Төгс эзэмших сургаал: Матай 22:36–39

Хоёр агуу зарлиг

Аврагчийн заасан хоёр агуу зарлиг Матай 22:36–39 дээр байдаг. Энэ хичээл танд Бурханаа хайрлах, хөршөө хайрлах хоёр зарлигийг хэрхэн дуулгавартай дагахаа ойлгохын тулд сүнслэг мэдлэг олж авах зарчмуудыг болон энэ хэсэгт заасан сургаалыг ашиглан дадлага хийхэд туслах болно.

Асуултуудын хариултыг хэрхэн олоход суралцахад нь суралцагчдад туслах. Төгс эзэмших сургаалын зорилго нь суралцагчдад “үнэнийг хэрхэн эрэлхийлэх, шинэ мэдээллийн талаар бодох болон хэрхэн өөрсдийн асуултад хариулах” талаар заах зорилготой. Суралцагчдын асуулт бүрд хариулт өгөхийн оронд ямар асуулт сүнслэг мэдлэг олж авах зарчмыг давтахад суралцагчдад тусалж, тэднийг “үнэнийг нээн илрүүлэх тэнгэрээс томилогдсон үйл явцаар” дамжуулан удирдах бол гэдгийг бодож үзээрэй (Чад Х.Вэбб, “Төгс эзэмших сургаал” [Шашны институт, семинарын жил тутмын сургалтын нэвтрүүлэг дээр хэлсэн үг, 2016 оны 6-р сарын 14] broadcasts.ChurchofJesusChrist.org).

Суралцагчийн бэлтгэл: Суралцагчдыг хэн нэгнээр асуулгаж эсвэл Doctrinal Mastery аппликэйшныг ашиглах замаар төгс эзэмших сургаалын эшлэл ба түлхүүр үг хэллэгийг дахин давтахад урь. Мөн суралцагчдыг хоёр агуу зарлигийг сахихын тулд өөрсдийн төлөвлөгөөний дагуу үйлдэхэд урьж болно.

Боломжит суралцах үйл ажиллагаа

Энэ хичээл нь энэхүү төгс эзэмших сургаалын хэсгийн хам сэдэвт хичээл болох Матай 22:34–40-ийн дараа заахаар зориулагдсан. Хэрэв сургуулийн хуваарьт тохируулан энэхүү төгс эзэмших сургаалын хичээлийг өөр долоо хоног руу шилжүүлэх шаардлагатай бол холбогдох хам сэдвийн хичээлийг тухайн долоо хоногийн үеэр заа.

Цээжлэх мөн тайлбарлах

Төгс эзэмших сургаалын эшлэл, түлхүүр үг хэллэгийг цээжлэхэд нь суралцагчдад туслах үүднээс дараах үйл ажиллагаа эсвэл өөр товч үйл ажиллагааг ашиглах талаар бодож үз.

“Чи Бурхан Эзэнээ … хайрла. … Чи хөршөө … хайрла” гэсэн түлхүүр үг хэллэгийг Матай 22:36–39 -ийн эшлэл болгон цээжлэх дадлага хий.

Зүрх зураад, доор нь 1, 2 гэсэн тоонуудыг бич. 1 гэсэн тооны хажууд “Чи Бурхан Эзэнээ хайрла”; 2 гэсэн тооны хажууд “Чи хөршөө хайрла” гэж бич. Зүрх рүү заасан чигтээ эшлэлийг хэл. Дараа нь тоо тус бүр лүү заа. Ингэхдээ тухайн тоотой холбогдсон түлхүүр үг хэллэгийн хэсгийг хэл. Энэ үйл явцыг хэд хэдэн удаа давт.

Дараах хэсгийн зорилго нь бусад хүнд үнэнүүдийг тайлбарлахад суралцагчдыг урих явдал юм. Тиймээс суралцагчдыг хоёр хоёроор нь эсвэл бүлгүүдэд хуваарилах нь үр дүнтэй байж болно.

Матай 22:36–39 -ийг уншаад, эдгээр шүлгийн талаар өмнө нь судалсан зүйлсээ эргэн сана.

• Бидэнд Бурханыг бүх зүрх сэтгэлээрээ хайрлах ямар арга зам байна вэ? Бид хөршүүдээ хэрхэн өөр шигээ хайрлаж чадах вэ?

• Та эдгээр хоёр зарлигийг яагаад ийм дарааллаар өгсөн гэж бодож байна вэ?

Амьдралд хэрэгжүүлэх дадлага

Сүнслэг мэдлэг олж авах гурван зарчмыг суралцагчидтай хамт товчхон давтах талаар бодож үз. Дараа нь ангийнхныг хоёр хоёроор нь эсвэл жижиг бүлгүүдэд хуваарилаад, суралцагчдыг зарчмуудыг ээлжлэн цээжээр хэлэхэд урь. Тэдгээрийг сайн дураараа өөрсдийнхөө үгээр нэгтгэн дүгнэхийг суралцагчдаас хүс.

