Төгс эзэмших сургаал: Илчлэл 20:12

“Үхэгсэд үйлсийнхээ дагуу … шүүгдэв.”

“Илчлэл 20:11–15”-ыг авч үзсэн өмнөх хичээлээр та Эцсийн шүүлт болон бидний Шүүгчийн хувьд гүйцэтгэдэг Аврагчийн үүргийн талаар сурч мэдсэн. Энэ хичээл танд Илчлэл 20:12-ын төгс эзэмших сургаалын судрын эшлэл, түлхүүр үг хэллэгийг цээжилж, сургаалыг тайлбарлаж, сүнслэг мэдлэг олж авах зарчмуудыг ашиглахад тусална.

Суралцагчдын хариултыг сонсох. Суралцагчдыг асууж эсвэл хариулж байх зуур хичээлийн төлөвлөгөөний дараагийн хэсгийн талаар бодохоос зайлсхий. Тэдний хуваалцсан зүйлийг анхааралтай сонсож, шаардлагатай бол тэдний асуулт, санааг зөв ойлгохын тулд дагалдах асуултуудыг тавь. Заримдаа хичээлийн төлөвлөгөөнд орсон бүх материалыг заахын оронд суралцагчдын сонирхож буй сэдвээр ярилцах нь эсвэл сургаалыг илүү сайн ойлгоход нь туслах нь чухал байж болно.

Суралцагчийн бэлтгэл: Суралцагчдыг Илчлэл 20:12 -ыг уншаад, Эцсийн шүүлтийн талаар мөн бид үүнд хэрхэн бэлдэх талаар сурч мэдсэн зүйлээ ангийнхантайгаа хуваалцахаар бэлдэж ирэхэд урь.

Боломжит суралцах үйл ажиллагаа

Энэхүү төгс эзэмших сургаалын судрын хэсгийн талаарх хичээлийг Илчлэл 20:12 хэмээх төгс эзэмших сургаалын судрын хэсгийн хам сэдвийн талаарх “Илчлэл 20:11–15” гэх хичээлийн дараа заахаар зориулсан болно. Хэрэв энэхүү төгс эзэмших сургаалын судрын хэсгийн талаарх хичээлийг өөр долоо хоног руу шилжүүлэх шаардлагатай бол тухайн долоо хоногт холбогдох хам сэдвийн хичээлийг заасан байхад анхаар.

Хичээлийн өмнө гурван суралцагчаас сүнслэг мэдлэг олж авах зарчмуудыг нэг нэгээр нь судлаад, хичээлийн төгсгөлд уг зарчмаа хураангуйлан хуваалцахад бэлтгэхийг хүс.

Цээжлэх ба тайлбарлах

Суралцагчдад хамгийн үр дүнтэй арга замыг ашиглан Илчлэл 20:12 -ын судрын эшлэл, түлхүүр үг хэллэгийг цээжилж, тайлбарлахад тусал.

Өмнөх хичээлээр тэд Эцсийн шүүлтийн талаарх төгс эзэмших сургаалын судрын хэсгийг судалсан гэдгийг суралцагчдад сануул. Судрын уг хэсгийг судраас цээжээрээ эсвэл бусад эх сурвалжийг ашиглан хоёроос бага минутад олж чадах эсэхээ шалгахад урь.

Дараах үйл ажиллагаа нь танд “Үхэгсэд үйлсийнхээ дагуу … шүүгдэв” ( Илчлэл 20:12) гэх судрын эшлэл, түлхүүр үг хэллэгийг цээжлэхэд тусална.

• Судрын эшлэл, түлхүүр хэллэгийг таван удаа чанга хэл.

• Дараа нь судрын эшлэл, түлхүүр үг хэллэгийг цаасан дээр цээжээр гурван удаа бич. Оролдлого бүрийнхээ дараа зөв бичсэн эсэхээ шалгаж, дараагийн оролдлогоор аливаа шаардлагатай засварыг оруул.

Ангийн нэг гишүүнээс судрын эшлэл, түлхүүр үг хэллэгийг цээжээрээ хэлэхийг хүс эсвэл ангийнхныг тэдгээрийг хамтдаа цээжээрээ уншихад урих талаар бодож үз.

