʻaki mo e ongo ʻoku maʻu ʻe he tokotahá.
Fakakaukau ke fakaafeʻi e kau akó ke nau fakafetongi ʻenau ngaahi tūkungá. ʻE lava leva ke hiki ʻe he kau akó ha tali ki he tūkunga naʻa nau maʻú ʻo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié. Pe, ʻi ha founga kehekehe lahi ange, ʻe lava ke tali ʻe he kau akó ʻo fakaʻaongaʻi ha tefitoʻi moʻoni pē ʻe taha ki hono maʻu ʻo e ʻilo fakalaumālié kimuʻa pea fakafetongi e ngaahi tūkungá mo ha tokotaha ako ʻe taha. ʻE lava ke tali ʻe he tokotaha ako ko iá ʻo fakaʻaongaʻi ha tefitoʻi moʻoni kehe kimuʻa pea toe fakafetongi e ngaahi tūkungá. ʻE lava ke fakafetongi tuʻo tolu ʻe he kau akó e ngaahi tūkungá kae lava ke fakaʻaongaʻi kotoa e ngaahi tefitoʻi moʻoni ʻe tolú. Fakaafeʻi leva e kau akó ke toe ʻomi e ngaahi tūkunga ne nau tohí pea toe vakaiʻi e ngaahi tali ne hiki ʻe honau kaungāakó.
Ko hono maʻu ʻo e ʻilo fakalaumālié
Fakakaukau ki he founga te ke lava ai ʻo fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié ke tokoni ki he tokotaha ʻi he tūkungá. Tali e ngaahi fehuʻi ko ʻení ke tokoni atu.
Ngāue ʻi he tuí
-
Ko e hā kuó ke fai ke falala ai ki he ʻOtuá pea tafoki kiate Ia ʻi hoʻo fehangahangai mo e ngaahi faingataʻá?
-
Ko e hā ha ngaahi lēsoni kuó ke ako mei hono fakaʻaongaʻi ʻo e tui kia Sīsū Kalaisi ʻi he kuohilí ʻe lava ʻo tokoni ʻi he tūkunga ko ʻení? ʻO fēfē?
Vakaiʻi mo sivisiviʻi ‘a e ngaahi fakakaukaú mo e ngaahi fehuʻí, ʻaki ha fakakaukau ʻoku taʻengatá
-
Ko e hā ʻokú ke ʻilo fekauʻaki mo Sīsū Kalaisi ʻokú Ne lava ai ʻo tokoni ke toʻo ʻa e ngaahi kavengá?
-
ʻOku hoko fēfē ʻa e ngāue ki he ngaahi kavengá mo e ngaahi faingataʻa ʻi heʻetau moʻuí ko ha konga mahuʻinga ʻo e palani ʻa ʻetau Tamai Hēvaní?
Fekumi ke maʻu ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.
-
ʻE tokoni fēfē hono ʻiloʻi e tokāteline ʻoku maʻu ʻi he Mātiu 11:28–30 ki he kavenga pe faingataʻa ko ʻení?
-
Ko e hā ha potufolofola pe fakamatala fakaepalōfita ʻe taha ʻe ala tokoni? ʻO fēfē?
Toʻo ʻo e Ngaahi Kavengá
ʻI hoʻo fakaʻaongaʻi e meʻa kuó ke ʻiló, fai ha tohi ki he tokotaha ʻi ho tūkungá. Fakakau ha ngaahi moʻoni mei he Mātiu 11:28–30 mo ha ngaahi maʻuʻanga tala kehe ke ʻomi ha fakafiemālie mo ha fakalotolahi.
Kapau ʻe fakafetongi ʻe he kau akó ha ngaahi tūkunga, fakaafeʻi kinautolu ke vahevahe ʻenau tohí mo e kaungāako naʻá ne hiki e tūkunga ʻoku nau tali ki aí.
-
Ko e tefitoʻi moʻoni fē ʻo e maʻu ʻa e ʻilo fakalaumālié ʻokú ke ongoʻi naʻe tokoni lahi taha ʻi hono teuteuʻi koe ke ke tali ki he tūkunga ko ʻení? Ko e hā hono ʻuhingá?
Toe Vakaiʻi
Tokoni ke toe vakaiʻi ʻe he kau akó ʻa e fakamoʻoni fakafolofolá mo e kupuʻi lea mahuʻinga ki he Mātiu 11:28–30 .
Ko e founga ʻe taha ke tokoni ki hono toe vakaiʻi ʻe he kau akó ko hono hiki ʻeni ʻi he palakipoé. Kapau ʻe lava, fakakaukau ke fakaʻaongaʻi ʻa e app Fakataukei Fakatokāteliné. Mahalo ʻe tokoni ki he kau akó ke nau ngāue mo ha kaungā ako, ʻo taufetongi ʻi hono toe lau ʻa e fakamoʻoni fakafolofolá mo e kupuʻi lea mahuʻinga ʻo e folofolá.
“Matthew __:28–__: Come unto m_, a__ ye that l____ a__ are heavy l____, and I will g___ you r___.”
ʻEkitivitī Fakalahi ki he Akó
Tūkunga ʻe ala hokó
Fakakaukau ke vahevahe ʻa e tūkunga ko ʻení kapau ʻoku ʻikai lava e kau akó ʻo fakakaukau ki ha taha lolotonga e ʻekitivitī fakatātā ʻi he lēsoní.
“ʻOku ou fuʻu ongo’i hohaʻa he taimí ni. ʻOku ou feinga ke ofi ki he ʻEikí, ka ʻoku kei fokotutuʻu pē e ngaahi meʻá. ʻOku faingataʻa ʻa e akó, ʻoku ʻikai lelei e ngaahi meʻá ki hoku fāmilí he taimí ni, pea ʻoku ʻikai ke u fakapapauʻi e founga ke matuʻuaki ʻaki e meʻa kotoa pē. ʻOku ʻikai hangē ia ʻe toe lelei ange ha meʻá. ʻOku ou hohaʻa ki ai kotoa, pea ʻoku ʻikai ke u ʻilo e meʻa ke faí.