Шаардлагатай бол Төгс эзэмших сургаалыг судлах үндсэн материал (2022)-ын “Сүнслэг мэдлэг олж авах” хэсгийн 5–12-р догол мөрийг дахин давт.Зарим тохиолдолд бид Бурханы зарлигийг хэрхэн дагахаа олж мэдэхэд болон Бурханы зарлигийг дагадаггүй хүмүүст хайраа харуулахад бэрхшээлтэй тулгардаг.

Далын ахлагч Линн Г.Роббинс ийн заасан.

Бурханы таалалд нийцэхээсээ өмнө бусдын таалалд нийцэхийг хичээх нь эхний болон хоёр дахь агуу зарлигийн дарааллыг сольж байгаа хэрэг юм ( Матай 22:37–39 -ийг үзнэ үү). Энэ нь хаашаа харах ёстойгоо мартаж байгаа гэсэн үг. Гэсэн хэдий ч бид бүгд хүмүүнээс айснаас болж л энэ алдааг гаргадаг. …

Харин эхний болон хоёр дахь агуу зарлигийн дарааллыг санах юм бол зөв шийдвэрүүд гардаг юм. …

Бидний агуу үлгэр дуурайл болсон Аврагч маань үргэлж Эцэг рүүгээ хардаг байсан. Тэрээр бусдыг хайрлаж, тэдэнд үйлчилдэг байсан боловч “Би хүмүүсээс алдар хүндийг авдаггүй” ( Иохан 5:41) гэдэг байсан.

(Линн Г.Роббинс, “Та хаашаа харсан байна вэ?,” Ensign, Nov. 2014, 9, 11 эсвэл 2014 оны 10-р сарын Ерөнхий чуулган, 8, 10)

Дараах үйл ажиллагааг гүйцэтгэхийн өмнө эдгээр асуултыг эргэцүүл.

• Танд хэзээ нэгэн цагт, найзыгаа уурлуулахгүйн тулд түүний алдааг засаж залруулах юм уу зөвлөгөө өгөхөөс эмээж байсан үе тулгарч байсан уу?

• Танд хэзээ нэгэн цагт, бусад хүний танаас хүсэн хүлээж буй зүйл, Их Эзэний танаас хүлээж буй зүйл хоёрын хооронд сонголт хийх хэрэгтэй болсон мэт санагдаж байсан уу?

Суралцагчдад юм бичиж тэмдэглэх цаас юм уу тэмдэглэлийн дэвтэр өгөх талаар бодож үз. Ингэснээр тэд бичсэн зүйлсээ бусад суралцагчтай солилцох боломжтой болно.

Хэн нэгний хувьд Бурханыг хайрлаж, Түүний зарлигийг дагаж, бусдад хайраа харуулахад хэцүү байсан талаарх жишээ бич. (Жич: Тодорхой нэг хүн эсвэл суралцагчдад тань хамаарах, тэднийг таниулж болзошгүй жишээ бүү зохиогоорой.)

Шаардлагатай бол “Нэмэлт суралцах үйл ажиллагаа” хэсэг дээр байж болох жишээнүүдийг оруулсан байгаа.

Суралцагчдыг жишээнүүдээ ангийн бусад гишүүнтэй солилцож, ярилцахад урих талаар бодож үз. Ингэснээр суралцагчид нэг нэгэнтэйгээ холбогдож, асуудлыг илүү олон талаас нь харах боломжтой болно. Жишээнүүдийг цуглуулж, санамсаргүй түүврийн аргаар буцаан тарааж өгч болно (нэрээ нууцалсан байх нь суралцагчдад илүү амар санагдаж магадгүй юм).

Утга санаа болон асуултыг мөнхийн талаас нь шинжлэн судлах

Дараах асуултуудад хариулах үедээ өөрийнхөө жишээн дээр гарсан хүний талаар бод.

• Бурханы таалалд нийцүүлэхийн оронд бусад хүний таалалд нийцүүлэхээр сонгоход нь ямар ойлголт уг хүнд нөлөөлсөн байж болох вэ?

• Тэнгэрлэг Эцэгийн авралын төлөвлөгөө эсвэл сайн мэдээний бусад сургаалыг ойлгох нь эдгээр буруу ойлголтыг шийдвэрлэхэд хэрхэн туслах вэ?

• Тэнгэрлэг Эцэг, Есүс Христ хоёрын талаарх ямар үнэн уг хүнд бусдыг Тэдний өнцгөөс харахад туслах вэ?