Дараах үйл ажиллагааг ашиглахын оронд судрын эшлэл, түлхүүр үг хэллэгийг самбарт бичээд, тэдгээрийг тойруулан Эцсийн шүүлтийн талаар олж мэдсэн үнэнүүдээ сайн дураараа гарч ирэн бичихэд суралцагчдыг урь. Дараа нь хэд хэдэн суралцагчийг бичсэн зүйлээ ангийнхандаа дэлгэрэнгүй тайлбарлахад урь.

Та өмнөх хичээлээр Бурхан биднийг ажил үйлсийн минь дагуу бичигдсэн номоор шүүх болно гэсэн үнэнийг судалсныг сануул. Энэ үнэнийг хэр сайн ойлгосныг нь шалгахын тулд гэр бүлээрээ судраас судлах үеэр дүүгээ танаас дараах асуултуудыг асууж байна гэж төсөөл. Чадах хэрээрээ олон асуултад хариул.

Хэрэв суралцагчдаас дараах асуултуудад хариулахыг хүссэн бол асуултуудыг харуулаад, хариултаа хамтрагчтайгаа ярилцахад тэднийг урих талаар бодож үз. Өрөөний дундуур яваад, тэдний хариултыг сонс. Хэрэв суралцагчдад тусламж хэрэгтэй бол “Илчлэл 20:11–15” хичээлээр судалсан материалыг нь сануул.

• Хэн шүүгдэх вэ?

• Хэн бидний шүүгч болох вэ, яагаад?

• Бид юугаар шүүгдэх вэ?

• Бид ямар номуудаар шүүгдэх вэ? ( Илчлэл 20:12 -ыг үзнэ үү.)

• Бид шүүлтэд хэрхэн бэлдэх вэ?

Одоо Илчлэл 20:12 -ын судрын түлхүүр үг хэллэгийг цээжилснээс хойш хэдэн минут өнгөрсөн тул үүнийг цээжээрээ уншиж чадах эсэхээ шалгаарай. Шаардлагатай бол зөв уншсан эсэхээ шалга.

Дадлага хийх үйл ажиллагаа

Хэрэв гурван суралцагчаас сүнслэг мэдлэг олж авах нэг нэг зарчмыг хураангуйлан бэлтгэхийг хүссэн бол тэднийг уг хураангуйгаа ангийнхантай одоо хуваалцахад урь. Хэрэв суралцагчдаас урьдчилан бэлдэхийг хүсээгүй бол зарчим бүрийг сайн дураараа хураангуйлан хэлэхийг гурван суралцагчаас хүсэж болох юм. Зарчмуудыг хураангуйлсан суралцагч бүрийг магтан сайшаа.

Сүнслэг мэдлэг олж авах зарчмуудыг ашиглах нь бодит амьдралын нөхцөл байдалд бидэнд тусалдаг. Сүнслэг мэдлэг олж авах зарчмуудыг өөрийн үгээр хураангуйл. Дараа нь 2022 оны Төгс эзэмших сургаалыг судлах үндсэн материал дээрх “Сүнслэг мэдлэг олж авах” гэсэн хэсгийн 5–12-р догол мөрийг уншаад, товч хураангуй дээрээ нэмэх аливаа үнэнийг хайж ол.

Дараах үйл ажиллагаагаар, Эцсийн шүүлтийн талаарх үнэнийг хэн нэгэн илүү сайн ойлгох хэрэгтэй байгаатай холбоотой өөрсдийн гэсэн жишээг хуваалцахад суралцагчдыг урих талаар бод. Дараа нь хичээлийн хоёр жишээний аль нэгийг эсвэл хоёуланг суралцагчдын хуваалцсан жишээгээр сольж болно.

Дараах жишээнүүдийг уншаад, нэг жишээг сонгон, дараагийн үйл ажиллагаагаар үүнд төвлөр. Тухайн нөхцөл байдалд байгаа хүнд яагаад ийм бодол, мэдрэмж төрсөн байж болохыг бод. Та энэ хоёр залуу эмэгтэйд ямар байгааг ойлгож байна уу? Эцсийн шүүлтийн талаар ойлгоход нь тэдэнд тусалж болох ямар зүйлийг тэд хараахан ойлгоогүй байж болохыг тунгаан бод.

1. Стэфанид дэлхийн хэв маягаар амьдардаг хэсэг найз бий. Хэдийгээр тэд зарлигуудыг зөрчиж байгаа ч заримдаа тэдний хийж байгаа зүйлс хөгжилтэй харагддаг гэж тэр ярив. Тэр найзуудынхаа сонголтын тийм ч сүртэй сөрөг үр дагаврыг харахгүй байгаа бөгөөд тэдэнтэй нэгдэх талаар бодох болж.

2. Кайла бол алдаа гаргах бүрдээ даруухнаар наманчилдаг зөв шударга залуу эмэгтэй. Гэвч хүмүүсийг Эцсийн шүүлтийн талаар ярих үед түүнд айдас төрдөг. Тэр энэ талаар бодохгүй байхыг хичээдэг.

Суралцагчид дараах үйл ажиллагааг бие даан эсвэл хамтрагчтайгаа хийж гүйцэтгэж болно.

Та ирээдүйд харамсахаас эсвэл шаардлагагүй айдсаас зайлсхийхэд нь Стэфанид эсвэл Кайлад тусалж чадна гэсэн бодлоор захидал бич. Эсвэл та Эцсийн шүүлтийн талаар илүү сайн ойлгосноор амьдрал нь адислагдана гэдгийг мэдэж буй хэн нэгэнд захидал бичиж болно. Захидалдаа сүнслэг мэдлэг олж авах зарчим нэг бүр тэдний нөхцөл байдалд хэрхэн туслахыг багтаа. Та юу бичихээ шийдэхдээ дараахыг бодож үз.

• Та Стэфанид эсвэл Кайлад асуудлыг мөнхийн талаас нь авч үзэхэд хэрхэн тусалж болох вэ? Энэ нь түүнд хэрхэн туслах вэ?

• Тэнгэрлэг Эцэг, Есүс Христ хоёрын талаар эсвэл авралын төлөвлөгөөний тухай сурч мэдсэн ямар зүйл Стэфани, Кайла хоёрт туслах вэ? Та тэдгээр үнэнийг хэрхэн сурч мэдсэн бэ?

• Эцсийн шүүлтийн талаар үнэнийг олж мэдэхийн тулд тэнгэрээс томилогдсон ямар ямар эх сурвалжийг та түүнд санал болгох вэ? Илчлэл 20:12 -т заасан үнэнүүд түүнд хэрхэн туслах вэ?

• Та түүнийг одоо болон ирээдүйд итгэлээр үйлдэхэд хэрхэн уриалах вэ?

Суралцагчдад өөрсдийн сонгосон жишээн дээрх залуу эмэгтэйд хандан бичсэн захидлаа ангийнхантайгаа эсвэл жижиг бүлгийнхэнтэйгээ чангаар хуваалцах боломжийг олго. Тэднийг хуваалцах үед анхааралтай сонсоод, тэдний ойлголтыг гүнзгийрүүлэхэд туслах дараахтай адил дагалдах асуултуудыг тавих талаар бод. “Түүнд туслах Сүмийн удирдагчдын мэдэгдэл эсвэл судрын эшлэл байна уу? Тэдгээр нь хэрхэн туслах вэ?” “Эцсийн шүүлтийн талаар ойлгож, үүнд бэлдэхэд юу танд тусалсан бэ?” Та үүнтэй адил зүйл хийхийг Стэфанид эсвэл Кайлад санал болгох уу? Яагаад тийм эсвэл яагаад үгүй гэж?”

Хэрэв Илчлэл 20:12 дээрх судрын түлхүүр үг хэллэгийг илүү сайн цээжлэхэд нь суралцагчдад тусална гэж үзвэл хичээл тарахаас өмнө үүнийг дахин нэг удаа цээжээр хэлэхийг хичээхэд урь.

Төгс эзэмших сургаалын давтлага

Дараагийн хичээлийн эхэнд эсвэл төгсгөлд төгс эзэмших сургаалын судрын хэсэг болох Илчлэл 20:12 -ыг давтахад 3-5 минутаас илүүгүй хугацаа зарцуул. Үүнийг хийх нэг арга зам нь хоёр эсвэл гурван үгийнх нь оронд хоосон зай тавиад, судрын эшлэл, түлхүүр үг хэллэгийг үзүүлэх явдал юм. Хоосон зайг зөв бөглөсний дараа судрын эшлэл, түлхүүр үг хэллэгийн өөр үгсийг хоосон орхиод, харуул. Тухай бүрд нь өөр өөр үгийг орхих замаар үүнийг хэд хэдэн удаа давтаж болно.