Тэнгэрээс томилогдсон эх сурвалжаар дамжуулан илүү гүн гүнзгий ойлголт олж авахыг эрэлхийлэх

• Матай 22:36–39 дээрх үнэнүүд энэ хүнд зааварчилгаа өгөхөд хэрхэн туслах вэ?

Таны жишээн дээр гарч буй хүнд ямар ойлголт туслахыг олж харахын тулд хожмын үеийн бошиглогчдын дараах мэдэгдлүүдийг унш.Ерөнхийлөгч Рассэлл М. Нэлсон ийн заасан.

Заримдаа бид Сүмийн удирдагчдын хувьд Бурханы хуулийг чанд сахиж, Аврагчийн сургаалыг хамгаалж, өнөөгийн нийгмийн дарамтыг эсэргүүцсэнийхээ төлөө шүүмжлэлд өртдөг. …

… Гэхдээ үнэнийг хэлэхгүй байх, Бурханы илчилсэн зүйлийг заахгүй байх нь бидний хайр халамжгүй байгааг илүү харуулахгүй гэж үү?

(Russell M. Nelson, “The Love and Laws of God” [Brigham Young University devotional, Sept. 17, 2019], 3, speeches.byu.edu)

Тэргүүн Зөвлөлийн ерөнхийлөгч Даллин Х. Өүкс ийн хэлсэн.

Бид хоёр агуу зарлигийг хоёуланг сахихыг хичээх ёстой. Ийн дагахдаа бид хууль, хайр хоёрын тэнцвэрийг олох буюу зарлигуудыг сахин, гэрээний замаар алхаж байхдаа хөршөө хайрлах хэрэгтэй. Энэхүү гэрээний зам дээрээ алхах нь биднээс юуг дэмжиж, юуг эсэргүүцэх, хэрхэн хайрлаж, хүндлэн сонсох мөн зааж сургах вэ гэдэг дээр тэнгэрээс сүнсний удирдамж эрэлхийлэхийг шаарддаг.

(Даллин Х.Өүкс, “Хоёр агуу зарлиг,” Ensign, Nov. 2019, 75 эсвэл 2019 оны 10-р сарын Ерөнхий чуулган, 80)

• Эдгээр мэдэгдэл дээр заасан үнэнүүдийг мэдэж байх нь таны жишээн дээр гарч буй хүнд хэрхэн туслах вэ?

Итгэлээр үйлдэх

• Таны жишээн дээр гарч буй хүн хэрхэн үйлдэхийг мэдэхийн тулд Тэнгэрлэг Эцэгийн тусламжийг хүртэхээр юу хийж болох вэ?

• Тэд хоёр агуу зарлигийг хоёуланг сахиж болох ямар арга замаар үйлдэж чадах вэ?

Хэрэв суралцагчид жишээнүүдээ солилцсон бол жишээнүүдийг цуглуулаад, тэдгээрийг бичсэн суралцагчдад буцааж өгөх юм уу ширээн дээр тавиад, суралцагчдаар өөрсдийнх нь жишээг олуул.

Төгс эзэмших сургаалын давтлага

Хичээлийн дараагийн хэсэгт дараахтай адил үйл ажиллагаануудыг гүйцэтгэхэд суралцагчдыг урих замаар төгс эзэмших сургаалын судрын эшлэл, судрын түлхүүр үг хэллэгийг давт.

Дараах судрын эшлэл, үг хэллэгийг судлах тэмдэглэлдээ бичээд, хоосон зайг бөглө. 

Maтай 22:36–39 : “Чи _____ Эзэнээ _______. … Чи ________ хайрла.”

Шаардлагатай бол судрын эшлэл, түлхүүр үг хэллэгийг цээжээр унш. 

Нэмэлт суралцах үйл ажиллагаа

Боломжит жишээ

Дараах жишээнүүдийн нэгийг ашиглах талаар бодож үз.

• Эцэг эх нь салсан учир Стантон ихэнх амралтын өдрөө аавтайгаа хамт өнгөрүүлдэг. Аав нь Стантоныг сүмд явахад дургүй байдаг бөгөөд бусад зүйлийг сүмийн үйлчилгээнүүдтэй ижил цагт зориудаар товлодог байна. Стантон аавтайгаа цагийг хамт өнгөрөөхийг хүсдэг хэдий ч сүмд явах замаар Их Эзэнийг дуулгавартай дагахыг ч хүсдэг байв.

• Сара өөрийн найз Гэйбийг Мормоны Номыг уншихад урих зааврыг Ариун Сүнснээс хүлээн авч буйгаа мэдэрсээр байгаа боловч Гэйб гэр бүлээрээ өөр шашныг маш идэвхтэй шүтдэг гэдгийг мэддэг мөн түүнийг уурлуулахыг хүсэхгүй байгаа тул энэхүү зааврыг үл тоомсорлосоор байгаа ажээ.